一向鍾意食米線🍜又鍾意食椒香麻辣嘅我 之前見到social media咁多介紹 就bookmark咗「藤椒知味」 諗住睇吓邊日去開觀塘牛頭角果邊就順便去食！ 今日終於有機會 但換嚟嘅只有失望🤢 大約一點去到餐廳 因為係食飯時間所以都滿座 但店員見我一個人都好盡力幫我搵位！ 我好快就揀咗想食嘅自選雙拼米線 因為藤椒慕名而來嘅我 當然係揀咗知味藤椒湯底配藤椒雞扒同埋藤椒牛肉 跟餐飲品就揀咗熱芋泥茉莉厚乳 最後仲加咗個紅糖糍粑🥰 一開始上菜嘅時候覺得份量好多 好足料嘅感覺 但食落就知中伏😢 首先知味藤椒湯底只有好淡好淡嘅藤椒味 對於重口味嘅我嚟講係接近無味 唯一可取嘅係枱面上擺咗藤椒醬同花椒油 加咗大量之後終於放得入口😢 藤椒雞扒嫩滑多汁 但又係完全無藤椒味 同一般雞扒一樣😢 而藤椒牛肉同樣係完全無藤椒味 仲要好韌好多筋😢 而熱芋泥茉莉厚乳淡而無味 感覺上係奶粉溝咗好多好多水 飲落好似芋頭水😢 最後紅糖糍粑唔夠脆又唔夠煙韌 就好似普通煎年糕😢 一向珍惜食物嘅我都唔想嘥quota 最後食淨一半就埋單走人😢😢

最近朋友搬咗入東涌住 我就千里迢迢去搵佢一齊食下午茶 行outlet 再拜訪新居！😙 朋友帶咗我去一個比較平民嘅商場覓食🥰 我哋好快就俾一間泰國餐廳吸引！🤩 餐牌上面有好多嘢都想試想食🥹 最後主食揀咗雞絲湯金邊粉同埋泰式乾撈檬配豬扒 而小食就揀咗無骨鳳爪同埋雞翼☺️ 上菜嘅時候真係嚇親 因為勁大碗！！特別係個撈檬 啲檬粉多到成座山咁😱 豬扒皮脆肉嫩 好juicy! 而雞絲唔係乾爭爭嘅雞絲 而係將海南雞切成絲 所以好嫩滑好有驚喜☺️ 小食方面 無骨鳳爪正常發揮～ 而酥炸雞翼配上泰式辣醬 香脆可口 但略嫌乾身🥹 以下午茶嘅價錢嚟講唔算平 但$60 包小食 主食 同飲品 所有嘢都係正餐份量 配以優惠價錢 所以都係抵食嘅！不過環境比較狹窄 陰暗 感覺唔係特別舒適 但食物質素不俗！

朋友喺澳洲返香港想食個靚早餐 就揀咗荳子冰室🥰 之前喺荳子冰室食過晚餐都知道要排隊 但原來由朝到黑都要排長龍🫨 雖然好多人排隊 但出餐真係好快 所以都唔係排好耐就可以入座😆 Menu上面有好多樣嘢都想揀 但最後都係揀咗沙嗲牛肉麵($43)😝 沙嗲味濃 牛肉數量唔少 而且可以按個人喜好選擇麵嘅軟硬度 唔錯唔錯☺️ 除此之外 我十分欣賞荳子嘅套餐組合 因為唔係配搭普通多士 而係香甜酥脆嘅丹麥多士😍 除咗多士之外 套餐又唔係配搭一般煎/炒蛋 而係可以揀煙肉蘑菇奄列或者黑松露醬炒滑蛋😍 只係額外花啲心思 但相對其他餐廳嚟講就已經好特別😝😝 我最後揀咗煙肉蘑菇奄列 但蛋皮較薄 餡料味道一般 有少少失望🥹 為食嘅我仲加咗個薯餅(+$8)😝 薯餅好香脆 但因為係分開後上 所以掛住食唔記得咗影🤣🤣 而餐飲方面 我就轉咗香醇幼滑嘅伯爵奶茶☺️ 荳子冰室嘅食物配搭比一般茶餐廳特別 所以價錢就算貴啲我都會幫襯😝

第一次聽到德成號嘅大名係一位熱愛美食嘅朋友話自己辭職之後要去排隊買蛋捲 所以我就趁住假期去排一排一探究竟🧐 因為網上資料有差異 所以星期三摸咗次門釘🥹 但就更加激起我想試嘅心 星期四就再去多次😤 特別留意⚠️德成號一星期只係開3日 逢星期四、五、六作開市發售⚠️ 一去到就已經被長長嘅人龍震懾🫨 德成號9點30分先開 但8點45分去到已經排到傢俬舖 接近龍尾嘅位置🥹 唔敢想像排頭位嘅人幾點嚟到😱 最後排到10點20分 終於到我啦！！☺️ 買咗家鄉雞蛋卷同埋鮮牛油蛋捲各2盒☺️ 因為購買數量有限制 所以變得好珍貴！ 終於大功告成 可以返屋企抖下啦☺️ 由出門口到買完蛋捲返屋企 總共歷時3個鐘😱 排到腰酸骨痛🥺 德成號蛋捲比起坊間嘅蛋捲的確有更香濃嘅蛋味 而且口感特別 平時食開嘅蛋捲比較鬆脆 但德成號蛋捲就係鬆化☺️ 不過個時間成本實在太高啦 價錢又唔平🥹 除非你有好多好多空閒時間 如果唔係唔值得排隊去買🥹🥹 但無可否認全人手製作嘅蛋捲的確好難喺其他地方搵到！

最近app做緊promotion 買滿$100就可以減$50😍😍 我就緊係唔執輸 趁今日食平時想食 但又唔捨得食嘅茶飯叁少☺️



我一向都好鍾意食酸菜魚 所以就嗌咗金湯酸菜魚片配白飯🥰 呢個價錢嚟講份量好足 有大約十塊魚片 仲有豆腐卜、芽菜、鹹酸菜等等嘅配料☺️ 其實食到一半就已經好飽 碗飯都食淨咗一半😶‍🌫️ 但係魚片只有辣味 無咩酸味同麻香味🤧 如果想平平哋過吓口癮 茶飯叁少絕對係一個選擇 但就唔好要求好似正宗嘅酸菜魚咁有麻香味🥺 作為酸菜魚愛好者嘅我嚟講 食一次就夠！隨餐附送四季春 等我可以解渴解辣解膩😙


因為太飽 所以口水雞就留返下餐食 但賣相好靚 仲有平時少見嘅青檸作點綴～

而家喺香港嘅小店真係少之又少 而用心經營又品質優良嘅小店就更加少🥹🥹 萬家美食(馬來豬扒專門店)座落喺富寧花園商場地下 平時好少人會專登走過嚟食 所以主要都係經營街坊生意☺️ 而經常喺呢一帶出沒嘅我 一諗唔到食咩就會嚟😝 萬家平！靚！正！絕對係飯堂之選🥰 今次我就食咗馬來豬扒蛋湯米線($40)🥰 而家喺出面食餐晏仔都好貴 但喺呢到$40就有成大塊豬扒 仲有蛋同菜 真係窮人恩物🥹 豬扒嘅香味同平時喺出面食開嘅醃料味好唔一樣 好特別 而且肉質鮮嫩鬆軟 又好juicy 令人齒頰留香😋 題外話 貪靚嘅我喺減肥嘅時候就會食雞湯米線 因為仲可以免費轉菜底十分正😝 而且老闆同店員服務態度非常好 充滿濃濃嘅人情味☺️

今晚同朋友睇完戲好想食米線 見到新開嘅初見麵有雞湯米線就即刻去試吓 但一試就把幾火😠😠 原本驚食飯時間會好多人 但一入到去 只有一枱差唔多食完嘅客人 見咁少人就諗住好快有得食～ 點知我哋7點48分落單 然後足足等咗40分鐘 直到8點28分先有得食😵😵 呢間餐廳嘅時間管理十分有問題 而且處理外賣單同堂食單嘅時間完全失衡 淨係一味處理外賣單 置堂食食客不顧😠 我哋仲要提咗兩次先有嘢食🥹 而最令人不解嘅係隔離枱遲過我哋10分鐘入座 但仲早過我哋有嘢食 完全唔知道係點樣處理出餐嘅次序🤧 總括而言 雞湯米線材料唔多 米線太淋 價錢偏高 而且時間管理極有問題 無下次😠😠

之前喺網上見到鬍鬚佬幾抵食 見今晚有時間就去試吓啦😝😝 好耐都無寫過食評 所以今日都無特別影相 但食完之後就好想為鬍鬚佬寫篇食評😆😆 鬍鬚佬食物唔錯 環境唔錯 最重要嘅係員工態度殷勤 服務十分周到🥰🥰 而家喺香港都唔容易搵到🤧🤧 因為朋友唔係好食得辣 所以就揀咗招牌椰子湯湯底🥥 我哋旨在食下肉 所以就揀咗最平嘅白羽套餐 有美國肥牛片 五花腩片 豬頸肉片同手切白羽雞肉 任食90分鐘～ 趁未落嘢食之前就試下個湯底😝 椰子雞湯好清甜 所以我都忍住飲咗2碗😝 套餐嘅肉類新鮮 味道唔錯！除咗肉類 仲有我最鍾意嘅前菜同小食 包括手拍青瓜 陳醋雲耳 涼拌皮蛋 炸雞 炸薯角 炸地瓜等等 每樣我都試過😋 特別係涼拌皮蛋個醬汁好惹味 忍唔住嗌多碟😝 仲有自助區供應蔬菜 菇類同丸類等等～ 雖然飲品比較小眾 但都好多元化 唔鍾意凍飲嘅話 仲有幾款花茶可以自由斟😝😝 咁好嘅服務仲要免加一 人均$168 真係好抵！！ 如果有埋雪糕/甜品就真係完美啦😝

一直知道街市隔離開左條美食街 但都未有機會試 今日口痕終於去左Food Lane到覓食啦Food Lane有各式各樣嘅特色小食店 花多眼亂 揀左好耐 最尾俾亞哥鹵水吸引住 一串串鹵水色彩繽紛 令人流哂口水 但我唔係俾佢嘅鹵水吸引 反而係俾佢嘅狗仔粉吸引住 真係一試難忘 狗仔粉有2個size 我揀左細碗 但係佢絕對唔細碗架 當正餐食仲有突 狗仔粉嘅湯底清甜 銀針粉爽滑煙韌 仲掛到湯添而且配料都好豐富 有菜絲 火腿絲 菇片 蝦米仔 仲有仲有最重要嘅辣菜甫 辣菜甫令狗仔粉更加惹味 細細碎碎嘅菜甫清甜爽脆 雖然有啲辣 但辣得好過癮 食過返噚味

做運動之前緊係要醫下肚先啦😝 於是就同朋友去左米線陣 諗住食個輕盈啲嘅下午茶☕️ 但為食嘅我地見到皇牌套餐就忍唔住落單啦😝 因為除左米線🍜 仲有小食同飲品😆 好豐富🍭 麻辣蕃茄湯底味道不俗 鮮甜味美嘅蕃茄🍅配上麻辣😋😋 仲有埋蕃茄皮連肉 感覺好足料👍🏻 另外米線軟硬適中 而且好彈牙👅 但肥牛略嫌偏硬 而且無咩味道 魚腐就普普通通 清爽嘅青瓜配上粉嫩嘅雞絲同埋滑溜溜嘅粉皮 簡直係完美嘅配搭😋 麻醬有香濃嘅花生味🥜 但食到後面覺得好膩🤢 芒果同鐵觀音呢個配搭好夾 底部仲有芒果肉 但對於我黎講偏甜🤧 埋單一個人都係$36 兩個人share都好夠食👍🏻