一黎到員工已經貼心介紹套餐優惠 吉列牛套餐加埋咖喱忌廉烏冬先二百幾蚊絕對係抵食之選！ 首先黎到既係紫薯latte好淡岩哂唔中意甜既人☺️之後嚟到嘅係抹茶latte相對較濃比較岩抹茶控既我飲🤣 再黎就黎重頭既吉列牛套餐，忌廉咖喱烏冬衫衫驚唔夾好奇怪，結果意外地夾最好味又濃又creamy完全係食到停唔到口！ 黎左個吉列牛我地都係咁不停食烏冬唔理個牛🤣燒個牛配埋飯都係完美組合 唔會好硬岩岩好 重點仲有配菜同麵豉湯 望住出面高樓大廈嘅環境食得好滿足😙

門口係招牌打卡位 入到店內就木系風格 有望住牆外環境既位置亦有其他位置 今次點左蟹之選🤣全部都好推介好好味🤤 味增蟹醬蟹籽蟹肉扁意粉 $138 呢個好足料好多蟹醬蟹籽蟹肉！撈埋意粉好creamy好好味好夾 真係每條意粉都有料🤤岩哂蟹控既你😏 蟹籽蟹肉炒蛋牛角酥窩夫 $88 呢個好出色好脆卜卜 因為係牛角酥特別好味特別酥 d料同樣好足料 配埋好飽 比意粉更加好味！更多層次既口感！ 海鹽焦糖雞翼 $68 又脆又甜🤤痴住哂d焦糖無諗過咁好味 仲要係一支骨好方便食 相當貼心☺️ 雞軟骨餃子 $68 第一次食呢個好有口感好好味 又係炸到好脆 配埋個汁完全係絕配！ Matcha Latte $48 呢個較淡無好濃matcha味 Latte較多比例 唔岩抹茶控既我😆 Dirty $40 同樣較淡 無好濃咖啡味但比Matcha好 水既比例較多 野飲較不推介！ 整體味道：⭐️⭐️⭐️⭐️

今次收工黎到鬼咁好味既重量級味增拉麵，無辣不歡者有幸喇呢到細中大辣都有，但建議食辣既直接叫大辣，因為細同中辣都只係咸，唔辣既🤣呢到仲好貼心有埋麻既程度撚 揀，岩哂唔食辣又想麻既朋友！ 今次叫左兩碗面仲加左半熟蛋，相當豐富！分別係增量叉燒味增拉麵同芫荽味增拉麵，前者好豐富又好大舊叉燒，肥度分佈得岩岩好，後者就係芫荽忠實fans必點，好大碗芫荽令湯底都係芫荽味，當然拉麵嘅口感都係彈牙，絕對會食得好飽肚！

環境氣氛都好岩打工仔放工去relax飲杯酒或者慶祝生日都好岩😙今次點左幾樣野食都好高質！ 黃金手工蟹餅配秘制酸辣醬 $188 兩件既價錢 睇價錢好似cp值唔高但其實係滿口都係蟹肉 絕對值得嗌！當然蟹味足又有少少咸咁 芝士菠菜意大利雲吞配煙肉南瓜汁 $168 呢個入面有好多舊又飽肚 芝士有少少流 變左好creamy 但雲吞係皮薄餡靚 口感相當豐富既一道 特級安格斯漢堡配脆炸薯條 $198 等得最耐都係最值得食既一道 漢堡超多料 有洋蔥圈煙肉芝士蕃茄七成熟既漢堡 一啖食唔哂既口感 加埋薯條岩岩炸起好新鮮奶味又夠脆！ Kiwi Soda $58 Fresh既奇異果味加薄荷味 甜度適中 好岩夏天飲 Passion Fruit Lemon Soda $58 有粒粒爆珠既水果🤤相當驚喜 口感同樣好Fresh

黎到龍門居多數都係以食宵夜掃街為主但今日就黎左hightea😙見呢間野好評都好多，好有信心就入左去食 點幾樣野都相當驚喜！ 流心芝士火腿西多士 $34 少有既配搭，加埋一齊完全係絕配，首先炸得好脆又夠熱 d牛油溶哂配埋蜜糖勁邪惡！必點既一道！ 炸雞髀配薯角 $38 睇得出炸得岩岩好因為入面雞髀既肉汁好多 再配埋薯角好滿足，分量岩岩好！ 椒鹽豬扒完全係因為叫左炒豬扒公仔面好味先再叫既、大份又抵食！又香又好味！ 總結行過可以入黎試試但野食ok 工作態度就有待改善！

又一黃店💛 收工dinner之選☺️有個二人套餐$488加一滿足哂你所有願望🥳有湯加餐包同2個主菜同小食加埋甜品包$34 2杯野飲！ - 粟米湯加蒜蓉包 湯偏稀但可接受 蒜蓉包好脆 - 洋蔥圈 夠脆又夠大舊 食落好滿足 - 紐西蘭西冷牛扒 份量岩岩好 叫左五成偏生左但都唔算好靭又有牛味☺️配埋洋蔥汁同芥末蛋黃醬絕配仲加埋好多舊薯仔🥔 - 龍蝦汁意大利飯 好健康之選 味道唔係好出但勝在好creamy而味道又夠refresh - 西班牙玉桂條雪米糍 好大陣玉桂香味 超級多糖係上面加埋雪米糍岩岩好 - 草莓茶 草莓味好出 甜度岩岩好 有清新既感覺 - 焦糖咖啡 加cream正常發揮既咖啡

一入門口已經坐滿哂人既店😨落單以QR Code形式相當方便；氣氛環境都似去左日本咁☺️所有壽司仲以赤醋黎整！總共點左五樣野食都好好味！ 鰻魚飯 $98 大大件鰻魚配埋珍珠米又入味又飽肚 蟹肉蟹膏手卷 $68 超級足料配搭 好多蟹膏 蟹肉連底都有 絕不馬馬虎虎 茶蒸蛋 $28 料唔算多 有蟹柳同冬菇 但勝在夠滑🤤 吉列炸蝦卷 $78 即叫即整 勁香口勁脆 魚子粒粒食出有聲 好新鮮☺️ 火炙三味壽司 🍣$78 三款生既壽司都好滿足好新鮮好味😋

黃店💛 隱世樓上cafe總會發現驚喜🤣 店內提供各種不同的board game☺️岩哂一大班朋友去玩！ - 墨西哥香辣肉丸燴意粉 $116 肉丸好夠味而意粉都條條分明 唔會好林身 夠辣夠惹味！ - 意式芝士焗肉醬闊條麵 $98 要焗既關係等得最耐但比燴意粉差 雖然有芝士但口味唔夠重 味道都唔夠濃 - 蜜糖雞翼 $52 最好味既一道🤤炸得好脆 肉質又岩岩好 唔會太熟太生 蜜糖加埋完全perfect!!! - 魚手指加薯條 $52 薯仔真係原汁原味 有薯仔皮係到 夠真材實料 但魚手指偏油亦有唔熟既肉質情況 - 藍莓芝士蛋糕 $35 晚市加$35有沙律同蛋糕包埋🤣味道係正常cheese cake 唔係特別出眾但勝在設計幾好 - 薄荷朱古力咖啡 $52 有得揀要唔要cream Mocha味較濃過薄荷味 - 西班牙咖啡 $52 套餐包$38飲品 而家只係補$14差價 咖啡可以揀要唔要奶 加埋雪糕相當涼快

難得黎staycation包早餐晚餐☺️兩樣選擇既款式都好多，完全係睇到眼花撩亂！鍾意食甜品既必食之選！ 晚餐方面，除左有自助餐要有既凍蟹凍龍蝦、牛肉、魚生外，仲有好多其他地方無既雪糕同多款甜品😍 首先凍蟹凍龍蝦會見到好多膏，絕對唔係敷衍你，份量多到一舊都飽左🤤魚生方面亦會見到好肥美！而牛肉方面生得岩岩好，一切比你又係好大舊☺️鍾意食前菜既呢到同樣有火腿！另外熟食方面有串燒、燒味、壽司、炸杏鮑菇等等…. 重頭戲係有好多款雪糕同甜品，我就食左椰子味、熱情果味、焦糖、咖啡、芒果🤤 早餐方面就中西式都有，魚蛋米啊熱香餅啊薯餅啊糯米雞啊都好好味又新鮮滾熱辣😙

上次食完前面間王牌冰室後，今次試埋隔離既蕃茄18🤤結果呢間更好味更抵食更適合香港人打工仔😙 今次新嘗試點左三寶飯同麻辣手撕雞炸醬米線🤩因為太好味，急不及待食咗先影🤣前者有蛋、自製叉燒、滷水雞，想食既野都有齊哂，相當惹味！叉燒好入味好大嚿、滷水雞更加浸咗好耐既滷水甜味同好嫩☺️完全有種暗然銷魂飯既感覺！ 後者就較重口味，始終係麻辣味，而令人喜出望外既係手撕雞係滷水雞黎，又係另一種風味，夾飯夾米線都得！力推滷水雞！