鮨燐 今日黎尖沙咀同朋友食我omakase 我哋叫咗壽司廚師發板！沙律前菜酸酸甜甜好開胃。仲有嫩滑嘅茶碗蒸。 蜜柑鯛：鯛魚魚肉細緻柔軟，帶有蜜柑甜味。 深海池魚脂肪結實，口感順滑鮮甜 間白魚口感柔韌帶少少脆感，肥而不膩 甜蝦非常新鮮，肉生好似玻璃嘅質感鮮甜無比 赤背爽口彈牙！北海道新鮮帆立貝肉身厚實，味道鮮甜 大拖羅油花豐富，入口即化非常肥美 北海馬糞海膽鮮甜無比！海水嘅味道好似係口中湧出一試難忘 拖羅蓉手卷：手卷的紫菜非常脆，魚蓉新鮮口感豐富。 甜品更有自家製嘅蜜桃雪芭

冬天又到打邊爐的季節！！！任食火鍋的話一鍋堂永遠係我的首選，因為餐廳非常乾淨！而且全場都係卡位座得非常舒服。湯底我地選擇左韓式泡菜鍋和番茄濃湯，韓式泡菜鍋味道濃郁不會太辣，連我不是太能吃辣的都能夠接受，裡面更有豆腐和泡菜等得材料。而番茄濃湯真材實料，湯料更有牛肉粒令湯頭味道更為鮮味。餐廳係使用QR code落單方便快捷！而且食物好快就上齊，完全唔漏單的情況。澳洲和牛：色澤紅潤油脂分佈也很平均，大概8-10秒變熟透，和牛有一股甜香的牛油味！口感嫩滑而且沒有筋膜，入口即化。黑毛豬：肉味豐腴而且肉質軟嫩，油脂不多但是亦完全不會覺得鞋口。另外餐廳的脆肉鯇，海鮮等等都非常新鮮！更有不同的自家製產品例如：菠菜韭菜餃，南瓜墨魚滑，魚子蝦滑等等。食物種類選擇多之餘食物也是非常高質。另外自助區更有大量小食，蔬菜和飲品提供！！！最後更可享用雪糕做完美的句號。

今日朋友帶我黎食omakase！！！餐廳要提早預約因爲都幾full，上到去的時候已經有不少的客人，餐廳環境幽靜，裝修風格如置身日本一樣。我地選擇了1580的套餐，餐廳首先為我們奉上前菜。前菜：是忌廉芝士，布丁蛋和帶子沙律。
前菜擺盤精緻，就咁望住已經覺得好開胃。 跟住就係師傅推薦時節的7款刺身~
真魚刺身是7款刺身裏面味道最清談的，晶瑩剔透的魚身加上酸汁啫喱更能提升鮮味。 甜蝦他他：甜蝦黏滑鮮甜，能食得出是師傅手藝！配上鱈魚片和竹炭鹽更能帶出甜蝦的咸鮮味。 西班阿魯殺生蠔：生蠔肉質豐滿多肉，味道較為清淡鮮甜。 紅酒安康魚肝：安康魚肝入口軟滑，用口酒煮過後沒有任何的腥味和油膩感。 金目鲷：颜色帶淺粉色，入口香甜帶點甘香，是我最愛的刺身之一。 間白魚：入口教為爽身，味鮮甜爽口⿂味濃郁。煙燻獅魚：獅魚煙燻後魚肉鮮美醇香且肥而不膩。 和食是鹽燒香魚
之後接下來就是7款手握壽司，包括有深海池魚，墨魚，左口魚裙邊，劍魚腩，北海道銀鱈魚，北寄貝，拖羅和海膽。
深海池魚和墨魚都是比叫清爽的壽司，味道鮮甜非常新鮮 左口魚裙邊和劍魚腩則是油花較爲豐富，但師傅卻能做到恰到好處。
北海道銀鱈魚：肉质细嫩，味道甘甜 北寄貝：肉質肥美，口感爽脆鮮味 拖羅：脂肪和油花較多，魚油脂甘香鮮味，入口即溶 海膽：海膽味道非常濃郁，口感豐腴鮮甜口滿滿在口中溶化。 最後還有時令水果及甜品雪糕！餐廳的質數對得起價錢，下次有什麽慶祝的事情一定會再來光顧。、

青衣新開的犇殿台灣火鍋價錢又平又低食，餐廳有多種台灣道特色湯以及多款台式夜市小食任食，火鍋套餐有不同的高質牛肉選擇，我地選擇了上選安格斯牛肉套餐，只是200左右就可以，價錢大眾化。 我選擇了鴛鴦湯底：桃膠雞美人鍋湯底及御膳麻辣湯，麻辣湯底是辣中帶香而且湯底一點也不油膩非常驚喜，而桃膠雞美人鍋湯料十足！裏面有大大的鷄腿連同藥材及桃膠熬製非常適合女生滋補養顏。 餐廳是自助點餐的，外面自助區有超過25種自助火鍋配料人均選擇，火鍋配料包括有多款蔬菜、丸類之外、還有士林台灣腸、台北鴨血、新竹米粉、蟹柳、手工餃等等，簡直是多不勝數。火鍋配料全部都非常新鮮，海蝦鮮甜彈牙，安格斯牛肉肉質鮮嫩甘甜，不油膩。 除此之外小食區更有多款台灣美食：台南肉燥飯、藥膳雞腳、炸芋瓜圓等等，飲料區也是任飲！甜點更有movenpick雪糕和台式芋圓！好似真係去左台灣食火鍋一樣。

又到生日月份啦，多謝朋友帶我黎磯野水產慶祝為我慶祝！店裏面的氣氛很好，店員親切有禮，好似真係去左日本一樣。 松葉蟹青蘋果蟹子沙律：沙律的面頭鋪滿松葉蟹肉和蟹子，味道很鮮！青蘋果絲酸酸甜甜清新開胃。 我地叫左幾款海鮮包括有龍蝦，鮑魚，松葉蟹脚和日本白貝等等。 磯煮鮑魚：師傅先醬汁煮好再冷凍，感覺是費工耗時的菜式。鮑魚彈牙的肉質而且帶有淡淡的甜味，鮮味層次分明。 龍蝦一味兩食：首先師傅先將原個龍蝦整成刺身，龍蝦刺身片片晶瑩剔透，口感彈牙又鮮甜！不需要添加調味料就有足夠的鮮味。師傅將餘下的龍蝦肉製成甲羅燒，甲羅燒可以配餅一拼食用，蟹膏味道濃郁加上面醬和龍蝦肉味道鮮甜無比。 松葉蟹脚：師傅非常細心，已經整理好所有的松葉蟹脚方便食客享用，松葉蟹蟹肉飽滿肉質軟嫩且蟹味濃，食落很鮮甜。 日本白貝：白貝味道清甜而且口感帶點爽口，食落完全無沙。值得一贊。 最後就係令我非常驚喜的生日甜品，餐廳寫的happy birthday好有藝術的氣息！而且非常細心為到點上蠟燭，令有我有個非常難忘的生日。

冬天到了，當然要去打邊爐暖暖身！今次爸爸主動話想食醉鷄火窩，所以黎佐敦呢間餐廳。餐廳要預早預約，我見到當日都不少人walk in，但可以都全部沒有位置，幸好之前預早預約了。 我地叫左藥膳醉鷄鍋湯底，湯底有不少藥材如紅棗,當歸等等感覺好補！過了一會兒店員將醉鷄一同下湯，陣陣的花雕酒香氣撲鼻。鷄肉熟透後我嘗了一碗湯，味道清甜！絕無味精成分真材實料。 鷄肉吸收了湯底和酒味，很入味不用點任何調味料。鷄肉嫩滑口感帶有彈性，感覺像本地新鮮鷄隻。 手切安格斯肥牛：格斯肥牛顔色色亮澤，不像雪藏牛暗啞，有肉鮮味牛肉味道濃郁口感鬆化並帶有油香。 自家制西洋菜帶子餃和鮑魚餃: 餐廳自家制的餃子全部都好大粒，皮薄餡令！
西洋菜帶子餃一切開就看到原粒的帶子，非常鮮甜。 鮑魚餃真係好少見，餃子裏面有很多鮑魚粒粒，味道鮮甜彈牙！我非常喜歡。 餐廳的手打丸都非常有質數！每個丸都非常彈呀，食得出用料非常新鮮！爽口的蝦丸咬開隨即有流出流沙鹹蛋。 飲品方面我地叫左自家制香茅檸檬薏米和竹蔗茅根!餐廳整體的食物質數都非常好，好多食品都係自家制，好難係外面食到。一定會再光顧。

秋天又係食蟹嘅季節la！今次同屋企一齊去食海鮮，之前食過蟹仙一次！體驗非常良好所以今次再覆桌。 我哋今次叫咗439嘅海鮮套餐！套餐包括罕有嘅大黃蟹，野生青口，紐西蘭刀貝，越南大虎蝦，九孔鮑魚，韓國珍珠壕等等。 每樣海鮮都有店員幫我哋校好時間蒸，所以唔驚煮得過熟。
虎蝦下爽口彈牙非常新鮮完全唔使點任何醬料，餐廳非常貼心鮑魚已經起好殼！蒸完直接食就可以。鮑魚唔會太韌，點上少少醬料就可以帶出鮑魚嘅鮮甜味。 龍蝦肉質潔白，喺蝦尾輕輕一鬆，整個龍蝦肉就出來了！龍蝦爽口又咬感。刀貝青口和蠔都非常新鮮！食落口海水味濃郁，無需再加任何調味料。 最令人期待嘅大王蟹嚟la，呢個大黃蟹有個手掌咁大！蟹膏多到流出來，首先蟹肉鮮甜結實，而且冇任何的泥味，蟹膏程黃色口感細膩棉滑！淡淡蟹膏充斥喺口腔，鮮甜無比。 最後個粥加上綜合嘅海鮮精華，豬骨，粟米，芋頭，香蔥和菜譜等等嘅材料熬製而成！非常鮮味，好值得一試。 最後餐廳中送上燕窩糖水，完全值得再次光顧。

朋友推薦我這間法式餐廳！餐廳環境雅致，坐下點餐後店員隨後會送上餐包，我最喜歡就是牛角包！牛角包暖暖的外脆內軟吃到層層的口感。 帶子刺身
帶子雖然切開了薄片，但味道依然非常鮮甜 ！配上三文魚子鮮甜的味道在口腔久久不散。
加拿大豬鞍扒  豬鞍煎得非常好，豬肉嫩滑多汁！加上香葱點綴增加食欲，旁邊附上新鮮炸的薯條炸，金黃色的薯條每條都很香脆，配菜的時蔬香甜 墨魚汁海鮮意大利飯
這個意大利飯真係令人意外地覺得好好食！首先意大利飯吸收了海鮮和墨魚汁的精華和鮮味，每一口飯都好像是海鮮精華的味道，味道濃厚但不膩。值得推介。 餐廳的甜品也是非常不錯！

今日同朋友嚟荃灣食泰國菜！朋友住喺荃灣佢好推薦我哋食呢一間泰國餐廳。餐廳行小清新Cafe風簡潔舒服。
我哋食咗黃咖喱雞，大蝦炒金邊粉，泰國椰菜苗，同西柚特飲。 黃咖喱雞味道濃郁！唔食辣嘅朋友都可以食到，雞肉嫩滑配上濃郁嘅黃咖喱非常嘢味，好下飯！鍾意食薄餅嘅人可以配埋薄餅食。 大蝦炒金邊粉非常大碟！大蝦爽甜金邊粉加上少少青檸汁味道非常清新！好友泰國風味。 炒泰國椰菜苗真係唔係度度都食到！見到餐廳推介所以就嗌咗啦，菜苗顏色青綠！好吸引人而且炒得好惹味。 西柚特飲有好香嘅西柚汁味！味道酸酸甜甜非常開胃值得推介

今日同同事嚟到呢間Cafe食lunch，因為呢間Cafe有好多可愛嘅拉花造型飲品所以我哋都比佢哋吸引咗入嚟。 餐廳嘅價錢唔係好貴，我哋叫咗一個蕃茄醬扁意粉同全日早餐。蕃茄醬扁意粉裏面有蘑菇青椒等等嘅配料食落去非常香口，意粉唔會太霖/過硬，水準不錯。 不過我最鍾意都係呢個全日早餐，除咗因為裏面有好多配料之外，佢嘅外型都非常有食慾！牛油果同炒蛋都非常新鮮，另外餐廳嘅蒜蓉包都非常出色，鬆脆之餘仲有濃濃的蒜蓉香令人不知不覺好快食晒！ 定係我哋strawberry latte同培茶latte，上面係傻豹同無面男造型非常可愛，培茶味道香濃亦唔會太甜完全係色香味俱全！下次一定會再嚟幫襯