三點幾，由潻咸道走入加連威老道，十室九空，走入去叫咗杯cappuccino, 杯啡味唔係好濃，下午用來放鬆吓啱啱好，啲奶打得好好，個花好實正，飮到未個花都冇走樣。 全店兩個後生仔打理，入門口時啱啱聽到有客問生意如何，後生仔概嘆一般，其實尖沙咀開啡店真係難為皮，幫幫手，杯啡好過街頭連鎖店㗎。

Bookmark 咗間拉麵店，冇諗過係㩒飛仔order，order咗🦐味噌🐷骨🍜，簡單日式拉麵店設計，店員收飛丶坐低約兩丶三分鐘就上麵。 湯身厚厚，蝦同味噌味好出，飲咗唔口渴 配有粟米、蔥花，好好，爽口亦能減低拉麵油膩 叉燒帶點肥，腍冇柴皮感，厚度啱啱好 麵身係幼麵，正常軟硬啱啱好，有需要可以選擇自己軟硬度，但依仲幼麵外賣食應該口感打折，都係堂食啦 成碗麵味度好平行，唔會特別一樣嘢搶風頭。 值得一提，個辣芽菜好好味，忍唔住夾完再夾。

其實被裝修吸引，因似日式簡約風估食物應該可以。 鰻魚All Day Breakfast: 其實味道普通，諗除咗塊鰻魚外，冇其他嘢值依個價錢（多士丶沙律菜丶生果丶炒蛋） 慢煮封門牛定食：餐牌有推介，以為穩陣，一個字「伏」。牛無味，本身我食牛唔加任何醬汁，但依個唔點汁就真係冇味。最重要係靭，靭到呢⋯⋯完全唔覺慢煮。唯一讚吓係個南瓜湯，不過凍咗。 反而見隔離枱叫嘅意粉賣相唔錯，但個人覺得個價錢set得過高，翻兜機會不大。

上次沾麵，今次試試拉麵+餃子 豚肉拉麵：約4片普通size叉燒，肥瘦剛好，上菜時叉燒用火鎗炙過，咬落有炭燒香。湯有少少豬骨羶但可接受，麵軟硬剛好。 餃子：有肉汁但表皮有啲乾，普通。 總結：尖沙咀區尚可日本麵食。

霸嗎一向响Openrice排名好高，尖沙咀長期排長龍，今日巧遇中環舖剛開門就試試。 濃厚豬骨炙燒豚肉玉子拉麵🍜 濃厚豬骨湯：名不虛傳，拉麵送上時見碗湯好「𠍇」好厚身，湯味濃而不羶，好味。 豚肉🐷：一塊厚切腩肉，咬落鬆化，肥肉甘香。三高者危險品！ 玉子🥚：全隻上，小心！一咬蛋汁即流 羽根餃子🥟 韭菜豬肉，雖不是咬落有肉汁但煎得香唔油膩，加上餃子汁啱啱好。 小意見：調味蒜粒可惜已潮，要注意。另外冷氣超弱，秋天都食到成頭汗，夏天就⋯⋯

友人介紹到此一遊 招牌海南雞+雞飯：你問我得唔得？得，特唔特別？唔特別，簡單講就係同新加坡一般food court 味道，冇一種驚喜感 牛肉肉骨茶：嗱嗱嗱依味就有驚喜牛味好重，牛肉好腍，牛魔王啱食，以為有藥材味湯稀清，但相反湯濃濃牛味反而唔太有藥材味 牛肉脆米卷：小朋友食咗話好好味咁就信佢啦 墨魚餅多士：賣相ok,不過又係冇乜驚喜，仲之見其名就知其味 榴槤芝麻球：聞到有榴槤味但食落就食唔出榴槤味，但個波波都炸得唔錯 想讚讚工作人員對小朋友同老人家特別照顧，好少見宜家啲年青人咁有同理心及懂得體諒他人

約朋友聚一聚叫幾味邊食邊吹水 青咖哩雞飯：青咖哩唔辣較甜，餸菜菜多過雞，過得去。 脆牛腩：皮脆牛腩腍，雖用油炸過但上碟唔見油，牛腩有少少「痴」🦷，+上青咖哩汁食的確唔錯。 沙嗲串燒：網民大讚本抱有希望，點咗牛、雞丶豬各兩串，但鹹咗啲，豬仲燒唔熟。 薄荷青檸梳打：雖有大量薄荷葉但飲落同普通青檸梳打冇異。 另外叫咗個雜菜炒粉絲，但冇乜特別。 直得係環境坐得舒服，侍應唔會打擾，個吹水局食咗兩個幾鐘都冇俾壓力我哋，人唔多，全程食得自在。

又來沾麵測試，咁啱行過見鋪頭細細有幾多人食就開門入去。 餐牌翻來翻去，想試試柚子沾麵，餐牌本限定賣柚子燒三文魚，但覺得麵店食三文魚怕有伏，穩陣起見都係改叉燒。 柚子汁：稀咗啲，麵沾落去不能好好掛上柚子汁。雖汁內有大量柚子皮，但柚子味較弱唔太突出，但勝在汁唔太鹹，食完唔口喝 麵：選咗普通，但麵身較硬，口感如食油麵，勝在麵涼咗都冇黏埋一舊 筍：脆口唔錯 叉燒：有三大塊，薄薄嘅但好有脂肪，用火槍燒一燒先上碗，食落有燒過甘香 整體唔錯係汁稀啲，價錢响尖沙咀區差唔多啦，不過比同區3️⃣田，在下覺得3️⃣田性價比較高。

是次已係第三次幫襯，對上一次已係一年前。 今日叫咗一碗火車頭，實話比一年前差咗。 湯：濃濃牛味，飲完唔覺勁口渴，彷彿有啲藥材味，個人OK 生熟牛：不過不失 牛丸：味道唔錯但有筋，唔彈口咬落有啲死實 牛筋：可以不提，唔食冇可惜 牛柏葉：爽脆好味，可惜成碗粉得一舊5cm x 5cm大嘅牛柏葉响碗底中揾到，算叫寶物沉歸底 下次來唔來？唔會刻意想起佢，但路過都會上來，今次可能叫啲嘢食唔啱我啫，的確一年前食物不錯，應該俾多次機會。

本來假期人多就唔想去，但咖啡癮起就去啦。 Soya Milk Latte: 豆味濃而且豆奶打得好厚身，口感勝於大型連鎖咖啡店，加4蚊都值，如能用瓦杯上更好 Blueberry Cake:遠遠望到已經盯著，好味，一啲都唔dry連邊邊都好食 Carrot Cake:個奶油略甜襯上唔甜嘅cake，甜味啱啱好，不過嫌個cake冇乜「內涵」，如果蘿蔔切大粒啲有啲咬口更好 Hand Drip: 選咗第一隻豆，聞到果香味，第一啖飲有好濃果酸及紅酒味，食啖蛋糕再飲第二啖😳⋯⋯酸味冇哂，咖啡味浮咗出來，未完！after taste仲有dark chocolate 嘅苦甜味，嘩！想點呀$45咋，底啦！不過我諗齋飲偏酸，鐘唔鐘意就我個人喇。