近排腸胃不舒服，時常想食清淡的食物，就選擇了這間臨近大埔墟火車站的米線陣。 室內裝潢幾靚，鋪面乾淨整潔。 我點了番茄湯（HKD 32) 加6蚊選擇清湯蘿蔔 番茄湯十分高質，有好多番茄粒，目測有半個至一個番茄，酸甜適中。不過原本番茄湯的配菜不多，只有芽菜及芫荽。而清湯蘿蔔味道中規中矩，味道清甜沒有渣。 比較特別的是這杯青瓜豆漿，豆漿入面有細細粒攪碎的青瓜，味道十分清新，值得一試 總體而言，味道質素不錯，環境優美，價錢實惠

在朋友Instagram 上見到餐廳的食物，夢幻的造型十分吸引，於是決定一試。 下午4、5點的時間去到，門外大排長龍，大概等了10分鐘才能入座。 我點了一杯Black Swan Latte 及招牌Earl grey blue cake. 杯Latte 好似無咩咖啡味，上面d 花香味為latte 增色不少，造型滿分，味道麻麻，好淡味，分量亦好少，得幾啖，幾句話的間隙已經飲完。 個蛋糕要讚一讚，據說係gluten free, 甜度適中，d cream 好滑好綿密，口感一流，但價錢成70幾蚊一舊，貴過好多出名的蛋糕品牌。 整體而言，呢個價錢略嫌貴，不過食物外表打卡一流，味道一般。

門口的派傳單的姐姐招呼我入去，「食吉壽啦，食咗福壽雙全」，我於是接過傳單，而傳單上的價目也十分吸引，最平38蚊一個定食，有麵豉湯、前菜、沙律、珍珠飯、飲品及一客小菜。 首先有兩客沙律，雜菜沙律及中華沙律迎客，之後上熱茶、麵豉湯以及一杯罐裝飲品 我點左一客火炙壽司，有8塊壽司，好抵食。當中有炙燒鰻魚、扇貝、牛肉、三文魚壽司，以及加州卷，賣相唔錯。火炙鰻魚配上特質燒汁，扇貝配上牛油十分香口，味道唔錯。 小菜的選擇也十分豐富，甚至有炒大蝦、吉列蠔、牛舌等，我最後揀馬拉盞炒通菜。細細碗，一人份，味道中規中矩，係一般放題的質素。 最後上甜品，係百福牌豆腐花 最後埋單55蚊，唔洗收加一，呢個價錢食到咁多野，食到呢個食物質素，真係好抵呀！