原本想去港女花花牆打個卡，點知咁啱落雨，唯有喺室內enjoy我個tea menu甜同咸都有得食 一上枱就仙氣飄飄 打卡一流 頂層有伯爵茶奶凍，馬卡龍，迷你冬甩，布朗尼蛋糕，柑橘貝殼蛋糕，提子鬆餅 甜品黎講唔算特別，但都好多選擇，一次過滿足你 中層有煙三文魚他他，Bloody Mary Cocktail Shrimp，蟹肉蘑菇酥皮盒 個人最鍾意三文魚他他，配埋魚子醬的確唔錯 底層有Mozzarella Cheese Stick棒，芝士焗青口，蒜香雞槌 全部都炸到脆卜卜，過晒口癮 飲埋杯peach peach紅茶同埋咖啡，wrap up全日

環境係幾好，但我有幾樣野好唔滿意 1. 店舖職員態度極度惡劣，一開始入到餐廳嘅時候覺得個冷氣勁凍，問吓可唔可以將個冷氣閂細少少，點知個職員聽到之後冇應我哋然後好大力打開咗個櫃桶「嘭」一聲 2. 買單嘅時候另一個職員將張單揼喺我哋張枱，我哋問可唔可以用Apple Pay俾錢，佢就西口西面咁去拎部機過嚟，然後佢就冇出聲企左喺度，過左幾秒好大聲咁話「又話比apple pay」當我哋比完錢之後佢將收據再一次揼喺我哋張枱 3. 雖然話豬肉係慢熟，但個心好似係仲有少少血水食完之後夜晚返去個肚有少少唔舒服 不得不承認賣相係ok既 。。

韓式炸雞就食得多，但係通常都係堂食 呢排返工比較忙所以都冇時間出街食飯所以就同同學一齊整咗炸雞同埋冷麵一齊share 本身都冇抱有乜嘢期望，因為通常外賣到過嚟啲炸雞都會淋晒，但係估唔到我哋今次嗌呢個無骨蜂蜜蒜香炸雞送到過嚟依然係外脆內軟超級surprise而且每舊雞都好juicy 除左食雞，我哋仲試左個螺肉冷麵冇諗過咁高汁！！！每一啖都食到滿滿既螺肉呀真係！平時呢啲都係求其比幾舊你就算，估唔到呢間除左好味仲好足料 不過留意翻都幾辣下 題外話: 食完到到夜晚仲覺得好飽飽

最近見疫情咁嚴重，堂食完全冇晒，見到好多舖頭生意都極度慘淡，所以諗住幫襯下糖水舖。 行行完街見到門口餐牌有個三合一芋圓糖水，見好耐冇食過芋圓所以想幫襯下。楊枝甘露底加芋圓加寒天涼粉荔枝同埋白桃啫喱，本身諗住呢個組合都幾豐富同埋太耐冇食個糖水所以滿心期待 點知買完冇check到然後返屋企見到碗野乜都有除咗芋圓之外。。。 除咗失望之外真係無話可說，芋圓糖水竟然係冇芋圓。。。你叫我點樣支持你先得㗎大佬。。。。

酸菜魚就是一種你偶然會很想吃的東西 所以今日喺旺角行街嘅時候上OpenRice睇到就揀咗呢間舖頭去食！ 一坐低店員就好熱情咁放上Menu同埋芒果烏龍茶俾我哋試吓聞落好香芒果味 難忘酸菜桂花魚 我哋叫咗個細嘅但係估唔到都有咁多塊魚肉，而且每舊魚肉都好滑！估唔到入邊除咗有普通花椒嗰啲之外，仲有木耳萵筍呢啲好吸味個配菜 孜然和牛粒 孜然味勁重，而且份量十足，和牛的嫩滑程度也是滿分呢 辣子大海中蝦 滿滿的乾辣椒爆香晒d蝦！雖然好辣，但係好食到呢 特色牆

好耐冇去過尖沙咀山林道附近食飯，咁岩今日去開美麗華果頭就諗住喺呢頭食飯 經過呢間餐廳嘅時候俾佢啲霓虹燈牌吸引咗，冇諗過一間餐廳個設計可以咁搞笑 佢個餐牌用咗好特別嘅模式去表達，你望到嘅時候真係不禁會會心微笑，但係你又會明白佢嗰個食物其實係乜東東 同朋友叫咗兩個意粉，一個係白汁三文魚意粉，意粉硬度恰到好處，而且醬汁唔會太水，令到意粉可以掛到汁 另一個意粉係墨西哥海鮮意粉酸酸辣辣咁超級好食，而且隻蝦仲好新鮮！

過了農曆新年一段日子，現在才可以約到很久不見的朋友出來吃一頓 "開年飯"。平時我們一般都是相約在潮州菜館吃飯相聚，有見及此，我們今次特意改變一下，去吃呢排都好興的酸菜魚。我們於尖沙咀游走，發現一間新開的川菜餐館，便決定入去試一試。 我們一坐下，侍應殷勤地為我們遞上餐牌及向我地介紹。於他的介紹之後，我們選了酸菜魚，碧綠脆筍 及 蔥油撈豬肚。 等了十分鐘左右，第一道菜來的是酸菜魚，此道菜的魚肉鮮嫩，酸菜不會太老，湯底不會非常辣，再加上其他配料，完美地可以發揮出所有食材的味美！ 在酸菜魚到了不久，碧綠脆筍就也到了，當侍應擺放此菜時，我們見到此菜賣相看似十分簡單，開頭有點失望，但當我地夾來吃時，發現此菜入口爽脆，烚的時間又恰到好處，加上餐館以上湯來烚，顯得非常好吃。 最後的一道菜，蔥油撈豬肚也來了，蔥油明顯是餐館自行調製，豬肚爽口彈牙，非常好吃。 餐後，我們叫了一道雨露均沾作為甜品，即是平時的磁芭，甜味適中，加上沾上黃豆粉，食落不會黐牙。

雖然睇落平平無奇嘅一間火鍋店，但係入到去你就會發覺呢間係一間非一般嘅火鍋店 點解咁講？因為呢度除咗有得打邊爐之外，仲有得自己炸天婦羅嚟食！而且仲有詳細教學，包保你一定識得自己炸得脆卜卜 我哋叫咗個冬陰功毛蟹湯，估唔到入邊真係有兩隻原隻毛蟹！湯底酸酸辣辣勁開胃 基本上你想食乜嘢都有，嚟到揀放題就一定唔會錯！最特別嘅係連羊肉都有得食，鍾意食樣嘅朋友就一定唔可以錯過啦 梅酒/清酒/啤酒放題都係其中一個吸引我哋入嚟嘅原因，我個人最鍾意就係梅酒，因為唔會太烈配火鍋食簡直係絕配

去完海洋公園都唔知喺附近食乜嘢好，所以就同朋友一齊去咗天后，咁啱得咁橋又見到有呢間越南菜既然咁耐都冇食過越南菜，所以我哋就決定入去試一試呢間街坊小店 食越南野或者泰國嘢一定要食嘅，一定就係酸辣鳳爪！呢間鋪頭嘅酸辣鳳爪做到恰到好處，食咗一舊之後忍唔住要再食一舊，因為酸酸辣辣真係好開胃 其他嘢食就包括有火車頭河粉啦，雞翼撈檬啦，香茅豬扒飯啦，全部都係我的至愛，每一樣都做到好街坊小店嘅味道 大家不妨望一望佢個餐牌睇吓有冇興趣去試吓啦

知道荃灣新開咗間天·悠蔬食，聽啲街坊講到好好食咁，於是平時唔食齋既我就去試下。一入到間餐廳就覺得個裝修好夢幻，粉紅粉綠既格局令我少女心大爆發呀！ 揀左一陣，最後叫左個一人set dinner。前菜有粉皮，杏鮑菇，紅菜頭蘋果沙律呢三樣，三樣都幾fresh，特別係個沙律，甜甜酸酸幾開胃。 湯就叫左牛肝菌桃膠忌廉湯同竹笙燉湯，竹笙個味道好清新同感覺好健康， 個忌廉湯就濃濃既牛肝菌味，好香好吸引！ 至於主食方面，就叫左牛油果紫薯栗子藜麥焗千層麪 & 菠菜合桃野菌忌廉燴意大利飯。講講個千層麪先，牛油果味道偏淡，不過同個飯幾夾; 意大利飯味道偏濃郁，另外有椒鹽猴頭菇點綴下，有點惹味。 甜品同飲品方面，分別係藍莓芝士蛋糕同埋鮮榨奇異果汁。個蛋糕真心幾好食，不過就略略細舊左d。 總括黎講，餐廳裝修好靚，食物質素唔錯，岩哂想試想試下非傳統素食既你！