有兩個朋友分別喺英國同澳洲返黎，好難得可以咁岩時間返，所以約埋成班朋友兼舊同學就諗住去拾下拾下。 之前有同事黎食過，食到夠鐘埋左單，如果無人等位可以繼續坐，我黎過幾次都ok，而且好耐無咁齊人當然大把野傾！ 呢到每位$168全包食2.5小時，完全夠哂時間食。 野食稍為同其他酒樓唔同就係有安格斯肥牛同牛柳粒，另外生蝦同鱔片唔係到到任食都有。 豉油吧，基本料都有 雪糕，鳥巢雪糕黎，當日有4隻味 菜+少量自助火鍋配料 有食唔少西洋菜同白菜，無爛，而且放喺雪櫃到所以唔見有發霉。 手打豬肉丸唔錯，煮完之後都幾彈牙。 可能佢唔夠安格斯肥牛，所以夾住幾碟普通肥牛。 啲野食其實一到就落個煲咁滯，所以惟有離遠影張。 啲蝦幾好，煮完易剝殼，唔係放左好耐嗰啲煮完都剝唔到。

上星期屋企人知我去左食上海野之後，今日佢地又話想黎食。 6個人叫左三個客飯+上海四寶+鍋貼 先黎左個酸辣湯，佢有分即製同現成，即製要比多15蚊，我地都係食現成算，因為唔知有咩唔同~ 個湯一般般, 料幾足，無咩特別。 之後到粗炒，始終熱辣辣整出黎，所以好好味，而且又唔咸，唔錯唔錯。 然後到佢地黎主要想食既炒膳糊！當然唔好諗住有好多肉比你，就咁芽菜都夠正！ 到獅子頭，呢個整得麻麻，舊肉好散，味道一般。 之後黎水餃，全肉黎無菜，無乜特別。 糖醋黃魚，開頭get錯係魚塊，黎到先知原來係成條黃魚。味道好夠，黃魚炸到好香，唔錯！ 小籠包都係全肉，無乜特別入面唔多汁，你當好在穿左唔會漏汁~ XD 最後到鍋貼，個底煎得好好，唔燶，所以唔會好硬，下次會再叫！

之前買左煤氣爐有$400coupon，所以同阿媽book左黎食。 黎到見到餐牌，得4人餐同普通散叫Menu，無左我喺其他食評見到既188 set dinner。咁無計，惟有散叫野食。 不過… 價錢上我可以去另一間比較好啲，最後叫左2 main 1 drink。 叫完野食就黎左兩個包，幾香。 不過老人家食唔到，因都幾韌。 之後黎左壺果茶，飲落陣果香味都幾易入口，帶有少少果酸味。 然後到Risotto，個飯比較淡，不過香味ok。 最後到焗三文魚柳，呢個算係好味，但係可能焗得耐左少少，雖然仲有油，不過入面稍為有啲乾。 隔離嗰個係薯蓉，真係好"蓉"以為係杰湯黎，不過都好味。

成個中心得返一間酒樓，早排見佢圍哂板以為又執埋，好彩只係裝修轉過另一間。 早個星期見佢開返，仲有任飲任食火鍋都只係$98全包，所以同媽去左試下抵唔抵。 6:00先準時開始，不過5:45到已經有唔少人，我地坐底之後都好快滿左要等位。 除左湯底，其他都係自助形式去攞野食，肥牛都係排隊去攞的，不過佢係即切，所以都唔錯。 $98係抵，出面都好少酒樓做到呢個價。 入面都大執過，點都比之前好既。 調味豉油吧，最基本都有齊。 配料區，右邊仲有啲，普通食開既野都有。 另外仲有啲配料要加錢續碟叫，不過都唔貴。 飲品同雪糕，茶同汔水五五分。 即切肥牛，唔錯。因為即切，所以色水好靚下。 亦都因為即切既關，一開始都要排下隊先拎得，不過都好快有。 雪糕都有幾隻味揀。

放左工，同阿媽落左九龍城搵野食，落左車諗住去清x牛肉館到食，點知路經呢間新野，所以轉陣入去試下。 之後坐低，試野當然睇下佢有啲咩廚師推介啦 價錢中規中矩，份量就要到左先知。 事關我同阿媽唔算肚餓，所以叫左兩碟野加份薄餅。同埋始終未知好唔好味，避免中伏。 煙鴨胸拍靚咖哩蟹 叫嗰時都諗$88會有隻蟹咁正？所以點左呢個，黎到原來係拆左啲蟹肉喺鴨胸上面。都好，唔洗自己慢慢黎 賣相同味道都唔錯，咖哩唔算辣，食唔到辣既可以一試。 青檸汁鮮魷 呢個菜未見過，魷魚入面包住粉絲同豬肉，幾特別，再加上辣既青檸汁，特別開胃。值得推薦！ 薄餅 見有咖哩，但又唔想食飯咁飽，所以叫左呢個。 老實，我唔理佢交貨黎定自己整，總之黎到係熱辣辣就已經夠好食，呢個做到了，仲要份量唔少~

收工去左大角咀，落左車就去搵野食。 因為收工時間，間間鋪都好多人，兜左一輪之後見到間上海鋪有位，所以決定揀呢間。 好老實，而家仲有幾多間仲係呢啲舊式上海店，個個商場唔係翡X，就係上海嫲嫲的朋友，貴又唔係好食。 言歸正傳，呢間好多年前食過，啲野都好好食，事隔咁多年再食，唔知有無大變呢？ 客飯有分3個價錢，$38/$42/$52，同其他餐廳茶記黎講都差唔多. 最後揀左炒鱔糊，$52包2碗飯，湯/飲品 個鱔糊出黎熱辣辣，唔係水淋淋，一望就已經好想食。 熱辣辣食好正，夠味唔太咸好好味！兩碗飯完全夠食，超滿足！！

一班朋友入左長洲抖下住返晚，順便去影個日落. 晚餐諗住求其食個麥記算，因為大家都期待夜晚碼頭既車仔檔. 行去西灣影日落既途中，聞到一陣陣好香既pizza味，行多幾間鋪就見到賣pizza既鋪頭. 望落都好簡潔，門口出面都有枱凳，加上佢近海邊，感覺上好chill. 再望下餐牌，價錢都唔貴，所以大家決定轉食呢間，不過影埋日落返黎先叫. 因為5個人食，叫左2大1細，5個佬都食到好飽 神話奧迪斯 - 黑橄欖唔少，所以個味好出，唔錯！ 至潮夏威夷 - 最普通既菠蘿火腿已經夠好味，唔洗太多花巧野 意大利芝士4戰 - 呢個細的，可能太多芝士關係，本人唔係好鍾意，食唔到咩芝士味了，其他朋友都有同感