今日唔想食肉，想食d辣辣的，所以就去左Coco壹番屋食個秋葵豆腐庵列咖哩飯 秋葵豆腐庵列咖哩飯 外觀：咖哩汁滿滿成碟的，庵列金黃色，完全包晒d飯，加上秋葵點點綠的配搭，刺激眼球，味蕾大增 味道：今次我揀左1辛的咖哩汁，味道剛剛好，唔會因爲咖哩的辣而搶過豆腐的滑口同豆味，亦保留左蛋味，最緊要係個咖哩汁份量係剛剛好送晒成個飯；另一不可不讚的是庵列，好滑，半生熟剛好，唔會老左；初初有擔心過秋葵會唔夾，原來係無架，反而係夾到不得了，秋葵黏黏的口感與庵列咖哩汁一齊食，係match度100% 份量：小女子我一向被評為黑洞，初初見到呢個的份量得200g, 真係會擔心唔夠食，結果係成碟食完完全夠飽架，晏就仲唔洗穩零食填補我的空洞 Coco壹番屋一值都係我食咖哩必去餐廳，讚

我平時係唔多食甜點的，好怕好甜，但今次同事外賣的冬甩可愛到唔食唔得 細細一盒的Baby Donuts 已經有16種味道，好多選擇，岩晒唔太好甜的我 同事揀Gogo van送貨，送貨的叔叔好好人，好清楚講明他的所在位置，車的資料，幾時要我們落去攞 初初以為會是凍凍的，原來唔係，仲建議放入微波爐叮一陣，但因為急不及待要試食，一口放入口唔多甜，仲有綿綿的感覺，好特別

好耐之前係呢度食個蛋包飯已經令我印象深刻相隔半年，要去試下他的其他主題菜式 真的要讚讚餐牌的設計，顏色鮮明，分類清晰，最緊要係相片不是只供參考 巨人豬扒蔥油飯拼三眼仔煎蛋 外觀： 在餐牌時，見到巨人一詞，已經好有意慾挑戰，果然的確是有份量的豬扒，不是只得骨，而是80%肉20%骨，值 另外，三眼仔一詞並無嘩眾取寵，真係有三個完整無缺的三隻太陽蛋，果然係吸引眼球的三眼仔 味道： 豬扒口感實正，並無出面冰鮮豬的「林啤啤」感覺，而且肥瘦適中，食落去不會因為蔥油的關係而覺得油和濟 三眼仔好滑，份量剛好可以配飯一齊食 整體口感不錯，下次會再encore ,但個人認為有樣野可以改善，因為豉油蔥油是倒左落碟先放飯和主菜，這會令到底層的飯偏喊，如果豉油蔥油可以另上會更食家們可以根據自己的口味去品嚐你們的特色菜

Jollibee 食過好多次，但尖沙咀e間的分店真係第一次去 自從Jollibee 入主香港市場後，我就愛上他的炸雞，唔多食KFC了 Jollibee 的雞好滑，炸粉唔多，會食到啖啖肉的，現在要穩間炸粉唔多的好難，他就做到了他的炸雞是皇牌，每次攞起都係熱辣辣，完全可以保留雞味。另一樣我最中意食的就係他的意粉，意粉醬好多，我係醬人，岩晒我甜甜酸酸 E間令我特別要寫的原因係他的工作人員好nice, 見到食客穩位，會幫手穩，而且執枱好快好乾淨，最緊要係工作的伯伯笑容好親切，感受到煩囂城市的溫暖

早餐都未食，直接跳去食lunch, 一於餓住去試下Hungry Korean D2 place e 間 Hungry Korean 位置闊落，設計簡潔，乾淨，很舒服 辣雞肉鐵板燒 外觀：雞肉滿滿係鐵板，配上蔥花醬汁，視覺感 味道：醬汁甜甜辣辣，好惹味，雞肉大細適中，超入味，刺激食慾 泡菜豬肉豆腐鐵板燒 外觀：相反，e個不是太吸引，肉類好少，豆腐埋相唔太吸引，從外觀看是淡而無味的硬豆腐，另外，泡菜和豆腐放在鐵板不久後就被焦黑了，有些許影響進食質素 味道：e個的醬汁偏酸，豬肉好散好少，相反泡菜洋蔥較多，但不太入味，豆腐與他本質一樣，淡而無味 會再去食，但會偏向辣雞肉辣牛肉系列

上次食完素食自助餐，同行的朋友即刻推薦我要去試下深水土步的素食餐廳 - 素年。一試下，真係值得推薦再推薦 
素年的晚上booking非常Full，一定要預先電話訂左位先


素年的設計好簡約，座位都好闊落，好岩三五知己談心和品嘗美食


不可能不食的不可能TM漢堡包  e個真係值得一推
服務﹕職員好貼心一分為二，可以讓我們share品嘗
外觀﹕漢堡包和蕃薯條都放得好美，職員一攞出黎個下已經覺得超吸引眼球
味道﹕首先要讚的是漢堡包的口感超似食緊牛肉，但又不會好像牛肉的結實，配上車打芝士、火箭菜和洋蔥，個下真係有懷疑自己是否去左素食餐廳 另一要讚的是蕃薯條，用蕃薯切成長長的薯條形，食落去有香甜的蕃薯味，烤炸得剛剛好
新鮮純素沙律碗
服務﹕我們食沙律多數都要好多醬汁，因為柚子汁不足，職員好好的提供更多的醬汁給我們 外觀﹕好大碗，顏色好鮮艷新鮮，吸引食慾
味道﹕非常新鮮，每樣沙律材料都很夾，當中特別中意他們的南瓜和紅腰豆，烹調的口感合宜，不會過硬或過林
刺激味蕾的冬陰意大利飯
外觀﹕夏天見到橙紅色，特別令人開胃口
味道﹕冬陰公味的意大利飯真係第一次食，酸酸辣辣超刺激味蕾，夏天食好開胃，另外，我好怕超軟身的意大利飯，而他煮得剛剛好

整體，素年係一間很有心的素食餐廳，值得再去品嘗，推薦 

Happy Friday 要出去食返個午市套餐迎接假期 
午市套餐﹕香辣貢菜 + 四川擔擔而 + 凍豆漿

叫前已經諗左好耐咩係貢菜，終於謎底解開。口感脆脆的，份量比我想像中多，但是香辣味就不足，偏喊 四川擔擔面的面感適中，湯底不太油，有香濃的花生醬味，只是面量不太夠 原本諗住天氣甘熱下可以飲返杯凍豆漿可以解涼解涼，點知已買完了，午市只是剛開始就沒有凍豆漿
有另一樣野需要改善下，餐廳冷氣完全不足，一邊食一邊留汗，會影響用餐時的整體感覺

第四次食素食自助餐啦，不過e間係第一次 座位都比較舒服，位與位之間有距離，食物選擇多，有分好類 當中的紅油抄手，青瓜，木耳同椒鹽豆腐好食但青瓜好快就俾人掃走，無再出一盤新的有些食物好耐都無人夾，點知一試超林身 甜品方面需要改良改良，薑汁糕點咬來的口感好黏牙齒，斑蘭蛋糕好硬身，一d都唔soft，素食漢堡包偏硬 但最意上不到會有made in HK 的雪糕，有好多不同的味道，我們今次揀左沖繩海鹽味，喊喊的，好特別 如果同三五知己食飯聊天，e度係不錯的選擇

香港有好多台式餐廳，但小菜式的台式餐廳真係好少，而e間值得推薦 食飯前已經係Openrice 睇左好多篇食評，所以一去到餐牌都唔洗睇就叫左他們以下幾味拿手小菜 三杯雞，雞味鮮，味道剛剛好，一上枱就香味撲鼻 蚵仔煎，好有台式的味道，蚵仔多，蛋又滑，推 炒A菜，真心好食，菜好嫰，無咩油，好健康 滷肉，好入味呀，唔會覺得好肥膩，肥肉瘦肉好平均，正 蛋黃小卷，好特別的一味菜，真係無諗過味道可以甘夾 屏東小炒王，我最中意的小菜炒得唔油，仲要材料足夠，好入味 寫食評寫到好想再去食

天氣甘熱，最岩就係食泰菜醒下胃 一入到去餐廳簡直同出面係兩個世界，冷氣超勁 黎到泰國餐廳，一定要點返個泰式炸蝦餅。蝦餅啖啖肉，炸粉剛剛好 燒豬頸肉燒得好令，其他餐廳的會好薄好細塊，他的唔會，好多好大塊，加埋個汁完全係perfect match 泰式SUKI炒粉絲,e個反而比較一般，我們係配牛，但個牛好老，好難咬得開 泰式通菜，泰國餐廳必叫的菜。他們的醬超炒得超入味，見到好多蝦米仔，通菜又嫰 龍眼冰，好多粒龍眼肉飲起來好fresh 芒果糯米飯，好有去泰國的感覺，芒果新鮮，飯好煙銀椰汁份量剛剛好，夠我們食晒成個飯