💛🥟 三一餃子 由中環食到開旺角分店🫡 私心推介喱間全香港數一數二嘅餃子小店 佢地最近仲攞咗酒牌 🍶🍻🍺 除咗提供啤酒同清酒俾大家暢飲番幾杯之外 仲推出咗好多送酒小食😍 大力推介呢個火焰醉雞翼⭐️ 味道帶點酒香 加上清新嘅柚子蜜 令人食唔停口 🤭

🥟🥟🥟 各位餃子控注意📣 太子有間人氣爆燈嘅餃子小店 贏盡口碑 每日都超旺場🔥 小店堅持全人手包制餃子 口味仲多達15款🤩 不過由於小店太受歡迎 每日製作嘅餃子真係數量有限 售完即止🥲 想食好嘢記得早少少去等位😎 招牌韭菜煎鮮肉餃（37/@7隻) 餃子可以選擇湯餃或煎餃 全部即叫即煎保證新鮮🤩 咬落外層香脆 食落啖啖肉汁 😍 韭菜同肉嘅比例好好 超足料👍🏻 招牌椰菜煎鮮肉餃（37/@7隻) 椰菜餃同樣受歡迎 椰菜爽甜清脆 皮薄餡靚🤟🏻 麻辣白菜煎鮮肉餃 （$39/@7隻） 好特別嘅一款 竟然配搭麻辣🙀 小小嘅麻香味增添餃子味道嘅層次感 最啱喜歡惹味嘅朋友🤜🏻 小食類： 唔想清一色食餃子嘅話 仲有超過15款小食 少部份仲有得選擇份量 啱晒想每樣試少少但又怕食唔晒嘅客人🤏🏻 甜蜜蜜雞中翼 （$23/@3隻） 秘製蜜糖醬汁甜味濃郁 雞翼醃製得非常入味😜 涼拌雲耳（$15/細） 加入蒜蓉辣椒 係非常開胃嘅前菜👍🏻 涼拌海蜇（$20） 爽口又彈牙 口感一流👄

💛黃店推介💛 觀塘give me 5 推出120分鐘半自助餐 除咗一款主食之外 仲可以係自助區域內任飲任食😝 有多款即叫即燒嘅新鮮海鮮，包括鮑魚、扇貝、帶子、大蝦、蟹腳、青口、聖子 仲有刺身同movenpick 雪糕 一次過滿足大家多個願望😆 唔想食自助餐嘅話仲可以6折價錢選擇2人set dinner 👯‍♀️ 包餐湯、沙律、兩個主菜、兩杯飲品同兩個甜品 套餐四百蚊都唔使 一樣咁抵食😬 前菜： 燒牛肉野菜沙律🥗 重量級沙律😱 淨係牛肉都四大塊 份量十足😱 主菜： 🥩澳洲肉眼扒配燒汁 牛扒叫咗五成熟 切開係好粉嫩色嘅肉 咬落好林 而且鎖得住啲肉汁 非常Juicy🤤 配埋燒汁 更加提升味道嘅層次 🍚紅菜頭青口意大利飯 意大利飯口感煙韌 軟硬適中 配埋營養豐富嘅紅菜頭 健康又美味♥️

位於旺角染布房街嘅Graceland 係一間充滿美式復古風情嘅酒吧餐廳🍺🍻 店內裝修懷舊 仲有部黑膠唱片點唱機 俾大家點播經典舊歌😱 感覺好似返咗7、80年代嘅美國小鎮一樣😙 餐廳主打美國南部菜式 除咗多款酒類飲品之外 仲提供唔少主菜 包括牛扒、三文魚同青口等等 🐔香炸雞中翼 （$6@1） 雞翼控注意 餐廳每逢週三就會推出優惠🥳 一隻雞翼只需要六蚊‼️‼️ 而且有九款口味任你揀😎 由完全唔辣去到勁辣都有😬 推介檸檬黑椒🍋🍋 酸酸辣辣好開胃😛 🐠香煎三文魚扒配野米蘑菇抓飯（$198） 三文魚扒外皮香脆 魚油甘香 而且野米係植物嘅種子 營養價值極高 好少地方有得食架😬

🌶🌶🌶 佐敦有間開業只有一個月嘅川菜館 提供酸菜魚、水煮魚以及唔少正宗川菜小炒🌶 深得附近街坊嘅喜愛😌 🥗🌶涼拌木耳（$46） 加入黑木耳同非常少見嘅白木耳 好有驚喜🤪 值得推介嘅前菜 辣得黎又好開胃 😝 🐓🌶口水雞（$68） 口水雞係川菜之中最出名嘅冷盆菜 雞件皮爽肉嫩 醬汁辣度可以自行選擇 🌶 整體味道層次豐富 辣中帶香 香中帶麻😍 🥦🥬干煸四季豆 （$82） 四季豆炒得夠哂鑊氣 大碟夾抵食👍🏻 🍜🌶酸辣粉（$38） 湯底夠濃郁而且唔油膩 紅薯粉煙煙韌韌又能掛湯 配埋大量肉碎同花生 真係香口惹味🤩

💛黃店推介💛 位於大角咀呢間和吧喺區內相當出名 吸引過唔少YouTuber 同KOL 過嚟飲嘢😌 酒吧空間唔大 位置唔多 不過偏偏係正中間就掛咗一幅好巨型好窩心嘅Banner💛 🍶風之森露葉風米酒、風之森雄町米酒（$180@2） 和吧主打日式清酒 款式超過十幾款 任君選擇 店員推介嘅雄町 米味濃郁 texture厚身 比較適合男士飲用💁🏻 另一款露葉風就比較甜同清嘅 因為易入口就比較適合女士飲用💁🏻‍♀️ 🐟醋鯖魚（$58） 和吧嘅即叫即製燒物同炸物小食都好有水準 鯖魚 魚肉非常嫩滑 完全冇骨 用黎配搭清酒一流🤤 芝士無骨一口雞翼（$58） 佢哋嘅雞主打完全冇激素🐔 雞皮燒至金黃色 表面嘅芝士呈半溶狀態 一口咬落去 夠晒Juicy 味道層次好豐富😋

🥟🥟🥟 今次要介紹嘅呢間聚來車仔麵位於深水埗基隆街 好多人都慕名而來 但佢地最出名嘅竟然唔係車仔麵 而係甜品⁉️ 爆漿阿華田西多士 （$33） 深水埗名物之一 😌 西多表面灑滿大量阿華田粉 中間裝滿煉奶同榛子醬 一切開勁流心 超級邪惡👿 招牌煎餃子🥟（$40 / 8粒） 餃子可選擇韭菜餃、椰菜餃同芝士粟米餃 想兩樣都試晒嘅朋友可以叫雙拼🤭每樣四隻 餃子個皮又夠薄 煎到金黃色 一咬落去d汁即刻爆曬出嚟 好Juicy 招牌鮮炸肉丸 （$30 / 10粒） 肉丸以豬肉同洋蔥製成 炸得香脆 彈牙又有口感👍🏻 秘製辣魷魚🦑（$35） 魷魚上面沈左小小芝麻 食落幾爽口👍🏻 配以秘製嘅辣醬令到水魷非常入味 辣得黎超過癮

🐶寵物友善餐廳🐶 Superhooman 位於天后 裝修型格 集合工業風及簡約於一身 最近仲推出新餐牌 帶比客人更多選擇 更多驚喜 餐廳仲係寵物友善餐廳 各位奴才可以帶埋自己嘅主子黎chill下 主子們仲有自己嘅專用餐添 真係夠晒貼心🐶 🐓明太子雞翼 （$98 4隻） 外層煎至金黃色 咬落啖啖明太子又無骨 餡料釀滿左整隻雞翼 望落非常飽滿😍 味道帶有明太子嘅微辣 係好出色嘅小食👍🏻 🍝海鮮意粉海膽麵豉汁（$188） 海鮮鋪滿晒整碟意粉 有青口、大蝦同蜆肉 非常豐富🤤 配埋餐廳秘製嘅海膽麵豉醬汁 令整碟意粉香濃又入味😋 澳洲M5和牛切片, 時令蔬菜, 土佐醋醬油汁 （$238） 用上M5和牛！牛肉油脂分布均勻 肉質鮮嫩 入口溶化😚 配上獨有嘅土佐醋汁 再提升味道嘅層次😌 西班牙炸油條, 朱古力醬配開心果雪糕（$98） 新Menu有Churros 😍 即叫即炸 油條超香玉桂味 夾埋榛子醬食一流 建議大家升級開心果味雪糕🍦 味道同油條出乎意料地夾

尖沙咀有間黃到金嘅韓式炸雞小店 咯咯雞🐥 第一間開喺大角咀💁🏻‍♀️專做外賣🥡 不過而家已經upgrade左成為一間好闊落嘅餐廳 店內店外裝修擺設甚至menu 都充滿住好多想轉達俾同路人嘅訊息💛 🐔柚子韓式炸雞 (半份 $119) 炸雞可以選擇半份同一份 好貼心♥️ 半份大約有6隻雞 份量少啲 就可以試多啲唔同嘅嘢食😜 呢度嘅炸雞口味超過10款😍 而且好多款都好特別好少見😚 重點推介大家柚子味‼️ 柚子嘅酸甜同炸雞好夾🐔 雞皮脆身香口 外層炸粉唔太厚 食落啖啖肉仲嫩滑多汁 🤤 🍕泡菜煎餅（$79） 泡菜鋪滿成個煎餅 好足料 口感酥脆 但一啲都唔油膩👍🏻 🍚豬肉泡菜炒飯（$88） 可以選擇牛、雞或者豬肉😛 因為加入左泡菜醬汁 炒飯酸酸辣辣 惹味又開胃

銅鑼灣新開左間日系班戟專門店 京都風裝修 成個環境、家私、餐枱擺設都極具心思💓 以無麩質日式班戟及輕食做主打 食材每日由日本空運嚟香港 保證新鮮同地道🎌 🍠紫薯Mont Blanc 班戟（$148） 餐廳嘅主打 signature 名物🤩 栗子同紫薯味都好受歡迎 中間嘅班戟底同雪糕仲可以自選口味 自由配搭度極高👍🏻 班戟厚身得黎夠鬆軟 配埋壓成一條條幼條嘅紫薯蓉 口感味道層次都好豐富😍 🌺春雪 初開（$128） 班戟上鋪滿厚厚嘅日本直送忌廉🎌 表面以紅莓醬畫成花做點綴 一拎起外層嘅蛋糕套 就會呈現出蝴蝶係綻放燦爛嘅花朵上飛舞嘅效果🌸🦋 係打卡一流嘅租品 🗻焙茶富士山（$48） 上層嘅焙茶茶味濃郁 下層係香滑嘅日本牛奶🥛 口感幼滑細緻 加埋杯嘅形狀 真係呈現左成座日本富士山咁 靚到唔捨得飲😭 🍵雪波茶（$38） 茶具非常講究 茶類嘅選擇非常多 除咗一般嘅玄米茶、焙茶、抹茶之外 仲提供比較獨特嘅雪波茶、黑豆茶等等 飲落純正甘香 消滯一流😬