路過肚餓，諗住去買串魚蛋同埋牛柏葉食吓，點知阿姐話要$50。我就話吓，咁貴呀，咁我淨係要串魚蛋算啦。佢話魚蛋要$30，不過牛柏葉就落咗啦，冇得唔要。 我俾咗$20買一串牛柏葉嘅。點知食落超級難食，串牛柏葉好似橡筋咁樣咬極都咬唔爛，雖然抌咗落啲汁度煮，但係完全冇味。而且仲食得出串牛柏葉本身疑似係用啲鹼水浸住，從來冇食過咁難食嘅嘢。 我買咗咁難食嘅嘢，算我唔好彩，食咗一啖即刻抌落舖頭附近嘅垃圾桶入面，相都唔想影。 最慘係間嘢個位咁旺，有好多旅客經過，等人哋以為香港嘅街頭小食係咁嘅水平 就唔好啦。

呢幾日凍凍地突然口痕想食重口味野，朋友推薦我食呢間，揀左最平嘅小寶套餐，估唔到意外地好味，同行嘅細佬都覺得幾好食。 可以揀三款主菜，我哋如題地揀左雞煲（小辣）二人份好夠食，而家我哋慢慢食，啲雞都算幾嫩唔鞋嘅。 火鍋湯底揀左花膠美人鍋，入面有10舊8舊花膠，老實講當然唔係啲咩靚花膠，但以火鍋來講都正正常常嘅，湯底都幾甜飲咗2碗。 肉類黎講我哋主要都係叫安格斯牛板翼，肉味好重又夠香，其他貨色都係一般，不太推薦。當然出面仲有個櫃可以自行拎蔬菜丸類，我就冇乜點拎，都係食安格斯牛板翼居多。 冬季仲有好多嘢飲，當然有常見嘅可樂忌廉，仲有自製冷泡茶，例如茉莉同埋有竹蔗茅根，食完啲熱氣嘢飲返啲涼嘢都幾爽。 整體感覺都唔錯，有機會會再返轉頭食。如果亞太中心個廁所可以乾淨啲就更好。

星期四嘅下午 難得放假，約左人去將軍澳食brunch ，雖然話係brunch ，但食嘅時候已經接近3點🤣。 我自己揀左lunch set 入面嘅E餐（炭燒紐西蘭牛肉眼扒 伴乾蔥烤薯仔 香草燒雜菜及半乾蕃茄 紅酒燒汁）。 前菜係沙律配小牛角包加個餐湯，餐飲揀左接骨木玫瑰花茶。個沙律都幾開胃，仲有幾片羽衣甘藍係入面，前菜整體都唔錯。 塊扒都幾靚嘅，又唔薄身，我叫7成熟，上到枱時竟然仲係岀哂煙熱辣辣的，正！ 食完個份量剛剛好，chill 下chill 下又一日了。

假日下午，同朋友出嚟聚會食吓嘢嚟咗呢間餐廳，估唔到原來以前住過呢度附近，成日路過都冇發現到有呢間嘢添！ 其實唔係好肚餓，所以只係食咗少少嘢，環境都幾闊落嘅，兩個人張枱都好大張。入面仲有live Music添，不過應該只係夜晚先有。 係餐單入面揀咗個香辣蜆意粉配白酒汁，個意粉都幾Q彈好食。有小餐包附送，我唔係特別鍾意食麵包冇食到，不過朋友就話唔錯。最值得一讚嘅係個薯條，一嚟份量好多，完全夠晒兩個人食，二來嗰個點醬好香奶味同黑松露味，難得嘅係，醬汁個量好多，鍾意食薯條嘅嘢都啱晒。 最後仲嗌咗個小小嘅甜品Crème Brûlée，味道同想像中嘅差唔多，都幾香滑。 我哋坐窗邊位，間野位於高層，可以睇晒樓下嘅風景，渡過一個悠閒嘅下午都唔錯。

位於The One 商場，半開放既日木西餐fusion餐廳。有丼飯、和牛、手工意粉、burger, pizza, 清酒啤酒紅白酒。一班人聚餐可以各取所好。難得樣樣做得唔錯，食材用料高質，價錢仲好親民添。 之前已經試過五芝士pizza, 印象深刻，芝士控必點。今次叫左個終極和牛漢堡。 漢堡手掌心咁大，但勝左餡料豐富，150g既和牛+parma ham+番茄生菜洋蔥，食完一定好滿足。 和牛漢堡煎至7成左右，入口軟滑多汁，配上parma ham鹹香，世一絕配，坊間唔多見，我第一次食就愛上。配料一d都唔馬虎，用左牛油生菜同牛排茄，佢比一般番茄肉厚有口感，亦唔會太多汁整淋個包，睇得出配搭方面落過心思。另加既藍芝士都好夾，同主角和牛, parma ham 各自發揮又唔會互搶味道，私心推介。 任何burger加$18 仲有沙律同洋蔥湯。男爵薯仔沙律好綿密軟滑，薯味都好濃，我buy佢多過薯條。洋蔥湯係自家製，味道係清淡既日式湯。 另外值得一提係佢用左三角封口設計裝住個burger, 唔會邊食邊漏汁，女仕黎食burger都可以保持優雅而不失儀態，真係好細心。 總括黎講，地點就腳，食物選擇多，食材高質，價錢合理，會回頭再食。

平時成日行開觀塘，都只係路過裕民坊呢個商場，估唔到入面開咗間雞翼山。其實想食雞翼山好耐，回想一二年前同事返工買咗1️⃣0️⃣0️⃣隻雞翼返黎請人食🤣不過到我嗰陣已經冇食淨了🤣但我一直念念不忘。今次行經就憑着呢個回憶想幫襯下。 室內只有一張枱仔俾人立食，加上我趕住返屋企，就買咗外賣返屋企加餸，今次揀咗1️⃣2️⃣隻雞翼加1️⃣杯飲品。原來係即叫即整㗎。 選擇左文青風玫瑰雞翼，港式避風塘蒜香雞翼同埋黃金鹹蛋黃焗雞翼各4件。 避風塘蒜香雞翼就有更加多嘅脆脆喺上面，非常之香口，充滿港式風味，如果唔太鍾意太多立雜嘢嘅人就可以試吓呢個脆香雞翼，外脆內軟入面嘅肉汁非常之多，而且都好大隻💕玫瑰雞翼都係貪新鮮試吓嘅，平時都冇諗過呢個配搭，食落都幾新奇，玫瑰同蜜糖味好出。黃金鹹蛋黃焗雞翼就好難整得難食嘅，食落流晒沙咁樣，口感好香濃👍飲品我就揀咗有氣桃橙茶，都幾好飲。

今日放假，難得夾到朋友，就去西貢chill 一chill ，行完海皮就周圍行下小店，似足去旅行咁款，呢間NN Coffee 係海傍再行入少少，門面走日系文青路線。 我哋幾個上咗樓上，坐低喺梳化Hea咗一陣，由於都唔係咁肚餓，求其叫咗少少嘢食休息吓。我地叫咗一個蒜香時令海蜆手工意粉，我自己就飲一杯桂花烏龍茶。我本身係一個好鍾意食蜆嘅人，無論用咩形式煮都鍾意食，見到呢個手工意粉擺喺Menu面就知佢哋對呢個產品係幾有信心。果然上到枱個賣相都幾靚，個意粉嘅質地係值得一讚，真係同平時嗰啲好唔同，唔係好識點講，但係算係我近年食過最好食嘅意粉之一👍 由於唔想食咁多甜野，為咗減少糖份負擔，就叫咗杯無糖桂花烏龍，個陣桂花味都好清香，坐低一路慢慢飲茶同朋友吹吓水，感覺都幾自在同chill 啊

雙層牛肉芝士漢堡 之前食過覺得佢塊漢堡扒做得唔錯，今次索性叫雙層牛肉。每塊肉起碼半吋厚，肉味濃、夠juicy 又彈牙，絕對唔會令人失望。配埋生菜、番茄、芝士，係漢堡包最經典既配搭，亦係我覺得最好味既組合。略嫌個包乾左啲唔夠軟熟，其餘都好好。 香脆鱈魚柳蛋漢堡 主角鱈魚柳好出色，炸粉夠薄夠脆身，鱈魚柳肉質厚實唔散。雖然隻蛋係全熟，但因為個漢堡落左他他醬，加埋生菜同番茄既水份，令到整體食落唔乾。有驚喜！ 漢堡+$30有薯條同野飲，薯條粗身脆口，轉套餐抵食。 吉列大蝦沙律 3隻吉列蝦+沙律菜+番茄片+洋䓤，吉列蝦炸皮都做得唔錯，但隻蝦太細隻喇，手指尾咁幼冇乜肉食。沙律菜同啲醋汁就正常，菜都新鮮既。 平日中午黎食，餐廳坐唔滿，環境舒適，簡單工業風設計。雖然價錢唔平，但食物質素高，對得起個價錢。想舒舒服服食高質burger,又唔想排隊，我會揀呢間。

我都好耐冇岀街食放題啦，尤其是係同屋企人1️⃣齊嚟。揀咗食5️⃣點至7️⃣點，特登提早少少收工食優惠時段就啱啱好。 坐低非常之肚餓，當然要食啲冷盤黎開1️⃣開胃先。揀咗北寄貝，甜蝦，同埋北海道帶子，呢3️⃣樣嘢係我每次食放題心中嘅首選冷盤黎，每次多幾碟幾碟咁叫。甜蝦比我想像中大條，1️⃣條1️⃣啖啱啱好，啲冷盤用1️⃣大舊冰坐住，食落非常之凍，但係冇雪味值得1️⃣讚👍👍👍。 仲有點到每次都會食嘅黃金大蝦🍤，喺屋企好難整㗎，又要落好多鹹蛋黃，非常之花功夫，出到嚟食就可以慳返功夫。 吉品鮑汁扣花膠嘅花膠都幾大舊下，本身叫咗2️⃣份，花膠都幾飽肚下嘅，點知幾乎食唔晒。 烤牛舌都幾惹味，叫左2串試下。 天婦羅🍤上枱非常之熱辣辣👍

對於龍城冰室嘅第1️⃣印象就係近地鐵站近！非常之方便！地鐵站D2️⃣出口行5️⃣秒就到！餐廳裝修幾光猛同埋幾企理咁。成日行過都幾多人。今日同媽咪喺附近Thai massage 完就嚟呢邊食晚飯試一試💕。 我哋都唔算好肚餓，就求其嗌咗d小菜😄食下。叫左個鮑魚一品雞煲（$9️⃣2️⃣），上菜時個煲仲好熱，唔係好大食嘅話2️⃣個人食，配上白飯都夠食。本來以為鮑魚得2️⃣舊，點知食食下仲有，最後發現係有4️⃣粒鮑魚嘅。鮑魚應該係罐頭鮑魚嚟嘅，都幾入味，食起上嚟幾林下。 媽咪仲叫左個西湯飲，要加$1️⃣8️⃣，是日西湯係羅宋湯。估唔到上枱嘅羅宋湯有咁大碗，真係成個湯碗🥣黎，有少少辣幾開胃，入面都幾多菜，飲到好飽。