花園餐廳出咗名係牛扒㗎嘛 滿心歡喜終於等到淘大呢間開張 但成塊西冷食咗一半都無已經食唔落 要同男朋友交換 我地都等咗十幾分鐘 同埋明明成間舖咁大 偏偏我地張檯係臨時加嘅 第一個感覺已經唔好了 再到牛扒 我嘅係西冷 佢係肉眼扒 其實 個鐵板係咪專登買細啲size來凸顯塊扒有幾咁大？ 啲薯菜墊底 搞到淋曬 同埋塊西冷又勁厚 又老 結果食咗小小就比曬男朋友 再交換啲肉眼扒來食 肉眼啲口感就好好多 最後明明叫咗凍檸水少冰 結果都係勁多冰 早知我食元氣算啦

話說琴日去咗南豐紗廠望下，去之前揀咗呢間牛角醫肚先，其實係比佢嘅牛肉山吸引咗🤣 🥢牛角次男坊丼（美國肩脊肉）$93 份量好大 起碼十幾塊牛肉 啲牛肉配埋啲燒汁？勁juicy 雖然有啲位有肥肉但又唔會覺得好肥膩 呢個一定係必食項目 到最後將啲飯同牛肉擺係紫菜上面包住來食 別有一番風味 話說牛肉山下面係芽菜 竟然用芽菜墊高座山 btw如果唔鍾意芽菜嘅記得走芽 🥢燒鹽麴牛舌丼 $79 牛舌厚度適中而且入味 唔會太韌 半個手掌咁大塊 都係十零塊左右 過咗新開張嘅熱潮 依家已經唔洗排隊就入得㗎啦 另附上一張係南豐紗廠嘅插圖相🤣

前日去完沙田文化博物館穿梭時空之後就又返返新城市中心食晚餐 . 🍜黑王拉麵加配一隻溏心蛋 黑王係墨魚汁調配而成秘制香料 我揀咗普通醬油都頗為鹹咗啲 建議大家揀少量 叉燒方面可以揀腩肉或者肩肉 但肩肉又唔會太瘦 幼麵就真係好幼彈牙 溏心蛋係成隻另上 雖然到最後先送來 但係可以用溏心蛋作為完結真係無得頂 🍜豚王拉麵加配餃子 豚王湯底聲稱每日用新鮮豚骨熬煮十幾個小時而成的 較為清甜 餃子雖然皮薄 但係普通之作 整體來講都算係唔錯嘅拉麵 尤其果隻溏心蛋🥚

返新工之team lunch，觀塘真係一個美食天堂，好多工業大廈入面都有物廉價美嘅餐廳 . 🥢韓式泡菜雞肉烏冬鍋 烏冬煮得好淋 泡菜未至於好辣但頗酸 雞肉份量適中 香滑有小小煎完再煮嘅口感 🥤百香果汁 飲品方面可以半價轉配特飲 佢呢個百香果無核唔同出面果啲 相對地減低咗百香果嘅酸度 整體來講係唔錯嘅選擇

有朋友介紹呢間嘅雞扒飯勁好食 最鍾意食雞肉嘅我點可以錯過 🥢燒雞扒胡麻撈烏冬(冷食) $52 呢幾日天氣真係唔係講笑 飲幾多凍嘢都解唔到熱 呢度竟然有凍烏冬 梗係要試下 烏冬配埋胡麻醬真係絕配🍜 而塊雞扒皮脆肉嫩🐥 可能係我食過最好食嘅雞扒 唔係講笑 如果我係呢頭返工 我可能會一個禮拜食一次 🥢燒雞扒配豬頸肉飯 $51 豬頸肉好薄🐷啲肉係瘦肉 同其他餐廳食嘅差唔多無乜分別 不過啲飯有榨菜係面. 凍飲加兩蚊 本身落單鹹檸七 侍應竟然問熱定凍🤔 佢覆單嘅時候都確認鹹檸七 但最後張單寫嘅係鹹檸蜜 我地又無發現所以最後錯曬🤦🏻‍♀️. . PS好有趣嘅係得六部電視，但拍埋一起擺埋同一面牆 坐對面嘅佢狂擰轉睇電視 但係有條柱遮曬🤣🤣🤣

美國過江龍漢堡店勁多人極力推薦 有勁多棒場客 傳說中奧巴馬都係常客 等我試下有幾勁 一去到就已經坐無虛席 排隊排到出餐廳 店內播住勁大聲嘅美式音樂 雖然好嘈但好有美國feel 🥪Grilled chesse sandwishes 我自己加咗 生菜番茄蘑菇同牛肉醬 但落單果個講返先知原來係三文治正常係唔可以咁加㗎😅但佢地見要求唔高就都照幫我落order😍 但係同我預期嘅三文治有出入😭原來果層麵包都係漢堡果塊麵包 雖然味道都係唔錯嘅 但總有少少失望🙍. . 🍔Chesse hamburger 雙層漢堡 某某話好食 其實我也不知道好唔好食 因為某人獨食 . 🍟多到滿瀉嘅大薯條 原本以為啲薯條就係成個杯咁多 點知係多到滿瀉 難怪要用紙袋裝 所以大家儘量按能力落order🙈🙈 薯條傳聞用花生油炸嘅🥜唔少仲係連皮 炸得好鬆脆 如果即時食最好將杯裡面嘅都倒出來 否則裡面果啲就會因為剛炸好熱得濟而淋咗😅😅. . 總結 除咗薯條外 其他都不過不失

初來乍到 同事帶我來呢間嘢食飯 類似大家樂 但多勁多選擇 平靚正 🥢特級厚切鰻魚蛋包鐵板飯 $78 又係我最愛嘅鰻魚飯 有手掌咁大塊 成寸厚 肉質完美 厚身肥美 再配埋嫩滑的蛋包飯 滿足感十足 可以維持一整日嘅好心情🤣

上次食完晚餐送咗一張20$優惠卷 梗係要係限期前用咗佢 🥢黑蒜油豚軟骨拉麵🍜$65 有兩大舊豬軟骨 熬煮得好淋 入口即溶嘅口感 再配合完美嘅溏心蛋簡直不得了 🥢另追加三件唐揚雞 $18 炸得鬆脆 內裡嘅雞肉香滑 三件完全唔夠分啊 🥢芝士咖喱豬軟骨定食 上次食完覺得好好食 今次推介比媽媽 平時對食挑剔嘅佢都話好食 大滿足😋

依家南記唔再係得港島區有分店 連九龍新界都有 唔知幾時係九龍灣開返一間 啲春卷真係一試就愛上 今次出咗新嘢 上個禮拜食嘅時候都無發現 春卷脆脆粒 $21得9粒 性價比唔算高 但真係好脆 連埋啲唔知咩粉勁好食 食唔停口 🥢照舊嘅番茄米線配春卷 $41 一次過食四條春卷 勁有滿足感 佢地嘅番茄湯好清純番茄 唔會好似譚仔果種疑似落番茄磚嘅感覺 🥢性價比極高嘅清湯米線配春卷同魚蛋 $28

某人成日話要去食牛扒先生🥩今次終於記得啦 btw午餐同晚餐好似一樣價錢🧐 是日餐湯係蘑菇湯啊 勁好飲 🍴西冷牛扒·扒春雞·黑啤豬肉腸 $178 某人問我咩係扒春雞😂😂我話咪係雞扒果類囉，佢賦予好高嘅期望比隻春雞又係廚師精選 結果伏咗🤣🤣🤣雞扒由相可見唔大塊 食落好乾 無乜雞味😐佢自我安慰應該係牛扒太好先會凸顯差咗😂😂不過牛扒真係唔錯 香而滑口 一個字 讚👍 🍴芝士焗龍蝦米多·忌廉汁天使幼麵 $178 龍蝦焗得好脆身 甚至有啲過火 同埋好少肉😭😭😭 不過啲天使麵係啱啱好嘅 就算擺耐咗啲忌廉收曬汁都唔會好快乾身 仲有濃郁嘅芝士味😋😋 至於自助沙律同甜品吧呢 款式就唔算多甜品亦都頗遜色 得啲啫喱同小小cake 但相比Ruby Tuesday係好好多 尤其果三款火腿食過翻尋味 如果甜品有雪糕就好嚕🤩 臨走嘅時候見到隔離檯有人叫咗 牛肉漢堡配薯條 睇落都相當唔錯 而且$100都唔洗🤩下次可以再食 另收加一