同朋友佐敦食飯，
發現良友日式石燒專門店， 看看餐牌亦十分親民， 於是入去一試。 石燒由六十幾蚊起， 去快餐店食一個鐵板餐都喺度。 坐底後， 我地叫左三個餐， 包括安格斯肉眼，牛枊同埋雞扒。 發現餐廳牆上貼住溫馨提示， 平時食飯可能相機先食， 或者個個掛住㩒電話， 但餐廳會好好提示食客享用食物最佳時機， 間接鼓勵朋友仔面對面傾計更多， 一齊分享食物。 餐廳環境都好親民乾淨， 仲有單人座位， 如果想一個人食餐石燒都唔會尷尬。 原來最抵嘅係幾十蚊嘅餐原來仲可以有自助區任食任飲， 仲要有沙律吧添， 飯同湯任食任飲， 仲有好多唔同嘅醬汁任任選任調。 我都襯食物未到， 拎沙律菜食吓， 親民價錢都無將貨就價， 都好多選擇。
安格斯牛扒送上枱面，
熱辣辣，肉香飄飄， 店員好細心咁提醒小心熱石，
仲怕上枱油花彈到我們，
先用吸油紙隔一隔。 安格斯切落去好淋軟，
肉味豐富，
可以按自己需要用熱石調生熟程度，
口味亦可按自己喜愛完全自主。 隨後牛柳也送上枱，
牛柳也十分軟嫩，
我們都較喜歡牛柳的口感。 最後送上雞扒， 雞扒送上時會較牛肉熟一點，
吃的時候也比較安心。 還配上醬汁，
十分開胃。 總結來說，
價格好親民，
又可以試到石燒，
可以一試啊～

同朋友去旺角諗住打邊爐，知道一鍋豐好出名，
所以黎試吓。
上到去環境好寬落，
而且仲有近窗卡位添，
店員都安排我地去左個大卡位。
坐低店員比左個餐牌我地睇， 價錢豐儉由人，
加$28仲有埋刺身添，
我地選左個鮑魚海鮮火鍋餐。 選完餐單， 就當然選鍋底哪，
我地選左個棷子雞鍋潤潤佢。 跟住當然即刻去㨂飲品同醬料哪！ 去到見到個雪櫃超級多飲品，
無論汽水，啤酒，茶類，
簡直係乜都有。 以哩個價錢，
黎同朋友飲吓野，
吹吓水都已經好抵哪！

返到埋位就見到豐富嘅海鮮盆，
海鮮盆有鮑魚，大扇貝，青口， 肥蠔，東風螺，馬刀貝，
隻隻都肥嘟嘟。 我地當然第一時間試吓D海鮮哪！
大刀貝勁厚肉，
成半隻手掌咁大隻。
鮑魚 大扇貝係最鍾意嘅海鮮，
好鮮甜，而且大大隻。
東風螺都好大隻。 除左海鮮盆外，
其他食物都係任叫任食，
咁當然係唔好浪費哪！ 我地叫左好多野食，
有滑牛肉，
肉質都好嫩 黑豚肉唔肥 脆鯇片好新鮮
脆口炸魚皮
爽口牛柏葉 手打墨魚丸同蝦丸都不錯
仲有菜，響鈴，出前一丁都有得叫， 仲要有好多甜品，
可以喺雪糕櫃任選。 嗰日食左條大腳板，
好耐無食過哪～
整體黎計，
海鮮拼盆好豐富同新鮮，
海鮮係按人頭計嘅，
同朋友一齊食唔洗爭，
其他任食食品都唔錯，
都算選擇好多，
如果想選中價位打邊爐，
食材又對得起價，
哩間都算唔錯，
可以一試啊！

今日同朋友去左屯門三聖村探朋友，約左朋友喺樓下泰海鮮食個午飯，因為哩度出名食海鮮。 最初諗住佢叫做大排檔，
個裝修會好地道，
去到原來裡面佈置都好精緻。 因為我地人多，
所以入左去房坐，
入面勁多獎杯。 第一個海鮮湯已經不得了，
超級鮮甜，
平時最多都係飲魚湯，蟹湯，
但咁足料嘅海鮮湯真係第一次飲啊，
魚，超多蜆，大大隻癩尿蝦，
甜得不得了，
諗起都回味啊！ 跟住就豉油皇鮑魚哪，
鮮味，肉嫩而彈牙，
賣相仲要好唔錯啊！ 然後我地左四隻龍蝦，
不過用兩種方法去煮，
有朋友想食傳統上湯，
有朋友見有焗嘅都想試試新野，
佢個焗法連芝士焗，
好香口，
芝士控唔好錯過，
兩隻煮法都好好，
不過我都係鍾意上湯多D。 跟住食左個芝心蝦丸，
哩個煮法好耐都無食過，
以前去飲喜酒好多時都會食到，
一粒粒嘅面包包住蝦丸，
而家好多煮法都簡化左，
只係用面包糠就算，
好有風味。 跟住仲叫左個好鮮甜嘅油鹽焗蟹，
見到佢上枱已經好精神，
列隊而至，
食落去味道仲好鮮美，
仲要勁多膏添，
非常甘香。 豉椒蟶子皇都好好味，
估佢唔到仲有個米粉底，
沾埋佢D汁食，
真係正。 佢個炸子雞都好外脆內嫩， 值得一試啊！ 本身以為哩度好中式，
點知另一驚喜係佢嘅白酒忌廉煮花甲烏冬喎，
個汁好好味，
花甲肥嘟嘟，
我地咁多人一條不留，
個個讚好。

近期潮流興食餃子，餃子店越來越多，
同朋友仔經過深水埗，
見到家後就入去試一試。哩度嘅餃子有七款，
但佢地好有心，
除左可以選湯餃或煎餸外，
佢嘅湯底仲可以有三款湯可以揀，
包括牛骨湯，豬骨湯同例湯，
因為我地人多，
所以試過牛骨同豬骨湯，
兩個湯頭好清甜，
飲落係唔覺有味精嘅。豬骨湯唔止無味精，
仲要好足料，
真係有豬骨喺湯裡面。我地試左韭菜餃， 香菇粟米雞肉餃，同芹菜湯餃，
D餃隻隻都好肥嘟嘟，
好有內涵。而鍾意香口嘅，
煎餃就真係唔少得，
送到上枱，
煎餃熱辣辣，
入口超香。見到餃子裡面十分足料。而佢嘅餃子最正係有秘製酸菜醬，
有少少辣，
但連埋餃子一齊食就好能吊味。我地仲叫左D炸雞同炸肉丸，
炸雞好香口，
但唔會好油肥。而除左餃子外，
我十分推介佢嘅卤水雞翼，
可能因為佢地係家庭式經營，
好有家嘅味道，
卤水唔會好咸，
好有媽媽嘅味道。 而成餐飯最令人印象深刻係老闆好有心，
人好好，
一邊食一邊為我地介紹佢地餃子，
仲提我地煎餃嘅食法等等，
咁有人情味嘅小店，
大家一定要去支持一下啊！

同朋友食飯， 朗豪坊附近有間餐廳好有特色的餐廳， 見到宣傳牌全部都同足球有關， 於是上去試一試。 朋友係足球迷， 上到去見到咁多球衣， 簽名相已經好瘋狂， 而同場嘅女仔雖然唔好足球， 但心情一樣興奮， 因為佢所有杯碟餐具都好靚， 好優雅， 少女心出哂黎， 哩度真係適合情侶一齊黎， 因為男有男興奮， 女有女打咭， 哈哈。 我地幾個人叫左四個set一齊食， 先上雜菜沙律已經好精緻， 同埋好新鮮， 用密實玻璃盒裝好， 仲有黑醋一齊食， 好開胃。 餐湯黎到一樣吸引， 連放湯嘅碗都一樣咁靚， 好似high tea 咁靚， 朋友即刻又影一翻。 西冷牛扒配鵝肝好大塊，
鵝肝味道濃郁，
食完個口仲好香鵝肝味，
西冷好淋，
肉味好濃。
我地仲叫左黑毛豬拼元貝，
烤汁做得好好，
好配合個黑毛豬之餘唔會搶左豬嘅味道。 仲叫左個白松露汁配龍蝦扁意粉，
同樣個松露汁好香，
店員拎過黎未食已經聞到松露嘅味道，
配合個扁面食，
好想食多碟
而哩間舖睇得出係好有heart 嘅，
平時配菜都係薯蓉，
但佢用嘅係蕃薯蓉，
所以當食左好多肉嘅時候，
蕃薯蓉甜甜地，
相比食薯蓉時更易入口，
而且蕃薯比薯仔更健康，
好細心啊～
低溫三文魚都好香，
皮脆肉嫩，
因為係低溫煮，
所以肉質真係好淋，
入口就溶，
好值得推介。
食左好多肉，
之後我地仲叫左個芝士流心玉子大啡菇，
啡菇本身味濃，
但味道好舒服，
配埋簡單嘅芝士同玉子，
味道已經好好，
切開時視覺效果都好好。
平時食雞翼食得多，
但哩個雞翼真係要讚，
好少有咸蛋黃雞翼，
味道食落去已經好香口
飲品都好多選擇，
除左般飲品外，
仲有唔同嘅特飲，
朋友叫左個蜜桃梳打，同檸檬效土飲，
我叫左個熱咖啡，
佢地嘅熱飲杯真係一絲不荀嘅。
之後我地叫左幾個甜品，
包括心太軟配雪糕，
意式芝士蛋糕，
同Oreo 芝士蛋糕，
整晚嘅晚餐好滿足啊，
值得推介。

平時好少入元朗，難得入去，
朋友介紹去左Le Grand Pokka Cafe，
未睇野食，
環境已經好賞心悅目，
好有文青feel. 朋友果然無介紹錯，
坐低我地已經覺得好舒服，
然後睇吓佢D set dinner,
價錢都好貼地

於是我地分別叫左三個set,
一齊share.
先黎我地叫左個餐湯，
當日係南瓜湯，
湯裡面除左忌廉湯外，
仲有粟米粒，
真材實料，亦令個湯有點咬口。 朋友就點左個沙律
賣相同味道都好唔錯。 在我地傾得無耐，
燒排骨伴輕三文魚扒已經送到，
賣相一樣吸引，
而且份量仲唔少，
味道方面，
三文魚煎得好香口，
燒排骨都好嫩滑。 跟住龍蝦拼美國上級牛柳都上枱了，
龍蝦絕對唔細隻，
成個大湯匙咁大隻，
牛柳肉質都好細嫩，
肉汁好豐富，
而龍蝦鉗仲好細心已經打開，
食嘅時候就唔會出現尷尬情況。 而最後上級肉眼扒都到了，
份量都好大份，
而且肉質都好嫩滑，
同樣肉汁都好豐富，
好有牛肉味道，
而佢個汁都好好味。 三碟食物份量都好足，
味道都好好， 一路食野店員都好有禮貌，
仲不時幫我地收野，
又幫我地換碟

幾個人一路食一路傾，
環境好令人舒服，
之後我地仲叫左點品。
有香蕉朱古力雪笆同tiramisu格格雪糕，
兩個甜品都好精緻，
兩個裡面，
最初諗住tiramisu格格雪糕會好飽肚，
見到時仲有點擔心，
但出奇地佢個格格又唔會好飽濟咁，
咬落好鬆軟，
配埋雪糕食真係一流。

同朋友食飯，去到太子見到地道雞煲,
於是入內試一試 入到去佈置好有香港地道風味 入到店內，
睇睇餐牌有好多選擇 朋友因為唔舒服，
雞煲唔辣唔好味，
所以我地就決定叫一個清淡的湯鍋，
見佢有一個推介的大白菜新鮮魚頭湯窩，
於是就試一試佢。

一送上枱，
魚湯味道已經好香。 入面仲好足料添 飲落去仲好有媽媽魚湯的味道添，
我地每人都飲左兩三碗先捨得用個湯黎打邊爐 一開始我地落左D姬蟲茸，
一碟有好多，
絕不欺場 煮緊既時候，
剛好炸鯪魚球送到，
好肚餓嘅我地即刻試一試佢，
外脆內嫩，
配埋蜆蚧醬，
好鮮味啊。 打邊爐又點少得牛肉呢，
我地點左本地新鮮牛肉，
一碟都有好多，
雪花分佈平均， 見到已經知道係好野！ 我地有朋友唔食牛，
黑豚肉一樣出色 我地仲叫左脆肉鯇片，
都好新鮮，
落湯煮一煮就已經好爽脆哪！ 而我最鍾意就係佢個炸響鈴，
因為真係即炸嘅，
黎到仲熱，
超新鮮。 我地仲叫左黑百頁，
平時大部份邊爐店都只有白色，
但加工太厲害，
所以一見到黑百頁又點可以錯過呢，
真係好爽口啊！ 隨後我地叫左D竹笙，生菜，娃娃菜，金菇，凍豆腐等等，
每樣食品都好新鮮，
所以打邊爐真係要去返專門店食，
所有食物品質都好好啊！  四個人食完， 超滿足，
食得咁豐富，
原來都只係900蚊左右，
如果想食優質地道邊爐真係唔好錯過

同朋友食飯，朋友帶我們到EMBER,
一到步就已經覺得餐廳環境很好，
開放式的酒吧餐廳，
絕對是聚會傾計的好地方。 與朋友到步見到咁靚就已經忍唔住影相，
仲有要個舞台，
原來星期三至六晚上9點後有live band演出，
剛好去當日係星期一，
下次一定要試試有live band時候去。 我地叫左個Caesar Salad,
開開胃fresh一下 飲品方面叫左個pop punch,
味道好醒神，
朋友就叫左個music tower,
個music tower真係用菠蘿砌個㙮出黎，
好睇又好味，
偷飲左兩啖，
果味仲好濃郁添。 見到menu D snack都好吸引，
去到好肚餓，
就叫左個串燒拼盤，
賣相超吸引，
仲好有內涵，
燒烤全都是高級食材，
有黑毛豬辣肉腸，帶子，大虎蝦，
仲有燒烤當然唔少得雞翼哪，
而最重要係個串燒拼盤好能夠取得平衡，
食太多肉會好濟，
所以仲有D菠蘿，姑同粟米等等，
一班朋友一齊食，
香口之餘又唔會濟，
味道仲非常好。 我地仲叫左個帶子煙肉芥蘭苗香辣蒜片魨汁扁意粉， 哩個意粉真心好味，
而我同朋友們好欣賞哩度，
係因為一般bar restaurants 因為主要飲酒，
反而主食會麻麻地，
但Ember食物質素好高，
哩個扁意粉超野味，
扁意粉仲好彈牙，
值得推介啊！
德國咸豬手都好好味，
平時咸豬手個面未必可以做得脆而不硬，
但哩度嘅豬手就皮脆不硬，
仲要塊皮好骨膠原，
味道唔會好咸，
最難得係店員上左豬手後會幫我地切開，
免除出現尷尬情況，
服務好一流啊！ 烤雞黑毛豬辣肉腸pizza味道都好正， 脆底pizza皮，
有口感得黎又唔會食完就濟住，
黑毛豬辣腸就更加可以幫個pizza提鮮 真心覺得ember係一間有誠意的餐廳，
食飯期間店員仲主動過黎幫我地換碟，
甚至將食物轉碟等我地食得更方便，
店員都會對食物質素好重視，
埋單仲會問我地意見，
仲提我地下次去預早OpenRice book枱，
食物會有8折，
真心係一間好好0既餐廳，
一定會再去啊～～

同朋友去雅蘭開餐，傾傾黎緊下一個旅程，
搵個好地方可以坐得舒服，
經過Pasta Holic,
門口佈置好醒神，
於是就入去試一試。
入到餐廳，
坐位設計舒服。 我們一行四人點了一個二人狂熱套餐，
另外再單點幾款食物

先來兩款湯，
我喝的是南瓜粟米忌廉湯，
味道得不錯，
南瓜甜味可口 朋友喝的洋䓤湯也不錯，
還伴一件蒜蓉包。
還有鮭魚凱撒沙律 頭盆我們選了蒜香橄欖油煮雜菇， 菇味也很濃郁。 主角出場，
我們當然點了意粉哪！
我們選了香草烤雞菌羅勒忌廉意粉，
意粉味道很好，
忌廉味道濃厚。 另一個主角就是安格斯西冷牛扒，
這個不得不讚Holic很貼心，
店員牛扒旁的石塊是用作加熱作用，
特別適合同枱食飯，
對牛扒生熟程度不一的朋友仔一齊享用。 我們還加點了三式拼盤，
三式拼盤包括意式薄切三文魚忌廉芝士，炸雞，還有薯角，
一次過滿足三個願望，
口感脆脆的炸雞，
很令人開胃。
還有明太子海鮮pizza,
味道不錯，
這個皮底跟一般pizza不同，
這皮底想酥皮似的，
Pizza海鮮十分足料，
千島醬也令人很開胃。 我們還添了一個海老忌廉焗飯，
賣相已經十分好，
蕃茄配上菠菜和橙橙的蝦仁，
十分吸引，
芝士味道都十分香濃。 還可以拉出長長的芝士絲 最後甜品也很不錯，
不會很甜，
是士多啤梨蛋糕，
下面應該是卡邦尼蛋糕，
吃完一個令人滿足的晚餐後，
再配上甜品，
整頓飯都變得很完整。

與朋友吃飯，
Goobne已經不是首次光顧的，
食物質素一向好，
所以今次在銅鑼灣再試一次。
到步後店員帶我們到一個臨海高座，
頓時已經被傍晚的夜色吸引。 店內的裝修也很時尚 我們看著餐牌， 先下了單。
我們點了一個香桃韓式米酒，
就開始我們的girls talk,
米酒酒味不濃，
很容易入口
在這裡飲米酒都是用碗的
隨後鐵板芝士泡菜炒飯也到了，
雖然是泡菜炒飯，
但味道不會太辣，
我們幾個不太吃辣的都覺得很易入口，
而且上枱滿滿的芝士，
已經令我們口水流。
先𠝹破流心的太陽蛋
然後把飯和芝士拌好
芝士一絲一絲的，
每粒飯都帶著芝士，
芝士控不能錯過。
還可以配上紫菜一同進食，
口感又會更有層次。
隨後，
我們點了一個韓式炒粉絲蛋卷，
看似簡單，
但味道卻不錯。
上枱佈置及裝飾已經很精緻
還配上醬料可用
我們還點了一個half and half tender,
讓多心的我們可以一次過點選兩配味道，
我們點了韓式BBQ醬煙燻烤雞+火山烤雞
雞還配上任添的白蘿蔔，
還配上兩款醬料
其實份量很大，
我們三個人吃也很足夠
任添的白蘿蔔味道很好
兩款烤雞味道也很不錯 而值得一讚是店內提供手套，
而且店內有韓籍oppa招待我們，
顏值也很不錯，
可以一試啊！