同朋友2個女仔諗住食好西，點知中伏了！ 餐廳裝修係唔錯，不過食物質素，份量，同服務真係一次完了！ 朋友準時6點半去到，被安排坐角落位二人枱，位置非常窄。 由於我遲少少到，朋友要求女侍應先倒茶放涼，方便我黎到，即時可以飲，估唔到個女侍應拒絕，仲話：點左菜先有水飲。 真係黑人問號？！唔通佢地覺得我地呃水飲？有訂位架，有名有姓，唔係walkin，你驚我地唔點菜？？？？ 朋友再問，個女侍應先肯俾一杯水，係～只有一杯！於是我黎到係冇～水～！ 由於店方將大部份客人安排到同一排位，於是地方異常咁嘈，仲迫過龍屋。於是我地要求調座位去另一翼（冇人）。我地安排左坐2張連埋嘅4人枱，同一個女侍應刻意話：有人架！示意我地縮埋一邊，唔好過界。但由頭到尾，都冇人再入黎了，同時個場仲有好多吉位。駛唔駛咁mean? 定係因為佢唔想俾茶，嬲左？ 之後睇番野食，冇乜特別。我地點左一個1200蚊嘅2人餐，貴！但份量同味道唔值得呢個價。 個沙律主要都係菜碎，冇乜味道，唔想食。 一個有一個蝦杯，個海膽冇味，蝦都係。 個和牛，一口完了，很薄。 呢個2吞拿魚餅，要2個人share。 呢個牛，味道都算可以，不過主要係用汁調味，個牛好一般。 本來以為個海膽汁意粉可以食飽點知得一啖。我地真係得啖笑。 雪糕正常冇特別。 總而言之，冇諗過1200蚊嘅餐，2個女仔都食唔飽。之後仲要揾其他野食。中晒伏。 所以說，不要太相信KOL推薦。 殘念。

年初三，赤口就唔去拜年，改為食下好西。 知道北打奧開粉嶺新店就一直想幫襯下。 等左一陣就安排入座，新店環境係舊店嘅升級版。好開心，安排左坐二人卡位，靜得黎，又很寛躺。是談天的好地方。 尤其喜歡個酒吧枱，睇得出花個心思去佈置。 年初三都冇特別加價，有午餐供應，點左牛排加大蝦套餐 先黎個餐包同羅宋湯： 能夠食番舊店嘅味道！感動！ 我點左三成熟牛排切開真係做到三成，唔會過熟，味道一流。 仲點左杯Rosemary cocktail, 味道不錯！岩晒女仔飲！ 下次入粉嶺會再試埋個羊排。

晚上6點半到，基本上唔駛等位，多人外賣，反而少堂食。 點左小龍包，湯餃，蒸餃，小食。擺盤精緻，但價錢偏貴，服務水平還好，可以一試。 人唔多，但都有時要追單（忘了送湯），上菜時間還好。 小龍包正常，皮薄。 餃子可點3隻或5隻。可選湯餃/蒸餃/煎餃。 中伏位：肉骨茶湯苦，但沒有藥膳香；煎餅是mini size但價錢是large size；日月魚湯浸蘿蔔沒有日月魚味（如湯餃轉日月魚湯要加錢，不試也罷）。 總結：試一次就算。伏。

出左新白桃味，同BB行過SOGO就試下。價錢一D都唔平民，貴到好似食左1個LUNCH。 味道又多，我又忽然選擇困難症發作，睇黎睇去落唔到決定，於是Sales就黑黑黑黑黑面 呢個價完全冇服務 算啦～都係唔好掃BB興，選左白桃味。 食落唔算太甜，都好多cream,又唔會咬一口就散，食落整體都唔錯。 不過服務太差，一次完了。

中秋，同BB去左藍屋玩，附近搵食搵到間餃子店~ 我幾時都咁鐘意食餃子，可能前世係北方人 先黎一個碗仔翅，個翅好重蝦味，好好味 仲配蘆筍豬肉餃~鮮~食到停唔到 跟住叫左5隻煎餃，BB一直擔心煎得唔好食，但係又OK,不過叫蝦肉餃食唔到有蝦。 後來廚房大叫冇蝦……就咁。 蒜泥白肉都幾好食，肉切得很薄，幾有口感 最後點左個炸醬麵，佢係用黃豆醬撈嘅，都有D特色。

唔知BB喺邊度搵到蠔情之夜嘅宣傳~ 我地呢D最鍾意食好野嘅港女當然樂意奉陪。 試左3款蠔，2款法國蠔，海水味較重，很鮮味，食原味就可以，加調味反而浪費，1款美國蠔，肥美彈牙。 蠔湯都好好味~蠔味幾重~ 然後到自選前菜，我地點左八爪魚沙律 炸蠔，都唔錯。唔會一口油~但蠔味就唔夠前幾道菜咁明顯 同埋鵝肝醬多士 主菜之前，先上大蜆意粉，咸左D。本來以為份量一般，點知原來好大份~ 主食我地點左牛柳，冇得選生熟程度……我已經飽飽了 甜品方面好應節，奶黃月餅，食落似中式蘇。 HK$298/人，都抵食嘅~ 紅/白酒都係25蚊杯，質素都唔錯~ 唯一要改善嘅係……埋單等左9個字……可以預先打好晒單俾客人就會快好多…… 期待下次活動~

BB今日接我收工~好開心~ 時間都夜啦，於是睇下有咩宵夜食~開心大發現小店9點半就做半價~用左openrice book位好方便~店家還特別打電話確認。好細心~ 去到先發現我地係包場~為左唔阻住師傅收工，我們先來一輪猛點~ 壽司係抵食嘅~即叫即制，最平的只是6蚊件~人工都抵番晒~ 叫左是日推介魴彿魚，都幾新鮮~有半價~ 一人叫左一個小型丼，雜錦魚生很一般，建議叫海膽吞拿魚+三文魚子。 糖心蛋都ok,但黑松露味太搶。 追加炸物~已經飽了~ 以下純粹放閃~ 總的而言，有半價係好抵，300百幾，食飽晒。如果計正價，性價比就唔太高啦~

黎得風雲丸當然要食沾麵~ 星期四的下午似乎客人不多，外邊又有風，於是我點了個熱到滾的石窩湯沾麵。熱熱的湯讓人心都溫暖了~ 又怕自己細食，所以點了300g的麵。 不騙你我是個沾麵控，總要想辦法來吃一回才心息。 難得路過更不得不幫襯一下。 坦白說，這個湯頭不是太合我的口味，濃得有點膩，加了檸檬汁好d不過麵條很彈牙，早知叫500g。 义燒很好吃，肥瘦適中，甜甜的~玉子就唔算好食，沒有煙燻味…… 最後的剩湯，加了魚介湯飲完，飽足~

一直想食手搖海鮮，但又覺得貴，終於搵到呢間小店又就腳，價錢又ok,一於帶BB一齊收工拍拖食好西~ 小店提供手套同圍巾唔怕食得唔小心整污糟衫。 我點了5款海鮮，有基圍蝦，蜆仔，貴妃蚌，聖子，鮑魚。 有3種醬汁可以選，老闆力推泰式青檸，我地就試左~小辣~已經覺得好醒胃~ 外加蔥油餅小食~ 我點了杯特飲，但是很難飲，大家就不必試了。 總體滿意，不過BB就嫌D海鮮過熟，我個人就覺得還不錯。

驚喜不斷的小店 BB之前話去過D2一間小店飲過嘅西湯好好味，我地行勻D2都搵唔到，原來小店在D2後面的地舖，唔係有心真係唔易搵到。 由於冇訂臺嘅關係，我地只能坐吧臺，但吧臺有吧臺的風景，只不過……食野要加倍小心。 首先來個磨菇忌廉湯，味道不錯，但談不上驚喜。 然後我們點了個大蜆窩，配意粉。我特意點了蕃茄辣椒風味~ 真係好醒胃，香，小辣，惹味，一口再一口，停不下！蜆完全沒有沙，讚！足料！ 如果不能吃辣，建議點牛油風味同樣出色。 然後主菜龍蝦來了。 外邊吃龍蝦多是雪藏，又常用鹽醃，好讓它保保更久，缺點是會超咸同時肉質死實，說真的，不容易把冰鮮龍蝦煮好。 但小店的廚師超出我的預期，煮出來肉質有口感，味道適中，奶油味更帶出香、濃、滑。最重要是……廚師幫我去掉蟹殼了！ 多貼心！加分！ 我很少吃回頭菜，但這一次，不得不回來。