見好多朋友食完都推薦，終於黎銅鑼灣分店打卡鬼金棒 芫荽控必食💚芫荽麻辣味增拉麵(小辣小麻) 湯底濃郁，拉麵偏粗，好有口感，一啖芫荽拉麵湯超級滿足。食辣廢柴都可以食到小辣小麻，食到辣嘅可以由中辣開始嘗試。 另外揀左：增量叉燒麻辣味增拉麵(小辣小麻) 叉燒厚度差不多有3cm，超大塊，如果胃口細嘅女仔可以兩個人share，湯底一樣好濃郁，溏心蛋熟度啱啱好。 晚市建議6:30前入座，6:30後陸陸續續多人，需要等位。

餐廳檯凳幾闊落，坐得舒服，好適合成班朋友一起聚餐慢慢傾 德國咸豬手＄188 大大隻抵食，份量足夠2-3人！好貼心已經切好曬，表皮焦香酥脆，肉質咸香適中，唔會太乾，有配埋薯條，同兩款醬汁。 Parma Ham Pizza $159 芝士好香，餅底係脆口薄底，比起厚身底更加易入口，食落無負擔 Cool Mint $78 有荔枝甜味，薄荷葉及梳打製成～味道甜甜地好fresh Strawberry Colada $78 以士多啤梨，椰子奶，鮮奶及菠蘿汁製成，粉紅色有少女心 總括而言，食物味道唔錯，性價比高，份量好足。Drinks list好多選擇，有酒精無酒精都有，好適合同朋友聚會～

樓上西餐廳，環境幽靜，座位闊落，好適合約會或者聚會，可以坐低慢慢食慢慢傾 青醬雞肉意粉 $88 青醬清新爽口，有淡淡的蒜香和奶香，雞肉軟腍 香辣蝦蝦意粉 $138 蝦份量好多，番茄汁甜甜辣辣 燒鰻魚 $68 肉質軟腍，無骨，甜度啱啱好 鐵板燒牛仔粒 $158 熟度調味適中，加上脆蒜片好香，適合配酒一齊食 燒翠玉瓜 $38 好香黑胡椒味，燒得好Juice 焦糖貝殼蛋糕 $28 細細粒好得意，食落冇負擔 同朋友慢慢食，慢慢傾2個鐘，餐廳都無趕人走，非常適合好耐無見嘅朋友聚會，或者情侶約會

餐廳唔重油煙，通風和吸油煙機設施都幾好。座位都幾大，一大班朋友一齊食都無問題。 二人套餐好抵食（$348）！包括皮蛋、燒肉拼盤（各種豬、牛、雞肉，共7款）、燒雞軟骨、鐵板豆腐。拌飯、檸檬茶、甜品各兩份。 本身以為燒肉份量未必夠食，但食到後期其實真係會好飽。其中五花肉比較驚喜，無冷藏味，肥瘦適中，好香又軟滑。 鐵板豆腐超大份，足夠4人share 而家聖誕餐廳仲有個貓罐頭set都非常吸引，好啱聖誕節同朋友一齊聚會過節🎄

餐廳係淺木色和風裝修，環境好新淨，坐位分佈合理，十分舒適 自家製牡蠣餃子：一共有5隻，皮薄肉多，外脆內軟。第一次食牡蠣內餡，味道都幾特別，比較鮮香 冬天最適合打邊爐，安格斯牛小排鍋配搭清甜壽喜湯，擺盤好靚，好啱打卡 配菜分好一格格，有娃娃菜、波菜，大蔥，鮮菇，南瓜，豆腐，拉麵，仲有日本蛋。一人份非常足夠。牛小排肥瘦適中，入口軟滑，湯底比較清新，唔會過鹹。 野菜天婦羅抹茶蕎麥麵定食 天婦羅款式多，每款一件有炸蝦🍤魚塊，南瓜，茄子，紫蘇葉，全部炸得好酥脆。蕎麥面軟硬適中，有口感，配上清爽檸香醬汁，食落無負擔 要讚職員好細心，會主動詢問加湯，加湯時會用手擋住，以防湯底彈到我地。而且食完所有食物先收盤，唔會路食一邊打擾。

餐廳新裝修，偏西式嘅感覺，紅磚加上聖誕裝飾好有節日氣氛🎄 🐓 招牌天天海南雞$189 擺盤精緻，基礎3款醬汁都有。肉質好嫩，雞皮有特別處理過，好乾淨滑身。另外有青瓜配埋一起食好爽口。🍚雞油飯(小) $39-小窩已足夠2-3人，粒粒分明軟硬適中，油香足 🍲古法肉骨茶 $159 呢間係胡椒豬肚湯底，胡椒味十足，湯底熱辣辣好鮮甜，肉骨大大嚿好軟嫩 🥥椰奶炸龜苓膏 $49 好創新，龜苓膏好煙韌口味微苦，配上甜甜嘅椰汁甜度剛剛好，係有驚喜的甜品😋份量都幾大，建議3人以上 🍮原味豆腐花加美祿 $29 豆腐花質地偏流質幾特別，甜度啱啱好，加美祿粉多左啲朱古力嘅感覺～ 總括而言，餐廳食物環境都唔錯，好適合情侶朋友黎約會💕

環境幽靜，唔多人，餐廳裝修好新。食物種類都幾多，睇圖就好吸引 🍱和牛壽喜燒定食 $178 第一次食煮好嘅壽喜燒，本身擔心牛肉會過熟。結果入口好嫩，配上蛋液好滑，份量足，配上飯吃完已經8成飽 🍜🐖黑麻油濃湯厚豚骨拉麵 $118 聞上去濃濃黑蒜味🧄超香，加上大片叉燒，肥瘦相間唔會油膩 🍵餐廳好多抹茶口味嘅甜品，抹茶控一定超愛。抹茶提拉米蘇係濃郁芝士奶油+回甘的抹茶粉，唔會過甜。哈密瓜🍈芭菲，配料很足，幾正 餐廳無限時可以慢慢坐，慢慢食

同朋友都係韓迷，一齊嚟打卡📸一入到餐廳就超有氣氛，無論係新舊Kpop音樂我地都好有共鳴🎵💓首先，我哋試咗兩個招牌菜。 🍜蕃茄韓式辣海鮮湯麵，海鮮有青口，蝦，八爪魚🐙湯底辣度啱啱好，唔食得辣嘅朋友都可以食到，同埋有火爐上，熱辣辣🔥 🥘大發！芝士鐵板泡菜炒五花肉 豬肉肥瘦相間，唔會好油。加上泡菜爽口，芝士濃味，好感好豐富。鐘意食腩肉嘅朋友可以試下。 🧈🐓另外仲試咗牛油蜜糖無骨炸雞，炸雞好酥脆啖啖肉，份量都足夠2-3人食 食完仲可以係店外同朋友一齊打卡📸置身韓國街頭一樣🇰🇷

喺太子行去深水埗見到呢間川菜，菜式好多選擇，裝修又幾靚。室內室外都有檯凳，而且都幾闊落，適合成班人一齊聚會，就入去試下 🐟蒜香烤魚 首先嗌咗個烤魚，好大條，肉質軟滑彈牙，無骨啖啖肉。本身已經有配料，有冬瓜，豆卜，豆芽等。配上蒜香湯汁，真係好滋味🤤，食唔到辣嘅朋友，可以試下。另外我地加左份粉絲，份量好多，可以夠3-4人食 蒜香烤蜆 啲蜆好新鮮，無沙，配上蒜蓉泥超正！係用錫紙包住，下邊會放個小火爐，令它保持個溫度，唔洗驚用餐時凍咗影響口感! 紅糖糍粑 大大嚿好足料，唔似其他鋪頭充滿空氣。食落外脆內軟，紅糖作為內餡，甜度適中，超好食 如果成班朋友聚會，唔想同人迫，想慢慢傾偈敘舊，呢間餐廳超級適合👍🏻👍🏻

路過見到，無係香港試過螺螄粉，睇價錢都可以接受，就入去試下。一入門就充滿酸筍 嘅「臭」味🤣 第一眼睇以為漏左俾米粉，肥牛得4-5塊，鴨血，其他配菜都好少。另外湯底可能係自家煮，所以比較淡。 有一匙羹螺肉，同樣配菜好少，口味偏淡。 成碗米粉得咁少，女仔食都要食兩碗（同譚仔$29下午茶份量差唔多）口感偏幼同埋硬身。 份量少得可憐，不過味道都說OK香辣口味 唯一比較有驚喜係臭豆腐，係香港人可以接受嘅白色。豆腐吸滿湯汁，好好食。不過食辣廢柴就覺得太辣，食一嚿要抖返3分鐘。個嘴都會腫。 可能係尖沙咀地舖太貴，因此份量咁少，但口味又比較普通，相比之下自己買包$18嘅螺螄粉返屋企煮仲滿足。如果繼續只靠路人貪新鮮，無回頭客幫襯，餐廳都好難繼續營運⋯