未裝修時我已經留意咗佢，等咗佢好耐終於開啦。 午市有一人套餐，有前菜同埋豆漿。 手機落單，我朋友落手機時竟然落咗兩個水煮魚，幸好店員留意到問我哋有冇落錯，改返，店員好細心一讚手機落單冇得走蔥，可以同店員講。 萬眾期待嘅酸菜魚，魚很滑，件數又多，米線好大兜。我哋叫店員比兩隻碗仔我哋，夾了四碗仍然很多米線。 個人認為水煮魚就好味啲，米線就比較索麻辣湯底。 之後我來吃套餐又平咗。可能新開未掌握呢區市民喜好，套餐平了$10，加多個前菜及鍋貼兩隻。越做越好，又坐得舒服，希望佢多啲生意

唔知點解可以咁多嘢食 見到自助吧超長嘅枱，未食已經好興奮🥰打邊爐燒肉蔬菜丸類，刺生花茶熟食湯壽司甜品糖水乜都有，心急唔想等就可以食住啲熱盤炸物先，應有盡有。 最驚喜啲竟然晚上有點心，可以一盅兩件，真係兩件止的，不會多。蝦餃燒賣糯米雞牛肉排骨都有。 打邊爐有三個湯底，自助，又有清水。遇上唔舒服怕熱氣嘅朋友可以自成一窩。 有幾個細心為值得一讚 1. 餐廳提供口罩袋 2. 飲品有唔冷藏的，室溫飲品較好。 3. 提供紙巾，張枱前面仲有空位，讓你手拿食物可以暫時放低，拎好匙羹牙籤飲管，先返埋位。唔使出嚟行多轉。 早book位就可以有窗邊卡位

之前試過海陸空沙白胡椒豬肚雞鍋，有蜆D雞又新鮮又滑，湯底濃厚，放公仔麵變咗雞湯麵🍜以任食價而言，湯底質素相當高。 今次叫了澳門豬骨煲，大大件豬骨，同樣有胡椒味天氣寒冷，胡椒暖胃散寒，今次我落烏冬，變咗豬骨湯烏冬 如果叫任食雞煲，+豬骨湯底火鍋都不錯。再叫個胡椒豬肚雞鍋，又係雞，就食少咗好多嘢 有出前一丁，一D都唔馬虎 蔬菜類別有皇帝菜豆苗，識揀一定食皇帝菜，食療功效多，消腫利尿，清肺化痰，能強化心臟，兼去除膽固醇。 叫B 餐可以手機落單，份量不多，1-2個人差唔多。 流心芝士撻，點了一陣才上，香脆鬆軟，好食過市面上售賣嗰啲。真想叫多個 熱飲有花茶，留意個位置比較難找 暖櫃有薑母茶，我覺得可以放多啲嘢飲，冬天飲多啲暖野比較好。 食到尾當然有雪糕，口味超過一款

川龍飲茶大夥兒去。朝頭早喺荃灣8:00搭小巴，嚟到就比較多位囉，晏啲都已經坐滿晒。 茶位筷子拎嘢食全部自助。 #推薦 西洋菜就好新鮮， 聞說是自己種。 蝦餃大粒 菱魚球新鮮 沙翁，蛋味不錯 蝦米腸粉OK 麻麻： 炸雲吞，有啲硬 奶皇包，可能食開流沙的，感覺好一般，冇奶皇味 馬拉糕用黑糖，不夠彈牙 多人幫襯所以其實質素都OK嘅。算叫做傳統茶流，拎野食蓋印。 早起的鳥兒有得食，晏咗真係拎嘢食大排長龍。店員不是手快的。 原來有較剪，可以自己用。

難得打風有開，多個選擇，簡直不可多得！ 不用再食其他連鎖快餐店/ 餐廳，可以揀特別少少的上海美食。 價錢大眾化裝修雅致，食物ok! 感謝在颱風下開門! 可以品嚐享受好少少的食物。

原本打算午餐來食飯，因事擔誤趕不了，就打電話過來外賣自取得。 「今日午餐有冇咕嚕肉？」 「有」 「午餐咕嚕肉多少錢？」 「$55」 「麻煩我想落單，自取。」 「好等等」 客服員把我電話遞過去隔離嘅男同事。 「一個咕嚕肉外賣自取。」 就係咁，我就中左伏 去到取餐時，發現沒有飯，又收我$70？已經係$88 八折。 我問店員，今日不是有午餐咕嚕肉？為什麼沒有飯？ 「係咪要加飯？」 「加飯係咪要錢？」 「$13 八折。」 「我頭先打個電話嚟咕嚕肉係$55？」 店員拎個外賣list 我，上面冇咕嚕素球。 「我頭先打嚟話有喎。」 店員仲問我打了邊個電話，有冇打錯。 望淸楚，唸清楚，外賣list 與堂食list 不同...我終於明白了。電話服務員答我堂食有，而另一個落單的不知就裏落了散叫。 不過要我$13 加個白飯覺得唔掂，心裏想著，午餐沒有白飯只有餸，其實店員可否講多句，問多句： 「堂食同外賣餐單是不同的。」 「小姐，你只叫餸，要唔要白飯？」 當然，我可以問多句「是不是$55？」我假設了店員是細心，而我忘了我要重複講一次清楚我要的東西——是午餐咕嚕肉 結果今餐沒有白飯，工作起來少了力量。 只係想帶出，同理心的重要，當你午餐想吃飽時，原來事與願違，那種失落感。 願世界進步些，每人多為別人想一些。

朋友未去過印度餐廳，找了這一間，沒有令她失望之餘，渡過了一個愉快的晚上。 首先是裝潢時尚，與一般嘅印度餐廳很不同，座椅闊落舒適，入去氣派就是不一樣，而且十分乾淨通風好。 其次本身印度菜多選擇，除了咖喱還有Masala (茴香、胡椒、丁香、玉桂、薄荷等數十香料製成的醬汁），第一次吃的朋友覺得好味。我哋點了黑松露餅Truffle Nan (沒有中文Menu, 點菜不停上網查字典），印度餅可謂必食，有黑松露味道更香。 第三，印度菜有唔同嘅醬汁，三文魚Salmon Tikka (Tikka 即是一塊塊意思）單吃比平時吃的三文魚有些乾，可是經服務員推介點薄荷醬之後，又是另一個口感。 第四，這兒有cocktail有特色，朋友點樣的士多啤梨Milkshake 話奶味厚感佳，比仿間的真材實料有士多啤梨味。我點的Fruit Punch橙味重，與平時喝的梳打Fruit Punch 不同。 但是要留意的是，前菜可能有配菜幾辣，這個Masala Papad 越吃越辣，餐牌一早有寫Spiced Onion, 真的要睇Keyword. Fresh Garden Green Salad 的豆又是辣的，越吃越驚喜我地點了餐飲就可以解辣！ 知道這間餐廳lunch 有buffet, 心郁郁想來吃

沒有得去旅行的日子，在香港去地中海餐廳也不錯！ 異國情調，處身在餐廳感覺不同！ 用上白色雲石枱，高級雅大方，配上紅酒🍷cocktail 更醒神！聊天好地方 海鮮拼盤串燒，海鮮就係三文魚及蝦，地中海風味~~醬汁由上而下咁滴下去，引人想食 生吞拿魚切片伴青芥辣汁，呢個做法好fresh, 青芥辣汁輕輕的，啖啖吞拿魚有原鮮味。 Pizza Salmon Smoked Delight皮薄又脆，配菜有一項叫牛至(Oregano) 又叫披蕯草，芳香常用在pizza 上，不吃牛的可以放心點。 整個Menu有素食可選，適合各類人士需要。 最後點了西班牙油炸鬼，如果朱古力醬可以任點就更完美

呢度係樓上鋪唔係朋友介紹都唔識來，說廚師曾獲奬，食物幾好食，令我略有期待。 招牌杏汁燉白肺湯，滋補養顏，杏汁清甜，有水準。 蜜餞欖角骨, 有蜜糖香味, 金沙骨驚個半炸好香又脆，醃得入味，肉質鬆軟，食之又再食多件。 鮮蝦瑤柱荷葉飯，同普通嘅荷葉飯唔同佢係好乾身，而且系用鮮蝦，食得出荷葉香。 淺嘗菜式，與別不同，師傅巧手整法，別樹一幟，色香味俱全，而且價錢不算昂貴，大眾可以接受。 中午午餐，百多元一位，水準高，值得再來。

喺社交平台見網友推介呢間酸菜魚，即使喺九龍城未開通地鐵站都過嚟試一試。

先來一個重慶辣子雞，上枱熱辣辣有煙，原來係中辣，辣到可樂都解唔到，即刻叫咗個蘋果醋。呢個蘋果醋喺出面就唔係好見，解辣比較好。同行友人食得辣話好正後來涼了，冇咁辣好D，辣子雞係幾入味。

然後主角出場了酸菜魚，果然冇來錯，湯底師傅係用的鉗魚骨餚出來的，飲落有鮮味，有口感有層次，同出面嘅好唔同，零舍好味啲。

所謂的少骨，師傅拆肉起骨，有魚頭魚尾，魚片冇骨的。

本身佢有水晶粉，食落似粉絲，唔係好多，後加咗個薯粉，店員好細心咁幫我哋放落去。浸一浸，個湯底隔咗一陣都仲好熱，唔會因為加左薯粉而淡左。

薯粉都好多，食唔晒我哋嗌左個外賣盒呢！

食完小心D，可能會認為其他店的酸菜魚簡直入不了口