我一入去冇人理 就行前左幾步搵人 想問有狗仔係咪要坐室外 有個男職員 有眼鏡 見到企我後面嘅家人抱住個細狗仔 就用一個欄住既手勢好冇禮貌咁指我地岀去話:有狗要坐岀面 今日又熱又焗又落雨 唔緊要 規矩係咁 我預左 不過啲態度真係唔得 之後佢又走黎講點落單 又係面冇表情 由於落雨 枱凳都濕既 冇幫手抹 ok 我自己搵紙巾抹 冇過未食已經一肚氣 所以都係決定走 拎返個餐牌出去比個男人 佢又係面無表情收返就算 先唔理間餐廳嘅裝修 選擇 食物質素 咁既態度真係趕客 希望餐廳負責任正視問題

原來而家牛大人午餐有得訂坐 不過等既人已經少左好多 我去荃灣個間 十二點開 你十二點半黎都仲有位 — 我呢個係麻辣鍋(🌶🌶🌶) 要食魚腐先食到辣味 — 要左極上和牛set $198 牛肉款式少過晚餐好多 不過呢款都夠好食 又淋又滑😋 另外叫左個啤酒 好似係佢地自家既手工啤 果味好香好重 唔會苦 打邊爐飲堅正 — 配料方面推薦梅粉蕃薯 芋頭丸 蝦餃 章魚XX漿 醬料方面推薦豬肉醬 牛肉醬 好惹味😋 — 上菜速度勁快 快到係一兩分鐘就到 有漏 不過唔嚴重 最後仲有個冰粉結尾😜 性價比夠哂高👍🏻

好耐無食過burger 心血來潮 搵左呢間burger joys試下好唔好食先 先講下個環境 地方唔算大 行酒吧路線 但又唔會坐得唔舒服 地方都乾淨 呢度加左啲分！🙂 ——— 今次我地點左兩個包 因為唔想兩個都係牛肉 所以一個點左chicken burger 另一個就要signature double cheese burger 講下個chicken burger先 雞排煎得好香 雞肉夠晒juicy 雞皮超級脆 配埋芥末醬 就咁食塊雞排已經正過街邊好多餐廳！ 而個signature double cheese burger真係超級正 牛肉漢堡煎到少少燶邊 脆口之餘鎖晒啲肉汁喺裡面 一大啖食落去超爆汁 勁正 ——— 黑松露薯條都大大份 舖滿晒黑松露 多到完全唔洗點茄汁都夠味 ——— 芝士炸雞粒 份量勁多 炸粉唔厚 個芝士醬好有墨西哥風味 好抵食

本來想要個芋泥豆乳但冇 所以我就點左個三色芋圓(豆花 紅豆 仙草)$28 +$6 要加個豆乳布丁+因為新年要加多$2 最後$36埋單 但我返到屋企發現冇布丁喎🙄🙄🙄 我打去聯絡電話問 聽電話個人話payme返俾我 最後都冇收到 算啦 唔開心係因為我係為左有得加個豆乳布丁而叫三色芋圓 結果排左咁耐又俾左錢又冇得食🥺 —— 講返食物 豆花唔錯 食到豆味 但紅豆得幾粒 真係幾粒 芋圓煙韌 仙草正常 下次可能試返一支支既豆乳 起碼唔會俾漏野先😔

今晚終於的起心肝 去呢度食燒肉 點解會揀呢度呢 係因為佢唔似一般韓燒咁 有大量調味去帶出肉味 係真真正正食到啲肉既質素有幾高 。。。 餐廳喺大廈既一樓 有大大個窗台 唔怕啲油煙焗喺室內食到成身都係煙臭味😘😘 呢個要讚 。。。 野食方面 我地叫左個二人拼盤套餐 喜來烤肉、 牛五花、 牛肋骨肉、 牛排骨、 特級牛頸 每樣既份量都有大概8片 好足夠兩個人分 牛五花高質 輕輕咁燒一燒即食 唔洗任何調味 牛味濃厚 爆到成口都係汁 好好食！ 真係好想encore 但其他肉都好好食 都係高質肉味濃 加埋啲芝士蛋、泡菜蛋同埋可以無限添加既前菜 真係食得飽到不得了 唯有下次再黎食過😂😂🤠 最後個套餐仲包埋兩杯野飲 大概$500兩個人食到飽飽 其實都好抵 好過食燒肉放題啦！

大埔人想食燒肉去邊度食好？🤨 唔想下下走到出旺角銅鑼灣 其實係區內都有個好好嘅選擇 就係呢間oppa燒肉放題😮 已經唔係第一次嚟呢間餐廳食飯 就係因為質素高所以今次再翻兜👍🏻👍🏻 今次去到佢哋仲做緊個優惠 有個早割燒肉放題 包四款肉類同埋前菜任食 所以就試試佢啦 肉類方面有牛肋肉同埋牛小排 呢兩款肉各有各好 先講講個牛小排 牛嘅脂肪分布幾靚 輕輕咁燒咗半分鐘就食得 一咬入口成浸牛油爆出嚟 好好食 而牛肋肉脂肪冇咁多肉味較重 都係好好食 豬個方面呢有豬頸肉同埋食韓燒不能缺少嘅五花腩 豬頸肉偏瘦嘅 但都有咬口 輕輕咁燒到佢脆身食 五花腩就更加唔使講啦 一半脂肪一半豬肉 唔怕肥嘅真係要不斷encore🤤🤤🤤 另外一定要叫佢個芝士燒 配埋燒肉一齊食真係不得了！

好耐之前都有食過呢間至尊滿屋幾次架啦 之前都覺得同其他放題其實冇咩分別🤫🤫🤫 但今次再黎竟然有梅酒 熱清酒任斟任飲！!! 唔想飲呢啲梅酒清酒 仲有hoegaarden同asahi添架 剩係飲酒都抵返呀唔係講笑😬🤩🥳 ——— 刺身新鮮 厚切 熱盤選擇又多 係好食既 ——— 壽司既款式都幾多 幾多都係特別款 ——— 甜品除左有自助區 仲有一人一杯movenpick 或者dreyer’s ——— 要講缺點應該係啲位太窄 放幾碟野就full左😅

放工突然好想食串燒 所以即興去左尖沙咀呢間黑木 之前有朋友去過話高質好食 一於睇下佢有幾高質🤨🤨 叫左好多野食 首先係前菜 叫左個漬物拼盤 酸酸甜甜 幾開胃👍🏻 再叫左個燒蕃薯仔 熱laklak 蕃薯味又重 岩晒我呢個蕃薯控 另外都點左啲串燒必食既 雞肉棒、秋葵、冬菇、大蒽 全部都係水準以上 另外要特別提下個燒牛舌同埋白鱔 牛舌好厚切 啖啖肉 牛油必晒出黎 超香口 另外燒白鱔都係勁厚切 燒到塊皮扑扑脆 加埋啲魚油喺口 真係勁想encore😂😂

🥘香港地 🥘 🍓士多啤梨沙冰奶 $38 🥤紅豆沙冰奶 $38 呢兩個應該係呢間最signature既野🤣 紅豆沙冰溝維他奶岀奇地好飲 — 🍲砂鍋窩蛋三蝦香菇炆飯 $72 🥒海皇素翅燉冬瓜盅 $118 🐷香港地重量級咖喱豬扒飯 $62 頭兩個我都好推薦 炆飯好香好 又唔太油膩 冬瓜多料夏天飲好解暑既感覺 豬扒飯份量係好多但略嫌味道比較普通 — 呢間啲小菜都幾多款 屋企附近有就好😅 見到佢有蜜桃生炒骨好似好好食有機會都會試吓😛

黎到北角食西餐 行左陣決定左黎蠔灣呢到食 試下佢既生蠔同埋鵝肝多士有冇令人失望先🤤🤤 ..... 先叫左幾款生蠔食 當中最鍾意既有coffin bay同埋irish gigas呢兩款 重蠔味又唔會太重海水咸味 after taste唔錯👍🏻👍🏻 另外仲點左份海膽，帶子，龍蝦刺身😃 全部都好新鮮 海膽好creamy 帶子厚切 龍蝦爽口🤤🤤🤤 ..... 再輪到第二主角 鵝肝多士！ 煎得好鬼香 入口即溶 完全令人忘記晒啲膽固醇 真係想瘋狂再食多幾件！！ 黎到呢度除左生蠔 呢個真係必食！ ..... 最後再黎多個龍蝦意粉 大大舊龍蝦肉絕不孤寒 意粉夾埋啲汁食到停唔到口 呢餐好滿足！👍🏻👍🏻