想搵個大人小朋友都啱嘅地方，親子餐廳就最適合。今次嚟到呢間韓式燒烤，有埋兒童遊戲室。 小朋友最低消費係一份兒童餐,大人平日係$100 今期做梗春日音樂主題，食物，飲品都用音樂造型。 繽紛兔仔造型飯糰 有小朋友啱食既紫菜蛋卷，兩隻小炸雞，兔仔造型飯糰，再配大量蔬菜，配搭均衡得來小朋友鐘意食。 春天協奏全日早餐 有半份三層火腿果醬面包，有好大份炸魚，仲有炸紫薯條。炸魚炸得唔錯，唔會好厚粉，魚亦都實肉，加埋炸紫薯條，小朋友當然開心。 韻律朱古力狂想曲 熱朱古力上仲有個可愛音符，襯哂主題。 花樣音符焦糖鮮奶特飲 好好豐厚既焦糖cream,配埋鮮奶，小朋友可以當埋甜品。 大人都好多選擇，我地當然選擇韓燒。 王者牛肋骨 一上枱好震撼，因為真係好大條牛肋骨😆完全唔識點燒，好彩店員仲會幫手燒。牛肉有牛味仲要燒得啱啱好，出面燒到有少少脆脆，真係好好食呀。 雪花五花肉 又係好大塊嘅五花肉，四個人都夠食。五花肉肥瘦肉層次分明，燒完之後脂肪燒左反而唔會膩。店員真係好專業，燒得好好之餘仲貼心幫你剪細方便食。 旋轉甜品很饗宴 最後上埋呢個春日音樂主題限定既甜品。一客有5款甜點，有芝士蛋糕，焦糖布甸，熊仔造型蛋糕等，識轉仲會播音樂，完全俘虜小朋友嘅心。

好耐冇食過放題，今次去銅鑼灣搵咗間高質放題！ 平日6-8，只係$259,仲加左$148升級放題,海鮮任叫！有長腳蟹,蝦,鮑魚,翡翠螺，仲有帶子海膽。兩個人仲會送一次一盒魚子醬，性價比非常高。 甜品，餐前小食，飲品雪糕雪條都係自助出去拎。飲品櫃我諗都有20種以上嘅飲品裏面仲包埋兩款啤酒，如果想飲生啤先至需要另外加錢。 甜品每款都細細款，啱曬樣樣都可以試。今次試咗提拉米蘇，榴槤糯米糍都一樣好好食（榴槤肉超多）。 一坐低就上一個非常吸精，插花有乾冰嘅刺身拼盤，裏面已經有齊三文魚腩，赤蝦，油甘魚等等。 仲上咗個燉湯，燉湯清甜無味精。 食物種類除左日式，仲有泰式，好多款。有燒物，刺身,炸物，主食，壽司，天婦羅等等。 試左燒三文魚鮫好好食，我地仲encore!仲有我最鍾意嘅芝士年糕，榴槤波波一樣新鮮熱辣！ 驚喜仲有辣酒煮花螺，一口豆腐，泰式豬頸肉，泰式魚餅。每樣食物都可以跟件數叫，唔怕叫多食唔哂。落單上菜好快，食左兩小時已經好飽！

想食越， 不過見到店舖都坐滿曬，唔想等所以就直情買外賣返去慢慢食。 越式生菜包$108 肉碎連埋啲香料炒好香，份量亦都唔少，跟咗一盒新鮮嘅生菜。每咬一口都係清脆嘅聲音，包住嚟食好有越式風味。 西貢咖哩牛腩配法包$80 食碗咖哩牛腩份量都好多，另外仲有少量嘅薯仔配菜。咖哩好香濃嗰款咖哩，牛腩係肉連埋筋肉嘅部分，有咬口得來唔會太韌。法包返到屋企攞焗爐稍微加熱，將啲咖哩汁倒埋落法包食啱啱好。perfect！ 越式烤雞半隻$118 外皮燒到脆脆嘅，皮脆肉嫩 ，再加埋甜酸辣汁 ，好食 。 下次會再買！

今次嚟銅鑼灣想食泰菜，記得上次試過尖沙咀分店唔錯所以就過來試下。 地點好方便，時代廣場附近嘅百樂中心。地方闊落舒服，有卡位，適合一大班朋友聚會。 鹽燒鰂魚$188 用粗鹽包住成條魚燒，出面個皮燒到少少焦但係入面嘅魚肉係出奇地非常非常滑，滑過蒸魚，完全感受到師傅慢火燒嘅功力，超級推薦。 濕炒泰式雞肉河$98 河粉係煙韌，大塊嗰隻河粉，本身炒河都有好多配料，有蔬菜，有雞肉，都幾泰式風味。 火焰燒雞$208 招牌菜。店員姐姐會首先畀原隻雞，再係你面前淋酒，點火，畀你打卡。打完卡再攞返入廚房斬件，成件事好有噱頭之餘，隻雞都好好食。雞連雞胸都係滑嘅，雞皮係脆嘅！ 泰式燒牛柳$98 食到嗰啲泰式嘅醃料，牛柳燒到剛剛好，七成熟，唔會過老或者柴。 炸蝦餅$88 一份6件，出面脆卜卜，正常發揮。 凍青檸茶$34 叫左杯青檸茶，味道唔錯，泰式風情。

係隔離樂園玩足4小時後，過來cafe食埋野先。佢本身入口同樂園係分開，平時都可以自己walk in 入來食。 環境好chill ,一邊對住海景,一邊望到樂園入面 雖然係樂園附屬餐廳，不過價錢都算合理。有二人餐，有主食，小食，甜品都有。 餐廳設計色彩繽紛，廚房吧台設計，望到叔叔煮野食 我地兩大兩小，叫左兩個小食+兩個主食+飲品 溫泉蛋卡邦尼意粉$98 可能本身對樂園餐廳期望唔高，所以反而比到驚喜我。食物質素絕對做到西餐廳式嘅卡邦尼意粉並唔係港式求其嗰啲忌廉汁撈埋佢，對得住個價錢👍🏻 漢堡扒蛋包飯$98 漢堡扒食得出係自家製又厚又juicy，蛋皮亦都做得滑溜 蘋果汁&橙汁$28@ 煙三文魚酸忌廉配法包$68 煙三文魚嘅鹹香同埋先幾點啱啱好，法包亦都夠脆。每一塊嘅三文魚份量都唔少，讚👍🏻 小食雜錦$88 有雞翼，薯條，蛋沙律，蕃茄醬肉丸。每樣小食都係新鮮做起，所以薯條都係熱辣辣。 餐廳食物質素同出品唔錯，價錢亦都尚算合理。如果去樂園就可以順便醫埋肚先走，再唔係平時過嚟食嘢，環境都唔錯呀~~

今日同幾個朋友一齊來食新加坡菜，估唔到香港都有。食物種類好多同幾有特色！ 開心果椰汁奶昔 一向鐘意開心果做既副產品，果然無令我失望，除左濃濃既開心果味，仲有椰汁味，好有亞洲風味。 森巴醬通菜 森巴醬辣辣地，算比較濃味，本身配埋通菜都好夾。 海南雞飯套餐 海南雞好出色，肉質好滑又有雞味，加埋醬汁更好食。 地道白咖哩老鼠粉 上台已經好大碗，材料都好多，有水魷，油條，大大塊叉燒骨。配老鼠粉可以一次過連埋白咖哩湯一齊飲。 夜市沙爹（牛肉雞肉） 有４串／６串可以揀，靈魂係沙爹醬，真係有夜市沙爹感覺，沙爹醬好濃好香。 娘惹咖哩炸雞配乾魚仔椰漿飯 娘惹咖哩比一般咖哩味道複雜有層次，炸雞先至正，成隻炸髀，外面超級脆，入面仲勁juicy! 咖央油條配薄荷朱古力雪糕 咖央油條j出面真係無幾可食到，配埋朱古力醬食。呢個甜品幾特別。

朋友想食酸菜魚，所以就去十二味買外賣返嚟一齊食。十二味嘅裝修係行工業風，好有特色行上一層就係餐廳，座位都好闊落。 我哋叫咗一盤酸菜魚加個蔥油撈麵。 由於酸菜魚好大盤所以分咗兩個碗裝。 酸菜魚非常非常之香。佢嘅麻辣同埋香料就係呢度菜嘅靈魂。 佢嘅酸菜魚塊非常嫩滑，啖啖肉同埋份量好多。 酸菜亦都煮得好清爽好中，唔會話死鹹或者好酸，另外加嘅薯粉係闊身透明嗰款薯粉，好煙韌。 酸菜魚連個湯都好好飲所以我哋就真係清曬碗。 因為好鍾意食蔥油拌麵，去到邊都會試一試，所以就搭單叫埋。 佢有炸咗嘅蔥絲鋪喺面。佢嘅面粗幼度係類似幼身嘅烏冬但係就煙韌好多。連埋個醬汁撈埋好好食。

環境充滿濃厚日本風情，燈光柔和，營造出一種輕鬆愉快的氛圍。非常適合與朋友或同事一起放鬆，享受美食和喝酒🍻 安格斯牛肉鍋：餐廳其中用既一種牛就係安格斯，牛肉量多，而且薄切，睇得出師父既刀功。，除了安格斯牛肉外，壽喜牛肉鍋搭配各種蔬菜、豆腐、薯粉、冬菇等配料，增加菜餚的層次感和營養價值。 特上錦繡刺身：食材質素高，海膽鮮甜、口內散發甘香，拖羅極上肥美、入口即溶，蝦肉大隻、彈牙爽口，帶子雪白巨型，鮑魚鮮甜出眾

路過灣仔，想買個有質素唔頹既外賣食。同行朋友介紹去Poke GO，佢本身有其他分店既～ 概念上有Ｄ似我地香港既車仔面，可以自選餸＋底，build your own bowl，偏日式。好欣賞可以做到好味結合健康既選擇。餸都係日式魚生，蔬菜之類為主。底可以係壽司飯，日式糙米或者沙律菜。 我地揀set 好既Signture Bowl SET，仲配埋飲品tim~ NALU 由八爪魚，壽司飯，櫻桃番茄，和式青蔥，甜粟米，皇帝蟹棒，辛味蛋黃醬，芝麻，辣椒碎組成，有需要仲可以走辣椒碎。八爪魚好彈牙，材料好多好多，成碗由頭到尾都好豐富，因為醬汁用辛味蛋黃醬，所以帶少少辣，不過唔算好辣，反而幫手吊起個味道。好食! OHANA 有齊三文魚，沙律菜，櫻桃番茄，溫室青瓜，甜粟米，蜜糖芥未醬，芝麻，果仁。三文魚加埋大量蔬菜，口感好有層次，仲有一塊炸左好脆既蓮藕片。成件事好吃得來又低卡,好啱女士。唔好睇佢外賣造型咁cyber　一個透明既波波看似份量很少，實際上是很多！肯定男人都會夠食！　 Signature SET 仲配埋飲品 。我地選了冷壓蘋果汁＋橙汁，同樣地都係高質素果汁。

三五知己想聚一聚,提議去容記。 容記 除咗一般小菜 仲有大大個海鮮魚缸,龍蝦,東星斑,長腳蟹都有 最近餐牌仲多左 d 秋冬之選 見到隔離食羊腩煲好香,本來好想試但同行都冇人食羊,唯有下次先 蝦餅$138 6大塊。爽口彈牙夠厚身實淨。炸既火喉亦都剛剛好,唔會油腻。 脆皮吊燒雞$138 皮脆肉嫩唔會炸到柴哂皮。雞肉連皮都入味夠味,唔駛點淮鹽。佢唔會好似出面有d咸味淨係係個皮,D 肉無味。 砂鍋砵酒焗蟮球$148 平時砵酒焗生蠔就多, 砵酒焗蟮球都係第一次。估唔到個味咁夾。 蟮球先走油,食落唔會散收收。有薄脆粉亦都有助吸收砵酒味。 砂鍋上夠哂鑊氣。推介 美極煎大海蝦$128 呢個餸都處理得唔錯,證明廚房有功架。煎得唔錯,殼都脆到可以食。用美極吊起個味但唔會太咸。蝦係新鮮既不過極其量佢只可以叫中蝦。😂😂 蠔油冬菇唐生菜$88 冬菇份量比我想像中多同厚身 連埋酒水茶芥,每人食左~$160