🧮阿豬媽成日嚷住要食酸菜魚🐟，講到好出名嘅酸菜魚麻辣菜，都莫過於呢幾年嚟風靡全城的《麻辣風雲》，熊妹今日放假，一於就同佢食晏晝啦。📌《麻辣風雲》有兩間分店，一間喺銅鑼灣，一間喺旺角。旺角旗艦店位於瓊華中心🔟樓，上到去就係餐廳。📌餐廳裝潢古色古香💮，門口位置有個「風雲亭」🛖，以木系建設🧱，裝修到好似一個古代的歇腳亭咁🛖，可以坐三至四人。📌地方好大，環境好闊落，枱與枱之間仲有好大條走廊，有好多張六至八人卡位梳化位🛋，環境大坐得先舒服。📌天花板仲掛滿左一個個「吉祥如意」中式燈籠🏮，成件事真係好有古代味道。📌餐牌就係有各類麻辣菜式、小食、炒菜、小菜粉麵同埋甜品，都好多選擇揀。📌原來最近仲有生日月份優惠🎁，壽星係2月29日前於星期一至日20:30後晚市堂食，即享生日優惠三重奏：
1. 4人同行 壽星免費👑
2. 送拔絲士多啤梨🍓（需三日前打電話預訂📞）
3. 生日抽獎 包你中獎🎁（結帳時可獲抽獎機會一次🎈優惠可於下次使用）。
二月份生日的壽星有🧧了！曾經熊妹前兩年生日正日同埋一家人過嚟食飯，嗰時都冇遇到呢個優惠嘅😔！真係羨慕！荔枝蝦球，$108
首先揀咗個新推出期間限定的小食-荔枝蝦球。
非常驚訝地係一棵荔枝樹呈上🌲！紅紅綠綠成個擺盤已經好吸睛👀，底盤仲有好多乾冰釋放住仙氣🌫，成件事震撼出場，全場人都不禁嘩然😍。荔枝樹掛咗八粒大荔枝蝦球，吊下吊下真係好過癮。荔枝蝦球其實係外型似荔枝，完全無荔枝味，但真係成粒荔枝咁的樣，大細都一樣。
荔枝蝦球外面炸到脆口，入邊就係彈牙嘅蝦肉🍤，可以再點埋跟上的荔枝甜醬，多一份甜味，變成好似甜品小食。涼拌燒椒皮蛋，$48
然後再叫多咗個餐前小食，涼拌皮蛋。皮蛋有12件，切成一朵花🌼，糖心皮蛋沾上麻辣油，皮蛋蛋白位好似啫喱咁，中間仲有少少椒絲同埋海帶絲，食落口好惹味，真係一碟好戒口痕但又唔會好飽肚的餐前小食。酸菜魚，$268
終於到阿豬媽最想食的主菜出場啦！酸菜魚可以揀想要的酸度、辣度同麻度，憑過往食酸菜魚的經驗，阿豬媽話要揀中酸小辣中麻，會係最佳配搭。自家製酸菜的酸味，花椒八角熬出的麻味以及燈籠椒及乾辣椒爆出來的辣油味，就形成呢個酸菜魚的美味魚湯底，各款濃味對味蕾的刺激，就產生酸菜魚的滋味。成碟酸菜魚份量超多，魚肉嫩滑，配料有豆卜、酸菜、芽菜、萵筍、白菇同薯粉，兩個人食真係極為飽肚。點上小辣，可以令到中酸味同埋中麻味較為突出，唔會比辣味搶過晒風頭，今次嘅配搭簡直係明智嘅選擇✨。炸饅頭，$58
食完酸菜魚意猶未盡，就叫多咗個店長推介小食-炸饅頭。
嘩！又係一個震撼的派頭出場。一個詩人駕著「麻辣風雲船」⛵️送上的炸饅頭🍞，相信絕對係全場餸菜的焦點人物✨。一船有六件炸饅頭，外表炸到金黃，內裏就係軟熟的白麵粉饅頭，再點埋跟上嘅煉奶🍼，甜香奶味在心頭，呢款小食作為飯後甜品都非常一流。📌由前菜到主食到甜品都充滿眼球同味覺的享受，難怪係可以掀起一場飲食界熱潮的《麻辣風雲》。

🎭好耐冇約過富妹食飯，今日等埋佢收工，喺佢公司附近見吓面啦！📌銅鑼灣食肆林立，樓上Cafe好多，要點樣脫穎而出，真係有啲唸頭🤹🏻‍♀️。熊妹知道有間樓上Cafe《Undici》平日一至四都做咗一段時間的蛋糕放題，呢啲噱頭仲唔咪夠吸引？
📌《Undici》位於耀華街百樂中心11樓，百樂中心成幢大廈都係食肆，最方便過嚟搵食啦！📌《Undici》喺銅鑼灣區都幾出名，所以晚飯時段都有分兩場，分別係6-8pm，同埋8-10pm，唔使摸門釘，預先打上嚟 📞book左枱好啲！📌餐廳唔算好大，有五六張四人座位，以灰白色係組裝潢，風格簡潔。📌一入到餐廳，就見到牆上大大個「Hello」字樣歡迎來賓，真係一個好好嘅迎賓設計🎊。📌餐牌係大路Cafe食品，有沙律🥗、小食、意粉🍝、鹹豬手🍖，各款沖調咖啡，仲有特色飲品同花茶。📌甜品方面就當然係今期最出眾嘅蛋糕放題啦🧁，有六款款式，每月有定期更新。只要揀選主食、意粉或者飯類，加$48升級做套餐，包櫻花龍蝦湯，一款蛋糕同咖啡或茶，然後再加$28，就可以即刻享用蛋糕放題，甜品控的人有🧧了！櫻花龍蝦湯
套餐跟的龍蝦湯，唔係一般餐湯咁簡單，望落去好似咩料都冇，但一啖飲落去，味道驚人，係超級濃烈嘅龍蝦味🦞，而且湯的質感好濃稠，唔需要有任何湯渣材料，就可以簡簡單單品嚐呢個咁濃嘅龍蝦味道，正正因為其貌不揚的佢，先可以令到驚喜度大增🤩！唔錯！辣脆雞芝麻醬凱撒沙律，$88
有熊妹在，梗係會點個沙律先啦！嘩！成個沙律紅紅綠綠配埋深藍色拌碟，色彩繽紛🎨真係好吸睛👀！
脆雞🐥炸到超級脆，奇脆炸皮有一定嘅厚度，脆到咬落去係咔咔聲，面頭唧上超豐滿嘅辣醬同沙律醬，混合一齊食酸酸辣辣又夠脆口，一件雞扒開四件，咁滋味每人兩件都唔夠分！
沙律菜係用上凱撒沙律嘅羅馬生菜🥬，面頭灑上一大堆芝士碎🧀，醬料唔係平時的凱撒沙律醬，取而代之，用上芝麻沙律醬，醬料好似不惜工本咁非常之多，真係啱晒超級鍾意食沙律醬嘅熊妹，沙律份量多又清新，仲有四粒切半的大大粒蕃茄仔🍅，以沙律前菜嚟講真係夠晒口，開大晒個胃就開始食大😋！脆炸無激素雞翼配香辣蛋黃醬，$58
富妹好鍾意食雞翼，幾乎每次出嚟都會點雞翼，簡直係一個雞翼控！一碟雞翼又5️⃣大隻，無激素雞翼好大一隻，面頭又係唧上超級多的香辣蛋黃醬，仲灑上咗啲黑芝麻做點綴，醬料咁多，怕肥的熊妹妹豁左出去，出去真係要連埋皮一齊食，醬料味道唔算好辣，雞肉為嫩滑，大大隻咬落去真係啖啖肉，無激素都食落安心啲，呢碟雞翼無論價錢、味道、賣相都真心抵食！廚師發辦，$128
主色嚟講其實款款意大利粉🍝都好吸引，樣樣都想食咁，驚世地發現竟然西式都有廚師發辦👨🏻‍🍳，既然選擇困難症，落唔到手，就一於廚師發辦幫熊妹揀啦！今日嘅廚師發辦原來係黑松露煙三文魚意大利粉，嘩！OMG！咁都hit中熊妹同富妹最鍾意食嘅食材：黑松露同埋煙三文魚，揀廚師發辦簡直係明智嘅選擇✨！
超級香濃嘅黑松露忌廉汁，質感超級杰身及濃稠，仲可以睇到粒粒黑松露碎撈上意粉上面，意粉係熊妹最愛嘅七分鐘熟，非常有咬口，咁香濃嘅黑松露汁真係食到人哋舔舔脷👅；再有驚喜嘅整熱左嘅煙三文魚煙熏味更加濃郁，食落去比起凍食的嘅煙三文魚更有肉質口感，呢份廚師發辦真係驚喜又好味！抹茶豆腐拿鐵， $42
富妹食飯一定要飲嘢一就揀咗杯熊妹最愛嘅抹茶開心share。
呢杯特飲睇到個名都覺得好吸引，抹茶拼豆腐喎，味道一定好夾喇。真係好有驚喜！呢杯特飲一定要用飲筒飲先可以飲到入邊嘅精髓！首先上面係一層奶鋪層，然後飲飲下會吸到一啲豆腐花上嚟，再撈咗啲抹茶拿鐵，味道又唔甜，成個組合配搭真係好出色，仲要價錢唔貴，抵飲呀！值得一試。奶茶海綿蛋糕
最後跟餐的蛋糕喺六款入邊揀咗呢款-奶茶海綿蛋糕。蛋糕🍰唔係好大一件，但係食咗咁多主食，做飯後甜品，份量就真係啱啱好啦。
蛋糕係由兩層海綿蛋糕層同三層忌廉層梅花間竹咁製成，一餐落去，一啖擺入口有切蛋糕同埋忌廉係口腔中交織，呢個就係蛋糕嘅美味之處，就係令人飯後食飽飽都愛不釋手嘅地方。
奶茶味都好出，食落口食得出連忌廉都有奶茶味道，應該係用上伯爵茶葉🍂令到茶味咁濃烈，蛋糕嘅質素係有啲料到喎！《Undici》做得蛋糕放題，相信一定唔會差啦！📌熊妹同富妹食到8:00走，仲有下一場8至10點，走嘅時候全場都仲係坐🈵人，相信都係衝着甜品放題以黎。今時今日香港地，樓上Cafe要站得住腳，真係有啲睇頭㗎！《Undici》係掂的！💪🏻

💐熊妹太耐無同馬騮妹同埋熊貓妹見面喇，咁難得見面梗係揀返間靚靚餐廳食飯啦。其實熊妹嚟過《THE PONT》都有好幾次，就係覺得裝潢好適合港女打卡📸，而且環境超級大，食物價錢又非常親民🤑，地理位置仲要係超級方便嘅旺角朗豪坊，種種因素都無理由唔揀呢一間做今晚嘅落腳點。📌地點就係位於旺角朗豪坊2️⃣樓，簡單啲嚟講，就係以前麥當勞嘅位置，可想而知舖頭有幾大，頂到咁大間舖頭，睇嚟租金都唔惹少，但係食物價錢又冇因為咁而提高個價，都係大路cafe價錢，係咁嘅餐廳環境入面進食絕對物超所值✅！📌餐廳環境真係好大，有好多張四至六人方形枱，又有梳化位🛋，又有藤椅卡位，仲有幾張少人圓枱。餐廳以花草樹木🍀為主題走田園風🌻。 📌牆上又掛咗啲藝術嘅畫像🎭，又帶點歐陸嘅味道🎠，真係每一個點都係打卡位🎦。 📌門口仲擺咗個港女打卡吊椅，擺喺門口咁吸睛，望到佢都想入嚟餐廳，唔食嘢都要黎打張卡喇。 📌餐牌真係大路cafe美食，有多款前菜🥗同小食🍥、漢堡包🍔、全日早餐🍱、牛角窩夫🥐、麵包多士🍞、意粉🍝、意大利飯🍚、主食牛扒🥩、海鮮🦐同特色甜品🍩，飲品就有咖啡同果茶🍵。📌二月開始仲有新年限定Menu，有三款新推出的新年菜式，期間限定梗係要試吓啦🆕！煙三文魚薯仔沙律， $85
嘩！一上枱擺盤咁靚嘅，煙三文魚砌成一朵金花放喺一堆薯仔沙律上面，側邊仲有啲花瓣同蕃茄仔青瓜片🥒做點綴，成件事就好似一碟綻放咗嘅鮮花一樣🌹，花花綠綠，真係賞心悅目。煙三文魚有兩大一片，肉質頗厚又唔散，冇雪藏味，下面嘅薯仔撈左雞蛋🥚同蛋黃醬，食落好杰身，啖啖薯仔肉🥔好飽肚。再發現原來底部襯托嘅係一片炸脆米片，脆卜卜嘅脆米片上面連埋沙律一齊食，多一重脆口感，薯仔沙律濕潤咗脆米片嘅地方，口感就會變咗好煙韌，呢個配搭幾特別喎！泰式辣肉墨西哥脆脆，$69
熊貓妹好鍾意食nachos，問佢小食想食咩？佢就一定揀咗呢款。
一般坊間nachos都係芝士焗，呢款nachos除咗芝士鋪滿面頭之外，仲加咗啲泰式肉碎。Nachos份量都好多，係香濃芝士味，烤焗過仲香脆，加埋面頭嘅芝士真係Double芝士🧀享受，香辣肉碎唔算好辣，食食吓又會食到啲肉碎粒，餐前食幾片nachos，食食吓飯又食幾片nachos，真係一款好滋味的小食。帶子牛柳粒燴意大利飯，$128
新年期間梗係試吓新年限定新嘢啦！兩大粒帶子，兩大粒蕃茄仔🍅，仲有五六嚿牛柳粒🐮鋪係一大堆creamy嘅意大利飯上面，側邊仲灑上芝士碎🧀，成碟飯材料好豐富。
帶子表面上下煎烤過，變成金黃色，帶子肉好飽滿，食落去好彈牙好有咬口，簡單咁樣煎烤過，已經可以帶出帶子嘅海水味🌊，唔錯。牛柳粒好大一舊，擺咗少少調味，表面煎香過，已經好出牛肉味🐮，食落肉質都好軟腍，一啲都唔韌，份量又多，真係好抵食。松露忌廉牛肝菌意大利粉， $95
實不相瞞，熊妹每次嚟《THE PONT》都會叫呢款牛肝菌意大利粉🍝，因為真係好好味。
第一次食，已經俾佢嘅松露牛肝菌味深深吸引住，然後從此就記住左呢個味道。今次一上枱，依然芬香撲鼻👃🏻，香氣四溢，係美食令人增加食慾嘅重要元素⚛️。
蘑菇🍄切成粒狀，份量都好多，仲有啲牛肝菌，意粉係有咬口嘅7️⃣分鐘熟度，係熊妹最愛嘅熟度，最怕係淋身嘅意粉。面頭灑滿芝士碎令到忌廉醬汁更濃稠，醬汁撈滿松碎，食落口好creamy又充滿松露味道，松露愛好者一定對它愛不釋手💕，就即係熊妹，亦都係點解咁多次到訪都成為必點的項目💜。磯燒牛扒香蔥莎莎三文治， $128
冇諗過又係超大一碟，麵包用上sourdough🍞，面頭鋪咗三大塊磯燒牛扒，淋左啲香蔥莎莎汁，仲有幾片沙律菜🥬同埋蕃茄仔🍅，伴碟有一大堆粗薯條跟蕃茄汁🥫，份量咁多得唔得㗎？磯燒牛扒🥩煎到全熟透，一啲血水都冇，完全沒有根真係啖啖肉。Sourdough中間麵包位超級軟熟，表皮係硬身，就係食呢種強烈對比嘅口感。
薯條🍟多到食極都食唔晒，長粗薯條中間有淋身薯仔蓉🥔，熊妹最鍾意食就係呢款薯條。THE PONT 法式野莓吐司配雪糕， $79
甜品由馬騮妹揀，一望餐牌就比呢個法式吐司吸引住，賣相真係色彩繽紛🎨。一球雲呢拿雪糕放喺一開二的兩片法式吐司中間🥖，剛煎起嘅法式吐司的熱力令到雪糕溶化🍨，仲淋上草莓醬同埋朱古力醬汁🍫，要食就快啲趁熱食！如果唔係雪糕凍晒啦！側邊仲有好多士多啤梨🍓同藍莓粒🫐，成個甜品變成酸酸甜甜，又有雪糕拼法式多士的冷熱效果，賣相同味道都攞夠分喇！焙茶鮮奶， $40
馬嬲妹同熊貓妹要養生，唔食唔飲甜嘢，由熊妹自己叫飲品，正！
晚上唔飲咖啡就改飲焙茶鮮奶啦！焙茶味濃🍃，飲到最後都仲見到杰撻撻嘅焙茶粉喺底，茶味濃得來又會滲少少淡淡的牛奶味🥛，焙茶做拿鐵都係幾好嘅配搭！📌整體嚟講，《THE PONT》環境舒適，坐得好舒服，餐廳充滿着花花草草又有歐陸風嘅風格，令人感覺好休閒😌。三個妹子食咗六百幾蚊埋單，六款食物再加一杯飲品，喺旺角嘅核心地段仲有咁舒適嘅環境同埋港女打卡地方，食物嘅價錢都無坐地起價，今時今日嘅香港地真係買少見少，絕對值得真心推介👍🏻！

🏵️熊妹一早已經聽聞過《泰金鍋》係食泰式打邊爐，究竟泰式火鍋係點樣，熊妹今日拉埋樹熊一齊去試下。📌《泰金鍋》位於旺角創興廣場6樓，地理位置超級方便👍🏻。話明《泰金鍋》，門口都裝修到金碧輝煌，啱晒餐廳主題。📌環境超級大，全層都係佢嘅。好多張四人枱，又有卡位，都好多張六至八人大枱梳化位🛋，打邊爐梗係多人食洽下洽下♨️先開心㗎啦，不過兩個人食都有兩個人的浪漫💑。📌裝修都好泰國風味🇹🇭，有草藤織嘅燈罩，地板五顏六色花花嘅圖案💮，感覺就好似係泰國好夏日嘅氣氛🏝。📌下午五點後仲有捉活蝦放題🦐，自己活捉鮮蝦再攞去打邊爐，即釣即煮，有得玩又有得食，噱頭唔錯喎！📌120分鐘放題就係首先揀火鍋湯底🥘，泰式火鍋主要就係食呢個鍋底🍲，有冬陰功鍋、喇沙鍋、椰奶雞湯鍋、檸檬香茅鍋都係泰式風味嘅，另外都有傳統嘅蕃茄湯鍋、麻辣湯鍋等等，跟住就揀選放題套餐，$208至到$298 ，越貴就梗係越豪華👑，可以包攬更多嘅嘢食啦。📌原來最近推出咗一個火山排骨套餐，就係火山排骨湯鍋底🌋，再包🅱️套餐嘅放題食物，包括有四款牛：牛胸腹、肩胛牛小排、下肩胛肉眼、同埋極上牛舌，仲有梅肉🐷同埋羊肩肉🐑，墨魚滑🦑等等，星期一至四去成人係$328一位，星期五、六、日及公眾假期就加多$10，另外再收加一。📌呢個火山排骨望個樣都咁震撼又係新品🆕，一於試吓啦！火山排骨湯鍋放題套餐，$328/位
火山排骨製作需要時間，首先用自家製濃郁湯底煲到排骨🍖好軟腍，鍋底鋪滿白蘿蔔，面頭將煮腍的排骨一件件咁堆砌成一座火山，形成火山排骨🌋 ，然後職員會再即場倒入湯底，為火山點火🔥，表演一場活火山show，真係夠晒派頭！活火山排骨就係咁形成，望住活火山嘅火焰燃燒排骨同埋湯底慢慢咁煲起♨️，成個等待過程真係流晒口水🤤！湯底係濃郁排骨湯再加入香草同青紅辣椒秘製，味道酸酸辣辣，青紅指天椒🌶️都係偏辣的辣椒，所以湯底辣味十足，滲哂入排骨入面好惹味。火山排骨做火鍋湯底🍲的概念真係确實有唸頭！排骨本身用來做湯底材料，可以煲到好軟腍，索酒湯汁的味道仲會好更出肉味，比起平時食火山排骨淋汁的食法更為入味，而且打邊爐越滾越耐，煲到排骨🦴肉骨分離，可想而知，肉質的軟腍程度，真係啖啖肉，而骨頭都可以噀埋，索到湯汁同骨髓味道，呢個排骨湯底的概念，又可以帶出泰國特式菜式的主題，又適合做火鍋湯底材料，如果想試咩叫泰式火鍋，呢個湯底絕對係代表作，熊妹話的！食排骨食到咁上下，就可以繼續用呢個火山排骨湯底打邊爐，套餐包四款牛🐮，仲有豬🐷、羊🐏同墨魚滑🦑，同埋自助區入邊的無限追加的60多款火鍋配料，各款蔬菜、菇類🍄、丸類🍢、粟米🌽、芋絲、炸響鈴、魚皮等等咩都齊，全部都係熊妹最愛的火鍋材料，開心！湯底越煲越出味，本身火山排骨湯鍋的配料白蘿蔔仲要越煮越腍，每款食材都滲滿泰式酸辣湯的味道，連額外的調味醬都唔洗點，确實好滋味！熊妹真係好欣賞呢個火山排骨湯鍋。澳洲產極選肩胛牛小排
看看肩胛牛小排薄切到透光的✨！美國產下肩胛肉眼
肉眼肉質就厚一點，脂肪位少，食落有咬口！套餐仲包串燒🍡，有沙爹豬同雞揀，沙爹汁香濃，串燒燒得剛好無燒焦，打邊爐前小食唔錯。自助區仲有熟食區，海南雞🐥大大隻任食，金黃通透幾吸引！另外，仲有肉碎生菜包，菠蘿海鮮炒飯，粉絲蝦等等。飲品除了各款罐裝汽水同茶品外，竟然有冷凍泡茶，700ml大大杯🥤，打邊爐都有得飲冷泡茶真係好滿足！四季春茶味好重，好解火鍋的濃味！醬料調味區。各款蔬菜🥬。丸類🍢。菇類🍄及麵食🍜。泰式甜品🍬。泰式飲品都有。📌從來未試過泰式火鍋，無唸過一時就愛上😻，可以打邊爐之餘又有泰式風味，下次一定要試下其他湯底味道😋。

🎏樹熊好鐘意食拉麵🍜，熊妹近排得知中環歷山大廈有間高級拉麵餐廳《GOGYO 五行》，今日特登拉埋佢去試下！📌《GOGYO 五行》位於中環歷山大廈地庫1️⃣樓，其實即係中環地鐵站H出口，一出就係，地理位置超方便！📌《GOGYO 五行》原來好有來頭，係日本京都的拉麵潮界王者👑，由日本拉麵大王河原成美創辦，一直致力將拉麵藝術🎨同高級餐飲文化🍴融合。📌一入到餐廳，就見到一張張木椅🪑整齊地排放在酒吧位置，感覺好高檔次。📌餐廳環境裝潢非常別緻，柔和的燈光💡帶點暗黑的格局，令餐廳光猛得來又帶點神秘。📌仲有個印有《GOGYO 五行》招牌的白光燈籠🏮高高懸掛在酒吧位上，係典型居酒屋的象徵呀！
📌原來《GOGYO 五行》有推出Happy Hour 優惠，星期一至日15:00-19:00可以享有買一送一 優惠，有唔同酒類同 Cocktails🍸等等，真係好抵飲！📌見門口大大個餐牌推出全新期間限定「蟹味噌拉麵」，鐘意食蟹的樹熊二話不說，一定食佢！📌另外仲有午餐餐牌📋，有各款日式定食，仲有八兵衛日式串燒🍢同佐酒小食🥡，居酒屋的格局都出哂黎，最喜歡就是在居酒屋小呷一杯酒🍶，配一口小食，再與友人把酒歡談🗣️的感覺。蟹味噌拉麵，248
拉麵套餐除了拉麵同配料自家製蟹膏牛油同蟹醋外，仲跟上了一個迷你三文魚籽蟹肉飯，都幾豐富喎！拉麵湯底用上傳統的豚骨湯底再加上香濃秘製蟹味噌，豚骨嘅香醇味道同帶有滿滿鮮香嘅蟹味噌融而為一，濃稠的湯汁掛滿在每條彈牙的極太麵之上🍜，簡直滋味無窮！職員更建議將獨特的蟹膏牛油🧈加入湯底之中，提升更高一層的鮮味精華✨。拉麵配料都幾豐富，有松葉蟹蟹棒🦀、招牌卷腩叉燒🐷、半隻半熟玉子🥚、荀片同香蔥，覆蓋整個拉麵表層。原條鮮嫩松葉蟹蟹肉棒真係鮮味十足，加上自家製蟹醋，微酸嘅味道更吊松葉蟹的鮮味🔝。另外，跟上的壽司飯面頭鋪滿香甜蟹肉同晶瑩剔透的三文魚籽，兩者鮮味交替，絕對係高檔次的美食享受😋！值得一讚，《GOGYO 五行》用上的拉麵瓷碗🥣非常耐熱，樹熊一路食拉麵都一路感受到拉麵的熱度♨️，熱度可以令濃湯同油脂保持流質稠身的形態，令拉麵吃到最後依然條條分明地掛滿湯汁，滋味到極點。提提一點，日本拉麵文化其實蘊藏着一些拉麵禮儀🙇🏻‍♀️，每碗日本拉麵湯底，其實就是拉麵的精髓，吃完拉麵再把湯喝光就是對師傅的尊重，🈲千萬不要私自加水溝淡湯的濃味，會視為侮辱拉麵師傅的功架💪🏻；吃麵時應該小撮夾起，整條吸啜入口，甚至發出「嗦嗦」吸麵聲，視為對拉麵的讚賞🥳，🈲不要把麵中途咬斷，喜歡食拉麵的香港人相信都會盡量配合吧🤝！八兵衛串燒定食，$198
熊妹好鐘意食串燒，見到有呢款串燒定食即刻心心眼，仲要午巿數量限定🔟客，好彩今日仲有熊妹份，真係開心過中六合彩🎊！定食包五款串燒🍢，由右至左，分別係炸綠豆蓉餅、生菜明太子卷、自家製免治雞肉串、鹽燒豬腩肉同鹽燒手羽。當中，熊妹依然最愛自家製免治雞肉串🐥，表面燒得焦焦再點上濃郁的日本蛋黃滋潤一下，啖啖肉真係大🈵足。
而炸綠豆蓉餅就大有驚喜🤩，一球炸波表面炸得一啲都唔油膩，咬落去，綠豆蓉磨得好細膩，食落質感綿綿，淡淡綠豆味又唔會過份草青，真係想encore多一球！
定食仲跟一碗日本珍珠米🍚同沙律菜🥗，沙律菜用上芥末味柚子醋汁，酸酸地帶點攻鼻的芥辣味，十分開胃又醒神！
午餐仲包餐飲，熊妹點左黑咖啡☕️，日式烘焙咖啡豆沖出濃濃的咖啡香味真係令人精神倍增！📌整體來說，《GOGYO 五行》推出的拉麵、定食等食品有體面又有質素👍🏻，絕對配得上中環這片黃金地段，係一間高檔次的日本拉麵居酒屋。聽說會不時推出期間限定的拉麵新菜式，樹熊同熊妹密切期待下一次的新品。

💈今日熊妹等埋阿妹放工，就去左位於太子近期正式開業的牛排工房《The Steakhaus》試新野喇🆕！📌新店新開張新裝修好新淨呀！門口以一條紅色霓虹光管做招萊，感覺十分搶眼。📌以bauhaus風格的裝潢，黑白格仔🏁的地板圖案配以啡色的沙發椅及枱凳，帶出古典的歐陸風味。📌地方都幾大，有多張二人枱及四人枱。📌二人撐枱腳的高枱非常有情調💑。📌四人枱以沙發坐位🛋為住，空間大啲，又坐得舒服。📌牆上還掛上多個發放暗暗橙光的燈泡💡，令到整間餐廳感覺好柔和又浪漫。📌新店新餐牌，話明牛排工房，牛排種類都有4款，唔想食牛可以揀豬鞍架同羊架，另外仲有沙律🥗、小食🍢、意粉🍝同甜品🍩。甜薯條，$38
阿妹放工太肚餓了，先食個小食先。有甜薯條同薯條揀，一定會揀甜薯條🍠。
冇諗過幾大兜喎，份量好多下，啱啱炸起熱辣辣，脆卜卜，內裏甜薯又軟熟，就咁食已經好有甜味，唔點茄汁都好好味，點埋茄汁🥫就多個蕃茄甜酸味道。
咁嘅價錢咁嘅份量，絕對係超抵食！香草羊架（3支骨），$98
聽講除咗牛之外，《The Steakhaus》嘅羊架都幾掂，所以熊妹同阿妹都有興趣試吓羊！
面頭鋪滿香草嘅羊架🐩，一上枱芬香撲鼻👃🏻，聞到都流晒口水。羊架🦴焗到全熟，一啲血水都冇，肉質好軟腍，全熟都唔會鞋口，仲有肥肉位嘅均勻脂肪分佈，一啖咬落去，油脂泌晒出嚟混合係羊肉入邊，羊羶味都幾出，而香草嘅獨特味道加多重香料嘅味道，減低咗少少羶味，變得冇咁濃烈，鍾意食羊🐏嘅朋友一定會好喜歡，呢份羊架真係做得幾出色！
仲有一大堆烤焗咗的薄荷葉墊底，薄荷葉🥬烤焗後抽乾晒水份，變成好似炸薄荷葉片，超級脆口，味道鹹鹹淡淡，食完羊肉再食吓啲蔬菜葉，中和返口腔羊羶強烈嘅味道。經典卡邦尼披薩，$118
平時卡邦尼意粉就食得多，發現咗有呢款卡邦尼pizza咁特別，真係想試吓！
《The Steakhaus》嘅Pizza🍕有別於一般嘅圓形形狀🔵，取而代之係長方形，切成四塊變成正方形◼️，咁樣Pizza嘅材料就可以平均分佈整個Pizza嘅每個位置，唔會集中係圓嘅中間，食法唔同啲喎。
卡邦尼嘅材料：煙肉🥓、奶油🍼、芝士🧀全部雲集喺Pizza上面，味道就係好creamy，熊妹習慣加埋 tabasco食，帶份微酸辣嘅效果。餅底係餅乾底，薄得來又有厚度，唔係紙餅乾咁薄，食落脆口又有咬口，一開四都好大一件，真係抵食！水牛芝士番茄羅勒闊條麵，$108
食完羊架食完Pizza，食埋意粉就圓滿啦。芝士同蕃茄不嬲都係最佳配搭，蕃茄肉醬比較稀身，醬汁都好多，每條闊條麵🧀都沾滿肉醬，再加埋一粒粒水牛芝士🧀，淡淡嘅水奶味🥛混合係酸甜蕃茄肉醬入邊，味道好夾。玉桂青蘋綠茶，$48
呢杯綠茶以一個葫蘆玻璃杯呈上，造型咁特別已經好吸睛👀。清香嘅綠茶加入青蘋果糖漿🍏，無額外加糖，只係靠糖漿嘅糖分🍯，所以成杯綠茶都唔係好甜，啱晒喜歡少甜又唔飲得咁多甜嘅阿妹。
綠茶入邊加入咗少許玉桂粉，肉桂同蘋果不嬲都絕配，杯上面仲擺放左成條玉桂條，店員話如果想玉桂味濃啲，可以成條玉桂條放入去浸，味道就更濃。📌《The Steakhaus》扒房復古的環境格局，氣氛浪漫，食物味道大眾化，價錢親民，食咗四樣嘢連据扒加埋一杯飲品，都係四百幾蚊，想感受吓歐陸扒房嘅氣氛絕對係一個平價高質選擇！

🐾今日熊妹同𡃁妹行過佐敦總店嘉多娜買麵包，發現整車小巷入邊有間咖啡小店《A CUP THING.》鶴立雞群，行完街有啲肚餓，一於去坐低chill下。📌《A CUP THING.》逢星期三休息，其他日子就開11點到8點，最主要係Pet friendly，可以俾𡃁妹帶隻狗仔🐶入去一齊坐吓。📌店舖唔算好大，有三至四張2-4人枱。燈光好光猛💡，牆身以白色為主，感覺好明亮簡潔。📌店長原來之前係滑板高手🛹，唔怪之得牆上掛滿玩滑板的畫像🖼️。📌《A CUP THING.》原來聯成Radix Coffee☕️，用上佢哋嘅咖啡豆沖調咖啡，仲有售賣佢們的咖啡豆🫘同埋咖啡粉包。 📌門口已經擺放了蛋糕櫃，望落都好引！📌除了飲咖啡食蛋糕之外，原來仲有啲輕食意粉牛角包同全日早餐等等，一於樣樣都試吓啦！豫果豬巴馬火腿生菜芝士牛角包配沙律， $68
好大一個牛角包啊🥐！風乾的巴馬火腿🥓鹹鹹地配合淡淡的bire乳酪芝士🧀，加埋清新的蕃茄片🍅同沙律菜🥬，味道好夾好豐富，食落都唔覺油膩。拌碟仲有一大堆羅馬生菜🥗，配合凱撒沙律醬，有成兜沙律菜咁食，感覺健康啲。蟹身肉三文魚子香蒜牛油意粉， $118
蟹肉🦀份量都好多，一啲都唔吝嗇！蟹肉絲配搭鹹鹹的三文魚子，更出海味。意粉熟到煮得有咬口，最怕軟淋淋。
主要在意粉的醬汁有驚喜！多數香蒜牛油用係炒意粉上面，這個Creamy忌廉汁🍼混合香蒜牛油🧈的做法，濃濃的奶油忌廉味道慢慢滲出蒜香🧄牛油的香味，成件事好似食緊兩款口味嘅意粉炒埋一齊，食得出店長對菜式配搭的心思💕！熱情果芒果芝士餅， $48
食完鹹嘢梗係要食甜品啦！店長推介呢款芝士餅，今日新鮮特製🆕！面頭鋪上幾粒芒果肉🥭，食落熟透又夠甜。熱情果同芒果嘅配搭一定好夾，兩者都係酸酸甜甜，加埋忌廉芝士，做出嚟嘅芝士餅好滑身，中間帶有少許流質，一啖入口軟綿綿，加埋威化餅底重牛油味🧈，係一款材料簡單但又令人滿足的蛋糕🍰。Latte，$42
用上Radix咖啡豆沖調嘅咖啡，梗係要試一杯啦！嘩！果然有別於街外一般嘅latte，混合了多款咖啡豆嘅Radix咖啡，沖調出來的咖啡香味係超級濃郁，淡淡的牛奶入邊都散發出陣陣咖啡香味，而且用上幾款咖啡豆，咖啡嘅回甘味更重。奶泡層好夠厚，飲到最後都依然keep到心形拉花的形態💗，絕對係沖調一杯拉花咖啡的🈴格條件！掂！
《A CUP THING.》機沖的咖啡因為用上Radix咖啡豆，價錢上面都冇特別調高，絕對係可以在encore！柚子檸檬咖啡梳打，$52
試完經典咖啡，就試一杯特色特飲。果然好特別，首先賣相已經好吸引，一杯載有柚子醬梳打嘅玻璃杯，隔離奉上一杯Espresso🥃 ，成個擺設已經好吸睛👀。然後可以自己動手將Espresso倒入柚子梳打入邊🫗，可以睇到好分明嘅Espresso喺透明嘅梳打入邊慢慢瀰漫着，再慢慢覆蓋成杯梳打，成為主角，成個過程真係好自癒🫠！
味道方面都好有驚喜！柚子醬嘅酸甜混入喺無味而有氣嘅梳打入邊，再混合埋濃烈嘅咖啡味，更吊出果酸嘅咖啡味道，再加埋有氣梳打嘅冰涼快感🧊，三款味道都各有千秋，但混埋一齊又帶出好奇妙嘅感覺💫，成個配搭都非常出色👏🏻！📌《A CUP THING.》雖然店子小小，但絕不能輕視店長出品的食品同飲品，絕對不遜色於大型食肆，今時今日，物價沸騰的年代，還能本着用心經營真是難能可貴。

🪩土瓜灣開拓了地鐵站🚇，真係開發左好多新住宅及食肆，今次又同瑪姬皇后來到土瓜灣「U Place」的《漫花燈火OMG》飲飲食食🍴。📌其實一早熊妹都聽聞過《漫花燈火OMG》呢間餐廳以萬花筒為主題，係打卡一流的地方，今日終於有時間來探索一下🕵🏻‍♀️，真係好期待好興奮😍。📌進入餐廳前有一道銀色門簾，感覺很神秘。當揭開這塊神秘面紗之後就呈現變化萬千的萬花筒隧道，由多重角度鏡面造成的萬花筒隧道，反射了地板同餐廳牆身各種五顏六色的影像，感覺自己好像進入了另一個夢幻空間，頓時遠離了塵世的煩囂，這個設計真係好特別，非常有心思💕及意境。
📌經過了二次元空間，就正式進入餐廳。📌嘩！係到另一個七彩繽紛的世界🎨！光猛的燈光投射入天花板粉紫的乾花💐及牆身五光十色的燈泡💡，營造浪漫少女的氛圍，感覺就像身於絢麗奪目的花花世界當中，此時此刻，一定將任何煩惱拋諸腦後，盡情投入在這藝術世界當中。📌有座彩虹波波燈柱絕對是全場焦點所在，打卡勝地。📌更發現了一幅彩虹牆🌈，顏色鮮豔奪目，《漫花燈火OMG》在環境設計方面真係花盡心思💜，有藝術風格之餘又切合大眾的認知，環境方面絕對係攞🈵分。📌除了粉紫氛圍下的四至六人枱外，仲有兩個粉紅私人包廂位，自城一角，岩哂熊妹喜歡大聲講大聲笑都唔怕嘈到別人🗣。📌新一年新開始🎊，當然推出新menu📋，聽店員講解，有舊menu的菜式再加入新的元素，更推出了一些fusion新菜式，主要有西餐🍽、主菜、意粉🍝同特色甜品🍩，睇落都好豐富🤗。黑魚籽牛油果木瓜煙三文魚他他，$168
呢個招牌前菜一定要先試為快！
嘩！一上枱擺盤好靚！典型他他一層一層的做法，材料就係菜式名稱所有的文字，第一層煙三文魚他他🐟，到下一層木瓜層，再到底層牛油果層🥑，成個他他好似藝術品咁，三層顏色鮮艷分明，面頭放上一堆黑魚籽再畫龍點睛🐲，拌碟仲有士多啤梨🍓同藍莓及花辦作陪襯，就咁一個前菜都靚成咁，即刻令人食慾大增🔝！一啖叉落去，有齊煙三文魚他他、木瓜同牛油果，全部都切成碎粒，方便入口同咬口，size均勻，比例平衡，淡淡的牛油果撈埋清甜木瓜同帶鹹的煙三文魚他他，味道偏creamy又帶點清新，加少少黑魚籽多點點鹹味，成個他他無論賣相、味道、份量、質素都對得起價錢，能成為招牌前菜确實當之無愧。美式甜辣香脆雞翼，$58
瑪姬皇后想食雞翼，4隻份量二人食，剛剛好。
又一藝術傑作🎪！四隻雞翼左右上下擺放，側邊有一堆沙律菜🥗，再灑上花瓣，以黑色底盤襯托更突顯五顏六色的食物，就咁睇已經好吸引，所以話賣相真係好緊要。
雞翼大大隻🐥，外表沾上蛋汁去炸，有一層薄薄的蛋漿炸皮，炸到金黃通透。到雞翼位肉質紮實嫩滑，再點跟上的甜辣汁🌶，味道類似buffalo 醬汁，甜甜辣辣帶些微酸性，點埋就更惹味，瑪姬皇后清左三隻，熊妹都係食左一隻讓俾佢喇。
食完雞翼仲有側邊的黑醋汁沙律菜🥗同蕃茄粒🍅解下膩清下口腔味道，頓時清新返哂。韓風卡邦尼意大利粉，$168
呢個韓風卡邦尼意粉係新菜式喎！仲要玩埋fusion菜，一於試下。
Fusion菜就係混合左韓式泡菜及泡菜辣醬，配合西式卡邦尼的煙肉同creamy醬汁，味道係偏辣帶少少奶油味，意粉係扁意粉，熟度剛剛好有咬好，最怕吃淋身意粉。
意粉份量都幾多，可以話係一坐意粉山⛺️，以泡菜醬汁主導的橙黃色意粉山襯托深藍色的盤碟，強烈的顏色對比非常吸睛，可以感受到《漫花燈火OMG》對顏色的概念係有一點研究。黑松露芝士焗墨西哥辣椒薯條，$98
望呢個薯條名都好吸引，瑪姬皇后話唔試唔得。
有新揀小辣，中辣，大辣，相信係放上墨西哥辣椒來定斷，瑪姬皇后話點小辣，因為怕太辣會嗆過其他食材的味道，而小辣又可以吊出少許辣味，又講得幾有道理喎！OMG！係超大一盤呀！薯條🍟脆炸到金黃脆口，面頭再放滿一大堆黑松露醬多芝士再夾雜少許小辣份量的墨西哥辣椒🌶，入焗爐烤焗🔥，成盤薯條所有材料份量多到好似不惜工本咁，3-4人食到飽都綽綽有餘。
熱盤包裹著錫紙熱辣辣送上，盡量保持熱度不讓薯條變涼變淋，面頭黑松露芝士芬香撲鼻，趁熱拉起絲，㚒埋薯條一齊食，三樣食材都超級邪惡，相信油脂膽固醇即刻爆標，不過都難以抵抗這個黑松露芝士焗墨西哥辣椒薯條的好味程度，所以熊妹同瑪姬皇后都堅持清了一大半。伯爵茶拿鐵， $44
熊妹不嬲飲開咖啡，但見到有呢杯伯爵茶拿鐵，好少地方有，真係要試試。唔係平時一般的3D心型拉花，取而代之是貓型奶泡，超可愛的貓貓🐱，放在枱上，不時都會望佢兩眼👀，而且奶泡層🥛做得好足好夠厚，所以貓貓飲到最後都仲能保持原狀。熊妹最欣賞就是這種出色的沖調方法👍🏻！
好香好重的伯爵茶味🍵，熊妹發現伯爵茶加牛奶會令伯爵茶獨特味道更出，再吊返奶味出來，所以伯爵茶原來係好趁做拿鐵！呢杯伯爵茶拿鐵成功地入圍熊妹必飲清單行列。📌兩個妹子食到頂住兩個肚腩，多數食境的餐廳食物會麻麻，而《漫花燈火OMG》食物質素高質，口味又大眾化，無唸過份量咁多，價錢相對都🈴理，陶醉於這個與世隔絕的萬花筒世界當中真的不想離開！📌萬花筒💈就是用上多塊不同切角面的鏡片📐，去營造各種不同角度的影像，《漫花燈火OMG》正正就想帶給食客這種概念，以多重角度去感受這個美麗動人的花花世界🌺。

🪅阿豬媽話想食泰國嘢，今日就同佢去到旺角通菜街一間都開咗好耐，成日行過又未試過嘅泰國餐館《阿來泰式地道風味》。📌位置就係喺先達對面，真係成日行過都見到有好多人食，睇啲餐牌價錢又幾親民，所以好受街坊歡迎👏🏻。📌下午2:30嚟到本身座無虛席，啱啱好掃左一大班午餐客，好彩即刻有位坐。📌好多張四人木枱，牆上中貼滿好多菜式嘅圖片，圖文並茂，俾食客可以參考吓食物嘅賣相。📌喺Floating Market啊！睇相都即刻想飛返轉泰國🇹🇭。📌午餐menu做到下午五點半，$55一個餐包飲品，無加一，堅係抵。📌單點就有一系列泰式食品，包括串燒小食🍢、泰式炒菜🥬、火山排骨🦴、咖啡軟殼蟹🦀、芒果糯米飯🥭等等，唸得出的泰菜都有。柚子沙律，$78
頭盤先食個沙律喇。阿豬媽話想食柚子沙律，想食下啲生果開胃。粒粒柚子食落新鮮好多汁，沙律醬汁以為好辣但原來偏甜，仲有好多粒花生粒🥜，增加多重口感，呢個沙律餐前食唔完又可以當餐後飯後果，正。泰式小食拼盤，$158
泰式小食樣樣都咁吸引，點小食拼盤最好不過。小食拼盤有魚餅、蝦餅、春卷同雞翼。魚餅重香茅味，肉質唔散，唔點泰式辣醬都夠味。蝦餅膽卜卜，蝦膠食落彈牙好有咬口，點埋泰式辣醬最惹味。春卷超大一舊好紥實，饀料多到滿瀉，調味好夠，好脆口又豐富，值得再三回味。雞翼炸起收乾雞皮油脂，食落唔油，size唔係好大，再點下泰式辣醬增加味道。冬蔭蠔仔肉碎泡飯，$55
阿豬媽一見到午餐menu，就睇中呢個蠔仔飯。
潮洲蠔仔泡飯就食得多，泰式蠔仔泡飯又見過未？泰式就係以冬蔭功湯做湯底，絕對能夠代表泰式風味。冬薩功辣辣地，配海鮮最夾，蠔仔細細隻🦪，味道都鮮甜，配料仲有好多肉碎同草菇，一啖泡飯🍚連蠔仔，肉碎同冬蔭功湯🍲一齊食，係滋味十足。泰式湯金邊粉配雞絲扎肉，$48
食左個泡飯，想試多個湯粉。湯金邊粉可以揀一款餸菜配料配清湯，熊妹認為雞絲扎肉清清地無咁濃味，唔會蓋過清湯的味道。扎肉好大一片，都有三四片，雞絲好粗身有咬口，金邊粉粗幼適中，連湯飲好清。餐飲
午餐包餐飲，凍飲加$3。📌總括而言，平價親民泰國菜，款式繁多，味道正宗，難怪係通菜街咁多年都屹立不倒！📌原來仲獲奬無複數！誤打誤撞食左間入圍餐廳，哈哈！真係估佢唔到喎！

🪭難得B豬忙完，終於得閒出黎食野，熊妹當然要帶佢去食好野喇！就佢放工就揀港島區。近排朋友介紹係銅鑼灣Tower535有間食壽喜燒《昼月》，地理位置已經夠高級，仲要食埋靚牛，成件事仲唔夠派頭？📌《昼月》位於銅鑼灣Tower535 3️⃣樓，兩轉扶手電梯就到。一上到去，已經望到印有餐廳名稱《昼月》的布簾在翩翩起舞，在現代裝潢的高樓大廈中仍然能夠散發出日本居酒屋🏮的感覺，呢個設計真係大有諗頭！📌L型的餐廳格局，一邊是酒吧位🍶，超級亮麗的裝修，用上木製酒吧凳，而亮點在於酒吧枱入面高高懸掛的大月亮🌕，大散光茫，成件事都好日本風情🎏。📌而另一邊廂就是餐廳內座，有四張大木枱，可以坐4-6人。晚上七點幾到，每張枱都坐🈵人，好彩有訂位📞，唔訂位真係可能會摸門釘🧷。📌每張枱上空都掛住一個大大的月亮🌝，幾時都可以睇到滿月光光，照地堂，真係好切合餐廳主題。📌一心黎就係想試呢個A5和牛壽喜燒餐，包十五品食材，配菜有酒肴、自家漬蕃茄、時令生蠔2隻、刺身4點、磯煮鮑魚、野菜盛合，重點主菜包括A5和牛西冷、A5霜降和牛片、A5赤肉和牛片同日本豚梅片，最後跟御飯同甜品，有刺身有肉有菜有飯又有甜品，$880兩位，呢個價錢配合咁靚的環境怖局，真係絕對超值👍🏻！酒肴
酒肴即係佐酒小食，好多時鱈魚乾都會成為代表作。一碟有十幾片，脆脆卜，剛烤過帶點微熱，淡淡的鱈魚味送日本清酒🍶真係一流。細呷一口清酒再食一口鱈魚乾🐟，慢慢跟友人把酒暢談歡，感覺十分寫意。自家漬蕎頭
今日的自家漬蕃茄變左係自家漬蕎頭，嘩！太好了！兒時，外婆經常在家自家醃製的蕎頭，今天竟然能夠吃到！超級爽口，酸酸甜甜勁開胃！是兒時的味道呀！開心！🤗
時令生蠔2隻
生蠔上放了兩顆帶有柚子味道的啫哩，酸酸甜甜完全僻去生蠔🦪的腥味，食落更為鮮甜。
季節刺身四點，磯煮鮑魚
刺身四點🍣有三文魚、油甘魚、大蝦同帶子，全部食落都好新鮮肥美，食落口少少油脂滲透出黎，食得出絕對不是便宜貨；磯煮鮑魚，食落幾彈牙又有海水味🌊，平時唔係點食鮑魚的熊妹都想食多兩片。野菜盛合（野菜，鮮菌，豆腐及葛絲）
熊妹最愛就係蔬菜🥬，無菜不歡，娃娃菜，冬菇🍄，白菌，豆腐片，份量都幾多又新鮮，味道清淡的野菜配合壽喜燒帶甜味的湯汁，唔會混合太多的味道，自然想連一啖湯都飲埋。湯底仲有啲葛絲，質感好Q彈，食落好滑身，浸滿湯汁食好濃郁。A5和牛西冷 120g
和牛西冷紋路均勻，帶有少少肥肉位，食落薄身得黎又好有咬口，牛味十足，沾上蛋汁，熟牛肉之間再加多一種滑嘟嘟充滿生蛋黃的味道，壽喜燒的食法真係滋味無窮😋。A5霜降和牛片 100g
霜降和牛就當然出色，薄薄的一片，入口脂肪同和牛即溶掉的感覺實在令人再三回味。A5赤肉和牛片 100g
全片和牛肉都係瘦肉位零脂肪，令熊妹好興奮！大大片和牛食落去真係啖啖肉，沾上蛋汁都難掩濃濃的牛味！掂！日本豚梅片 100g
唔好以為豚肉會輸蝕？雖然肥肉位多少少，估唔到豚肉味出之餘又唔覺好油膩，唔似和牛的入口溶化，但豚肉🐷的嚼勁口感都好唔錯！
御飯
當然係日本珍珠米🍚，粒粒分明，份量唔係好多，食左咁多牛都飽飽濟濟，壽喜燒甜汁撈埋碗飯就剛剛好。甜品
最後，食埋牛角窩夫🧇配雪糕🍦就功德圓🈵！A5和牛壽喜燒餐，禮成🎉！淥一淥牛，再點一點蛋黃汁🍳，嘩！就是說不出的壽喜燒興奮😝！清酒放題三小時，$168
佳肴又點少得配美酒？加$168就可以任飲日本清酒三小時，自助形式，到酒櫃任㨂🍾，任君選擇，全部小嚐一口，都夠飲成晚。📌《昼月》無論地理位置，環境格局，食物質素，都無可挑剔的地方。都巿人勞碌了一整天，想找個地方放鬆一下，《昼月》就正正是一個充滿日本文化氣息🇯🇵的餐飲地方，可以把酒暢歡，透個大氣，飲個痛快！📌不醉無歸！乾杯🥂！📌明月幾時有？把酒問青天。