媽媽生日話想食蒸海鮮, 所以我就一早BOOK好左之前食過覺得好正既蟹仙大食一餐!
我地去到就揀左一陣餐, 最後叫左個最經濟的$439套餐, 想食既海鮮都已經齊晒 首先食既係東星斑, 大約蒸9分鐘左右, 加少少豉油吊起個魚味就食得, 食落魚味濃郁, 係條靚斑黎的 跟住食既係鮑魚同埋大虎蝦, SIZE都好大下, 已而食得出係新鮮海鮮先有既鮮甜! 再黎就係野生青口同埋珍珠蠔, 食得出明顯同外面食既有分別, 腥味, 金屬味係完全冇得, 食得出只係海洋的好味道 刀貝同月亮貝出面比較少有, 老闆教我地千奇唔好沾豉汁, 因為咁先食得出鮮味同貝味, 聽老闆的話果然無錯 重點戲當然要放係最後, 就係青年龍蝦同埋膏蟹, 龍蝦都有手臂咁大, 而且咁厚肉, 肉質何其鮮甜, 而隻膏蟹既膏香到異常, 而且都幾多蟹肉又容易食 食個粥底前梗係要食返D菜啦, 咁先係健康的寶寶麻 最後食埋個粥, 有好重既海鮮味, 我地都食得非常滿足 諗住埋單果陣, 唔得左佢講過現金找數係有糖水送, 仲要唔係普通料, 係椰汁官燕!!!食完都覺得皮膚滑左!

媽媽食完都大感滿意, 讚左我好多句孝順仲不停同佢D朋友SHOW OFF, 睇黎帶佢黎食係正確的選擇

過左銅鑼灣做野, 做完野個客同我食個飯先走佢就揀左係大坑既一個叫火車頭既越南野食
佢話真係好好味, 咁我梗係跟地頭蟲搵食啦位置係大坑浣紗街, 其實係銅鑼灣行過黎都幾快, 位置都幾方便 入面既環境充滿越南帶點法式既氣氛, 感覺舒服
酸辣無骨鳳爪-$63 炎炎夏日最好食下D酸辣做開胃菜, D個鳳爪真係最岩, 酸酸辣辣真係好開胃, 菜單寫D個係兩粒辣, 但真係唔係好覺, 都幾好味, 而且無骨食得好方便

牛油雞中翼-$68 次次食越南野都食D個, 我其中一樣好鐘意既野, D度都煮得唔錯, 炸得好香炸, 但入面仲保留左唔少肉汁, 而且牛油味真係好惹味呀!

生熟牛肉湯河-$79D個牛肉河係D度既鎮店之寶黎, 所以必叫, 個湯真係好香, 好重牛骨味, 加上嫩口既牛肉, 滑嫩既河粉, 唔怪得可以做到鎮店之寶啦
叻沙湯粉絲-$88個叻沙湯底好濃, 配粉絲食好夾, 而且有好多料, 包括有蝦, 有蜆等等, 完全能滿足我地既胃口, 好好味!
椰汁紅豆冰-$34
荔枝梳打凍-$32夠晒透心涼, 夏天之最愛
總結性價比高, 服務都唔錯, 唔怪得地頭蟲都推薦啦!

同由細細個開始錫到我濃既姑媽食生日飯
梗係要食精緻D啦
不停問人, 不停睇OPENRICE, 最終鎖定D間虎鐵鐵板燒 係SOGO隔離, 好方便 鴨肝蒸, 係滑嫩既蒸蛋入面, 放入鴨肝, 令肝既油脂話滲入蛋中, 令人一試難忘新鮮既沙律上淋上柚子醋, 令人胃口大開 D個就係香港叫做日本拔蚌啦, 超鮮嫩, 彈牙程度比普通象拔蚌更勝一籌, 師傅只要略略炒下佢, 佢口感, 鮮味提升一個程次, 姑媽好鐘意 係彈牙無比既龍蝦肉上面, 鋪上龍蝦膏+海膽醬混合既醬汁, 好味到食完必定想再食多碟! 極品既薄切牛肉, 生熟程度剛好, 夾上蔥, 蒜吊起個惹味, 但又唔會搶走牛肉既味道, 反而令牛肉既味道提升左一倍, 師傳勁! 炒飯可以做到粒粒分明, 上面鋪上脆口既細魚仔, 令炒飯增添特色同口感 第一次咁豪咁飲到係麵豉湯入面加入真龍蝦肉, 無違和之餘只增添鮮味, 唔錯最後食埋個柚子雪糕, 口感好好, 而且柚子獨特味道出晒黎, 正
總結姑媽好滿意佢既生日飯, 讚我有心思, 好味之餘服務又好, 佢話會記住過左個咁開心既生日

我一向都幾鐘意食HESHEEAT,
因為質素一直都KEEP得幾好, 價錢又合理, 而且位置幾就腳,
最近聽朋友講佢有個梳乎厘幾正, 就同佢一齊去嚐新其實我之前一直食開銅鑼灣店, 原來荃灣店都係一入綠楊就見到, 好方便, 而且店鋪入面都好企理

蜜糖芥末單骨雞翼-$55我個咀細, 又懶, 就特別鐘意單骨雞翼, 進食好方便, 雞翼外皮脆, 裡面多汁, 而且蜜糖芥末好惹味。

牛油果蛋沙律煙三文魚牛角包配田園沙律-$74牛角包上到枱仲係好脆的, 一啖咬落去, 第一下好出係煙三文魚味, 之後蛋, 牛油果味就出現, 整體口感多層次, 口感好好。而個沙律菜好新鮮, 再加上D陳醋, 好開胃

墨魚汁魷魚意粉-$88 D個炒得好香, 而且少少辣, 非常好味, 而且D汁好掛意粉, 每一條意粉都食到好味道, 而且魷魚都好新鮮, 我覺得比我上次食到既更有進步!

士多啤梨焦糖脆脆梳乎厘PANCAKE-$108D個一上枱見到個梳乎厘微震已經令我地好想食, 放落口有種入口即溶既感覺, 個感覺係超正, 而且唔算過甜, 加上士多啤梨去食, 係好好味, 而旁邊既焦糖脆脆有D似細細個食既叮叮糖, 好特別

宇治金時厚焗鬆餅-$60 因為個梳乎厘太好味, 我地好似唔夠喉咁, 所以叫多個厚焗鬆餅黎食, D個個蛋味係香D, 食落會FIRM D, 加埋紅豆, 白玉, 黑糖, 雪糕去食, 令人回味無窮。

荔枝梳打特飲-$48D個特飲荔枝味係極濃, 非常正, 推薦!

總結, HESHEEAT真係幾唔錯, 特別係甜品, 令人有第二個胃去裝多D食物!

朋友生日, 知佢好鐘意食鐵板燒,  但因為疫情D幾個月少左收入, 想可以平D埋到單
好彩有另一位朋友介紹, 話尖沙咀三日月性價比好高, 就BOOK D間先 餐廳係以木系無印風既裝修為主, 令食客覺得舒服 我地叫左$798 promotion 和牛餐, 師父好快就拎D食材比我地睇啦, 好靚!!! 令我地食得放心

前菜有四款: 刺身: 超級新鮮, 油甘魚真係好味到有今生無來世, 而赤身&蝦都好正! 海葡萄沙律: 海葡萄少少既咸味更來帶出沙律菜既清新! 三小點: 整體都好開胃, 最特別係雞肉刺身, 同熟既完全唔同口感, 但都好好味 茶碗蒸: 得岩岩好, 唔會過熟, 保持嫩滑, 而且有唔少料增加味道&口感 香煎鵝肝X日本野菜: 鵝肝煎到外脆內軟, D肝既脂味滲出口中, 超級香口, 配上黑醋真係perfect match。而D野菜雖然係鵝肝隔離似係伴碟ONLY, 但味道好日本, 之係好甜呀! 帝王虎蝦: 朋友都話食咁多次鐵板燒, 第一次見到成隻蝦拼返晒出黎, 令人驚喜, 而且蝦肉好爽口, 加上蝦膏煮成既汁, 一口一啖, 諗起都想再去食過 阿拉斯加銀鱈魚: 銀鱈魚煮得岩岩好, 好嫩滑, 而且魚皮係拆出黎再煎脆, 勁香口, 心機分都加勁多啦 A4鹿兒島和牛卷: 我叫8成熟, 但食落都仲係咁嫩滑有牛味, 睇黎品質好唔錯, 沾鹽, 定係沾味增同麻醬都有唔同既風味 鐵板炒飯: 加入櫻花蝦, 做到好香口, 粒粒分明, 唔通就係傳說中既跳舞炒飯? 食到一半, 仲有昆布清湯, 可以做茶漬飯 最後食埋個好好味既紅豆雪糕, 大完美!!!
友人都好滿意我既安排, 仲讚我咁醒一早打黎BOOK先坐到BAR枱。食完今餐令我明白到原來唔一定要係過千蚊位先有好既鐵板燒, 令我長知識了!

岩岩趕完個大PROJECT, OT左好多晚報告完之後都兩點幾, 老細就好好人咁比我地休返半日叉返電
講到明第二日要準時返工!
點都好啦, 早放就搵個好地方食下野慰勞下自己!
同事話帶我去厚福街Mo Mo Kushiage 食好野 因為已經兩點幾, 所以上到去冇咩人, 依架咁既抗疫時勢食得仲安心既, 入面環境乾淨, 幾有日本居酒屋FEEL

生黑啤-$68 我就唔理咁多, 一黎到即刻叫杯啤酒先, 入口好重麥味, 好好飲, 一啖飲左半杯, 好減壓呀!

柚子檸檬-$65同事就叫左D杯, 柚子檸檬味都幾濃既酒, 佢話飲完好開胃!
串揚牛肉定食-$128 同事叫左D個, 佢請左我食左串牛, D個牛我真係之前未食過, 之係用吉列手法做既牛肉, 吉列好鬆脆, 而且個牛肉都好嫩滑, 咁做好得意好好味, 而且SET仲有沾烏東, 南瓜沙律, 泡菜, 麵豉湯, 好抵食!
午餐刺身五點定食-$238 我叫D個一上枱我就哇左聲, 因為真係好靚呀! 分別有三文魚, 天使蝦, 帶子, 松葉蟹腳同埋勁大粒既魚籽, 見到都好想食, 我既食法就係唔理咁多, 將D魚籽放晒入白飯度送飯食, 令我一邊食飯, 一邊有啖啖既魚籽香味, 咁樣太幸福啦! 其他樣樣刺身都好好味好新鮮, 但我最鐘意既係天使蝦, 大大隻又夠鮮味, 仲要完全冇腥味, 我真心好推薦!!!另外我想提個南瓜沙律超級好味, 出面好少食得到, 真心誠意之作呀!!!

牛舌-$68食完自己個SET雖然其實都夠飽, 但我地唔夠喉! 所以開始叫串燒, 首先既牛舌好肥美, 口感好好, 食完有種活著多好既感覺!
大蔥雞肉串-$38雞肉好嫩滑, 而且個汁好開胃, 送酒真心一流!
燒白鱔-$168 D個燒白鱔幾抵食, 出面某D得兩舊都成八十幾九十蚊, 依架有咁多舊先百六多D, 而且食落好正, 外皮好脆口, 白鱔肥美得黎有魚味, 我地都好鐘意

松葉蟹甲羅燒-$128D個係超邪惡, 令人超期待既食物, 甲羅燒唔止有蟹膏, 仲有蟹肉, 鵪鶉蛋, 蔥花咁, 好惹味好香口, 不論係就咁食或者係配多士食一樣都係咁正! 食物質素高, 服務環境都一流, 同事真心好推薦! 食完叉足電咁, 老細, 我可以明天準時返工了!

住東涌既朋友生左小朋友, 探完BB就去醫肚我地就去左東薈城睇下有咩食,  見到D間滿樂潮州勾起我地食潮州菜既慾望
咁我地就入左去食入面都光猛, 枱同枱之間距離夠, 夠晒社交距離, 又岩吹下水 冇幾耐就黎個兩個前菜, 甜甜地, 幾開胃
鵝片+墨魚片D個係食潮州野必叫的, D滷水真係完完全全滲入鵝肉度, 唔只係流於得係皮度, 超級好味, D墨魚片彈牙, 好味
蒜香梅汁蒸鱔片 係夏天就最想食D酸酸甜甜既野, 職員就推薦左D個比我地, 食落唔單止個味逹到我地既要求, 個鱔片仲要係好彈牙, 好夾D隻汁, 職員推薦得好

方魚肉碎粥咁主食我地就梗左D個方魚肉碎粥, 本身我想食蠔仔粥, 但友人原來唔食蠔仔, 咁醒目既職員就推薦D個, 食落其實就係蠔仔弼既冇蠔仔版, 方魚好香, 肉碎就增加左口感, 唔錯
鴛鴦水晶包食飽梗係要食下甜品啦, 潮州既甜品都比較特別, 有D個水晶包, 個皮幾煙靭,  食落甜甜地, 幾好味, 口感幾好
總結估唔到幾好味, 性價比幾好, 特別想推薦鵝片, D個必叫的!

前排食完蒸海鮮就一直心思思再食，最近返工心情又差，一於試下同事介紹貴啲的高質蒸海鮮啦！講真，去到天文臺道都研究了google map好一陣，原來就係向住仕丹福酒店方向上向上斜路，再轉右邊就見到！ 今次想食埋鮑魚所以點了個$439 set，職員好細心幫我地把碗碟都蒸熱消毒，跟住有碟餐廳自己炸的魚皮，又鬆又脆，而且有點微暖，唔知係咪剛剛炸起呢？ 跟住一大碟海鮮上盤，雖然種類唔多，但係每款都好大份呀！！！最先食虎蝦，虎蝦本身已經大，呢隻仲要係king size!啖啖肉好滿足～  鮑魚睇落唔覺大，一食啖開就知佢好厚身！絕對係我食過蒸海鮮中最厚肉的一次，時間又蒸到剛剛好，鮑魚係厚實有咬口但唔會咬唔開。 青口絕對值得一試！職員說是紐西蘭的野生青口，勁大隻，最重要係食野先知青口係咁鮮甜，到底我以前食咗d咩.... 之後的刀貝蚌同大元貝除了大隻，而且充滿海水味，好似去咗大海游水咁正！ 食完先至係高潮位！有龍蝦，饅頭蟹同大黃奄蟹！龍蝦一食就知真係野生的，真係同平時食的龍蝦兩回事，龍蝦肉多肉好食就絕對啦，估唔到佢的腳睇落好幼，但一拆就見到有肉食，職員說係因為野生龍蝦游水運動得多！ 饅頭蟹我係第一次食，佢的殼比較軟，好易咬開，蟹肉唔算多，但蟹肉汁勁鮮甜！要仔細吸晒蟹汁！ 大黃奄蟹的蟹膏一睇就見到厚厚一層，第一啖就覺得好滿足，除了蟹膏，佢仲有好多肉食！ 最後就有蔬菜同海鮮粥，唔知點解連蔬菜都咁好食，粟米好甜呀，粥的份量一定可以食到飽，米粒好多好大粒，我都食唔晒打包了。加一每人500，食了咁多高質素海鮮，仲要款款都係高質，我覺得絕對值得一試！勁好食！

今年新年過得早，又早出人工，當然要趁此機會食好野，自己同自己團年下 放工路過海港城，記得有同事推介呢度有間日本名店係東京嚟，叫我呢啲仲未去過東京嘅鄉下人去試下，一於去會一會佢咩料 間餐廳係地下嗰層，隔離有都有間日本野，一個唔小心好易去錯地方 鮨勘傳統日式木裝修，位置都幾闊落，是日過嚟唔使排隊，可能係武肺影響，少人出街 前菜～蕃茄豆腐野菜沙律。用新鮮嘅蕃茄+野菜配合豆腐再加醒胃嘅胡麻醬汁，簡直係絕配！本身唔起眼嘅食材令人食指大動～開胃菜首選！ 大鮪魚，雖然無去過東京，但有去過大阪，試過黑門市場啲即劏嘅鮪魚，食落油脂夠，又夠口感，入口即溶，好新鮮，呢碟鮪魚，雖然唔係即劏，但都新鮮，唔差得過我當日食嗰啲 珍寶牡丹蝦（北海道）好有蝦味，鮮甜又大隻，正丫，貴都抵丫，（加拿大）都鮮甜，但個人鐘意北海道多啲，口感彈牙啲 活赤貝，赤貝如果唔新鮮，會好似橡筋咁，你咬佢，佢又咬返你，呢個彈牙，咬落脆口，堅係新鮮喎 日本產地直送，完全感受到鮮味！可以慳番D機票錢去品嚐到～值得！ 肥牛烏冬～用上等肥牛烹煮，完全食唔出有急凍雪味，烏冬有日本讚岐味道！湯底有濃郁嘅牛肉味！正🤗 食完飽到撐住肚走，滿足丫

終於Happy Friday啦！辛苦左成個星期，梗係要去食餐好既！之前一直睇中左呢間的燒海鮮，今次可以食啦！當然啦，一定要飲番兩杯！老闆推介大吟釀： 特製黑松露炙燒平目魚沙律： 超香黑松露味，原本牛油果又好香，再夾埋入口即溶既平目魚，冇得彈！ 刺身盛合五款：有馬糞海膽、牡丹蝦、三文魚魚腩、吞拿魚、油甘魚，款款都好新鮮！特別係馬糞海膽，入口海膽味香濃，香溢滿口。牡丹蝦又大隻又彈牙又鮮甜，冇得頂！ 我哋另外叫咗條時日新鮮魚刺身，肉質同上面嘅刺身完全冇得比，呢條鮮魚刺身每一個位置的肉質都不同，由彈牙食到入口即溶，十分香嫩。 鮮魚的魚骨仲可以揸完即食，十分鬆脆！ 食燒海鮮點可以少得甲羅燒，呢隻甲羅燒蟹膏豐富，加了一隻奄春蛋，上面仲放咗脆脆，增加口感！ 可能仲叫咗特上漁獲浜燒盛合： 松葉蟹腳燒得剛好，蟹肉好香又濃味！ 鮑魚兩隻，第一次食燒鮑魚原來都可以咁好食！一啲都唔韌，反而係好QQ，仲香濃的鮑魚味！ 呢隻日式生蠔只需要燒一燒就可以食，因為放咗少少清酒，更調出生蠔嘅鮮味！又肥美又鮮甜，必食！ 的確係珍寶大蝦，有一隻碟咁大隻！呢隻蝦好新鮮又甜，連蝦頭都好多膏。 牛油煮日式活帆立貝： 實在太美味喇！呢隻帆立貝已經好新鮮好大隻，剛攞出嚟嘅時候佢仲係識郁架！香滑之餘不失口感！ 北寄貝亦都係我其中推介之一，第一次食用清酒煮的北寄貝，再加上一啲獨特的醬汁，好好食！