◐尖沙咀情調Fine Dining 飽覽香港夜景 位於尖沙咀THE One 樓上，有室外室內座位，外景可以睇到香港中環甚至維港景色。夜晚上去真係覺得好靚好壯觀 今次品嚐 Set Dinner menu *Appetizer 香煎北海道帶子配脆西米，配上法式香梨及荔枝果蓉，好特別口感 藍龍蝦沙律配車厘茄，好fresh，加左百合增加口感，仲有話梅汁好開胃 Soup 牛肝菌湯好濃郁啊，配白松露油，係我飲過最好味嘅牛肝菌湯 Main Course 香煎西班牙紅蝦扁意粉 有小小風乾車厘茄，同埋火箭菜香草醬好新鮮口感 最出色係慢煮牛腹扒，配上牛肝菌黑松露薯泥，店員提醒我地要橫紋切，5 成熟嫩度啱啱好，加上薯泥先係精髓！ Dessert 綠茶白朱古力慕絲，配埋紅豆mix雲尼拿雪糕😋

◐觀塘海濱舒服意大利餐廳 放假觀塘海濱放鬆一下，😍😍😍附近竟然有間好出色嘅意大利餐廳，好值得嚟試試。😇😇 燒大蝦三文魚籽意粉 意粉好吸，大蝦好鮮甜。配上三文魚子超好味🤓😝 香煎北海道帶子沙律 如果想食得清新啲，係一個黑醋汁沙律，一啲都唔膩，帶子好鮮甜。😃😃 香煎椒燒汁鯛魚柳 鯛魚好嫩滑，煎向左好脆口配上燒汁好好味。😜😜 手做朱古力cake 朱古力好濃郁，係店舖手作嘅特色甜品，一定要嚟試。😊😊

◐第二次回訪的隱世Omakase 呢餐係同男朋友最開心既一餐。這間只有一個壽司師傅而又係以佢名為鋪頭命名，專心做好每一道菜。第一次嘗試午餐已經好驚艷，1 年後再到訪品嚐晚餐。好味到覺得從此應該唔洗再係香港其他地方食日料啦🥹 時令當做係最後把握飲梅酒時候，師傅自家釀製，仲有士多啤梨和柑吉酒黎緊3月應該有得飲。 𫚕魚魚鮫 屬於稀有部位，爽口又唔會膩 香箱蟹蓋 清蒸一樣咁好食，蟹蓋裡面全部裝住肉 長崎生蠔 生蠔好鮮甜 又次熟悉既八爪魚🐙 燜煮得好霖滑，係即日提前整好，將最靚部位呈現俾食客！ 天婦羅白子 白子生食都比較少機會食到，再以天婦羅做法，係何其艱難，質地軟易散，但居然可以炸到外皮脆內軟。再配上白子渣醬汁，好神奇！好多地方未必食到！ 安康魚肝 呈橙黃色，證明屬於好高級既魚肝 水魚湯 係過場之作，水魚熬出黎既燉湯，好鮮甜 用鮑魚肝整既醬汁，鮑魚鮮甜，飯好好味 燒金目鯛 魚鱗都燒埋，好金黃色賣相好靚，又脆又嫩，魚身實淨！ 時令壽司主要有 前面係比較特別係間八、赤貝、深海大池魚、春魚 後面特別高級係拖羅魚鮫和蛇腹，都係極為稀有部位，入口化開，好難先食到 最後少不了海膽壽司，足足2 排海膽疊上😌滿足啊 甜品都係自家製架 有玉子燒、抹茶布甸、芝士蛋糕和橙果凍 好難得連甜品都豐富，真係超級飽！

◐泰式燒烤和火鍋在一起 同時想燒烤，又想打邊爐，一次滿足你幾個願望。之前睇YTber 介紹呢間泰式燒烤好特別，有啲似韓燒，左右兩邊係2 種湯底，可以淥又得，燒又得！值得一提星期五六日都有live music，今日閒日全程播張敬軒d慘情歌，特別有feel 𓇟前菜： 先來個蝦片任食，超級脆口食唔停 泰式芭拉魚露大蝦拌木瓜沙律，好爽口入味 𓇟另外叫二人餐$ 748 - 肉類：豬肉、牛肉、牛潤、原條魷魚 - 湯底：小火山牛骨船湯、香茅椰汁雞湯 推薦食法係：將肉類係湯底烚一烚，再放上爐燒。肉質一啲都唔鞋，本身調味已經好入味，個人偏好 𓇟飲品：泰式奶茶、泰式綠奶茶，味道偏甜

◐長沙灣靚湯配煎餃｜超平價推薦 長沙灣好多地道小舖，最近發掘這間靚湯煎餃，環境好企理乾淨。平時好鍾意食煎餃，但又想喝老火湯。這裡可以同時滿足你2 個願望😂 有4-5 款煎餃或湯餃，另外可叫老火湯，係野葛菜豬骨湯。一般湯餃已經配有老火湯唔洗另外叫。煎餃好脆口，外皮近乎炸咁。我嘗試椰菜豬肉餃和雲耳椰菜餃，都好好味。 另外追加咗油菜加蠔油，是健康之選。 如果想飲野就可以加一杯豆漿，或者紙包飲品。不過我都係最推介飲老火湯。

◐懶人必試香箱蟹蟹膏蟹肉｜ 銅鑼灣樓上舖，見到每圍都叫刺魚海鮮鍋，今次試其他刺身壽司都唔差，尤其蟹真係正， 𓇟 香箱蟹🎖️ 最驚艷！原隻蟹拆晒蟹腳蟹肉，超多蟹膏，啖啖肉，好鮮甜 𓇟 煙燻脆紫菜芝士粒 有一個鐘蓋上，濃郁煙燻味，配上芝士口中自然融化，但性價比不高，送酒一流 𓇟 梭子魚 並唔係普通煎魚，好少食這類魚，燒完超級香，保持鮮味 𓇟 高級壽司盛盒🎖️ 吞拿魚最正，無根好軟霖，其他都好新鮮 𓇟 串燒 牛脷芯 冬菇 五花腩 中規中矩

◐長沙灣隱世西班牙菜｜自家製蟹肉可樂餅必試 隱世小店夜晚真係好full，西班牙菜最經典莫過於蛋餅和西班牙海鮮飯，呢度最出色係小食😀 值得再Encore 𓇟 小食$19 🎖️ 蟹肉可樂餅、松露蘑菇可樂餅好驚艷，自家製，餡料好豐富，啖啖蟹肉、松露味好濃！ 𓇟 西班牙辣味薯角 $58 🎖️ 唔係普通薯條形狀，竟然係一塊方形物體，但薯仔切到好有層次感，外皮炸過，好香脆。比平時薯角好食好多，沙律醬和辣醬好特別 𓇟 西班牙蒜油蝦$108 蒜片好惹味，蝦鮮甜爽口 𓇟 西班牙海鮮飯$188 有大蝦、青口等海鮮，但自己唔太鍾意硬飯，可能呢個先係正宗，咬落比較有嚼頭 𓇟 西班牙油炸鬼$78 最signature甜品，有一杯熱古力醬，而油炸鬼未係好脆，包裹棕糖，同坊間有小小區別

◐ 熟食刺身都出色omakase 位於中環樓上，格調好和風，3 面坐圍住師傅，omakase最出色除了刺身、壽司外，熟食都係呢度signature！ ⎊ 前菜 蟹仔🦀、三文魚籽加玉子 ⎊5 款刺身 池魚加紅花，帶出鮮味 赤蝦上櫻花蝦磨成粉 長崎yuanyuan熟成五日吞拿魚 山河圓赤背 酸骨 獅魚 奇莫魚加肝醬 平平無奇既魚本身無咩味，加左肝醬之後就超級好味😋 熟食方面 招牌豬軟骨超級軟霖，另外有旺菜、娃娃菜、秋葵、金針菇，有一塊燒左既鱈魚片包住，兜住蔬菜汁。我另外加左一碗白飯，撈汁真係唔錯👍🏽

觀塘樓上新開特色中菜｜必試黑毛豬叉燒 之前中秋節已經到訪過，每次都會回味蝦球。今日閒日唔算多人，好寬鬆，最好多人都要訂位。Menu裡面有7 大名菜都想試下，可惜胃唔夠大，叫左叉燒。🥳 叉燒大讚啊，雖然價錢唔算好平，肉質真係嫩滑😁，連瘦肉都係🙈 雲南野菌蒸雞，好有家煮的味道🤭，食得除下係新鮮雞煮，好爽口🤔 𓇟黑毛豬叉燒 𓇟疊影蝦球 𓇟 雲南野菌蒸雞 𓇟 番茄豆苗腐竹 最後食碗糖水，木瓜雪耳潤喉🥰🥰🥰

◐尖沙咀安格斯牛堡｜黑松露薯條 近佐敦有間半opendoor 安格斯牛堡，外國人主理，即叫即做。本來想叫香蕉奶昔可以賣晒。呢度出色在個麵包，雙面煎得好香。不過衛生環境有待改進 𓇟瑞士芝士安格斯牛堡$98 瑞士芝士好新奇所以試下，不過芝士一d都唔膩，值得試下！ 𓇟蘑菇安格斯牛堡$105 蘑菇夾洋蔥好香，係新鮮炒！ 𓇟 黑松露薯條$65 薯條炸起好脆，不過放左黑松露之後，稍稍變霖 𓆱𓆱𓆱𓆱𓆱𓆱𓆱𓆱𓆱𓆱𓆱𓆱𓆱𓆱𓆱𓆱