今次決定一試朋友推薦既宮廷特色既火鍋店餐廳裝潢設計以中國宮廷風為主題 連餐牌都好似聖旨咁 好有心機 衛生企理 決定左想食海鮮🦞就決定叫個清清地既養顏香濃花膠雞湯底 花膠份量都足料 仲有半隻鮮雞落係湯底一齊滾 香香宮煮海鮮拼盤(細) $398 有大蜆, 廣島蠔, 鮮蝦, 翡翠螺, 大大隻扇貝 兩個人食絕對夠食 每樣海鮮都好新鮮, 配濃雞湯更加突顯鮮甜味 大蜆每粒都清洗得好乾淨 一粒沙都無 蠔亦都冇腥味 仲好鮮甜肥美 扇貝亦都好大粒 值得一試 花雕酒浸牛肉 $148 份量都算多 好香花雕酒味 建議食前將啲牛肉再浸下酒再滾會更加香酒味 鳳尾鮮蝦雲吞$78 大粒又特別 成隻蝦都包埋落去 雖然皮厚左少少 都滾耐左都唔會散開 咬開仲有鮮甜蝦湯 餐廳仲設有影相打卡位 十分周到

今年夏天熱到飛起 又想打邊爐 就令我諗起好耐之前食過既大滾友邊爐 出名湯底出色 夠濃味又養生 難得餐廳推出左冬瓜湯底邊爐 趁住熱焫焫既夏天一定要去食 疫情下不得不讚餐廳夠哂衞生乾淨 食都食得安心 餐具食前都會熱水清洗 足料冬瓜湯底 濃濃雞湯配有鮮蝦同素翅 清甜又消暑 影完相打卡後 店員仲會親自幫你逐份切開繼續滾～ 打邊爐怕熱氣嘅推薦可以叫竹蓆茅根水 唔會太甜 味道夠濃 牛肉黎講 好推薦呢道酒香陳年花雕浸牛肉 $148/ 份 份量足夠 唔會話得幾片 啲牛肉就算滾完都有好香既花雕酒味 鍾意牛肉既一定要試 相對而言 性價比值很高 海鮮黎講我地特別想試桂花、珊瑚蚌雙拼 新鮮又爽口 $128/份 呢間餐廳自家製既都特別出名 我哋就叫左肉丸拼盤 果然粒粒彈牙又爽口 仲可以試哂唔同味 自家製既餃都大粒又足料 蟹黃餃同黑松露蟹肉餃都好入味 即炸黃金響鈴鬆脆 咸蛋黃香口又邪惡 大滿足的美食合照 元朗友一定要黎試呀 高質打邊爐餐廳

前排與老公太和做完嘢，決定喺呢一區覓食一下，尋找一下新嘅餐廳，喺內街見到一間與眾不同，門面十分吸引既L’amour，就決定咗當日的晚餐。 環境我絕對會比10分，樓底高，氣溫適中，而且音樂唔會好大聲，十分有格調，另外佢哋仲特登閂埋大門，俾一個寧靜嘅環境食客們。我哋點左兩個set dinner,是日嘅前菜係木魚清湯配上鯛魚刺身，木魚湯還配上了檸檬汁，令到湯底變上粉紅色。喺味道方便係新鮮感，青瓜嘅嫩口，卻沒有一浸草青味。刺身亦帶少許甜味，加起來新穎又好味，是一味非常好嘅前菜。 湯係粟米湯配上蒜蓉包，粟米湯甜，唔係似一般罐頭湯的甜味，蒜蓉包薄身，香脆，調味亦做得好均勻，最緊要食落去唔會好硬身。 海膽扁意粉為其中一個主菜，意粉硬度適中，濃郁嘅海膽味卻唔會覺得油膩，個人好喜歡廚師善用一半海膽做汁，再將另一半直接放上意粉之上。 第二個主菜為法式鵝肝牛柳，鵝肝煎得恰到好處，沒有半點腥味，牛柳大概五成熟，再配上蘑菇及筍，再有茄子及翠玉瓜點綴 。 決定點左兩杯Cocktail獎勵吓自己，分別是chi chi 及blue Hawaii, 兩杯都算易入口嘅飲料，適合平時少飲酒嘅人。 最後到甜品，配上馬卡龍，朱古力雪糕，蛋糕及水果，擺盤好有格調，甜度適中，為成餐作完美既總結。

同朋友去旺角偶然食糖水都會經過呢一間韓式燒肉店，難得朋友收工早咗，就決定試吓呢一間韓燒舖。 落到去環境都幾舒服，枱與枱之間距離好遠，職員亦都好細心叫我哋探熱，亦見到有消毒用品放喺入口供給客人使用，衛生程度理想。 我哋二人就叫咗幾款食物，係食物來臨之前，店員已經準備好蛋，前菜同生菜比我地。 第一款為辣五花肉，係十分厚切，亦醃得好入味。溝埋生菜同蒜頭食，口感滿足之時亦唔覺得油膩。 第二款叫咗牛護心肉，口感嫩滑，輕輕配上少少鹽就已經好好食。 第三款決定試吓佢哋招牌喜來烤肉，佢哋用秘製醬料醃成，厚薄適中，個人認為唔使搭配醬料經好夠味。 決定試埋個豆腐湯，豆腐湯味道濃郁，配上豆腐及一些海鮮。 另外需要讚一讚員工們，每一輪燒烤完成後多立刻幫我哋換上新嘅爐板，當見到生菜唔多冇已為我哋換上新嘅一盤。服務態度亦十分好

難得可以同老公閑日放假行吓Yoho商場，肚仔餓睇完商場directory就揀咗呢間十十四川料理😋 門面見到已經有一大堆植物圍住，入到去好好彩有得坐卡位，景觀十分之靚，睇完個環境唔覺得自己食緊四川菜😂 店員首先派發一小碗前菜，包含左木耳同青瓜，仲好細心將青瓜下半部分切咗絲😗可以索到更多嘅醬汁。 涼拌土豆絲 - 係我哋叫嘅第一道開胃菜，味道帶上微微的酸味，而且爽口👍 熗炒包菜 - 炒菜配上辣椒，辣味對我來講十分到位，小咸小辣既味道係幾匹配香港人嘅口味，個人來講我認為可以煮得更重口味。 招牌酸菜魚 - 我哋二人就叫咗例牌一份酸菜魚，上到嚟俾我哋兩個想像中大，$168淨係食呢個都可以食得飽😨，除咗魚之外，還有酸菜，芽菜，粉條，同炸蒜。對我哋兩個食開酸菜魚來講，我哋都俾咗好高嘅評價，因為佢湯底唔似出邊好濃烈而只係食到味精嘅味道，係以酸菜本身及其他配料自己帶出嚟嘅味道。至少我哋二人食完都冇話口乾需要飲水👍。 孜然烤羊肋排 - 上到枱是已經聞到好香孜然味，除咗羊肉之外，仲配上左洋蔥及青瓜一齊食，羊肉面燒得好香脆，真正地做到外脆內軟，調味做得好好，唔點醬汁都得👍 眼見菜式都幾好味，我哋就叫多一個甜品，拔絲士多啤梨🍓，店員細心同我哋講要等20分鐘左右，最後等10分鐘左右就上左，淨係睇過擺盆同賣相就知吸引🤩，除咗拔絲之外，仲帶有紅色一粒粒的爆炸糖！呢個真係十分之驚喜，食落去有多一重口感，士多啤梨只係鋪上一塵薄薄的糖衣，食落口唔會話超級甜，所有嘢都拿捏得好好👍 個人對呢間餐廳感覺十分之好，環境優美，乾淨之外，店員服務都係好好，上熱食時候會細心提醒唔好辣親。遲啲有機會一定會再食！

同老公閒日去開荔枝角做嘢，午時順便醫下肚，喺工廠林立既街道見到門面便吸引左我地試下💓 內在的環境以白同米色做主調的波希米亞風格，餐具同六角形嘅杯都係相當有特色😗同時有打卡既影相位☺️ 我哋叫左兩個午餐set，配上飲品同另加錢既小食，如薯條及雞翼。薯條香脆剛炸好，並沒有配上調味，味道正常。雞翼則比較好，香口肉嫩，有調味。 主菜一為香煎慢煮澳洲板腱牛扒，淨係見到個擺盤已經令人胃口大開、厚切既牛扒下面用薯菜墊底、薯蓉好綿、牛扒慢煮已經鎖住哂啲肉汁 一啲都唔難咬。 主菜二為帆立貝燴意大利飯，飯粒偏軟，唔係一般意大利飯，相對適應返香港人的一般口味。飯亦是相對開胃，個人覺得無需另加青豆粒🤔 叫左杯熱朱古力，店員細心地畫上有創意既飛馬造型，開頭還真有點唔捨得飲😂無諗到熱朱都會花時間去畫花 真係一大驚喜❤️

經過大角咀比一間咁有氣氛既餐廳吸引左, 疫情下的香港真的很需要正能量 呢間餐廳比人感覺就已經好親切既感覺💛 我同老公二人叫左一人一個lunch套餐 包埋一杯野食+沙律 十分抵食 跟餐送既田園沙律一點也不馬虎, 蔬菜好新鮮💚 我就叫左冬陰公海蝦闊條麵($118), 一上碟就已經有驚艷到, 擺盤美到不得了, 令人胃口大開! 海蝦新鮮, 闊條麵仲係自家製 難得難得～ 冬陰功同闊條麵都好夾 另外一份就係香烤西班牙乳豬配果酒燒汁($188) 乳豬烤焗得脆卜卜之餘, 仲保留住肉汁 好juicy 配果醬燒汁仲消除左油膩既感覺 唯一係覺得個果醬燒汁既果味可以再重啲 小食都好有水準 薯條炸得剛剛好 熱啦啦🍟配蛋黃醬一流 不過松露味唔夠重 整體黎講, 絕對值得支持呢間溫馨良心小店 環境野食性價比都好高分既餐廳

去開荃灣海之戀商場間日本超市，買完野肚餓行出門口左拐，見到呢一間老掌櫃餐廳。食嘅嘢有酸酸甜甜，就心思思去試一試😍🥰 我哋二人叫咗四個菜，第一度係水煮魚魚柳，分量十足啊！下面仲有菜，芽菜同少少透明粉舖底。略嫌唔夠辣，再辣啲仲滋味！😚 酸辣土豆絲，又係分量十足，土豆絲爽口，酸度亦夠，同水煮魚一樣如果再辣少少仲好！不過都明白要做到一個大眾適合嘅口味好難🧐。 回鍋肉就正，肉片半肥半瘦，加上帶鑊氣嘅椰菜，好正😍😍食落唔會成口油，味道濃郁。 到今日嘅主角鍋巴肉，炸得夠香脆，豬肉夠薄片，個汁亦都做到同中國餐廳一樣，夠酸夠開胃💯😘 連野飲，二人$364，個人認為性價比中上，畢竟味道同份量都係十分足夠，值得推介👍🏻

隱世西貢㤗菜 與老公一同到來西貢行街，夜晚肚餓決左左食泰道，一間好耐之前食過既泰菜。 環境優美無得比，面對沙灘，且人煙稀少，寧靜中食一餐。 飲品上叫左芒果冰沙同奇異果冰。芒果沙冰味道清甜，也有一種説不出的味道，似乎加左香料戓者採用泰國既糖漿味。奇異果正常味道 軟殼蟹比想像中來得大份，炸得香脆且薄粉，當作佐酒小食超正！肉也比想像多，也有小量蟹膏。 辣椒膏花甲真係好細心，預先去除唔連肉既殻，隻隻無沙且鮮甜厚肉，掋食！ 金邊粉相對地係無咁好既一碟，汁偏咸，個人覺得唔夠酸辣。 冬蔭公湯底爐魚，大條，湯已經好好飲，仲要魚肉索哂味！早小小叫因為准備需時。 最後的芒果糯米飯，最出色既唔係芒果，亦唔係飯，係個椰汁，同外面餐廳唔同，個汁第一口味道都有小小”膠”味(好既方面😂),似曼谷食左既味道！ 遠就真係遠左啲👀，但當半日去西貢行下，睇下沙灘去埋都okay既🏖

呢間食日式吉炸出名做得夠脆口卻不肥膩，今日一試果然名不虛傳絕對有水準！ 先講餐廳既格調，每台既私穩度同空間感都足夠，令食客感覺舒適放慢節奏品嚐美食， 今次點左二人餐，去之前朋友叫我一定要試蝦蠔炸物，所以同男友就叫左個特選吉列大蝦·生蠔定食 ($688)。貼心位同加分位係醬汁既選擇，配搭自己磨既芝麻 個二人餐係包一個前菜，我地就簡左刺身沙律菜，可以一去炸物既油膩感，驚喜係刺身(三文魚、魷魚🦑、吞拿魚)都絕不馬虎，新鮮好食～ 主菜黎啦❤️❤️滿滿既炸物！ 有一件大既吉列豬扒、兩件吉列豬柳、 兩隻吉列大蝦🍤、同兩隻吉列生蠔 另外仲有免費添吃的椰菜清新爽脆。 值得一贊既係可以提供比你選擇既醬汁係有成7-8款以上（芥末醬、海鹽、沙拉醬、咖哩醬、西柚汁紫菜汁、豬扒汁) 個人覺得配豬扒汁係最好味、海鮮既炸物配沙拉醬係最好食 好厚切！ 最後個餐仲包埋特飲同甜品 最出色係提子梳打、似係乳酸配巨蜂提子味 好清新