之前見到人地上網介紹阿元來了,但一直都唔得閒,到琴日星期六終於有時間去食喇。因為都有上網睇過食評,見到d評價都幾好,所以都好期待。 大概6點左右我同男朋友就去到阿元來了,初初搵唔到入口,行左去飲品個邊,點知原來似後門個到先係正門入口位置😮 入到去都唔算多人,個場都算大見到有兩三張空枱,諗住好彩早唔洗等位ja,點知個服務員唔係叫我地入坐而係比張小食紙我地劃定食咩先同企埋一邊先,我地都覺得有d奇怪,原來後面有個位係比人等位既😶雖然唔知點解有空枱都要等位但我地都企左埋去等,但啱啱企左過去30秒都未坐低(因為佢地有d凳係比你劃紙既時候坐),有個服務員就過黎叫我地兩個同埋另一對早我地少少到既情侶入座喇😐 過到去原來了佢地想我地搭枱,佢張枱正方型都偏細,我見個對情侶都望一望我地之後先坐低,可能大家都唔明白點解格離幾張都係2個人自己一張枱而我地要搭枱🤷🏻‍♀️不過我地唔知道係咪人地舖頭既規定,所以都無出聲,只係覺得奇怪。 好快就叫野食啦,我同男友就叫左一份鹽酥雞,一份酥炸魷魚,一碗滷肉飯,一碗擔仔米粉,一碗芋圓後上,一杯奶蓋綠茶同一杯珍珠奶茶,共HKD 210。 鹽酥雞ok,味道正常不過無驚喜,同繼xx香雞/豪xx雞差唔多。酥炸魷魚我覺得偏咸,同埋唔夠脆。 滷肉飯係我地今餐最滿意既野,$29/碗,不過份量偏少,但口感同味道都好好,我地個碗既汗都夠所以好夠味👍 擔仔米粉就令我覺得有d失望,因為佢d米粉唔係我係台灣夜市食到好幼好幼個隻米粉,佢中等幼,但味道就略為淡左d,如果有肉個啖就有味,d配料就咁食就有味,但係個湯同個米粉就無咩味咁🤔 野飲都幾好飲,我地都係叫左大路野,奶蓋綠茶同珍珠奶茶,兩杯都唔會好甜,個茶好清唔錯👍 最後食哂d野就到芋圓喇,佢裡面有埋珍珠,dd花生溝埋一齊,口感幾好,夠林,但個湯既味道就有d奇怪,普通啦。 總括黎講,我個人認為d食物質素一般,無咩太出色既地方,而且個地點真係偏左少少,所以暫時都唔會有想再食既諗法。

今日同個朋友去試黃大仙既呢間分店,星期日7囲半左右既時間兩個人唔洗等位。
我叫左個牛肉火鍋$108,甜品就叫左個抺茶白玉所以要加$10,我朋友就叫左個豬軟骨拉麵,甜品就係雪糕加白玉,個雪糕我地無留意係咩味,黎到後亦都食唔出確認味道,只feel到有奶所以只可估係牛奶味,我朋友個拉麵加埋我個火鍋兩個人埋單$227。

我地等左十幾分鐘先黎左一個拉麵,算慢。
朋友個拉麵有一小碟豆做配菜,我覺得d豆好好食,好食過個拉麵,我試左我朋友個麵少少,覺得佢有陣味怪怪地,食唔慣,同平時食個d拉麵唔同,唔知點形容但唔鍾意。
之後到我個火鍋黎喇,因為佢湯得兩種可以揀,一係辣泡菜湯一係豚骨,我揀左豚骨。黎到第一個感覺只係覺得好少野,牛肉得兩三塊,d湯偏淡味,如果食開吉野家一人一鍋係唔會鍾意佢呢種,除左牛肉之外佢d菜都好少,唔知點解好多大蔥🙄仲有一樣最唔滿意係佢個set係跟飯架,如果要轉麵又要加10蚊🙄
食到咁上下就叫佢上甜品,個賣相都唔錯,但一食落就覺得中伏,哇,超級無敵勁甜,個抺茶雪糕甜,個底d紅豆仲甜,得個幾粒白玉係好食既,軟綿綿又唔甜幾好咬,我試埋我朋友個個疑似牛奶味白玉都覺得一樣咁甜,我地兩個都係食哂d白玉就無食賣單喇。最令我反感既一樣野係食完佢個雪糕同紅豆係會超級口渴架,我飲左好多杯水到夜晚十二點幾都覺得好口乾,以後一定唔食,無下次。 

星期四夜晚去開黃大仙中心, 見呢間舖頭開左無耐裝修好靚又係食日本野, 所以睇左佢本menu就決定食呢間。 因為係平日,時間係6點半左右,唔多人可以隨便揀位坐,兩個人揀卡位都無問題,坐下之後侍應好快比左兩杯有茶包既茶我地,我覺得個茶都唔錯,可值得加分。 男友想食鰻魚,所以叫左個芝士鰻魚咖喱鐵板飯,我就諗住第一次食食個普通既烏冬所以叫左濃蕃茄湯牛肉烏冬,另外仲叫左個芝士厚燒玉子同一杯巨峰梳打。 等既時間都OK,2個字我地既主食飯同麵就黎左,但係一望到個烏冬已經開始失望,第一樣失望係因為Menu張相既牛肉並唔係肥牛,但黎左既確實係肥牛,都差幾遠 第二樣失望既係烏冬既份量少左,因為我平時食車仔麵都係食開烏冬既,一夾落去個感覺覺得少左4分1左右,對我一個女仔黎講都有d唔夠。 第三樣失望既係佢寫係濃蕃茄湯牛肉烏冬,但係黎到個湯真係好唔蕃茄,如果鍾意食甘味蕃茄湯或者譚仔蕃茄湯既朋友一定唔鍾意。 之後試左少少個鰻魚飯,d咖喱汁都幾好味既,因為佢係分開上既d汁既分量唔算多,但係就唔係同個鰻魚咁夾,驚喜既係芝士同鰻魚都唔錯。 最後食個芝士玉子,真係好失望,因為佢係面頭有芝士燒熔左咁既,但係我食個舊有燶味,所以食左半舊就無食喇,其他男友食🙈 總括黎講,我覺得佢價錢係黃大仙區黎講算貴,而且只可以用好普通去形容,而且食完之後覺得有少少比佢menu張圖呃左😂如果呢個價錢我會去鑽石山食甘味,起碼個蕃茄湯甘味真係好味好多,濃好多,呢樣可以改進下。但係不得不讚既係可以見到舖頭好用心去裝修比個環境d客人,d牆上面都有唔同既動漫模型公仔龍珠呀,超人呀同埋叮噹咁。 以上就係我個人意見,如果可以改善下就更好。

上次睇apple報道過呢間米線,所以去試下

我地6點半左右去到,已經開始排隊,但好快就有位,間鋪唔大但坐都算舒服。

我叫左椰子雞湯米線,男友叫左藥膳米線,等左唔洗5分鐘就黎左喇個米線,都算幾快。椰子雞個湯真係好甜食完真係唔口乾,但藥膳米線就偏中藥味,個人覺得同d米線唔係100分夾,但係就咁飲個湯就好飲,好中藥feel。

另外叫左個芝士紫薯餅,用料都足既,但係個芝士就無咩特別,不過不失啦。

結論係米線價錢黎講偏貴,但服務態度好好,而且食物黎得好快,質料唔錯,個湯真係幾好飲,值得一試。

今日口痕想打邊爐,男友想食牛,所以黎試下盛牛。我地叫左$268一位既澳洲貴族和牛,今日可能平日關係比我想像中少人,一坐低店員yu比左兩個銀我地話可以去夾海鮮@@原來係一部夾公仔機比你夾杯裝既鮑魚或者龍蝦,個夾好實好容易夾,我同男友一人夾到一杯。

野食款式好都算齊全同好多丸比你選擇,好鍾意佢既蟹柳,唔同平時個時,佢呢隻好彈牙,又有飲品,沙冰,茶,甜品,比我想像中好。

D和牛都好靚,但係黎錯左一次差既牛,問個店員佢都係話係我地個隻268和牛,但一睇d紋就知唔係同一種,不過之後再黎既都係靚牛,咁就由佢啦。

都會考慮再黎食,但係有樣野唔好既就係你兩個人黎食唔係面對面坐而係兩個一齊面牆,呢個設計有點兒奇怪,仲要係卡位,所以入面個位出去拎野食野飲好唔方便。其他都不過不失,尚可。