呢間餐廳已經係我第三次幫襯，前兩次都係午餐，都覺得唔錯，呢一次有點特殊，追女仔兼慶祝生日，真係不容有失。

由於重視呢個重要日子，所以我都提早訂位，兼可以打個7折，以及預訂生日甜品，所以我真係相當滿意，係睇d食物合唔合女友人胃口。

前菜點咗個生蠔海水味都幾夠，作爲前菜，開開胃口係幾好。可惜唔記得係邊隻。
第二道係龍蝦沙律 女友人中意食沙律，同埋為之後食濃味的食物墊墊肚都可以。我覺得唔算太特別，感覺龍蝦份量少咗d。

到主菜M6 Ribeye
呢個無得輸，我叫咗4成熟，好juice，無韌，幾乎入口即溶，加左都感覺唔夠喉。值得推，好有誠意。女友人都感覺有驚喜。
另一個主菜係Lamb Rack  可能我地食咗個Ribeye 先，相比較之下，我有少少忽略咗個羊架,6成熟，食落唔會覺得好騷，怕騷味的，我覺得都可以接受。我個人對羊架要求相對較高，呢度就不作評論了。

到呢個重點推介Sea Urchin Pasta 我見食評都幾多推介，我只可以話，海膽味非常之濃鬱，非常之好食，女友人贊不絕口，非常之有驚喜。10個like。
最後加多個生日甜品，甜品就唔post了。
其實以兩個人份量而言，我覺得已經好足夠，我都感覺好滿足。絕對會再來。

夜晚11點半宵夜轉場，去咗觀塘工業區搵嘢食。由於本身想去食的海鮮蒸鍋，唔係full booking就係快收爐，之後决定再試新匯聚。 雞蛋煎魚腸 頭盤叫咗個餐前小食。做前菜可以，但香味唔够出。出嚟唔會散又或者過耐。 芝麻雞 既然嚟到，當然叫埋招牌菜。值得一讚塊雞皮整得剛剛好，脆得嚟唔會皮肉分離。雞肉味道唔錯，冰鮮雞口感難高要求。 蜜糖薯仔牛柳粒 牛仔粒整得好唔錯，好Juice，真幾幾好食。但牛肉汁入唔到薯仔度，只有薯仔同蜜糖味。份量係足夠嘅，不過薯仔比例係偏多d，有d滯。 最後加多個油菜，埋單兩個人二百三，過得去。會番啅，不過都係早d去食晚餐。太夜，潮洲餸收咗爐，呢d又太滯。

放工同朋友兩個系觀塘食雞煲，由於朋友鍾意試新嘢，就搵咗呢間新開雞煲店。佢鍾意食雞煲，冇計。埋位就點咗個半隻嘅招牌辣雞微辣。再點咗四份餸一份菜。先講講個雞煲，份量適中，雞肉選料出奇不錯，唔似之前食過唔少平價少少的雞煲店大部分只揀選雞胸雞頸等無肉部位，佢揀選都系有雞脾等有肉部位。另外我都算幾食得辣，呢個微辣如果想食埋其他食物，呢個辣度都幾適合。聞起上嚟都幾香，味道系雞煲嚟講幾好，至於隻雞，始終系香港冰鮮雞，你明的。其他點了粉腸，雞什，脆肉魚腩同生菜。脆肉魚腩唔錯，不過份量同其他餸一樣唔太多，其他餸無乜驚喜。價錢系高少少。如果食嘢唔系求份量或平價，都算幾好。大家可以一試，不過位置較偏，由地鐵步行超十五分鐘。