香港有好多食台灣野既鋪頭, 好多都可以模仿同台灣食的好似 但有時人會好想試下新野, 有創意既野, 朋友就介紹CHECK IN TAIPEI, 佢話有好多好有創意既台灣菜, 一定滿足到我地 尖沙咀店係位於海港城, 位置方便, 而入到去係幾乾淨舒服, 而且又多卡位, 食野同傾計都特別方便 大阪燒海鮮蛋餅-$128 D個大阪燒海鮮蛋餅好正, 個皮煎得香脆, 入面有豐富嘅海鮮, 例如八爪魚令到個海鮮蛋餅既口感豐富左, 仲有蛋香, 每一口都好滋味 招牌牛肉麵-$118 牛肉麵湯底濃郁, 牛肉片鮮嫩多汁, 有牛味得黎又易咬, 配上彈牙的麵條，再加上炸既蟲草花, 口感絕佳 手工鳳梨酥麻糬蛋撻-$48 蛋撻外層酥皮金黃鬆脆, 內裡的蛋液濃郁滑嫩, 口感豐富, 這款結合了三種不同口感的點心組合, 每一口都能帶給你不同的享受, D個十級推薦, 必試的! 綠豆沙牛乳-$48 它結合了綠豆沙和牛乳的口感和風味, 綠豆沙是由綠豆煮熟並磨成泥狀, 具有綿密的口感和淡淡的甜味, 牛乳則帶來了濃郁的奶香和滑順的口感, 兩者結合在一起, 絕對係夏天解暑必備的飲品 總結, 創意台菜不但食得出濃濃的創意, 仲食到好味道, 唔怪得朋友咁推薦!

放工同父親大人去尖沙咀食晚飯，阿爸話唔想食西餐，無問題，搵間酒樓食中菜！見到尖東有間彩福皇宴在尖東安達中心，地點方便又唔怕路面人迫人，決定試下。 入到酒樓見到坐了半滿不用等位，整體都很乾淨，枱興枱之間又唔會坐到好迫，感覺舒服。有張落單紙有超值海鮮孖寶、三寶介紹，我哋點了龍躉孖寶$298。 翡翠炒龍躉斑球 鑊氣炒菜出先，大大碟炒龍躉斑球，有8大塊，每塊都係有厚度的，咬落口大啖肉，炒得剛好魚肉唔鞋口，而且魚肉連著厚厚的膠質魚皮，滿滿的骨膠原！西蘭花都有驚喜，快炒保持爽脆，而且唔會油膩。配埋白飯食一流。 古法蒸龍躉斑頭腩 斑頭腩有10件以上，肉質比斑球的油脂分布多一點，充滿魚油香，部分有少許大條魚骨，阿爸更喜歡這一碟，可能因為落了豉油味道比炒斑球更濃郁些，而且斑頭腩更軟滑啱老人家。 每人一大碟魚加白飯，食到飽飽好滿足，而且食魚肉比食紅肉更健康，想下次試吓其他海鮮孖寶餐！

朋友搬去大角咀, 幫手去整下野, 整完都好夜就食埋晚飯先走人。有點累不想專登出去搵餐廳, 原來利奧坊樓下1樓有間打邊爐, 個名仲要叫星級餐廳, 就食佢唔洗揀! 揀了個Set B 安格斯牛板鍵放題 $298, 要了蕃茄同芫荽湯底, 蕃茄湯底夠料有很多蕃茄, 而且湯底越煮越甜, 芫荽湯底是把芫荽打碎放入去, 所以完全是綠色的一片。 食前還有雞煲同泰式拼盆, 雞煲要了少辣很開胃惹味, 配上芫荽更加香氣十足, 我覺得份量剛剛好, 食一些過下隱仲有胃口打邊爐,唔夠食仲可以無跟追加, 好少餐廳有呢~ 啱晒大家, 根據自己食量決定。另外的泰式拼盆有蝦餅、魚餅、串燒等等, 又係唔夠食又可以再追加! 肉類仲要叫了安格斯板鍵、北海道豬梅肉及紐西蘭羊肩卷。安格斯板鍵有牛味, 沒有肥牛咁肥膩, 所以要留意唔好滾太耐, 羊肉唔騷, 都幾唔錯, 豬肉要煮一些, 不過都唔會太鞋口的。不過3個肉類煮熟後都有少希相似, 要睇清楚記得自己煮緊邊款唔好攪錯時間。 海鮮的選擇都幾多, 有鮑魚仔、花膠、吊桶等等, 我食了鱔片、黑魚片、青口同帆立貝。 青口同帆立貝都幾大隻, 鱔片有魚油香, 黑魚片食落有D似平時食水煮魚那款魚片。 出面有很多丸類, 蔬菜同雪條飲料自己拎的, 丸類款式有驚喜, 好多個名都未見過很特別! 例如胡椒豬肚丸, 麻辣湯包丸, 芝士流心雞肉丸等等, 飲品除了罐裝外, 還可以點餐要各款的咖啡同特飲, 呢樣值得一讚!就連甜品都有, 我也點了香橙焦糖牛角窩夫, 細細份, 但又可以滿足我想食甜品的心, 窩夫少脆, 雪糕是雲呢拿味的。 餐飲似新開的, 很乾淨, 唔想淨係打邊爐, 想每樣都試下, 呢間都係唔錯的選揀。

前幾日同同事去太子整文件順便一齊食埋晚餐, 太子好多特色小店, 路過見到呢Simply Thai 門口裝修得幾型格, 就決定食泰菜! 職員好似都是泰國人, 本來入座時只坐了1,2枱, 食到一半時都差唔多坐滿晒人了。 Set Dinner價錢優惠, 基金上都係$88再包一杯飲品, 所以點了一份套餐再散叫一些。 蟹肉炒飯 $108 份量很多!!感覺上足夠2個人食呢! 剛炒起的飯很香很有鑊氣, 飯粒粒分明, 食起來不會油膩, 而且蟹籽的新鮮, 一咬即爆, 混在炒飯內一起吃添加口感, 蟹肉味道正常, 但蟹肉應該是後加在炒飯上的, 如果可以連飯一起炒會更好。這個蟹肉炒飯很推薦! 海南雞半隻 $128 海南雞也很好吃, 皮香肉滑, 內裡的雞肉很滑嫩, 就算連雞胸部份也很不錯, 雞皮很有光澤,是整個碟雞的靈魂! 邊旁的泰式的酸辣汁很開胃, 我吃串燒時又忍不住沾一些。 沙爹串燒2串 $38(跟餐) 1串雞1串豬肉, 不過豬肉串很特別, 是免治的豬肉整成棒狀的, 串燒都幾大串, 剛燒完即食很香口, 不用沾沙爹醬也可以呢。 椰子雞湯飯 $88 椰子雞湯同我想像中有點出入, 加了椰汁奶白色的, 帶少還酸辣味道, 湯內很多雞塊, 雞塊也煮得很淋滑的, 白飯很大的一碟, 建議點餐時要求少飯。 熱香茅班蘭茶 (跟餐) 跟餐的香茅班蘭茶是免費的, 加了少許蜜糖, 配上香茅的香味, 很推薦這飲料! 椰青 $38 椰青大大的一個, 很清甜, 並不多餐廳有, 所以我見到通常都會點它, 椰青內的椰肉都很嫩滑, 很容易用匙刮出來。 餐廳環境很有氣氛, 加上職員也好像都是泰國人, 我還以為自己去了泰國旅行呢。

今日約個對食, 對生活比較有品味既一個朋友食飯, 佢叫我介紹一間, 好彩我都有堆口袋名單, 其中一間係中環叫Espuma, 之前食過, 覺得環境, 食物都唔錯, 應該滿足到朋友既要求, 所以我們就去左食飯啦 因為都算高樓層, 所以都見到中環既境色, 而且入面既環境都係精緻既西餐應佈局, 朋友對我揀既都好滿意 黑毛豬火腿茄子卷，辣紅椒汁-$89 D個係凍盤黎, 黑毛豬豬味幾重, 而且每啖都會滲出入面既蔬菜味, 特別係青紅椒既甜味, 再配上少少辣紅椒汁, 有新意得黎又好味 西班牙辣肉腸番茄煮蜆 -$129 蜆大大隻啖啖, 完全冇沙, 肉腸番茄湯底既味滲入蜆度，仲有少少辣味吊起個鮮味 炸唐揚池魚仔-$89 池魚仔炸至金黃酥脆, 香脆可口. D骨脆到係可以食埋的, 肉質鮮嫩多汁, 外層麵衣香脆可口, 一口咬下, 魚香四溢 炭燒紐西蘭羊鞍扒-$299 每一口都散發出濃郁的炭燒香氣和羊肉的濃厚味道, 羊鞍扒經過炭燒, 外皮烤得酥脆, 內裡肉質嫩滑, 伴碟仲有薯仔去索味, D個主菜勁正 百利甜酒提拉米蘇窩夫（配棉花糖及雪糕)-$139 百利甜酒提拉米蘇窩夫, 夢幻的甜點組合! 窩夫香脆而蛋味濃, 夾上百利甜酒提拉米蘇既醬, 完全係冇得輸既組合, 再一口棉花糖, 一口雪糕, 我地都覺得D個甜品句號太完美了 總結, 朋友都讚我揀D間餐廳揀得好, 食物同埋環境都無得彈, 朋友話下次會再黎試下其他野, 可見佢幾咁滿意

作為牛魔王, 要揀邊間打邊爐既話, 牛既質料好緊要, 朋友推薦牛大人, 話想食極上和牛吃到飽D個SET, 要同D牛去博老命牛大人既台灣化都做得好好, 少至湯底, 再至出面可以自己拎配料, 都好有台灣的色彩, 我地都想試多D台灣特色既野, 所以我地湯底叫左個鳳梨雞湯底, D個湯底有成半隻雞, 而加上鳳梨, 令到個湯底鮮得黎有少少甜味, 淨係飲都覺得幾好飲我覺得上菜速度係奇高的, D個值得讚揚。首先我地叫左台式香腸, 鹽酥雞同埋炸蕃薯, 全部都好好味, 同埋真心好有台灣特色牛比較高級就係有上腹牛五花, 安格斯特選牛板腱, 澳州和牛M5牛肩卷, 而我地最鐘意就係澳州和牛M5牛肩卷, 食落又嫩口又滑, 而且牛味又夠濃, D個牛真心冇得輸另外送左每人2粒和牛牛丸, 我睇如果要叫的話, 好似都要五十幾蚊先得三粒, 所以令我高度期待呢款牛丸, 食落第一啖已經覺得好正, 又爽又彈牙, 又多肉汁, 牛味又重, 真係好想可以不停咁去叫

除左牛類好正之外, 我覺得滑類都好有驚喜, 而我地最鐘意就係墨魚滑, 係連外表都係有墨汁黑色的, 好吸晴, 而且食落都幾好味, 又彈牙, D類滑類真係食得出牛大人的誠意最後想講下飲品, 除外有出面放題好常有既大雪櫃放齊各款氣水,自家制既茶外, 仲有得點即叫即做既飲品, 包括有冬瓜茶, 酸梅汁等等, D個位好有驚喜總結食物好好之外, 環境服務都唔錯, 好多位都有驚喜同見到誠意。

朋友約左我去K11行街所以順便係埋果度食飯,
朋友推薦食一間叫阿閒泰既新派泰國餐廳話幾好味,
我記得我之前係銅鑼灣店食過都好味, 所以我地就去開餐啦入面既環境都幾好, 有D西餐廳既感覺, 坐得舒服又幾岩傾計泰北脆皮豬頸肉沙律-$88
沙律口感爽脆, 豬肉外皮烤得酥脆, 肉質鮮嫩多汁, 搭配泰式調味料, 風味獨特自家醃炭烤牛肉串燒-$56
牛肉經過餐廳醃料製作, 口感嫩滑多汁, 炭烤的獨特香氣讓人垂涎欲滴, 每一口都能品味到牛肉的鮮美和炭火的香味虎蝦海鮮意大利麵-$128
入面既料都幾多, 有虎蝦, 魷魚, 同好大隻既青口, 意粉溝埋隻阿功醬都幾惹味, 整體唔錯炭烤雞扒濃湯船河-$92
個湯底好香濃, 幾正, 而且有得揀出面好少見既卷粉, 卷粉既口感幾特別, 而塊雞扒又大塊, 又嫩滑, 又重炭烤味。香辣炒通菜-$78
D個炒通菜炒得幾有鑊氣, 而辣度係就返香港人口味, 算係少少辣多多趣, 而通菜都幾嫩口。楊枝金露沙少配雪條-$58
楊枝金露的清甜與雪條的冰涼完美結合, 極具口感的椰汁糯米團與香滑的雪條相互輝映, 每一口都能感受到甜蜜的滋味和清爽的口感, 讓人陶醉其中總結, 阿閒泰幾好味, 價格合理, 而且坐得舒服, 下次再去K11行街會再去試下其他野

每年冬天, 我同朋友既其中一個指定動作, 就是到一鍋堂打幾次邊爐
因為性價比好高, 所以我同朋友都好鐘意去今次我同朋友選左佢地係葵芳新都會既旗艦店, 貪佢夠就腳, 同埋都坐得好舒服,
出面齊晒前菜, 蔬菜, 飲品, 甜品, 岩晒我呢D冇咩耐性既人前菜都有好多款, 有麻辣腎, 豆芽, 咖哩丸, 炸雞翼等等, 而我最鐘意就係麻辣腎, 因為少少辣, 口感又爽, 令人越食越開胃；而炸雞翼都做得唔錯, 做到外脆內嫩, 係任食邊爐都食到咁有誠意既前菜真係感受到誠意滿滿我地叫左個藥膳湯底, 我地好鐘意D隻味道, 用黎打邊爐好味得黎又特別, 出面好少有, 所以我地都特別叫左好多竹笙, 腐竹同埋烏東去吸D個湯底因為我同朋友都係牛魔王黎, 我地都超鐘意食牛, 所以我地就叫左個貴少少既SET C, 就可以食到日本黑毛和牛, 澳州和牛, 黑毛豬呢D特別既野
我地不停食牛, 而我最鐘意就係日本黑毛和牛同埋澳州和牛, 油脂味好香, 但食落唔會覺得好肥, 牛味濃, 口感好好, D個係主攻同回本之選!而一鍋堂另一個好出名既地方就係有任食海鮮, 蜆完全冇沙既蜆, 爽彈既海蝦, 連殼既帶子, 肥美既鱔片, 仲有隻幾特別, 似北寄貝既貝類, 海鮮都係一個好重要既回本位食飽飽之後仲有三隻味既雪芭食, 都幾好味道, 打完邊爐食D個就剛剛好了總結一鍋堂真心好好味, 我地已經諗緊想再去食第二次了

幾個朋友想約在尖沙咀搵個地方搵個舒服的地方慢慢食個晚餐傾下計, 見到厚福街有間樓上鋪叫恐龍餐廳, 個名咁得意, 原來入面有好多恐龍的公仔及不同款式的桌上遊戲等!環境很乾淨整齊, 也很適合帶小朋友去玩。 巴馬火腿雜菌比薩$148 Pizza是薄底的那種, 上面放了滿滿的芝士、蘑菇、火箭菜及巴馬火腿, 口感豐富, 香脆的pizza底加上咸香的火腿, 我裊喜歡火箭菜的味道, 食起來減少了芝士的油膩感覺。 圖斯卡納三文魚$288 三文魚很滑嫩,不會煮得太耐影響口感, 醬汁有點兒像白汁, 配上香草的香味。 薯條配黑松露醬$58 薯條很熱很脆, 長長的一條, 沾上黑松露醬就更加香濃, 食唔停口。 招牌脆皮鹹豬手$268 鹹豬手已經幫我們砌好, 外皮很香脆, 我最喜歡加上蘋果蓉, 令豬手有少少的甜味。 同朋友拎了幾款玩具玩, 好似好耐都未試過好似中學生時代咁大家一齊玩, 好有回憶, 有空都想再去多次。

同朋友係奧海城行街,見到金子半之助,好有日本feel既餐廳,朋友話呢間D天丼好好味,思鄉病又發作,就即刻沖入去 開放式廚房,好似omakase,枱與枱之間都寛落,坐得舒服,播住輕鬆音樂,好relax.餐牌有期間限定真係有種無可抗拒既魔力,仲要連續8届拿獎 叫左牡蠣車海老天丼,迷你天丼＆稻庭烏冬,轉左軟殼蟹.黑豆茶,特別清香好味,又可以解腻.牡蠣車海老天井,牡蠣肥美飽滿,好鮮味,外層酥脆,真係名副其實既外脆內軟,有2只超巨型大蝦,有成只碟咁長,炸得鬆化,蝦肉彈牙,仲有小柱魷魚天婦羅餅,炸莢豌豆,海苔天婦羅,炸溫泉蛋好特別,督開熔岩蛋漿同煙煙韌韌既珍珠米混合,超級好食,跟餐仲有濃濃麵豉湯,超豐富. 傳統做法的天丼會把新鮮炸起的食材放上飯面，然後再均勻淋上天丼醬汁，目的是要每件天婦羅都能沾上醬汁。所以天丼的天婦羅並不像一般天婦羅脆口，而追求的是每件天婦羅都能適量沾有醬汁。而金子半之助使用古早秘傳醬汁，更能重現江戶時代風味。迷你天井＆稻庭烏冬,轉軟殼蟹,一次過可以有飯有麵,呢個配搭真係好好,有軟殼蟹,菇菌,南瓜,海苔,莢碗豆,溫泉蛋,軟殼蟹炸得好鬆軟,啖啖肉,肉質鮮甜,其他天婦羅一樣炸得好出色.  稻庭鳥冬食法好特別,跟自己喜好可加鰹魚花,海藻,天婦羅碎,溫泉蛋,我就全部加晒,覺得湯底更加清新鮮甜,麵質煙韌滑溜,好好食.忍住要encore溫泉蛋同海苔天婦羅,外脆內軟,一D都唔油膩好出色。而且金子半之助採用日本特製高級胡麻油, 胡麻油製成的天婦羅芳香撲鼻及色澤會較深。整體絕對不比我在日本食到的差, 啱晒思鄉病的我們!