好今次嚟到太子做野 順便食下個lunch 見到呢間越南野都有幾個人排隊 咁我梗係又試下啦 咁當然我咁鐘意食牛 食越南野一定要食生牛肉河啦 個牛肉湯底味好濃 生牛都好嫩滑好正 而且大大碗咁好抵 而我朋友呢就食撈檬 通常喺出面嘅咋我冇你都係得幾片嘅 但係呢就有5片咁多 而且仲係勁多粉嘅 就連我個好大食嘅朋友都食唔晒呀 我哋仲叫咗一個軟殼蟹米紙卷同埋香茅雞翼兩樣都好滋味 尤其係個米紙卷 真係真材實料 呢度嘅飲品你係用台式嘅飲品嘅包裝方法 所以我趕時間飲唔晒我個咸檸7都可以拎走 食咁多野都係$200有找 好抵食

話說去朋友屋企玩見到佢樓下有間小食都幾多人排隊 所以即刻買咗幾隻上朋友屋企邊玩邊食 我買咗一set四隻另外再加一個餐 因為一set四隻個餐係可以任選四款 本身一隻到到都貴過$30 所以係餐係抵左既 其實每隻都係有條腸喺裏面只不過出邊係唔同 我哋5個人入邊有四個人都揀咗有薯條喺出邊嘅熱狗 其實呢d薯條呢係薯仔粒 出面比較少見到呢做做法 佢地仲要係即叫即炸嘅 所以一啖咬落去熱辣辣嘅芝士係流出黎嘅 好正呀對於我呢個芝士控一定必試 我仲要喺上面加多左d芝士漿 真係好正 有個亦都好欣賞佢嘅嘢飲 雖然即叫即整既飲品 但都可以做到罐裝嘅包裝咁就唔會驚倒瀉啦

其實之前去開中環做野都有時會黎呢間越南野食, 今日個FD講開食間越南野,於是我就帶佢黎左呢間啦 呢間野個位置唔係咁多, 而大部係都係坐BAR枱位, 不過唔算逼, ~至尊~$98 我朋友貪佢呢個係乜都有咁, 係有生熟牛柳片/牛腩/牛肉丸/牛栢葉/扎肉. 好大碗, 真係啱晒D好食得既人, 講返個味道先, 其實就咁睇個咁深色既湯底都覺得應該唔會太差 果然湯底個味係好濃郁, 牛肉味好重,而且又夠熱, 好味, 而牛柳肉片都好嫩口, 值得一提得牛丸係真係有牛味, 因為平時通常食到個D都係冇乜牛肉味, 所以都好難得. ~Laksa~$88 雖然明知米粉應該會入味d, 不過我都係揀左米線, 喇沙既香味離遠都聞到, 椰汁味好濃, 當中有魚片頭,/豆朴/魷魚/雞蛋, 所有餸都吸晒湯底既精華, 正呀. ~秘製薯條~$38 基本上係必食既, 因為佢個明太子味既汁已經羸晒, 薯條既表面仲要係有D辣粉, 所以辣辣地咁好正, 其實雖然仲有其他兩款醬汁但係我次次都只係點明太子汁架ja , 因為真係一試難忘.

朋友介紹左呢間台灣野打邊爐, 感覺都幾新鮮, 首先講下個環境先啦, 全間店都係以木色為主, 感覺好RELAX, 我地仲有可以安排到坐卡位添呀. 啱晒我地呢D邊食邊傾既人啦. 坐底左第一件事就梗係拎野飲先啦, 最有驚喜係有洛神花茶/菊花普洱/桂花烏龍茶, 仲有其他好台式既飲品, 我揀左洛神花茶, 酸酸地咁幾好飲. 而家FOLLOW及LIKE左佢IG仲送黑糖珍珠 除左台式既為麻辣之前,呢度有好多特別既湯底揀, 淨係雞鍋都有兩款, 有蒜頭雞同鳳梨雞煲, 但係我朋友唔係好舒服, 所以我就揀左個清清地既阿嬤養生濃湯鍋, 呢度係用PAD落單,既, 好方便, 而且仲有安格斯牛肉, 同埋西班牙豬肉梅肉片,肉類款式好多選擇, 仲有好多台灣直送, 當中包括秘制滷牛筋同牛肚,手打旗魚漿,,鴨血, 豬血膏,必食既鹽酥雞, 小香腸, 真係好有台灣特色,其實有其他蔬菜同埋丸類等等係可以係出面任拎架, 而且都係好特色, 有乳酪蛋腸,竹炭海鮮丸,仲有我最愛的窩筍呀, 我既最愛當然係安格斯牛肉啦, 係幾種唔同既部位, 我比較鍾意牛板鍵. 因為佢既油花分佈比較均勻, 食多幾片都唔會膩.

上次食完呢間之後又再帶左另一個朋友黎, 今次比上次多人左, 不過都好彩好快有位. ~奧斯龍蝦熱狗飽~ $108 坦白講一開頭見到呢個包我係有少少失望, 因為完全冇龍蝦, 只係得D有蟹籽既沙律醬. 明顯係貨不對辦啦, 正當我發脾氣撥開左堆沙律醬既時候, 原來D龍蝦肉係個包既入面, 都幾多架, 即刻開心返, 之後咬落個包度發現原來個包都係焗過, 暖暖地幾好味. 啖啖肉而且又大大舊既龍蝦肉好正, 真正感受到每一口都係蝦肉加包, 而個沙律醬係有少少BONUS既作用, 佢D 蟹籽粒粒令到口感豐富左 ~10OZ西班牙有骨豬鞍伴薯條~$155 呢個豬鞍肉質唔鞋, 而且又唔會痴牙及唔肥膩, 係誇張左架啦. 不過有少少豬頸肉既感覺,但當然冇咁爽口啦, 而且仲食到燒得好香添

上星期去左將軍澳探個朋友, 發現佢屋企樓下有間環境好CHILL既台式餐廳, 呢間餐廳係對住一條河同埋好大片樹木. 感覺上好RELAX, 其實坐戶外應該更加正既, 不過個日太熱, 所以坐左係室內, 室內個環境都好休閒, 而且仲有D書可以拎黎睇 ~紅燒牛肉麵~ 呢個係午市定食套餐. 本身都有小食, 我揀左醃黃瓜條, 另外加$10就可以加小食, 我要左鹽酥雞, 牛肉麵既湯底既味入晒去D牛肉. 麵質彈牙, 係咁熱既天氣食住呢個又爽口又凍既黃瓜條感覺上真係好爽. 鹽酥雞炸得唔油膩及炸左既雞肉又唔會太鞋. ~香酥/香煎排骨套餐~ 另個係魯肉飯, 個香煎排骨有驚喜,因為佢真係好大塊. 再加上我呢個都係加左個小食, 加左個魯肉配菜心, 所以係完全食唔晒, 排骨煎得香口但不油膩. 魯肉配菜心亦相當入味. ~口水雞三小拼盤~ 當中包括溏心蛋/豆腐/口水雞. 雞唔係好辣. 但係溏心蛋就太熟. ~珍珠奶茶,芒果沙冰~ 呢度係用外賣杯, 大大杯咁, 飲唔晒可以拎走.

呢間餐廳次次都好多人等其實，之前都有興趣試排但最後都放棄左，難得好日早左放工，走去望望， 終於唔駛排咁我就即該試下啦 我地叫左兩個dinner set 今日既餐湯係忌廉湯 〰軟殼蟹黑松露意大利飯〰$118 最愛食RISOTTO既我點會唔叫呢個. 佢呢個係比較淋既意大利飯, 軟殼蟹比預期係大隻.佢都起碼遮左個飯一半, 由於唔想成隻食咁油膩,所以我將佢切開之後再撈埋D飯入面食. 一啖軟既飯再加一口脆既,軟殼蟹 ~焗芝士肉醬千層麵~$128 MENU寫左係每日限定12份, 好彩我地仲叫到, 熱呼呼新鮮焗起, 好香噴噴, 芝士係住個飯, 上及四周咁包圍個飯. 啱晒我好鐘意食芝士既老公. ~OREO曲奇雲尼拿奶昔~ & ~ 香蕉朱古力奶昔~ 兩杯奶昔既味道都好濃郁, 而且又係真材實料, 真係有香蕉粒架, 而且大杯, 抵飲.

今日食左下午茶 所以都冇乜胃口 想食下粥 原來佐敦都開左呢間新記雞粥 所以今晚就食粥啦 〰️貴妃雞粥〰️$51 呢個係我每次都必食既粥呀 今次食都仍然保持到個水準 雞味好濃 聞得到好香 而且個粥底真係煲得好綿 真係好回味 〰️紅燒元朗脆皮乳鴿〰️$59 叫得個粥梗係要叫埋乳鴿食啦 好似上次食咁個皮仍然係炸得好脆既 但入面既肉又唔鞋 加埋d准鹽真係好正 〰️椒鹽豬扒〰️$55 我加多左$16轉餐 個餐包括一碗白飯及一杯飲品（凍飲加$3）豬扒每塊都好淡淡肉及頗厚 冇乜骨既 煎得每塊都金其色 最吸引係d蒜係好多 用黎撈飯一流 而且豬扒都幾多塊架 〰️魚香茄子煲〰️$52 茄子好淋 用黎餸飯好惹味

本身都好意食燒鵝, 之前經過已經見到呢間主打食燒鵝既餐廳, 咁啱今日約左朋友去睇戲, 佢又諗唔到食乜, 所以我就提議下試下呢間啦. 我地叫左個2 人套餐($248), 因為又可以食燒鵝又可以叫义燒, 仲有油菜及2碗飯/瀨粉/米粉, 及可以揀飲例湯或餐飲, 真係滿足晒我. 雖然係例牌, 不過我覺得都夠食, 而且我地好好彩呀, 我地有燒鵝脾呀. 燒鵝個皮係薄及好脆, 唔多肥膏, 鵝肉既味好濃, 燒鵝下面仲有花生.好正呀 呢碟义燒色澤好吸引, ,表面好朴朴咁充滿蜜汁味, 肉質係肥瘦適中, 除左义燒之前, 其實可以揀其他, 例如, 燒腩仔/切雞/豉油雞/燻蹄/紅腸

自從上次食過呢間咁有日本FEEL既拉麵後, 一直都想再食既, 咁啱個晚行開尖沙咀, 真係估唔到尖沙咀都有, 所以就入左去啦, 呢間比上次旺角大少少, 除左有BAR枱之前, 都有普通坐位, 我就仍然係坐返好有FEEL 既BAR枱 雖然張枱唔算好大, 但係就有齊應該要有既調味配料, 包括薑絲, 芝麻, 蒜粒, 七味粉, 而且抬高頭仲有紙巾添呀. 上次食過覺得個套餐都幾抵食, 又有小食又有拉麵, ~別天神拉麵~$105 因為老公好鐘意食煎餃子.所以呢個即叫即煎既佢就最LIKE 啦,所以放入口既時候個皮仲係熱架. 湯底味道濃郁, 而且仲一隻糖心蛋, 叉燒都好大片 ~蝦味噌套餐~$115 上次食過呢個小龍蝦蟹籽沙律覺得都食左個沙律做前菜都幾新鮮,可以清一清個口先再品嚐碗拉麵 今次湯底仍然係有好強烈既蝦及味噌既咸味, 好正