珍珠奶茶係唔少人嘅comfort food。每次屋企嗰兩個為食既小朋友見到👀，當然都想分一杯羹。不過手搖飲品始終唔太適合小朋友(咖啡因/高糖分/高脂)更加講唔上咩營養價值 🌟Mother Pearl圓貝-全新小朋友MENU🌟 本身都有飲開Mother Pearl ，因為佢主打低卡，全自家製食材，係比較健康啲嘅純素手搖飲品選擇，飲多兩杯都無咁有罪惡感！點知佢最近推出仲推出全新小朋友Menu! 真係⁠小朋友都啱飲嘅珍珠奶茶，⁠自家製植物奶、無咖啡因、 選用健康糖，⁠每杯兒童飲品都有不同營養價值 🟡Golden Minions 黃金小小兵（金圓貝） 海鹽雲呢拿米蓋｜香蕉｜黃金蕃薯｜黃金燕麥奶｜蔗糖｜抗炎黃金珠 黃金小小兵特飲材料高纖健康，用上蔗糖，含有薑黃，具抗炎、抗氧化功效，幫助提升免疫力！呢杯好香 香蕉味，多數小朋友都會鐘意。 🔵Baa Baa Black Pearl 爸爸羊(藍圓貝） 牛油果｜香水檸檬｜椰子花蜜｜菠蘿汁｜藍藻椰子奶蓋｜排毒炭黑珠 ◤爸爸羊◢係沙冰類，特飲中含有牛油果🥑，有益脂肪酸可以幫助保持腦部、神經和眼睛健康！味道好重檸檬味，飲到底都見到牛油果粒。 🔴Pepper George 佐治小豬 （粉紅圓貝） 士多啤梨｜藍藻雲尼拿米蓋｜椰子花蜜｜杏仁奶｜排毒炭黑珠 沙冰款。除咗個名好熟悉，仲由佢最愛士多啤梨成調制既飲品，有豐富維他命C，幫助增強抵抗力。酸酸甜甜小朋友都鐘意。 🟢Groot in the Woods 小樹人（綠圓貝） 開心果雲呢拿米蓋｜純素朱古力｜杏仁奶｜牛油果｜朱古力碎｜抗氧抹茶珠 杏仁和開心果對腦部發展有益處，純素朱古力亦啱小朋友口味，用杏仁奶連乳糖不耐症嘅小朋友都可以飲。

今日專程過嚟試下人氣甲羅燒。 餐廳位置喺尖沙咀市中心棉登徑。無論係門面定係餐廳入面都裝修得好有日本風情。 黑門角切海鮮沙律 除咗有新鮮嘅沙律菜之外，角切魚生份量好多！食到底都繼續有。 深海薄切池魚 師傅刀工好犀利真係切到好薄，池魚好新鮮冇腥味,反而有池魚獨有嘅回甘。 海膽蟹味噌甲羅燒 期待已久嘅甲羅燒，蟹殼上面有海膽，蟹子，鵪鶉蛋，蟹肉。哥哥好貼心畀你打完卡之後就會喺隔離開個爐幫你燒，佢慢慢喺個爐上面將佢攪勻，海膽撈埋蟹膏真係冇得輸，仲要加埋蟹肉，配一塊餅乾畀你伴住食。每一啖都好似有上千隻蟹喺你個口入面一樣，真係好鮮，好蟹！推介。 壽喜牛肉鍋 壽喜燒有一般配料芋絲，粉絲，冬菇，大蔥，金菇菜，豆腐等。另外仲有一碟牛肉畀你慢慢自己煮。牛肉好大塊又冇渣。另外我仲自己配對咗個烏冬撈埋啲壽喜燒湯汁一齊食！ 鮭魚親子丼 三文魚就當然好新鮮，鋪滿成個丼飯，上面仲有幾片海膽，壽司飯係醋飯，估唔到咁大碟，可以兩個人分嚟食！ 燒雞皮 叫咗一串燒雞皮嚟食，非常脆口，啲肥膏已經燒曬所以一啲都唔肥！ 點解嚟講環境坐得舒服，店員嘅服務都唔錯，適合朋友聚會過嚟傾計。

原來銅鑼灣有個咁正嘅地方，入面有專業嘅調酒師，可以同朋友坐低飲酒，指定日子仲有dj到場打碟。一路聽住歌一路摸酒杯底。 可以選擇坐喺吧檯直接望住dj打碟,鍾意靜少少傾偈嘅亦都有好舒適嘅座位。 最難得係啲食物好有質素，真係好啱同朋友聚會或者過嚟拍拖♥️ 餐牌上一般嘅cocktail ，high ball都有，另外有signature drink,有分兩大類別。French Earl grey茶底或者white roast tea茶底 Santeby 壞特？te（名稱係來自一隻Album） white roast Tea加埋白桃嘅酒 有rose tea 香味加埋桃酒，好易入口亦都好啱女仔飲。 香腸拼盤 台式豬肉腸，糯米腸，韓式雜肉腸，德國酸菜 美國黑安格斯肉眼扒10安士 七成熟係完全達標，做得好好。肉眼扒好夠牛味啲，仲要一啲渣都冇。法式伯那西醬係整個菜式既亮點，好似劃龍點睛一樣，將成塊牛扒嘅感覺都提升。 素肉菠菜闊條麵 材料有仲蘑菇+瀑布芝士。 本來擔心個意粉會好寡因為冇肉但係上到碟發個係好濃味，有瀑布芝士加埋蕃茄醬啱啱好中和咗，做到芝士嘅口感但係唔會太油膩。 接骨木花蘋果伯爵茶撻 上的嘅時候見到由蘋果造成嘅玫瑰花，非常亮麗，好適合打卡。食落去個撻中間都仲有蘋果嘅啫哩，帶出唔同層次嘅味道。呢個甜品為呢餐西餐劃上完美嘅句號

慶祝晚餐，特意選擇高級日式餐廳-輝 環境闊落，一入去見到廚師製作料理台，明亮光猛，猶如舞台一樣，坐吧台更可與廚師chit chat ，望住食物製作步驟。台與台之間有間隔距離，另有一包廂，方便傾計。 🔸漬物-沖繩海草海參刺身$88 用沖繩特有海草帶有漬物的微酸，第一次吃海參刺身。原來海參會如此爽口。絕對開胃之選。 🔸雞泡魚乾$98 雞泡魚乾烤至甜甜少少脆身，很適合配酒,朋友一邊傾計一邊吃。 🔸蟹肉忌廉薯餅 一碟兩件，細心各分碟上。炸得夠薄脆，忌廉好食亦有蟹味。 🔸精選刺身拼盤（五色）$488 拖羅 ，深海池魚 ，蝦 ，帶子 ，右口魚 侍應有介紹那款先吃那款後吃。品嚐刺身的先後次序，先淡後濃。新鮮當然不在話下，刺身不同於平日，每一款會配有調味，例如：柚子皮，配合刺身的感覺更加提升。這種做法過往吃高級Omakasake 時才見過。 🔸自選壽司$58-88 深海池魚壽司/金目鯛壽司/蟹肉拼蟹膏壽司 魚類刺身沒有平日吃的急凍感覺，室溫更令魚質軟嫩口感特出，配日本壽司米，好吃！蟹肉拼蟹膏感覺很濃濃的新鮮蟹味,值得一試。 🔸火炙A5和牛香蔥拌麵$268 火炙A5和牛入口融化，一點渣都沒有，絕對是靚和牛，加埋火炙令和牛味更香。香蔥拌麵份量比我們想像中大。上醬汁可再添，但其實本身伴麵醬汁已經夠香夠濃。 🔸黑蒜豬骨湯豚肉拉麵$188 黑蒜豬骨奶白湯底香濃不膩。幼拉麵能夠掛湯。難得豚肉質素亦不俗，肥瘦適中。 服務非常好，杯中沒有機會清空，店員密密加水清台。每完成一道菜會再準備下一道菜。每道菜都有出場次序。 享受的一餐！

灣仔人氣西餐廳，最好多人去打卡♥️ 餐廳環境好服落同埋舒服嘅，成間餐廳都用黑白嚟做主題，特別嘅地方係成間店舖嘅裝修都係搵一班學生artist 用人手親自一筆一筆畫上去，以「舞台」為主題，入到去好似去左漫畫世界咁。 Dinner set有不同種類，仲可以加$28有湯/沙律&飲品。 🔸京式烤鴨薄餅 京式烤鴨做薄餅係新穎既。京式烤鴨做得不錯，有京蔥，青椒做配菜 。烤鴨都係厚身肉塊，份量亦唔少。 🔸紐西蘭鮮西冷牛扒 西冷牛扒七成熟都大致做到，另外都算幾有牛味，有咬口唔會韌。 🔸蒲燒鰻魚櫻花蝦意大利飯 條鰻魚好長好搞笑意大利飯亦都做到軟硬程度啱啱好醬汁方面都幾配合有埋櫻花蝦調返個味。 🔸日式西京燒比目魚扒 三塊比目魚扒，估唔到份量都幾多。比目魚扒燒到個皮好脆入面嘅肉係好嫩，再配埋薯蓉，各款蔬菜。 🔸花見 ▪️玫瑰啫哩▫️檸檬芝士餅▪️杏仁餅碎 一上碟好靚。粉紅色嘅啫哩入面係食用玫瑰花瓣，下面嗰層係檸檬芝士餅，周邊再圍住一啲杏仁餅碎。檸檬芝士餅無好漏，甜到啱啱好，好有檸檬嘅香加埋上層嘅玫瑰花啫哩有清新嘅香氣，成件事都係幾fancy，好啱打卡。

新加坡菜喺香港仲要係做正餐嘅新加坡菜好似比較少有。原來佢個名蘇山係配一個好女仔嘅英文名susan😆😆 🔹夜市沙爹牛肉雞肉 燒烤燒得唔錯，肉質依然juicy，配埋惹味沙爹醬 🔹地道白咖哩老鼠粉 老鼠粉，就係頭尾尖、中間粗身的麵條，好滑身。白咖哩湯底都惹味唔辣的，配有叉燒，水魷等 🔹順化豬肉串 有些主食可以加錢以優惠價配小食。３串都係燒得好香既豬肉 🔹海南雞飯半隻套餐 海南雞真係好滑，點埋佢配既汁仲好食！半隻份量真係幾多，可以一齊分享 🔹輕怡排骨茶 海南雞飯＋＄１０就可以有埋細版排骨茶。好有新加坡風味 🔹娘惹咖哩炸雞配乾魚仔椰漿飯 娘惹咖哩同平時嘅咖哩係有啲唔同，佢有多種複合香料味道，比較濃郁，椰漿飯好特別係綠色㗎，仲好香椰漿味！ 🔹開心果椰汁奶昔 飲落除左椰汁味外，仲有一種特別味道，應該就係開心果。之前未飲過開心果做既飲品，大家可以試試。係好飲既！ 🔹咖央油條配薄荷朱古力雪糕 油條真係我地平時食個Ｄ油條，原來可以做甜品，配朱古力醬一齊食，仲有薄荷朱古力雪糕，幾特別。

見到Airside 開左間新餅店。 Artemis by Deesses店面好Fancy,有好靚嘅立體熊仔蛋糕，仲有七彩嘅牛角酥。 屋企人生日，今次訂咗個2D Bear Bear 蛋糕。由於新鮮製作，所以預訂都要3天前下單。有六種唔同嘅顏色代表六種味道揀。 我哋揀咗朱古力味既Brown Bear。由65%chocolate mousse，Passionfruit cream，Royal cream，Chocolate sponge組成 。 無論蛋糕定係cream都係朱古力味，啱曬啲chocolate love。65%朱古力味剛剛好唔會太甜亦都唔係太苦，味道好濃，啖啖都係享受。蛋糕中間有百香果嘅cream，酸酸甜甜，剛剛好和朱古力互相襯托。佢嘅cream好棉密幼滑，所以成個蛋糕都好有重量。整體嚟講好好食，下次試下其他味道！

想見麵聽個店名就知道係主打麵食，不過其實佢仲有飯類（例如：海南雞飯,荷香籠仔蒸飯） 第一次嚟到當然要試下佢主打嘅麵食： 🔸麵底$14,餸款就$9-$15 🔸醬汁嘅有好多選擇仲可以揀兩款 例如：牛腩汁,沙嗲汁,咖哩汁或者少啲見嘅頭抽🔸乾撈，重慶麻辣汁，魔鬼沙嗲汁等 🔸主食都有好多款揀 例如：油麵，幼麵，米線，薯粉甚至乎白飯，椰汁香茅飯，菜底都可以。 唔想煩嘅可以叫已經配好既車仔面 🔸精選車仔麵 有瑞士汁雞翼，魚皮餃，炸魚皮，花枝丸，魚片頭配米線（魔鬼沙嗲汁） 最特別係佢嘅汁醬，沙嗲汁係又粗花生粒嘅所以好香花生味，魔鬼沙嗲汁亦都有別於一般嘅沙爹汁係辣好多嘅，夠曬惹味。 🔸牛將軍車仔麵配幼油麵沙嗲汁 聽個名就知道係全牛宴，牛筋，牛腩，牛肚，牛展，牛柏葉，牛丸。牛筋炆到夠哂淋，牛腩亦都有筋肉嘅部分唔會係淨肉，牛肚&牛展都幾入味。

PC狗誕生日期間限定店🎉第一次見到PC狗主題嘅店舖，好少有~ 除咗全間店嘅裝飾有PC狗食物,亦都有PC狗嘅造型之外,佢仲有一啲特別精品賣。 店舖一邊係大卡位一邊係吧檯，台唔算好多，所以都要排隊等入座。 Pochacco有四款特式嘅食物，四款都好有日式風味～ Pochacco日式南蠻雞包$25 包面印有PC狗圖樣，塗咗一陣薄薄嘅芥末醬，炸雞亦都係傳統日式南蠻味道，炸雞要賺佢炸得幾好，外面好脆，入面啲雞肉仲好嫩唔會柴。 芥末風味Pochacco日式雞肉蟹子沙律$59 上碟係用PC狗嘅剪影砌出來。原本以為細細地，鬆開先知份量咁多😅入面好足料，日式蟹子，雞肉，火腿，青瓜絲。肉份量仲多過菜。 Pochacco北海道紅豆酥配熱茶$38 最喜歡這一款。紅豆酥係PC狗黑白樣，佢上碟時酥餅係微熱，溫度令到整個酥層提升，入面紅豆蓉少甜亦甜而不膩。啲茶有多款茶可以揀，有我最愛嘅白桃茶。成件事好日本。 Pochacco日式芝士布丁燒$68 布丁燒好香雲呢拿&芝士味。布丁上面印有PC狗嘅圖案米紙，另外再配香蕉。布丁燒食得出係自家製正野，唔係平時來貨嗰啲普通貨。 特盛濃厚雞白湯拉麵 呢度拉麵用幼麵，湯底係濃厚雞白湯，雞白湯本身無豬骨咁油膩，濃厚口味亦比平時既雞湯濃沃,推介。每碗拉麵配有１叉燒＋３片雞肉片。叉燒有少少焦香嘅有肥瘦肉，雞肉片用慢煮方式好嫩滑。

平時親子餐廳以遊戲室為主，食物通常都係一般般，但炑八本身做韓燒,觀塘呢間再做埋親子餐廳。 所以大人食得開心，小朋友又玩得開心♥️ Playhouse 都唔算細，有波波池，廚房玩具，車車，模擬超市玩具等等,最特別係小朋友仲可以穿韓服！ 食物方面好豐富~~ 小朋友叫一份兒童餐就已經包埋playhouse&韓服&扭蛋金幣~ 🔸新年公主賀歲蛋包意粉（兒童餐） 兒童餐種類好多，有飯，意粉，飯團，炸物選擇。公主蛋包意粉，用蛋皮包住炒過嘅蕃茄雞肉意粉，另外仲有蕃茄粒半碟。每一樣嘢都啱好小朋友口味♥️ 🔸王者牛肋骨 真係王者牛肋骨，份量非常大，肉質都係靚嘅材料，開頭唔知從何入手，原來啲完姐姐係會過嚟幫手燒，服務一流。姐姐燒得非常靚，好有韓牛味。 🔸雪花五花肉（厚切） 雪花肉肥瘦兼備，姐姐要換過一塊鐵板嚟燒，每一塊都燒到脆卜卜，另外佢有檸檬醬油，海鹽，韓式辣醬配嚟食，成件事真係好似平時睇韓劇咁。 🔸韓式炒牛肉 有洋蔥，香菇，年糕，再用韓式醬料炒牛肉。調味料較得唔錯，牛肉份量都幾多，再有年糕，唔駛另外叫飯都夠哂。用鐵板上所以食嘅時候都熱辣辣。 🔸辣炒泡菜豬肉 每一塊豬肉都係立體長方形，肥肉瘦肉兼備，沾滿韓式辣醬，好惹味。另外都仲有韓式年糕。叫呢個餸可以順便食埋韓式辣醬年糕，一舉兩得。 🔸醬油白切肉生菜包 白切肉比較食到本身豬肉原味，配料有青椒，生蒜片，青瓜，再用好新鮮既生菜可以包住食，好滋味。 🔸Lotus焦糖脆脆窩夫&柑桔窩夫伴雪糕 首先估唔到個份量係咁大份🤣，佢嘅窩夫做得好好食，外脆內軟，焦糖口味有焦糖+好厚身既cream+脆脆。柑桔窩夫就配有甜甜嘅柑桔，同窩夫+雪糕好夾。 🔸熱朱古力&大橘大利柑橘奶昔特飲 佢嘅朱古力都係有滿滿嘅棉花糖同埋可愛嘅小餅乾，味道係奶味重少少嘅朱古力。特飲又係好大杯好抵飲，因為柑桔嘅關係甜甜酸酸，好開胃，再加埋cream，小朋友最愛♥️ 大人小朋友都好滿意。