好耐冇嚟過鰂魚涌，行行吓發現有咗幾靚嘅building,先至發覺原來入邊有好多餐廳。鍵呢間張圖幾靚，就試吓搭lift上樓上一試。點知一日去比舖頭嘅裝修吸引咗，環境非常夢幻，少女風十足，超級適合打卡。原來餐廳入邊隱藏瑜伽班，非常有趣。 呢間餐廳唔知環境靚，食物更加高質！我哋叫咗個main course，其中一個鮮蝦手工意粉非常出色！意粉口感非常彈牙煙靭，醬汁亦不會太水，味道啱啱好！鮮蝦及其他配料非常新鮮，鮮蝦大大粒，爽口彈牙！分量十足。另外蜜糖無花果羽衣甘藍沙律亦非常有驚喜！無花果燒到有少少焦糖脆，非常可口另外仲加咗煙燻雞胸肉，開始時以為會鞋，點知超級嫩滑，雞胸肉中更帶有肉汁，一點也不鞋口見飲品亦非常漂亮！難得cafe會有酒飲！下次一定要試其他食物及飲品

天氣開始凍，再加今日落雨，最岩就係去食雞煲加邊爐 第一次去18樓食雞煲，book jor 630，一去到就簡左中辣 坐低唔洗2分鐘就上雞煲 雞本身應該係廚房整好咁濟 所以出到台 侍應翻兩翻就食得 個雞好入味 雖然叫左中辣 但唔係話辣到要飲野 下次可以簡大辣 食得辣黎講真係碎料 由於d 雞好惹味，好快食左半煲，之後就叫其他料準備打邊爐 呢度啲料都齊款，比起普通邊爐店仲多野簡 我最鍾意食果d 魷魚 蝦 脆魚 都好新鮮 牛豬羊都好大塊 呢度無限你叫幾多 每次qr code 落完單，好快就送到你台，之後隔5分鐘先可以再叫 食完既盤都收得好快 唔會阻住你d位 侍應仲幾好禮貌 講到打邊爐料，我最滿意就係響鈴，呢度啲響鈴比岀邊果啲真係大好多，放落個雞煲度，索到汁之餘，係做到外軟內脆，其他地方啲細響鈴真係無得比。 每台都有湯底自己加，加到無都可以岀去拎，野飲除左有普通汽水仲有自家沖既茶同無汽飲品 菜都有6，7款 加多幾次湯底之後 就嗌左個雞煲醬加番啲味，跟番中辣，點知比想像中辣，加醬既話下次真係要輕手啲 最後當然唔少得雪糕收尾，食左芒果味，又幾濃下喎 以雞煲邊爐黎講，200幾蚊係絕對會番兜 下次都要book，如果唔係1到7點walk in就有排等 環境仲幾乾淨幾靚，有啲特色燈牌可以打下卡

今日去左附近工作，見有啲時間，就去左銀龍食個快靚正午餐，又未到食飯時間，就食左個常餐醫下肚先。叫左個雙拼餸，雪菜肉絲加沙嗲牛肉米粉，火腿奄列同加多士，沙嗲牛肉夠入味同林，份量都足夠，多士十分脆口，不過雪菜略微咸左啲。

今日dinner 吾算話好肚餓，又想食下米線，就去左附近樓下買南記外賣，叫左三個餸，南記都算又抵食又好食既連鎖米線。招牌春卷係必叫既，永遠都吾會令人失望。仲叫左牛丸同豆卜，豆卜都幾入味，米線份量略少，如果大碗啲就好了。

今日去左食左個快早餐，又平又多選擇既breakfast 。叫左份早餐吾洗10分鐘就上枱，今日叫左個沙嗲牛肉通粉，簡左腸仔炒蛋，涷奶茶沖得不錯。通粉都夠彈牙，不過沙嗲牛肉份量太少，需要改善。其他都不過不失。

今日突然好掛住譚仔既墨丸，放lunch既時候怕多人叫，都提早叫定order 打左去落定個外賣，又吾洗等。因為粉和湯是分開上既，所以吾驚會林哂。今次叫左墨丸炸醬酸辣米線，炸醬味道都係保持水準，非常可口，而我最愛既墨丸都係非常彈牙！

今日同朋友行銅鑼灣，行到附近又吾知食咩好。最後就去左食呢間馬泰。一入到去職員都好友善招呼我地。環境細細，但都有少少特別既佈置同擺設。餐牌上面都好多選擇，咩款式都有咁濟。有招牌喇沙，咖喱款式，泰式炒野，小食等等，價錢亦親民，吾會太貴。 我地最後叫左一個前菜：青木瓜沙律，份量都吾少，青木瓜切到非常幼身，易入口，味道酸酸辣辣，超級醒胃！之後叫左一個軟殼蟹撈檬、一個冬陰公湯，再加二杯特飲。軟殼蟹撈檬做得冇想像中出色，軟殼蟹炸得吾夠香脆，是比較乾身的一種。不過勝在份量多。反而冬陰公湯就比想像中出色，非常足料。有蝦，蜆，雜菇菌同一些配料，聞落非常香濃，味道酸中帶少少辣，值得一試。特飲就普普通通，不過不失。下次再試其他款式！

今日去左青衣城行吓，順便食下野。雖然好似冇咩野好行，但食肆就好多人。最後簡左食亞參雞飯。我地等左幾張枱就入左去。叫左一個招牌無骨海南雞飯，一個巴東牛肉飯，再加碟串燒。無骨海南雞做得不過不失雞肉都吾會太鞋口，牛肉有待改善。

今日同朋友行行下街，經過沙嗲王，朋友話好耐冇食過，最後就入左去食。我地每人叫左一個主食，加錢仲有一款小食。最後分別叫左白咖喱豬扒飯，一個蟹粉豆腐鍋同串燒，每人一杯特飲。白咖喱好好食，又吾太辣，撈飯好match。

今日見有啲時間，可以食耐啲，就去左元氣食lunch。發現同之前幾個月食既質素又差左。啲飯死實實，魚生又貴又吾太新鮮，價錢貴過人，但質素就比爭鮮差吾多，本身想叫碟刺身食下，但因為怕失望，最後都冇叫到。水準有待改善。