食到一肚氣😮‍💨😮‍💨😮‍💨 其實都唔算氣 係中大伏！ 行到攰攰地想食個甜品坐下回回氣 諗起有芋圓 試下佢 見佢周圍都多分店　諗住中伏極有限 叫左兩個熱糖水 芝麻湯圓紅豆湯（熱） 都有3-4粒湯圓既 大碗就大碗啦 但無味既紅豆水 慘過自己屋企拎啲紅豆局水飲😮‍💨都濃味過佢 真係稀到同無味到極點 淡味紅豆水 呢間野一流！ 熱芋圓紫米粥 心諗都係紫米露姐，唔會難食掛😒😒 水黎既大佬！ 無味！淡茂茂！唉 中大伏！ 以後唔會再食 兩樣野都無味、衰過買即沖糖水包 都叫有啲甜味 呢兩碗野難食到 除非你鍾意水一樣既味道 就推介大家去食

用餐日係平日～around 1點鐘 食晏時段 排左幾張枱左右就入得 唔係等好耐 烤牛肉蛋包飯 個staff會問你洗唔洗幫手界開個蛋 我就留番自己界 個蛋軟熟岩岩好 配個牛肉粒炒飯底 但個烤牛肉汁有少少咸 愈食愈咸 同偏甜 烤雞 份量都幾好、唔會太甜 薯條好脆唔會炸得太硬太燶 科學怪人之夜 係竹炭味加抹茶加芝麻 飲落幾清，淡淡地唔會太甜 整體感覺似黑豆漿既味 都好味 但價錢有啲偏貴左 味道都只係正正路路 不過不失 食既野未至於呢個價錢 未必會再食 食一次就算

今次用餐日期📅係星期日黎 大約6點零去到 唔記得左book又無拎定飛 係門口排左陣隊 Around 7:00記入左去 兩個人👫🏽 先叫左兩杯mocktails 🍹Summertime magic (Mango puree, yogurt, lychee syrup, lime) 好濃芒果味，但有少少偏甜 🍸From miles away (Passionfruit puree, vanilla, lime, pineapple juice) 呢杯就熱情果酸味太重、成杯感覺酸得滯 太醒胃😖😖 松露巴馬臣芝士焗生蠔(6pcs) 賣相係幾好，一黎到聞都好香 但食落唔覺有松露味，芝士味都唔夠香無咩味 加上食落去好多蠔殼碎 咬落去每一隻都有食到蠔殼碎，好影響口感麻麻地 意式香烤蔬菜 有啲蘆筍、彩椒、茄子…個底係茄醬底 又係比較淡味既 基本上上面啲蔬菜係無乜食到有蕃茄味 蔬菜烤得都少少生，個人覺得烤林多少少就會更軟身同多汁啲 紅蝦他他魚子醬墨汁意粉🍝 果然menu圖片都係呃人既🤣 上面個紅蝦他他實物好似無咁新鮮 啲色都深啲暗淡啲 整體來講個墨汁「意粉」係出色既 味道夠又好香 only個意粉🍝😂 但上面個啲食左同無食都係一樣 同個意粉無話夾唔夾 就係純粹加係面 加左又無話提鮮啲 而且個紅蝦他他略有少少腥 真心唔值呢個價 黎到肉類主菜⋯ 法式羅西尼牛排 揀左medium, 但都有少少過熟 所以口感有啲柴 味道就似普通洋蔥汁咁味 上面鵝肝唔算煎得好香 無咩特別 賣單～1500、兩個人食 質素一般，算正正常常 但唔值呢個值，其他餐廳有更好選擇

要食真係打電話去訂定位穩陣🆗 咁岩星期日食 Book左6:30、準時去到 門口已經有十幾人係到等 有啲等位，有啲等外賣🥡 🍣🍣壽司價錢偏貴既、 本人食壽司又唔係話好專業 純粹個人感覺 三色丼　＄２６８ （海膽、三文魚腩、吞拿魚蓉） 正常操作、有齊哂個人鍾意既三款 刺身係👌🏻既、但啲壽司飯真心麻麻 偏乾同硬、調味又無乜 少左啲醋飯既香味 玉子燒 成餐最滿意係呢個玉子真心好好味、 佢係甜口既 個人偏向甜多啲 又夠滑又夠多汗非常のJuicy ‼️ 炙燒三文魚腩壽司 正正常常 鮪魚壽司盛　＄３９８ 賣相有少少唔靚 有大拖羅、中拖羅同赤身 大拖羅一食落口，有啲腥 個壽司飯都係同個丼飯一樣情況 偏硬、麻麻地 但更差既係個吞拿魚蓉卷 上面白色呢兩舊 啲蔥味太勁啦⋯⋯ 加上有少少腥🤏🏻真心有少少難食 舊壽司飯又唔好食😰 真心唔值呢個值 唔係有coupon 就要賣單800幾 而家賣單減左400個心理平衡番啲 應該唔會再食

呢間分店舖面細細雖然 但都幾有日式小店既feel 解一解思鄉情😭😭😭🇯🇵 揀左海宝丼【上】 左上角個樽野其實係湯黎 比你食到一半仲有啲飯個陣 加啲湯可以變左茶泡飯個種 多種食法！幾得意 幾好！唔記得影🤣🤣好似係魚湯 我就揀左おまかせ丼 是日既廚師推介係有赤身、中拖羅、海膽同三文魚籽 岩岩好有齊哂我啲心水至愛🍣🥢🤤 壽司醋果凍 個醋飯會有啲醋啫喱比你自己加落去 要幾酸就落多啲 啲熱力會令佢溶係個飯到，索哂落去 叫左啲前菜 漬蕃茄！開胃！唔會過酸 同叫左個炙燒明太子 好似都幾簡單，下次可以自己番屋企試下整🤣 整體幾好！值得再去

如心廣場近年黎真係旺左好多 死城不再 多左黎呢度覓食 行到5:30咁上下 無人排隊，直接早少少食晚飯 試左手卷系列の海膽三文魚籽卷 ＄２１８ （８ｐｃｓ） 值得一食‼️海膽唔腥！掂！ 最怕有時食到啲海膽腥味，頂唔順 加埋三文魚籽卷，有少少柚子醬漬味 夠開胃！清新推介推介 中拖羅 ＄３８ｐｃ 蟹肉海鮮蒸蛋 ＄３５ 出色既茶碗蒸😋足料 加埋三文魚籽有少少咸香味 個蛋都唔會太老 大拖羅 ＄４８ｐｃ 炙燒三文魚腩 ＄１８ｐｃ 壽司飯略有少少散 個人覺得醋味可以多番少少🤏🏻 整體質素唔錯、坐得又舒服 唯一有樣係啲店員太勤力 經常行過黎枱想加茶 好意既、同服務係好不過太太太密啦 有少少影響食客 另外再叫左個手打烏冬（冷） 個烏冬粗度比平時食既較幼身 有啲似素面多啲 分量亦偏少 *非專業食評，純個人感想

上次試左個燒雞+兩配菜 今次試埋無骨海南雞飯外賣🐥🐥 配蘿白雞湯、無加飲品盛為$48 外賣自取禁唔到、唯有去現場買 但都好快手 等左5分鐘左右就拎得 Lunch份量大小 好夠飽 啲油飯都算好大碗，食到好飽 味道試唔點個酸甜汁都其實夠味 當然鍾意食酸酸甜甜既口味人士必點 個汁好開胃，令啲雞愈食愈想食！重中之重！好令人回味 啲雞略有少少肥、但可接受 個湯夠味、又多料 蘿白都有幾舊不錯 但我最喜愛既都係佢有少少醃製酸蘿白🥰 除左個汁本身已開胃 加埋啲爽口又酸甜既蘿白 愈食愈醒神 好鍾意食啲酸may may既野 所以好好食 真心48蚊算好抵食、好過好多餐廳 外賣又快手！值得再食

偶然來到筲箕灣， 見到呢間舊式西餐廳價錢又唔算貴 同比入面啲環境氣氛吸引， 啲水晶燈有陣懷舊味！決定一試 價錢都合理， 叫左珍寶意式雞扒 美國豬仔排骨 兩樣都揀左配南瓜蓉 佢地都會有黑醋同橄欖油比你地配面包食 仲可以refill 今日餐湯道無咩特別，見佢平時會有啲特色啲既 例如紫椰菜花湯之類，想試可惜遇唔岩 但忌廉湯黎計佢都算多料 兩樣主菜都中規中矩 無特別驚喜、但都叫晚餐份量、足夠 反而個南瓜蓉有少少水、太稀 加埋啲肉既少少血水、變左有湯汁咁有啲扣分 餐茶叫左熱香橙茶 係感覺用橙好似少啲見、但同一般檸檬茶相近 整體算正路、抵食 食埋個懷舊情懷

Booked 北角呢間Hyatt staycation package 包一餐晚餐加自助早餐 晚餐就揀左呢間算rooftop既靚靚晚景set dinner🤤🤤🤤 “Feed me” package for 2ppl 基本上夠哂食食1800-2000兩個鐘 期間無限量供應紅白餐酒/氣泡酒/橙汁/汽水... 記得Request window seat咁就靚啲 一坐底 waiter好快就過黎問你地飲咩餐飲服務好好 前菜都有4款 樣樣都好好食 好開胃、非常滿意 個人特別鍾意油甘魚刺身同香辣韓式炸西蘭花 個刺身配青檸汁咁 酸酸甜甜勁開胃 仲好清新 感覺似平時用黎點烤烏頭的泰式汁 而個炸西蘭花就食落個味似係咕嚕肉咁 但口感因為係菜類、唔會好膩 反而好食好多 再加少少椰菜花絲少少沙律醬味 加埋一齊食、口感豐富、又脆脆地炸西蘭花就林林地咁 食落又甜又酸 總之就好食 作為前菜一流！ 主打泰式fusion 炭燒黑毛豬生菜包都幾香燒得 加少少芥末醬 幾開胃唔會太膩 其餘泰菜都係水準之上、地道泰國餐味道 整體野食偏辣 但好食惹味的 個甜品就偏甜、啲朱古力味太多 個雪糕係椰子味🥥成個甜品偏甜 食到有啲口渴

約了12點lunch time時段的omakase🍣 做下孝順女 諗住同媽咪慶祝下生日 豪一豪佢🤤提早兩星期book好左 當日就提早10分鐘左右到 門口都仲係準備中⛔️ 只好再OpenRice 睇下網友post啲相, 愈來愈期待 期待一陣有咩好野食🥰🥰🥰 等到搭正12點 個staff都仲係話等一陣 門口又等多十分鐘🥵 入到去坐、揀左兩set $800 omakase 👉🏻有茶碗蒸、4款刺身、7款壽司、雲丹盛、湯、手捲、甜品 父親大人話唔太餓幫佢叫左set $350 有十貫壽司🍣 👉🏻前菜到甜品都一樣、係無左海膽杯膽刺身、壽司種類都唔同 坐到成12:30、眼前個🍣師傅人影仲未見 白等左好耐、又無人招呼 有少少失望 無咩服務可言 之前試過元朗另一間寿司の神(雖然係晚餐） 對比🆚親切好多又招呼周到啲 比較貼近日本餐廳應有待客之道 一開始有個金箔黑松露茶碗蒸 不暪大家、味道認真無特別 除左係有啲金箔望落好似好高檔次咁 中規中矩 蛋入面有幾粒小元貝、略咸左少少 紫菜包住帶子天婦羅+海膽 粒帶子的確幾大、但炸過有啲乾、口感柴皮 同啲海膽又唔算好夾或有咩特別出奇既效果 加上海膽唔算好新鮮 認真Ma ma day🧐🧐 可能係午市同晚餐的食法/風格唔同？ 以為啲刺身會擺放得比較精緻 所以賣相唔太吸引 而且啲刺身一開始師傅拎過黎既時候就咁外露 啲壽司同刺身全部都係暖既🧐🧐🧐 師傅就建議我地直接用手拎黎食 唔方便先用筷 都試左幾次用手、啲握壽司一拎就散開哂 用筷子更加嚴重🤨 整體黎講、呢幾款’廚師發辦‘啲壽司有啲失望 明明望到人地啲食評、啲壽司種類好吸引 都係差不多時間去 就算望一望後面個枱啲種類都比較吸引 真係同人唔同命😢加試師傅既講解太生硬 好似背書咁、同以往omakase 既經歷相比 今次體驗認真失望、 唯有值既只有雲丹盛 雲丹盛（成個滿滿既海膽杯配三文魚籽、有隻牡丹蝦 三文魚籽唔會太咸、甜味適中、有少少酒香 唯一值回票價的只有呢個😢😢😢 魚湯都好濃郁既、唔會腥 手捲係吞拿魚蓉、有啲碎蔥同漬醃蘿蔔 味道一般、賣相亦不吸引 唯一加番分位係甜品係幫忙寫番個happy birthday 比我母親大人開心下😬😬 但整體、覺得下次唔會再試呢間鮨文 大失所望、可能受人追捧太多、名過其實 又可能係我咁岩呢位師傅所選唔合我口味 但我下次可能寧願再試寿司の神/源壽司/其他 都唔會鮨文了