2021.05.16 mother of pizzas
唔想食連鎖pizza店，近近地去左呢間。一入去就講明限時90分鐘。坐係廚房同廁所個邊，冷氣唔夠涼，走個時朋友坐到條褲濕到變晒色。2個人叫左一個13‘批加碟意粉，好多，朋友又眼闊肚窄啦。最後食淨2件pizza，打包拎走。食物ok,不過真係太熱啦。可能第個位會好啲。

2021.05.17 八沢
行到time square附近，實在太熱，見到有間門口唔錯就入左去。入面坐得舒服既，好簡單既裝修，係有幅好大既日本藝妓既畫係牆。以為係食日本野，點知午餐係泰國野，問店員先知係轉左一個星期倒。手機落單，叫左海南雞飯。轉個頭就黎左一杯香茅水，香茅味唔係好出既一杯水。跟住都好快上碗飯加碗湯。擺碟就...唔店，條芫荽放到好Hea...雞件好似砌出黎甘，得雞翼係滑，其他雞肉鞋鞋地...碗湯有兩大舊東瓜，飲到有藥材味，唔知咩藥材。整體麻麻，係冷氣超涼，正。

2021.05.17 cacao sampaka
可一不可再，行開Sogo，買反個蛋糕慶祝下先。唔知揀咩好，問店員有咩款（冇甘甜）推介，佢話青蘋果/柚子/石榴。諗住石榴少食，就試下。反到屋企切黎食。個殼好甜，好似平時蛋糕個塊朱古力牌甘甜。入面係好似溶溶地既雪糕，係咪要雪架？r晒頭，唔通我反屋企反得太耐？都食到少少石榴味，不過唔會再買，可以有其他選擇。

2021.04.29 ocio
見甘多人like，一於去試試。朋友未到，未齊人唔比入，同埋張時90分鐘。點解人地既食評會話坐得舒服可以傾計。我地坐係門口張枱，張梳化凳係好窄身，感覺好迫，肥少少都唔知點坐。野食正常，份量正常。下次可以去將軍澳個間，環境令好多。

早餐揀左一個腿通餐，一個豬扒蛋面。
腿通：份量太少，唔夠飽。
煎蛋、多士：追單個時，侍應話送錯左比隔離。what?甘你地唔係應該整反份比我地架咩？哭笑不得。
豬扒面：豬扒食得出係即煎，冇炸衣，入面嫩，出面香口。

2021.05.01 和順
想食雞髀，最近都係黎呢間。叫左兩個茶餐，一個滷水雞脾皇同埋公司三文治。
滷水雞髀皇：真係好大隻，滷水唔會好咸，淡淡肉。如果唔係太熱氣，一係食佢個炸脾皇。
公司三文治：無特別，都係食雞髀好過。

2021.04.30 brick lane
Lunch time 見唔洗等位。可能太耐冇食，依家竟然轉左坐低，再出去嗌野食比錢，自己去自助bar斟水，同快餐店唔同既係呢度有人送餐，同埋價錢一d都唔快餐店。我叫左個burger 餐跟果味茶。
果味茶：好甜既一杯野，冇乜茶味，杯入面有兩粒藍莓同一舊仔罐頭蜜桃。
沙律菜：好唔新鮮，d菜淋晒。
Burger：個飽幾軟身。青瓜蕃茄大大舊，頂晒出黎。塊肉煎得太熟，硬到少少𠝹咀。少少意見，包下面塊紙，要自己套反個包黎食，都係整烏糟隻手，唔係甘方便。
留意反，呢度既burger係冇跟薯條。

未試過食呢間既晚餐。餐廳空間大，枱與枱之間都有距離，坐得幾舒服。
一行五人，一人一個dinner set, 兩個煎牛柳，兩個虎蝦意粉，一個雞扒。dinner set 有餐湯、沙律同甜品。湯同沙律冇得揀，甜品有得揀雪糕或者奶凍。 +$28有杯生杯。因為啤酒唔夠飲，就再加鱈魚乾、串燒set。
餐湯，係蘑菇湯，聞到好香，不過略稀左少少。
沙律，竟然加左d三色椒，幾fresh既。
鐵板安格斯牛柳，同某連鎖扒房一樣，鐵板上黎，再淋汁。普通。
鐵板雞扒，正常，份量少，唔夠飽。
虎蝦意粉，有兩隻煎虎蝦，三隻普通蝦。虎蝦燶左個面，賣相減分，冇乜味。普通蝦有一隻入面係生既，扣分。
鱈魚乾，正正常常
串燒拼盤，係全晚最好食既。
奶凍，冇特別。
雪糕：朱古力味有真朱古力粒，ok既。雲尼拿就太甜。有得揀就揀朱古力味。
埋單加一，食左千二蚊，唔係甘抵食。

平時都排晒長龍，難得今日4點半黎到，就梗係食下佢既tea。一人一個tea set。

炸奶黃小桔子：造型滿分，下面個盒仲有煙標出黎。似食年糕，少少煙銀，甜甜地，搽少少柚子醬，酸酸地，更加好味。
法式蘋果酥：甜甜地，酥脆，配埋黑糖薑蜜，唔同左既甜，可以試下。仲有球雲尼拿雪糕配綠茶粉(+脆脆)，好味。
Oreo麻糬吐司：黑麻麻一磚野，個吐司太淋，切既時候就塌落黎，入面有麻糟，上面有棉花糖，幾種口感擺晒入口，幾好。
藍柑檸檬梳打：打卡好令，味道就普通梳打水。
榛子朱古力：好朱古力味，都幾令。

成餐都係甜甜既，好幸福，不過都係要少食少食。

2021.04.05 咖吔
行北角匯次次見都甘多人排隊，試下咩料子先。好彩排隊等左陣，就入得啦。嗌左炒貴刁同蝦面。炒貴刁唔好食，蝦面好味。碗面d湯有海鮮味，蝦肉得兩隻，每隻都對半開，豆卜吸晒味，幾好。腩片冇特別。估唔到係油麵mix米粉，唔同既口感。餐飲叫左手工拉茶，難飲。另一杯香茅橙茶，似充滿橙味既檸茶。