咖啡係我每日嘅必需品，無論返工定放假都要飲一杯先安落今日放假去港島東玩，當然要黎到美食集中地東大街尋寶啦 原本只想黎掃街，估唔到呢到都開左間cafe！即刻叫杯latte試試拉花不過不失，未係好出色，但咖啡味道唔錯，奶泡同咖啡嘅比例恰到好處，價錢正常 小店主打健康甜品，呢個手作曲奇比平時食開嘅多好多nuts, 健康好多，唔會增罪惡感呢！ 估唔到小店都會推出節日禮盒，幾有gimmick 店員都好nice, 主動問你意見同介紹產品，睇得出佢地嘅熱誠，值得支持！

最近努力減肥中, 但朋友叫到約食飯, 緊係朋友重要D啦! 仲要係我最愛食的蒸海鮮呢~
朋友約食飯先知銅鑼灣都有間緣味小聚, 之前食過旺角個間時就覺係平平地的蒸海鮮之選~最先人人一大碗燉湯, 燉湯好清甜,可能因為有慮眼肉,  而且溫度剛剛好, 熱得來唔會燙嘴, 雞腳燉到入口即融。

鮑魚蒸的時間剛剛好, 彈牙又有口感!

帶子蒸完旁邊的"海水"好鮮, 一定要飲埋~ 帶子都好鮮甜下~蒸蟶子係我最期待的! 都幾長幾大隻下, 我好滿意洗得好乾淨, 唔怕食到有沙或污糟的內臟, 又唔會洗走晒蟶子的鮮味



其他海鮮仲有海蝦, 蠔, 龍躉片同蜆, 都好鮮甜, 而且一直有阿姐服待唔使自己計時好方便

食完仲有蒸蔬菜, 食到本身的菜味, 南瓜同粟米都好甜

最勁係仲有個八寶飯, 可以自己選8款配料再由廚房幫手蒸, 好特別, 蒸出來的飯好香, 我揀了醬油漬牛利同榨菜梅頭肉呢D濃味的配料, 所以攪拌完後食都覺得好夠味~
最後仲有牛肉同蒸包蒸糕點!!
牛肉都幾有牛味但我唔敢食太多怕肥豬~
蒸包有驚喜! 原來有咁多款式!!!紅棗糕勁濃紅棗味!! 流沙包都有2款, 紫薯包都好少見好特別!  
真係食飽又滿足, 抵食之選!

朋友生日話想食中菜, 另一個朋友就介紹食D間御膳,講到好好味咁, 一於就去試下佢

招牌御膳炒飯 炒到粒粒分明, 味道好好, 普通既炒飯都可以咁好味
蟹油銀芽炒麵D個朋友話必叫, 話食過D度既炒麵就唔想食第二度, 我覺得係誇張左既, 但D度既炒麵的確係正, 好有鑊氣, 蟹油吊起個鮮味
士多啤梨骨酸酸甜甜咁, 好開胃, 而且都有幾多舊, 幾抵食
花雕蛋白蒸龍躉球 D個係創意菜式, 創新得黎又好味, 而且龍躉球口感好好, 而且又夠魚味, 用料上乘
金華玉樹雞D個朋友話係懷舊菜黎, 但我未食過, 可能我唔係佢年代啦, 但總結都好好味, 火腿味滲入雞度, 食出雞既另一層次
金湯海皇翅生日又可以點冇翅既, D個完全滿足朋友既要求, 用料足, 味道佳
鮑汁扒花膠扒花膠夠晒高貴, 岩晒生日飯, 而且骨膠原夠, 食完一定更靚
麻辣鹵水拼盆，金錢肚，豬大腸，手撕雞咩都有, 實有款岩口味, 我地個個都好鐘意食
總結樣樣都好好味, 朋友好開心

D幾個朋友都好鐘意食蒸海鮮, 聽聞MK LADDER Dundas新開左間蒸海鮮又平又好味
又點會逃得過D班海鮮控既法眼呀?!

6小時燉盅絕無味精燉湯首先先飲個湯先, 個湯極甜, 肯定佢冇落味精, 因為飲完完全冇好口渴既感覺

鮑魚主角鮑魚上到枱仲識跳, 超級新鮮, 而且好大隻, 又彈牙又鮮甜, 重點推薦

蟶子皇好大隻, 控制火力果位叔叔好好經驗, 蒸得岩岩好, 比兩滴豉油吊起成個鮮味, 令人再三回味

大花蛤&大刀貝
大大隻, 隻隻蒸熟都識自己開殼, 足見新鮮程度, 而且完全冇沙, 令人食得放心

大海蝦&龍躉件
海蝦幫我地開埋邊, 食得方便, 而且一D都唔梅, 好味, 而龍躉件幾重魚味, 骨膠原重, 食完會靚D

八寶飯會幫我幫蒸埋, 扲出黎好香, 好惹味, 食完會想再食第二碗

牛小排D個係任食既, 牛味好好味, 而且一D都唔靭, 十分滿分我會比十分!


馬拉糕, 蜂巢糕, 棗皇糕, 萵筍萵筍又嫩又甜, 好好味, 而D度既糕點我覺得係一絕, 好少可以整得咁好食, 我地食左三轉

總結黎講, 食物好味新鮮, 價錢合理, 服務好, 位置方便, 好難唔再食第二次喎!

依家旅客少了,放工去了海港城搵食都不用排隊, 天氣開始涼涼地, 突然好想食部隊鍋暖一暖~
The Joomak的韓國菜都很吸引, 最後點了穩陣部隊鍋同韓式粉絲, 再加新嚐試的港式XO醬鐵鍋辣炒年糕><



部隊鍋的配料好似好簡單, 但加起來一齊食又好夾! 這個湯充滿泡菜香, 唔會太辣太咸, 等芝士融了少許即刻連麵一起食, 正! 好多人覺得食部隊鍋唔抵, 但其實我覺得最緊要好食! 自己又整唔出餐廳咁豐富同好食



港式XO醬炒年糕放在燒熱的石鍋內, 年糕炒得入晒味, 少少辣, 見到一點點黑色原來是黑芝麻, 加上八角洋蔥, 難怪充滿香味!鍋內除了年糕還有雞肉,而且有驚喜, 雞肉比主角年糕更容易入味更好食!

炒粉絲的牛肉份量很多!! 充滿炒牛肉的香味, 而且味道濃郁
粉絲食多了有點口乾, 點了這個馬格利酒好得意, 酒味都幾重, 配,上波羅味更易入口~
朋友欣賞這杯飲品的名稱巔峰狀態
其實是把羽衣甘藍,牛油果,芒果,香蕉榨汁, 有點清新的果汁, 食完濃味的晚餐後飲一流~ 飲完好似充滿精神


等天氣再凍D又再去食部隊鍋先

在香港吃一餐鐵板燒價錢是偏貴，所以比較少機會吃到，難得這次拍拖決定豪食一餐，見到這間鐵人旨花網上有很多好評，最重要是看照片真心感覺到食材份量多又新鮮，所以決定一試 二人的龍蝦鐵板燒有白鱈魚、龍蝦、A5和王牛等主角，價錢貴也是有道理的。 首先是沙律，這個野菜沙律配芥末酸汁，鋪上少許藜麥增加口感，感覺清新開胃！ 白鱈魚扒煎得金黃又香又滑，輕易用筷子把魚扒分開一層層的魚肉，配上充滿洋蔥香的醬汁。師傅把魚皮煎皮得脆脆的，一點也不浪費食材！ 龍蝦超級大隻，望住師傅幫我們把龍蝦肉起出來放在鐵板上煎，放材料、煎食物、加上醬汁，每一個動作都充滿美感，完全是看一個專業的表演！龍蝦肉彈牙新鮮冇得頂，海膽汁更加係有畫龍點睛嘅效果！龍蝦肉沾上海膽汁，立即充滿濃烈的海洋感覺！ 法國白露旬和波子椰菜也是比較少見的食材，這次加上奶油汁，把清甜的白露旬添上奶香味及細滑的感覺 熊本A5和王牛的雪花差不多佔了一半，點了5成熟，一咬就感覺到真正的牛油香充斥著整個口腔! 只要沾上少許岩鹽，使把牛肉味更加突出！ 和牛炒飯粒粒分明，內裏也有不少和王肉碎，喜歡味道濃郁可以加上少許菜甫。想不到雞湯也是重點，雞湯內裏有3片超級新鮮的帶子，雞湯看起來很清淡，卻是意想不到的清甜，精華都濃縮在湯內！ 最後以水果盤畫上句號，包括有橙肉、哈密瓜肉及姐石榴肉。 這一頓晚餐主要是一邊享用食物一邊欣賞師傅表演烹調下一道美食，有得食有得睇，而且食材新鮮美味，我個人覺得值得！

元朗嗰間亞萊麥麥就經常排晒隊要等位，我都食過幾次味道很不錯，原來喺荃灣都有分店，我約咗幾個朋友食，覺得水準差不多，所以無論去荃灣定元朗食都唔錯！

沙冰係真材實料，可以看到當佢慢慢融咗變成水嘅時候係充滿果肉嘅，個人比較喜歡飲奇異果沙冰因為味道更加濃郁但係絕對不會酸，另外紅肉火龍果也很特別，清新的味道，而且營養價值都很高
前菜的蝦餅皮蛋十分之特別，原來兩者係可以配合的，蝦肉本身炸得很彈牙，跟炸蝦餅一樣，而皮蛋又滑又香，兩者一起吃口感一流
夏日雜錦拼盤入面都幾多小食，一跌夠晒四五個人share，最喜歡中間的串燒，肉粒燒的很香很juicy而且還有我最愛的菠蘿！
香茅燒雞已經一早預訂，侍應喺我哋面前表演火燒雞囉柚，把香茅點著令到香茅香味煙燻到在燒雞上，然後可以交還給他們幫忙把燒雞切件，燒雞配上一種類似話梅味的醬汁，酸酸甜甜，很特別，雞肉保持則鮮嫩，不會像平時那些燒春雞咁乾！
海鮮煲仔飯都好正，唔好睇佢上面好似濕立立，其實煲底下面的飯有點飯焦的感覺，把飯攪拌均勻合起來就剛剛好，配料都幾多，有蝦有蠔。
明爐燒魚每一間泰國餐廳都必有嘅，今次同朋友一大班人當然要點一碟，可以看到魚上都放滿左青檸，最好等湯滾後再等一等，魚肉吸晒所有酸辣湯的味道時候吃，旁邊有一碗湯汁少，可以自行補給下湯汁，魚肉越食越充滿湯味！
大蝦炒金邊粉都很不錯，重點絕對是金邊粉，炒得十分乾身，條條分明！金邊粉充滿鑊氣同醬汁味！
甜品是自製的沙冰，首先在鍋上放滿了糖水，內裏充滿水果和西米露，另外有一大碗沙冰，按個人喜好可以把沙冰直接放在糖水上或是放在自己影碗內，然後自行斟酌加上糖水份量多少，旁邊還有少許蜜糖椰奶配搭，我覺得有點像飲珍多冰那樣
值得讚嘅係食物款式多，而且每一款嘅味道都很不錯

雅都新裝修後，還是第一次入去，感覺整淨明亮了很多，而且多了很多小吃店，十分吸引！但是吃晚餐還是比較想吃泰國菜，最後決定去象泰，店內滿人，剛好有客人離開不用等就有位了！ ！ 一入店內坐低就放了碗碟，同埋放了這個蝦片！竟然還有蝦片食！又脆又香口 泰式菠蘿海鮮炒飯：實物比相片還要大，很大的一盤，它把半個菠蘿蓋放在碟上做裝飾， 氣勢十足！炒飯內還有很多我最愛的菠蘿粒，海鮮竟然有大隻的青口，炒飯粒粒分明，這個不錯啊！ 酸辣鳳爪：酸酸甜甜的，鳳爪份量也頗多，少少辣，另外這個沙律旁邊的蔬菜也很入味，吃完即刻開胃晒。 沙嗲串燒：點了半份串燒，有三串雞三串豬，這個很值得一點！抵叫，份量很多，一串看到肉燒完是完全厚厚的，吃起來保持嫩滑，不會燒到乾爭爭，還要點上旁邊的沙嗲醬，夠晒香！馬拉盞炒通菜：去泰國餐廳我最愛吃的菜就是馬拉盞炒通菜了，而且是必點菜式！試一試就可以知道這間餐廳的水準是如何。今天這碟通菜很新鮮而且炒啲時間剛剛好，通菜是爽口，色澤翠綠的，再帶點馬拉盞香味，這是自己在家絕對是炒不出來。 食泰國嘢當然要掂番一杯泰國象啤啦！是即場職員開一瓶然後倒在杯上的，剛剛好不多不少 鹹檸梳打用的梳打水也是泰國出品的，看這個瓶身就知道了，香港比較少地方有，除了一些特別的泰國餐廳可能會用。想不到這間也有！鹹檸檬很大塊，越壓越出味，正～ 象泰依然保持水準，而且是他的價錢還是比較中低檔，性價比極高，可以再來！

和家人去吃晚餐，我訂了這間樂天王朝，以前一早聽過這間由新加坡過來的餐廳，今天終於試下食。餐廳裝修不是傳統中式的格局，有點西餐時尚的感覺！前菜這碟是滷過的花生粒和栗子，已經煮到很淋，接近入口即溶。茶壺內的並不是用茶包，而是真的把茶葉放在茶隔上沖泡，我很欣賞這點！ 來樂天王朝，怎麼可以不吃小籠包，原味的小籠包平常吃得多，所以必點它的八色小籠包，有八款味道！適合一家不同口味的成員。我最喜歡的還是蟹粉小籠包，咸香的蟹粉和小籠包是絕配。這家的小籠包真的可以做到皮薄餡靚，咬開少少薄皮，內裏會有很多湯汁。還有一個鵝肝小籠包也是不錯👍🏾本身看了餐牌上寫的八種口味，吃的時候再回想一下還是可以猜出是那種口味的。  瑤柱芙蓉賽螃蟹：其實就是吃雞蛋！蛋白加蛋黃，首先把蛋黃攪拌在整個賽螃蟹內，賽螃蟹就會更加有蛋香味！我欣賞他不會煮到水汪汪的，蛋白吃起來有一種少許爽口的感覺，再加上瑤柱香，配飯一流！ 肉碎欖菜乾扁四季豆：先炸後炒的四季豆很乾身而且加上欖菜更加野味，但又不會太鹹！撈伴海中寶：主要是海蜇和蝦的組合，可以看到上面有辣椒粒、蒜蓉和蔥，有點像拍青瓜那種味道，微辣、酸酸甜甜十分開胃呀！海蜇份量挺多！ 上海風味醬鴨：煮得很入味，連內裏的鴨肉也是粉紅色！而且表面有少許冰糖的甜味
屋企人最欣賞是小籠包，說定下次再食！

有朋友最近搬了去石籬村住，我上去參觀完後就研究一下附近有什麼晚餐、有什麼餐廳。上網看openrice看到這間三門仔的菜色好像不錯，又剛好在附近，最後就揀佢三門仔我印象中是吃海鮮的地方，這一間跟三門仔漁村有什麼關係呢？入座後看到餐牌旁有本書介紹三門仔漁村餐廳的美食，我想這一間是分店吧！反正也不知道什麼好吃，直接叫侍應幫我們推介一下，最後要了龍蝦湯、桶蠔、通菜等。侍應推介的龍蝦兩食，價錢適中。最先來的龍蝦湯跟我平常看到的有點不同，配料十足，可以看到入面還有很多龍蝦肉！而且味道鮮甜濃郁！完全不是平時那些西餐廳用粉開出來那種感覺！ 另外就是三文魚籽龍蝦焗飯，焗飯氣勢十足，龍蝦還原放上做裝飾，一啖三文魚籽配上少許忌廉汁起起來剛剛好，魚籽的魚油香熱食時更是香濃！焗飯有不少龍蝦肉，這個龍蝦值得一讚，肉質彈牙新鮮！石鍋薑蔥桶蠔：起碼有十粒以上大桶蠔！而且是石鍋新鮮熱上！我欣賞桶蠔沒有沙，也沒有腥味，包著蠔的粉槳在石鍋上煎得更香口！ 不得不提這個石鍋真的十分熱！食物上枱是一直冒煙，千萬不要碰到！另外石鍋蝦醬通菜也是一絕，很濃郁的蝦醬味，但吃起來並不會太鹹！而且個人覺得這批通菜很新鮮，爽脆！ 最後這個木魚燒倉魚，我還以爲自己去了日式餐廳呢！倉魚分大條，但燒起來並不會把魚肉燒得很老，夾開發現肉質十分鮮嫩，好像比蒸魚控制得更好！而且那些油脂甘香保持，原來倉魚配上木魚挺夾的！可以不用再點沙拉醬，因為倉魚本身的油脂也足夠，充滿魚油香！ 最後甜品有一盤啫喱，完美的收尾。總結是這間餐廳是跟平時吃的海鮮店有點不同，店員會推介一些特別的煮法，很過癮！