# $300內仼食 包埋加一嘅韓燒店真係越黎越少🤧 不過最近旺角新開咗一間~ 聽講CP值都幾高架🤔 所以拉埋朋友一齊去試下👀 - 牛一哥韓式燒烤放題🍢 位於創興一樓 都幾方便就腳🚴 坐位都幾闊落 可以舒舒服服慢慢食🤤 配料選擇都有好多😙 都唔知揀咩好🥺 食物質素都幾高🫡🫡 而且refill嘅速度好似火箭咁🚀 空肚嚟到 飽肚離場🤣 而且職員好好服務🥹 見我地唔識燒就主動教我地🫢 仲要經常換燒烤網😱 佢話個網都會好影響燒肉架💚 - 至於食材配料 選擇多到眼花撩亂😵‍💫 💕九宮格牛盛盒 . 原粒頂級肉眼 安格斯肥牛 勝豚五花腩 巴西多汁豬梅肉 蒜香雞翼 厚切牛舌腩 奥米加青衣柳 韓式辣汁豬頸肉 美國LA牛仔骨 . 九款肉品🫶🏻 一入座就會送到你枱😚 而且仲可以refill✌🏻想食幾多都得 整體上都好新鮮 肉質鮮嫩加埋配料食 都幾惹味🫣 豬頸肉醃得好入味 食落好爽口💕 💕前菜配料選擇多到🫣 我都無辦法列曬出黎🥹🥹 不過可以寫少少比大家睇下🫢 前菜醬料💛 酸蘿蔔 青瓜 韓式泡菜 雲耳 沙律 炸雞醬 日本燒烤醬 海鮮鬆餅醬 蔥沙律醬 熟食💚 脆炸雞翼 壽司 生菜 沙律 韓式煎餅 韓式粉絲 韓式年糕 肉類 魚類 貝類 菜蔬類🩵 牛脷 豬肩肉 辣醬豬腩片 羊肉 雞肉 雞翅 薫鴨 五花豬腩肉 鯖魚魚柳 鮮魷 多春魚 鮮蝦 杏鮑菇 甜南瓜 辣魷魚鬚 ‘ 超中意辣魷魚 好惹味彈牙😝 飲品🩶 纖解茶 綠茶 烏龍茶 紅棗茶 大麥茶 檸檬茶 啤酒 柑桔檸檬 忌廉溝鮮奶 芒果汁 可樂 芬達 雪碧 ‘我唔飲甜野所以茶或啤酒就啱曬我🫶🏻 雪糕🍦 - 💰💰💰💰💰 價目表都可以比大家參考 晚市正價（1730-2130） 成人：$248 小童：$168 長者：$188 宵夜時段 (2100-0000) 成人：$198 小童：$148 長者：$168 逢星期五六日及公眾假期每位加＄10 *須另外加一服務費 💰💰💰💰💰

好想去旅行呀🇯🇵🛫
諗起以前兩三個月就會去旅行🧳
可以散吓心整理心情 原來喺好幸福😭
依家因為疫情😷
唯有喺香港試吓唔同嘅美食🍱
最近聽到有間日本過江龍人氣拉麵沾麵店🍜
好想食🤤 所以即刻拉埋朋友去試~
順便叫埋小食飲品😋
.
🍜 特製背脂煮干拉麵 ($88)
湯底喺用三種食材熬煮
👉🏻 豚骨 豬背脂 沙丁魚乾
口感濃厚✨
而且有少少鮮甜味☺️
配料豐富😍
叉燒軟硬適中 一啲都唔柴!!
兩款唔同口味嘅叉燒 一次過可以食到🤤
👉🏻 鹽味慢煮豚肩 炙燒醬油豚腩
溏心蛋 蛋香十足 而且唔會太生🥚
麵條煙韌彈牙 有口感得嚟又唔會太硬🧡
.
🍜 海老辛醬背脂煮干沾麵 ($108)
蝦頭+ 海老辛醬 熬煮嘅湯底更豐富濃郁🧡
同麵條都幾夾✨
而且可以揀冷麵/熱麵🍜
我揀咗冷麵 感覺都幾爽口🤤
.
南蛮炸雞 ($25)
一口炸雞粒 大小適中🐔
肉質都幾嫩滑 外脆內軟✨

前幾日拉埋朋友去咗Nara Thai Cuisine食飯🙆🏻‍♂️ 可以揀嘅款式都唔少 前菜 小食 沙律 湯品 肉類 粉麵 飯 甜品等等 所以點餐都點咗好耐🥲 最後揀咗三款菜色🥘 . 泰式小食拼盤 ($178) 一次滿足你n個願望💚 呢個拼盤一共有5款小食🍢 所以可以一次過試晒唔同款式🤤 香脆魚露機翼 黃姜雞肉沙嗲 香脆芝麻豬頸肉 斑斕荷葉包雞 泰式脆春卷 聽講好似每一季都有唔同嘅配搭 所以可能下次食都會有分別架💛 最有驚喜就係黃姜雞肉沙嗲🍢 惹味得嚟肉質都算係幾鮮嫩😆 . 黃咖哩軟殼蟹 ($198) 呢個喺我滿心期待嘅一個菜😍 我通常喺日式餐廳先會叫軟殼蟹😂 所以呢個口味喺我嘅新嘗試❣️ 因為使用黃咖哩 所以係唔辣嘅🙈 咖喱略帶少少甜 而且味道唔算話太濃烈 所以就無喧賓奪主嘅感覺🤓 反而有提鮮嘅效用👍🏻 至於軟殼蟹🦀️ 脆炸嘅程度適中 所以即使上菜後5分鐘左右 都唔會因為凍咗而變得難食🙆🏻‍♂️ 份量嚟講我覺得幾充足✨ 兩隻頗大嘅蟹😎 大約手掌咁大🖐🏻 . 泰式炒金邊粉 ($128) 酸酸甜甜好開胃💡 本來因為食咗前兩個菜 覺得有啲飽飽哋 但係因為酸甜嘅口味 所以即使食多少少都唔會好膩✌🏻 而且份量都幾充足😉 我記得有4-5隻蝦🦐 適合同朋友share食 口感方面 醬汁都幾濃郁 但係就唔會太過heavy 不過唔知係咪食番辣嘢 覺得少辣都唔係好辣🙈 鍾意食辣嘅你可能要叫辣啲🌶️ 粉麵嘅軟硬度適中 微微彈牙 唔會過淋 適合唔同口味嘅客人🐒

唔講唔知原來山林道有好多小店😋 間間都好似好有特色🤪 前幾日就同朋友去JUST’er 食咗個dinner😆 好味😂 而且印象超深刻😳 有打卡位⭐️ 餐點名好獨特⭐️ staff有禮貌⭐️ 下次要再試下其他菜式❣️ - MK鰻魚蛋包白飯 鰻魚入口即溶🎈 肉質鮮嫩得嚟 而且好新鮮👏🏻 而且鰻魚汁甜度濃度適中 唔會蓋過鰻魚嘅鮮甜味🧡 蛋嘅生熟度啱啱好❤️‍🔥 70%生熟度 保持蛋嘅嫩滑 而且可以保持飯嘅濕潤✨ . 黑松露牛肝菌醬卡邦尼意粉 黑松露濃度剛剛好🔥 而且混合白汁一齊煮感覺更凸顯黑松露香味🍄 而且菇菌鮮甜多汁🌿 減低醬汁嘅heavy 感覺💛 (ps 醬汁唔會好膩好heavy❤️) 份量都啱啱好✨ . 厚玉子燒 肥美厚切嘅玉子燒🍳 蛋香味濃郁🔥 而且好軟熟☁️ 表面有少少嘅焦香味 提高咗整體口味嘅層次💙 而且甜甜地好惹味🐱 有一種食唔停口嘅衝動⚡️ . 炸軟殼蟹兩隻🦀 炸得好透徹👍🏻 所以整體口感都好鬆脆 但係油量控制的好✨ 即使稍為攤咗一陣都唔會有好多油 而且鮮甜多汁 海鮮嘅腥味唔會好重🙈 鍾意食海鮮嘅兩隻可能都唔夠🤤 - 曲奇馬上瘋 夏天極度需要嘅cookie smoothie 🤩 極濃曲奇味嘅smoothie 冰凍得嚟又充滿oreo脆脆💛 邊飲邊咬 兩種體驗🥳 . 菠蘿熱情果沙冰 天氣咁熱嘅時候點可以缺少一杯沙冰🧃 係濃厚嘅菠蘿世界有熱情果嘅點綴🍍 飲品偏甜少少🐻 但係可以滋潤一下我地平日嘅苦悶❤️ - 比個tip大家💡 記得要先book位❣️ 因為都比較多客 所以walk-in會比較難攞到位

好耐無食過異國菜😭 疫情可唔可以快啲走🥺 好想周圍去食好西🥲 唔緊要啦尖沙咀都有好多好野食嘛😍 口痕痕想試下越南菜🇻🇳 所以拉埋朋友去河內大娘食晚飯😋 - 香茅牛肉撈檬💛 賣相幾吸引😍 顏色層次好豐富🎨 而且份量好充足✨ 一人份唔多唔少💥 醬汁酸甜酸甜 好開胃🤤 牛肉香茅味重‼️ 咀嚼嘅過程好療癒 醬汁邊咬邊滲出黎🥳 - 順化粉💛 大家估唔估到有咩配料呢🐒 開估啦🥳 豬紅 豬手 牛展 扎肉 配料好豐富‼️ 一碗順化粉有齊四款食材☺️ 個粉好似米線嘅質感 滑順得黎軟硬適中✨ 牛展同埋扎肉都鍾意❤️ 好好咬🤣 而且保留原汁原味 湯唔會蓋過配料嘅味 - 牛油香蒜雞翼💛 超impressive💥 超爆蒜🧄 鍾意蒜嘅大家一定要試🐒 炸得啱啱好 無炸過龍👍🏻 而且肉質鮮嫩 依然充滿肉汁🔥 好想encore❤️ - 大娘蒸粉包💛 蔬菜同埋肉嘅比例近乎1:1😱 配料好豐富🤩木耳絲 蘿蔔絲 肉粒 飽滿每一個粉包 因為係蒸點 所以相對比較健康💪🏻 調味部分就可以再濃番少少😚

# 話說有一日有一位大朋友約我食飯👦🏻 但係我用各種藉口推搪佢🤣 直至中秋節我終於有假放🥳 我就話不如去沙田食飯💭 佢帶咗我去塜田農場😍 - 鰻魚忌廉芝士三文魚籽壽司卷 三文魚子晶瑩剔透 細細粒好可愛🤩 一個壽司卷可以有三種口感🔥 魚子Juicy口感💦 cream cheese 奶滑唔膩嘅口感 飯粒粒分明嘅凹凸感 鰻魚忌廉芝士美人卷 口味比較清淡 反而更加突出食材鮮味🍏 鰻魚係入口即溶❗️ 肉質鮮嫩 好軟熟👶🏻 梳乎厘玉子燒·明太子 梳乎..梳乎..好soft☺️ 軟綿綿嘅texture 熟得啱啱好❤️ 上枱嘅時候熱辣辣🔥 蛋香味同埋明太子香味都好濃烈✨ 明太子係玉子嘅中心位置🎯 只要切開食就可以一啖玉子 一啖明太子🤤 明太子好新鮮🦀 好鮮甜呀❣️ 三文魚親子鹽昆布炒飯 飯粒粒分明 因為炒飯嘅關係 飯粒表面會比較乾身 但內裏軟熟得嚟唔會硬 三文魚子多汁鮮甜😋 而三文魚嘅肉質都幾嫩滑🙊 有少少入口即溶嘅感覺💚 宮崎Mango Soda 香濃芒果味🥭微碳酸飲品 氣泡量適中 飲嘅時候有一種refreshing嘅感覺😘 Iced Matcha Latte 口感好濃厚順口‼️ 但係抹茶味可以更濃🙈 (綠茶我鐘意苦啲❤️) - 雖然雖然好想試下美人鍋🍲 但係真係好飽🤣 唯有下一次去再食過🤪

#cal_food ｜ Starry Night 最近發生左好多事🥺 自己嘅諗法都有好多 好亂🌀 與其係度轉牛角尖 不如就抽離一下 嚟個「美食解千愁」🍔🍣🍟 今次經朋友介紹 知道大角咀有一間以星空為名嘅餐廳🍴 聽落都幾寫意 而且食物質素都唔錯❣️ 所以同個知己一齊試下🤤 - Dinner Set for 2 ($378起) 💟Snack (肉醬芝士薯條) 薯條炸得都幾透切 外脆內軟🍟 而且加左幾粒鹽調味 唔會太鹹 芝士同肉醬完美結合 肉醬感覺好天然 用新鮮蕃茄熬製🍅 而且調味適中 唔會太鹹太濃味 肉醬+薯條一齊食就最正💛💕 💟Salad (烤釀燒烤菇) 沙律菜同埋蘑菇都好fresh 好juicy ☘️ 配埋黑醋感覺酸酸甜甜好開胃🤤 食欲大增haha😚 💟Grilled (香煎澳洲西冷扒) 我覺得稍微overcook左少少🧐 雖然我地點左7成熟 但係感覺好似係8成熟😩 所以稍為難咬少少 但係調味一樣都係啱啱好🤩 💟Main (黑松露燴飯) 呢個真係我最愛之一🥳 醬汁調製得幾合適😍 唔會太膩 亦都唔會太稀淡味 飯粒保持粒粒分明 而且唔會太多水爛囇 美中不足係黑松露味可以更加濃😝 💟Soup of the Day (南瓜湯) 味道好creamy 口感順滑 而且南瓜味都幾重🎃 唔會好稀好水☺️ 🥤凍藍蝶花檸檬特飲 🥤凍白桃檸檬特飲 - 整體食物質素都幾唔錯💝 雖然係小店 人手唔係太足夠 但係店員都好用心serve客人👦🏻 所以等多陣都唔緊要🙆🏻‍♂️💛 - #starrynightbh #hkfoodie #eeeeeat #吃貨

 原來都有一段時間無去餐廳食飯🥺 因為疫情關係 我都儘量少出街🙊 通常篩選一下 幾星期先去一間想去嘅餐廳🍴 今次揀嘅呢個餐聽都幾特別✨ 除左餐廳名好獨特 (等等hea) 💥 店入面有好多打卡位💛 可以同朋友邊享受台式料理🤤 邊打卡📸 - 因為太掛住台灣菜 所以上次同朋友去嘅時候點多咗幾款小食🥰  *傳統手工魯肉飯伴台式烤腸及溏心蛋套餐* 魯肉飯好正宗💛 味道同台灣食到嘅好相似 肉粒大細適中 而且肥瘦適中😋 保留到肉類嘅微粗糙感同埋順滑感 飯粒粒分明 硬中帶軟🍚 同醬汁撈埋一齊食更加開胃🤤 不過醬汁我覺得可以更加濃味🙊 溏心蛋半熟 而且有少少流心嘅感覺  *等等三杯雞套餐 配魯肉飯* 其實我唔係好知三杯雞係代表啲咩🙈 所以就上網search一search 原來三杯係指一杯米酒 一杯麻油 一杯醬油😹 雞塊細細舊 一兩口就食完一塊✌🏻 而且雞塊好入味 甜鹹度適中 醬油味 麻油味 同埋九層塔嘅味道 好濃烈   *台式鹵水小拼盤(豬耳/雞翼/鹵豆腐)* 雖然經過滷水熬製 但係口感唔會下降🧡 豬耳依然保持爽口彈牙 再軟身少少會更加好🥳 雞翼嘅肉質唔會散爛 豆腐嘅口感稍為變得硬左少少 但係豆腐juicy又入味😬  *蒜香麻辣豬耳* 蒜味都幾濃味嘅 但係可以更加濃味😎 微辣得嚟又幾惹味💥  *鹽酥雞* 外皮炸到金黃色 外脆內軟 雞塊肉質依然保持滑滑 juicy多汁💧  *香芋珍珠奶茶* *奶蓋奶茶* 飲品嘅表現就不過不失喇😛 但係甜度同份量就真係好impressive 比起其他店嘅飲品 即使係少甜嘅前提下 飲品都係無咁甜🙈 香芋味同埋奶茶味都比較突出💥 - 成個用餐嘅感覺都好舒適😌 而且感覺好似去咗台灣咁🇹🇼 食左一餐台式風味嘅美食🤤 雖然因為疫情嘅關係 我都好耐無去旅行喇😭😭 但係好掛住台灣日本韓國嘅嘢食❤️ btw員工好friendly好nice咁serve我地💕 下次一定會帶埋屋企人黎 - 🍚: 等等hea 📍: 九龍城福佬村道41號地下

#cal_food 玉子料理雖然係最百搭🥪 但係亦最難做出令人覺得煥然一新🙈 味道層次比較豐富嘅可能就係呢間cafe💛 今次係灣仔附近放工 去利東街行下 搵間cafe chill下😆 見到招牌我就醒起之前係sns見過 一直都想試但係未有機會🔥 所以就同朋友一齊去試下🤤 - egg sandwich ($58) 蛋嘅texture 比較qq q得黎又幾soft 有比較refreshing嘅蛋香味🥚 而且調味唔會好濃味 加左適量嘅調味料令蛋香味提升🤩 再加上wasabi少少 辣辣地都幾過癮😜 - 下次去我都想試下其他menu😆 大家可以bookmark定先 遲啲可以去試下😋

#cal_food 今次我帶埋朋友 一齊去筲箕灣搵食🤤 東大街充滿著各式各樣嘅菜式 好多間我都想幫襯下 但係我個胃空間有限🤯 只好揀一間開餐🍴 下次再試下其他😍 - 今次我地去左潮陣 放工去chill 一chill💕 試下潮式粉面🍜 其中食咗牛三寶撈麵 有牛腩 牛筋 牛肚三款配料 牛筋牛肚都幾柔韌彈牙 而且有嚼口😬 煙煙韌韌 牛腩唔會過熟難嚼 撈麵我揀左粗麵 麵質爽口彈牙 軟硬度適中 而且鹹度適中 唔會太鹹 不過自己可能無撈勻 所以底部有少少鹹 不過都可以接受 我仲有點左香橙熱情果紅茶🍹 茶味同水果茶嘅茶底都好相似 茶味都係比較清甜 有少少回甘苦澀味 橙味熱情果味都突出嘅 不過稍為甜左少少🙁 - 評分: 7.01/10