#MJ旺角#MJ甜品 呢排睇啲網上既文章都見到有介紹呢間小店 見佢啲產品都幾受歡迎，作為一個吃貨既我 就緊係bookmark左佢啦🥰咁岩今日經開旺角 就順個靚便 去埋旺角中心 搵下呢間「圓仔記」試下佢咩料啦！ 🍧🍡鮮奶芋泥三色芋圓（🤤7.5/10） 鮮奶加芋泥呢個組合真係好難輸😂似啲台式飲品店既芋頭鮮奶咁🥰芋泥球好大球下 除左好綿完既芋泥 裏面都有細細既芋頭粒粒 咬落有兩種口感。呢個甜品有三種口味既芋圓（紫番薯、黃番薯、芋頭）咬落都好煙韌，需且都夾到芋頭同奶，我個人最鐘意 紫薯芋圓 個味好出 好似食緊口感唔同既紫薯咁👍🏻真心覺得值得一試。 🌮韓式部隊手抓餅（🤤8/10） 呢個好有驚喜 估唔到佢地個手抓餅咁好食 有啲喜出望外。個餅皮煎得好酥脆 裏面好軟熟 好有層次感，泡菜同芝士好夾 而且好飽滿 加埋啲餐肉同腸仔片 好足料，熱辣辣食仲做到微拉絲既效果，呢個手抓餅都幾高質👍🏻。 今次既幫襯果然無令我失望🥰下次絕對會再幫襯🤤 🏡圓仔記 📍旺角彌敦道688號旺角中心一期2樓SB05號舖 #hkig#follow#picoftheday#hkfood#foodpics#foodblogger#instafood#foodies#foodlover#cuisine#foodshare#hkfoodie#manjaifoodhunter#香港美食#旺角美食#圓仔記#手工芋圓#支持良心小店

#MJ將軍澳#MJCafe 呢間喺將軍澳海濱旁邊既cafe 都幾旺場 要等下位先有得入去，其實係有分室內同室內既坐位，如果室內就要等位 室外就自己搵位，視乎大家既需要。 🍰伯爵茶戚風蛋糕（🤤6.5/10） 蛋糕都幾鬆軟 有淡淡的伯爵茶味 亦都好似有少少茶葉碎碎係蛋糕裏面，面頭有少少奶蓋 唔太甜唔漏 淡淡既奶味，賣相係唔錯嘅 打卡一流，但係整體配合起嚟 就冇咩特別 🍰抹茶卷蛋糕（🤤8/10） 蛋糕偏實身啲 中間嗰個抹茶cream係最出色既 甜甜地好有抹茶味，身為抹茶既fans真心覺得幾好食 ☕️Cappuccino (hot)(🤤6/10) 呢杯奶泡咖啡就正正常常，奶既比例都幾多 好creamy,唔特別。 ☕️黑糖薑鮮奶（🤤7.5/10） 估唔到又幾夾，原本以為會成杯好重薑味 俾佢搶晒，但其實係溫和少少既薑味，同奶夾到，個after taste 帶少少辣係口腔 幾過癮。 🏡 JOMO Kitchen & Health Hub (將軍澳) 📍將軍澳澳南海岸唐俊街23號MONTEREY Place 地下G01號舖 #hkig#follow#picoftheday#hkfood#foodpics#foodblogger#instafood#foodies#foodlover#cuisine#foodshare#hkfoodie#manjaifoodhunter#香港美食#將軍澳美食

#MJ尖沙咀#MJ越式 🔽 同朋友約好左飯聚，今次的進餐地點由我來選擇，由於已經一段長時間沒有吃過越式的餐廳了，特別想吃一碗美味的湯河作晚餐。在比較方便的尖東選擇了這一間河內大娘 品嚐一下他們的食物 看看正宗與否。 可能時間尚早的關係，人客不算太多，大約只有半滿，但坐的位置上都算幾寬闊 坐得舒服。燈火是以柔和的黃光為主，直接望上燈炮也不覺得刺眼。坐位旁剛好有一個小屏風，私隱度很夠 很適合和朋友聊天。 🔽 🍜生牛肉河粉 牛肉剛上菜的時候是全生的，泡上上湯後肉的顏色才開始轉變，上湯的溫度很高，輕易地把肉變熟。上湯很香牛骨和牛肉的味道，濃郁但不失清甜，配上香料香葉 辣椒芽菜等相伴，牛肉好嫩剛剛好熟。整體質素幾好。 🔽 🍜雞絲湯河粉 這一碗河粉配的湯底跟第一碗牛肉湯粉不同，湯底也是很清甜，卻不是牛骨湯的味道。大量雞絲在表面，雖然算不上很嫩滑，但和湯一起吃 味道也不錯,有洋蔥和薄荷葉 令湯底味道更出色。 🔽 🍗越式炸雞卷 外皮炸到非常香脆，因為外層是腐皮，所以脆口的效果更明顯。開頭以為上錯了菜，因為肉質非常彈牙 就像吃魚丸一般，沒想過雞肉也可以有如此彈性。 🔽 🐓越式燒雞 應該是經過炸的步驟，外皮很酥炸，返而更加像用光波爐的炸法，很乾身不油膩，肉質就正正常常，味道的來源主要是那一碟調味醬，味道酸酸辣辣的。 🔽 🍹蓮子龍眼冰 蓮子和龍眼的量很多，佔了半杯，所以味道也很濃，非常清甜可口，龍眼肉和蓮子也好吃。 🔽 🍍新鮮菠蘿冰 因為是用新鮮菠蘿的關係，所以有好自然的菠蘿鮮甜味，沒有加太多糖或者其他調味劑，味道岩岩好。 🔽 🏠河內大娘越南餐廳 📍尖沙咀漆咸道南17-19號帝后廣場地下7-8號舖 #hkig#hkigers#like4like#follow#picoftheday#hkfood#foodpics#foodblogger#instafood#foodies#foodlover#cuisine#foodshare#hkfoodie#吃貨#相機食先#美食#香港美食#尖沙咀美食#食好西#河內大娘

🔽
就咁睇呢間野既門口好有風味，好似電視劇裹面一啲古時巴客棧。開頭以為內面係有座位既，點知原來啲位就係晒出面門口既枱仔，不過見佢新開就試下個味道 俾一次機會佢啦。

仲諗住坐係馬路邊會沙塵滾滾，但坐耐左又唔覺，因為人流同車都比較少，而且坐馬路邊食野都幾有風味，係香港少有既機會😆。最重要既係佢地既食物質素同性價比好高，完全可以令我 忽略左佢地座位既方面既問題。
🔽
🥟鴛鴦戲水（雲吞+韭菜豬肉餃）

咁大碗都只係四十蚊 仲有幾條菜俾埋你。講返既個湯底先，佢個湯係辣湯黎既 唔食得辣既朋友要注意，好香麻辣味既湯底，飲落香味辣味都好勁 辣得過穩。雲吞唔係港式雲吞，係老闆婆包既四川雲吞，係無蝦既 不過啲肉餡好多汁紮實，韭菜豬肉餃都包得好紮實 無散開嘅情況。
🔽
🥟香菇芫荽湯餃

呢個普通湯餃個湯底就係清湯黎，一樣係四十蚊8隻，食一碗都已經飽飽地。個餡既肉一樣紮實多汁，都見到有香菇，但係芫荽陣味就冇咁出。
🔽
🥟白菜豬肉煎餃

煎餃就建議可以再煎耐少少，等個底再脆啲。咬落都好多汁 味道唔錯。
🔽
🍳水晶皮蛋

呢一味我覺得係最令我覺得驚喜嘅一道菜。用上左麻辣汁整呢個皮蛋，香料味好重，皮蛋同戰底嘅青瓜絲點埋個麻辣汁黎食味道一流。呢一味我大推 必叫之選。
🔽
🍗口水雞

淨係叫咗一份例牌，冇諗過都幾大份下。有好多嘅辣椒仔同芹菜係周圍，口水雞腌制嘅時間好夠 好入味，只係如果再辣多少少會更好，因為老闆婆就左香港人口味 所以調味冇咁重手。
🔽
呢間嘅味道都幾正宗，好有川菜味道，而且都幾平下，又有甜品糖水，下次會再黎試埋佢。
🔽
🏠喜相逢 (太子)
📍太子界限街10L-12號寶興大樓地舖

#MJ旺角#MJ台式 🔽 星期六忙完一輪，終於都可以收工，但睇下手錶 原來唔經唔覺已經三點幾，午餐都無時間食。出到旺角 想食餐好食餐勁既 俾自己感受一下放假既感覺，但漫無目的 諗唔到食咩。 行過廣華街見到呢間新開既餐廳，見佢裝修得幾靚，於是就入左去試啦。呢度地方唔大，我諗坐滿晒人都係最多二十個左右，同埋啲座位距離都幾近。與其話佢係一間台式餐廳，我會覺得佢呢度似係一間主打台式食物既coffee,因為環境同啲枱櫈都係素色為主，牆壁有唔少裝飾，仲會播下歌咁，感覺好休閒好舒服。因為咁樣 我都係度坐左差不多兩個鐘，最後仲試埋佢地既甜品先走。 職員人數唔多，連老闆婆都要幫手落單，佢好主動咁同我傾計推介食物，閒聊間先知原來佢係台灣人，開舖原因係因為佢爸爸既手藝無人繼承，佢覺得咁正宗既台式食物手藝唔傳落去會好浪費，所以就開店創業一試。 🔽 🍜紅燒牛肉牛筋麵 個麵既湯底顏色深有香味，相當厚郁下。面頭有蔥花同酸菜調味，飲落順口 味道香濃帶甜，紅燒煮法黎講湯底算唔太油。有牛𦟌同牛根，牛𦟌軟腍 牛味濃 好食，牛根就建議煮耐少少 中間夠稔 但頭尾較硬部分就有少少硬。整體上呢個麵都幾好食。記得加啲佢地自家制既麻辣醬，好重蝦味 仲辣辣地 令個湯底變得好鮮甜。 🔽 🍗家傳鹽酥肉 呢個酥肉都係推薦食物之一，外層香脆 調味好足 好香調味粉既味道。用左啲肥少少既豬肉做材料，好有油香 肉質爽脆結實，份量都好夠多，係一碟唔會令人失望既小食。 🔽 🥓台式炸大腸 外皮香脆 用既大腸夠肥厚，咬落都幾有層次感，仲有啲肥膏 夠晒油潤。調味方面比較淡 唔太食到調味既味道，建議可以濃味少少。 🔽 🥛芝士奶蓋四季春 芝士奶蓋好厚身 好creamy,奶蓋味道咸咸甜甜幾好味，茶底幾清淳 無茶澀味，茶底加左啲糖 所以甜甜地，同奶蓋幾爽。 🔽 🍧綜合芋圓嫩仙草 好多料既一碗甜品，向底度𢳂兩下就會發現啲唔同既材料走出黎，除左係面頭見到既紅豆沙 綠豆沙 珍珠 芋圓之外 仲有薏米 仙草。除咗珍珠冇咩味之外，其他都唔錯，個仙草好重味 係香港少有既味道，份量偏大適合兩個人分享。 🔽 🏠阿木台灣麵 📍旺角廣華街8號地舖 #hkig#hkigers#like4like#follow#picoftheday#hkfood#foodpics#foodblogger#instafood#foodies#foodlover#cuisine#foodshare#hkfoodie#吃貨#相機食先#美食#香港美食#旺角美食#食好西#阿木台灣麵

#MJ尖沙咀#MJ日式
🔽
同朋友相約聚會，在設計吃什麼時，發現自己都已經有一段時間沒有吃過日式餐廳，因為相約了在尖沙咀，所以就開始找這邊的日式餐廳，就發現左呢間日本餐廳啦。

由係剔口開始就已經可以見到日式既裝修，仿日式只燈籠掛了在門口，和門口上的小掛簾，好有日式風格。店內的枱櫈都是以沉色木為主調，燈光柔和，牆上掛了日式小吊燈。
🔽
🍣沃川壽司拼盤（$298）

這碟壽司拼盤的食材新鮮程度不俗，魚的鮮味和肥美令到壽司變得出色。最好味的是中拖羅和左口魚裙邊，中拖羅油份重 入口滿口油脂，略嫌有少少筋。左口魚裙邊油美濃，口感爽彈。
🔽
🥟炸豬肉餃子（$58）

餃子炸到外表金黃香脆，內裏的餡料大約是豬肉和菜的比例是一比一，比例均勻，點上有七味粉的醬汁，微辣的味道令餃子更加惹味。
🔽
🍤野菜天婦羅（$108）

主要是蔬菜和菇菌類，有番薯 南瓜 粟米等，番薯天婦羅脆中帶甜，番薯比較紮實，咬下不回散掉。幾款蔬菜天婦羅都可以吃得出蔬菜的甜味，再點上有白蘿蔔蓉的醬汁就沒有那麼容易上火。

🔽
🌽牛油雜菌（$48）

有幾款的菇菌類在裏面，牛油就味道不算太出，但看得出菇菌表面的濕潤程度 令牛油味道影響了。這一味味道還可以，如果加多一點牛油會更美味更出色。

🔽
🍜沃川黑醬油拉麵（$108)

拉麵的湯底和日式的醬油拉麵湯底接近，正宗的湯底都會偏鹹，味道非常足夠。拉麵的麵質偏彈牙，咬感很好 是我喜歡的麵質，叉燒有兩大片，夠厚身 肥瘦的比例不錯，有半溶化效果。只是我不太喜歡醬油湯底，否則這一碗令人有驚喜的拉麵一定很高分

🔽
🍛燒鵝肝石鍋燒飯（$138）

一上枱時石鍋的旁邊發出吱吱聲，可以看得出石鍋的溫度非常高。倒入醬油和經過攪拌之後，開始聞到鵝肝的油香味和飯焦的味道。鵝肝未去到完全入口即溶的程度，但是我鵝肝的油香和帶一點彈性的質感，用來配上有焦香味的飯很不錯。

🔽
🏠沃川自家料理
📍尖沙咀麼地道75號南洋中心UG5-8號舖

#MJ尖沙咀#MJ川菜 🔽 呢排好似對辣野上左癮咁，不斷去搵啲川菜果類麻麻辣辣既食物菜式黎食，所以主要都會搵主打川菜既餐廳黎試。而呢間川菜館就係我呢排覺得食得過而且質素唔錯既一間。 🔽 呢度既area唔算好大，不過好在佢都有兩層，仲有貴賓房，人多既話都可以開間房黎同朋友聚餐。佢地既mena係部ipad,客人睇完仲可以順手落埋單。要讚下呢度既裝修都幾古色古香，喺呢度食飯別有一番風味。 🔽 🍲酸菜沙巴龍躉 呢碟酸菜沙巴龍躉只係普通size ，但係就已經非常大碟，兩三個人都夠食。條魚處理得幾好，冇咩腥味 而且肉質幾嫩滑，不過條魚啲骨都唔少。謂味方面，叫左小辣 所以唔太夠辣 建議叫中辣 味道就會更好，不過都唔錯既，酸菜骨都幾多 所以味道幾濃，如果個湯無咁油會更好味。 🔽 🥙麻辣海蜇手撕雞 佢既味道就濃啲，雖然都係小辣，但都已經好辣好夠味。手撕雞既比例較多，除左辣味 仲好香麻油味，食起上黎好惹味，用黎餸飯一流。只係個海蜇切得太幼 令佢既咬口無咁出，建議切返大嚿啲。 🔽 🥗涼拌海帶絲 材料都幾豐富既前菜， 紅蘿蔔絲 海帶絲 菜莆粒 青瓜 芝麻，涼拌既方法再加少少辣油，幾清爽 幾好味，不過都係切得太幼。 🔽 🏠好川好菜 📍尖沙咀堪富利士道11號堪富利士大廈2-3樓 #hkig#hkigers#like4like#follow#picoftheday#hkfood#foodpics#foodblogger#instafood#foodies#foodlover#cuisine#foodshare#hkfoodie#吃貨#相機食先#美食#香港美食#尖沙咀美食#食好西#好川好菜

#MJ觀塘#MJ燒烤 🔽 前排開始好多人食既自動燒既串燒，我終於都黎左試啦！真係第一次見呢部識自轉既燒烤機，只要將串好左既食物放上去，佢就會慢慢加熟，只要睇住佢到差不多轉左顏色就可以食得。 呢間自家燒吧係做放題既，除左有呢個串燒之外，仲有一啲既頭盤前菜 水果熟食等，仲可以剔紙仔 叫一啲既主食 蔬菜 飲品小食等。推薦蒜蓉焗生蠔 蒜香味好重，飲品除左雪櫃果啲罐裝紙包裝飲品之外，仲有一啲凍檸茶 柚子蜜等既手調飲品。 一坐低就有職員黎介紹個爐點用 啲工具既用途等 非常貼心。值得一讚既係呢度既位好闊落 枱之間既距離好寬 同朋友傾計都可以大聲啲。冷氣溫度夠晒涼 唔怕熱親。 爐既旁邊有三種醬汁 日式燒汁 檸檬番茄汁 泰式辣醬 用黎調味一流，仲有三種唔同味既孜然粉，保證可以食到唔同既味道配搭，啲串燒種類都唔少 幾種肉都有 仲有其他菇類瓜類 菠蘿，連棉花糖都有，推薦燒菠蘿 多汁又香甜。 以呢個價錢黎講 呢度所提供既野 包括 食物 服務 場地 舒適度都做得唔錯，值得黎試下。 🔽 🏠自家燒吧 📍觀塘開源道62號駱駝漆大廈1座5樓C號舖 #hkig#hkigers#like4like#follow#picoftheday#hkfood#foodpics#foodblogger#instafood#foodies#foodlover#cuisine#foodshare#hkfoodie#吃貨#相機食先#美食#香港美食#觀塘美食#食好西#自家燒吧

#LuBie荃灣#LuBie港式#LuBie海鮮 🔽 香港人鐘意打邊爐就已經係出晒名嫁啦，而熱愛海鮮既程度亦都不下於打邊爐，有咩好得過將呢兩樣野擺埋一齊呢？ 近年興起既蒸氣火鍋就應該岩晒中意食海鮮既香港人啦。我最近就食左一間新開既蒸海鮮店，佢地既做法就同蒸氣火鍋差不多，只係少左放呢米落個蒸爐底既姐。 🔽 試左佢地最主打既原味蒸房海鮮套餐，見到啲野食以為睇錯野，$288竟然可以食到龍蝦、鮑魚、鱔、蟶子同扇貝等 咁多樣海鮮，仲會送埋燉湯同糖水。開頭心諗 應該係啲唔太新鮮既海鮮啦，但係食完又發現佢地啲海鮮幾新鮮下，啲蝦未蒸前仲識郁既。 🔽 成個套餐有幾樣野係覺得唔可以錯過既： 🦞蒜蓉粉絲蒸波士頓龍蝦 隻龍蝦雖然唔算好大隻，但肉質結實得黎好鮮甜，加埋蒜蓉粉絲 香口得黎好有飽足感。 🔽 🐚蒜蓉蒸扇貝蟶子王 兩種貝類既size都幾大隻，鮮甜厚肉，唔會好霉咁樣，睇得出海鮮既新鮮度唔錯。 🔽 🦀源記荷葉蒸蟹飯 蟹蒸到岩岩好熟，啲湯汁洗晒落啲飯度，飯除左吸左啲蟹既汁 仲吸收左荷葉香味，拌埋佢啲蒜蓉黎食，味道好豐富。 🔽 呢度啲野雖然每樣野食份量唔多，但新鮮度唔錯，樣樣食啲 食晒咁多樣真好係好飽。以佢個價錢黎講，性價比幾高。值得一讚既係侍應服務幾好，仲會幫你蒸埋同set埋蒸既時間 又教你點食咁樣，舒服既殷勤程度好高。新開張期間去到 打個卡仲送飲品。 🔽 🏠金牌源記 📍荃灣鱟地坊62號地舖 #hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#foodseekerlu_bie#吃貨#相機食先#美食#香港美食#荃灣美食#食好西#金牌源記

#LuBie旺角#LuBieCafe 🔽 呢間位於彌敦道既樓上cafe 都係第一次黎，位置上都算幾方便。一打開門 估唔到已經滿座，好在book左位 先至唔洗等，睇黎呢間cafe既人氣同食物都應該唔錯。同好多cafe一樣 呢度都幾有格調，會播下歌咁，不過就建議播返啲柔和既音樂會更好。 🔽 🍖德國鹹豬手 就咁睇佢上枱既排場已經值回票價，連埋個架 原隻上，侍應會倒啲酒上隻豬手度再點火，成隻豬手就著晒火咁 好似表演咁，隔離枱既食客都望過不停，之後侍應等我地影完相就幫我地拎去切件，服務十分之好同貼心。咸豬手熱辣辣 非常好食，個皮好脆 好似食薯片咁，豬手肉幾厚下，加上少少既脂肪，必試之選，除左豬手之外 呢個菜仲有香草腸同薯蓉，好抵食。 🔽 🍛西班牙魷魚海鮮飯 呢個飯十分足料，有好足料既海鮮，不但有魚塊 帶子 扇貝 仲有成隻既魷魚 十分豐富。啲海鮮都好鮮味下，個飯除左吸左啲海鮮汁之外，仲有香草同黑椒既調味，味道濃郁豐富。 🔽 🥪黑松露，煙火腿，芝士多士 呢個雖然係小食,但份量一啲都唔少。外面黑色既麵包軟熟，好香既黑松露味，有煙火腿既咸香，仲有成層既芝士 ，芝士層入面仲有啲菇塊，成個組合好豐富，值得試下。 🔽 🍹Chiba Special Drink 成杯有好多既水果粒同塊，水果既種類幾多，味道係酸酸地既，似係酸酸地既七喜，賣相都幾靚。 🔽 🍵熱情果接骨木花茶 個瓶個用個花瓶黎裝，仲有棵假既花放埋一齊，唔睇真係以為係真花黎。花茶既味道普通，主要既味道都係熱情果味，不過用黎打卡就一流。 🔽 🏠吃吧 📍旺角彌敦道566-568號僑建大廈2樓2室 #hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#foodseekerlu_bie#吃貨#相機食先#美食#香港美食#旺角美食#食好西#吃吧#Chiba