出到旺角食咩好🤔 其實旺角根本想食咩都有 不過有時又要諗邊度泊車 又要諗邊度冇咁多人等位 當架車停左系西洋菜南街 就自自然望下左⬅️望下右➡️ 望下前⏪又望下後⏩ 真系周圍都系餐廳 不過哩條街最多都系米線🍜 咁我地就揀左《紅橋》🌁 個名好似好普通又有啲求其😂 就即管試試先🏃🏻‍♀️ 黑椒汁西冷牛扒伴蛋包飯 牛扒好稔..蛋包飯個蛋唔會系老蛋 黑松露忌廉汁海蝦帶子燴意粉 黑松露好香.夠多汁唔會好乾 🦐都好大隻,帶子雖然細粒,但系份量搭夠 鍾意黑松露既值得一試 香烤雞胸柳雜菜沙律 懶健康系列可以揀走藜麥 芝麻醬另上,鍾意多醬少醬自己決定 雞柳系熱既,系呀真系即烤咖🤣 以旺角黎計哩個價錢咁既質素系超值 環境舒適職員態度良好 下次出旺角食野又多個落腳點喇

「華嫂」真系聽左好多年喇👂🏼 不過咁耐以黎一直都冇試過 約左去換身分證,近近地就行去會一會「華嫂」先 行入去staff話等等先.後面有2位都等緊 再有2位.但staff想叫佢地入😓 咁我地同後面就問咁我地有冇位呢 之後staff就叫左我地入房 房入面一張4人檯一張2人檯 米線好吸引..但系唔餓打算坐低食少少野 見隔離檯碗豬潤米線好大碗好正咁 下次有機會會去試一試啲米線先😛 芝士鹹牛肉蛋多士 個包烘到好脆.正呀 咸牛肉都好好味.都好多料 奶醬多 真系醬爆呀…..唔系🤣系爆醬呀 一路食系一路流出黎咖🤤 招牌蛋沙律多士 嘩真係抵食夾大件 啲蛋沙律一啲都唔馬虎 仲有火腿蕃茄同生菜 一咬落去就一路跌出嚟 奶茶 Menu仲有冰花奶茶同樽裝凍奶茶 唔知同哩杯就咁奶茶有咩分別🤔 哩杯就咁奶茶都好香茶味 其實都好好飲喎 唔知嗰兩隻奶茶會唔會仲好飲啲呢😂 食物質素黎計真係冇得輸 抵食夾大件而家喺出面好難搵 味道仲要係唔差👍🏽👍🏽 唯獨系入座安排真系有啲搞笑 原來系有位,但系就要系出面唔知等乜 到比錢既時候$96,我比1張$100.1個$5同1個$1 收銀哥哥拎左1個$10銀同4個$1 我話唔洗咁多,之後佢拎返$10銀 比1個$5同5個$1我😅問我咁啱唔啱丫 唔通我話唔啱咩?只系唔明點解唔比個$10銀我 如果系咁我就咁比一張$100找咪得囉 真系多始一舉😬😬😬

突然好想好想好想燒野食🍢 但系又要等2隻小魔怪放假先可以去 終於等到喇..😍 同信聽就聽得多 黎就真系第一次👆🏽 系出面泊好車就入去🅿️ 可能因為星期六都好多人 職員安排我地坐系一大班人既最入面張檯 嘩…真系嘈到不能接受🙉 問題系果班人10幾個人連安排比我地果要檯都用埋😓 我地都冇出聲職員都好快就話幫我地轉位 2個職員夾手夾腳開檯搬櫈 安排坐系男廁同女廁中間既位置 唔好覺得因為廁所🚽而覺得佢唔好呀 加上個距離系可以接受同埋唔會有廁所味 其實我覺得果個位系最好咖 講下佢既優點👍🏽先 ❤️方便去廁所 ❤️燒野食難免手會污糟.行幾步就有得洗手 ❤️攞野食都好方便 (攞野食主要系2間屋仔.一間系買飛同拎大部份野食野飲.另一間就系有菇瓜菜蒜蓉同2個飲品櫃) 缺點👎🏽就系….. 訓左一晚暫時好似仲未諗到🤣 好喇.講返食物方面🥩 最主要值得讚👏🏽既當然系衛生啦 不過當然佢pack好晒一包包份量唔算多 但對於如果2個人黎既可能會多 種類繁多..見到咁樣pack好晒好乾淨會乜都想攞 淨系丸都有10幾款.唔好睇少啲丸呀 丸都可以好講究咖.謝絕粉丸🙅🏻‍♀️ 雖然唔系全部丸都有試 但系八爪魚丸同牛丸都系出色既 講完丸再黎就系以下哩張相⬇️ 見唔見呀?見到啲咩呀? 系一大舊真空包裝既鴨胸呀😍 再望埋就系一大條既司華力腸呀😱 真系一啲都唔孤寒呀 肉方面真系好多 淨系講雞都有好多品種 有雞中翼.全翼.雞肉串.雞皮.雞腎 雞中翼都有好多味道 有原條粟米🌽原條茄子🍆 仲有原個菠蘿🍍….切左4分1既冰菠蘿🤣 冰住食好食過燒黎食 海鮮都有選擇⬇️ -魷魚🦑同魷魚鬚(pack好左果啲都有咖哩魷魚) -蝦🦐都好大隻咖 -大大塊既魚柳🐟 -秋刀魚 -多春魚(一pack入面大約有8條) 飲品🧃系任飲咖 雖然我只系飲水 但見到咁多款都覺得開心 真系一啲都唔hea同唔系cheap咖 可樂.雪碧.芬達.7up就話普通 哩度仲有好多咖 -道地玉露 -楊協成 -樂天忌廉溝鮮奶.芒果汁 -王老吉 -台灣珍珠奶茶🧋 -維他奶 -青島啤酒 -梳打水 又黎個總結先🖋 哩個價錢真系唔錯呀 可以叫做系應有盡有 差啲唔記得講一樣野 燒燒下覺得好熱先望一望冇風扇 但係就見到有把風扇包住左膠袋 即刻走去同職員講想要把風扇 職員即刻話唔好意思唔好意思唔記得左 就拿林去拆袋插返把風扇就爽晒 連把風扇都好乾淨唔會積晒塵咖🤣 期待下一次再黎呀

即興之一遊🍽 適逢星期日2隻🐒唔洗返學 等佢地訓到自然醒 最終12點幾先起身 又想帶埋隻狗狗🐩出去行下 所以就揀左[LAGOM☕️] 安排坐圓檯,非常寬敞 職員都好好,好nice 樂感早餐 望落非常豐富 但系食落又唔算好飽 炸魚薯條 好新鮮,即叫即整 唔會話好油同炸乾晒 個醬辣辣地好好味 配返少少沙律菜可以中和返油膩👍🏽 經典蕃茄肉醬意粉 食肉醬意粉🍝最緊要多肉醬😍 好多時食肉醬意粉食到底會好多油 油浸咁,但系哩個又冇乜渦,幾好幾好 台北燉牛肉 平時出面好少會有牛肉意粉 用左花椒黎整,個味道好特別 有少少麻,個牛肉又好腍 如果想味蕾有少少刺激,值得一試呀 整體黎講… 環境坐位都非常舒適 好適合幾個朋友坐低慢慢傾下計 見餐廳入面有啲位置擺左sofa 就算自己一個去靜靜地睇下書都幾好 見仲有outdoor,不過黎食飽就趕下場 未有時間參觀下四周環境 食物方面以café黎計算多選擇 見到有啲任飲優惠.. 非常適合文青系果度hea足一日

帶住我家小🐶出街 我地食野自然要搵啲可以帶狗既餐廳 咁就揀左「鼎天」 又可以帶狗🐶又可以泊到車🚗系門口👍🏽 黑松露炒蛋牛角包🥐 入面收埋左超多黑松露 豬扒牛角包🥐 大大塊豬扒加埋隻蛋🍳 炸髀沙律🥗 雞髀外脆內軟 唔柴又多汁 沙律新鮮👍🏽 座位舒適寬敞 全部既賣相都好好😍 味道唔會系難食 但系價錢相對覺得偏貴😑 一次半次都ok既

假期同小朋友去康城行下 到咁上下時間就去搵食 近幾年行街都有見「敏華」 不過一直都未入去試過 唔知食咩好咁就去試下啦 職員問我地幾位之後就行左去 眼見入面都有幾張吉檯 但職員就好似好忙咁 有個客要埋單都嗌左職員幾次都冇人睬 到職員行返黎收錢時我地問入面有檯可唔可以入 佢話要等等,咁等左一陣就入得 其實等就真系等左唔系好耐 不過系唔知點解入面有位都唔比入🤔 叫左一個西冷牛扒餐 一個雞扒餐 一個雜扒餐 問職員有咩汁可以揀 因為小朋友麻麻地黑椒 佢話今日只有黑椒汁 咁冇得揀就算啦 問佢湯有冇得揀 佢話冇...唔緊要隨口問下 食物質數唔錯,份量多,味道都好可以呀 本身問職員有冇得揀汁佢話只得黑椒 點知黎個雞扒餐時跟個汁又唔似黑椒 到個牛扒餐黎一拼之下先知2個汁唔一樣 咁一開始又話冇得揀，真奇怪 之後叫杯餐飲 我：想要杯凍奶茶少甜 職員：飲咩 我：凍奶茶少甜 職員：哦，凍奶茶 我：少甜 職員：哦，凍奶茶走甜 我：唔系，系凍奶茶少甜 職員：哦，凍奶茶少甜 終於成功落單😅 奶茶黎度好飲喔 食物飲品質素系完全滿意 唯獨系職員有啲古怪🤷🏻‍♀️

接完放學離開觀塘區搵野食 今日衝🏃🏻‍♀️出觀塘去💛黃大仙 泊左車系北館⬇️睇下有咩食 唔知食咩就去南館⬆️再睇下 揀左好多人系出面等位既「和氣食堂🍱」 等左大約10分鐘,入面其實好多吉檯🤨 三文魚豐盛定食🍣 賣相好之餘,抵食好食夾大件 蒸蛋好滑呀 烏冬湯唔會好淡,木魚味都濃 極上咖喱吉列豬扒丼🍛 個人比較鍾意見到哩個飯型😂 個欖型真系好靚😍 咖喱微辣,小朋友都啱食🤤 成碟飯賣相都系吸引 唯獨系吉列個面粉左啲 本身想試「網燒牛扒定食🥩」 手機落單時見到冇既 A26-A29都冇 所以先會嗌左咖喱飯 好彩都冇失望 其實見到好多野都想試 不過2隻🐒食野唔多 下次出街唔知食咩可以再去試埋想試果啲 整體而言價錢系親民既💯 食物質素都系可以既

話說上次想去試下「美中·鴨子」有幾美 結果要等好耐就放棄左試哩隻🦆 今日系屋企㩒定飛仔要等30幾張檯 到咁上下先坐車去,去到剛好仲有一張就到🤣 中菜黎計餐具比較細心 有埋叉同紙巾,筷子架都系鴨仔 不過留意返筷子比較油 唔系一對,系匙羹都系😔 響米海鮮泡飯 海鮮料都好足,落埋響米口感好好 仲要加埋啲焦香味 胡椒包 個皮好酥,面頭有芝麻香 但系個餡就唔多夠胡椒味 雲吞鴨湯 鴨湯好清 個菜軟硬啱啱好,唔會浸到淋晒 鴨肉都多,舊舊都唔細 雲吞大小剛好 片皮鴨半隻 熱辣辣呀 真系多多都唔夠喉呀 個皮都好脆,唔會好多肥膏 小籠包 每個入面都有好多汁 小籠包既精粹就系果啖汁 皮唔會一夾就好易穿 夾到上匙羹依然完整 咬開個頭再加啲醋🤤 真系冇得彈呀 賽螃蟹 清淡得黎帶蟹🦀鮮味 蛋白唔會過火死實實 總括黎講..... 除左餐具唔系咁乾淨外 其實都好完美 又唔系啲食評講到咁差 宜家食$100仲送$100券 下次食夠$400可以減$100 會再食...不過真系要預早㩒定飛仔先

真系⋯ 不知所謂不知所謂不知所謂 阿仔放學去食「八方雲集」 哩度好處系多數即叫即煎熱辣辣咁食 入到去第一時間嗌野食 👩🏻‍🍳要咩呀 👩🏻粟米鍋貼餐追加五隻招牌飲🌽湯 👩🏻‍🍳飲咩呀追加咩味呀 👩🏻🌽湯，追加有得揀味咩 👩🏻‍🍳冇呀，規定系招牌 👩🏻⋯⋯⋯⋯⋯⋯咁咪系囉 落完單坐左陣阿仔就系櫃桶拎醬油碟果啲 筷子同匙羹就已經拎左擺系檯面 醬油碟疊埋左佢拎左3隻出黎搣緊之際 又系頭先落單果個職員 👩🏻‍🍳喂⋯小朋友唔好拎啲碟出黎玩喎(系用鬧既語氣) （阿仔當堂呆左停晒手望住我） 👩🏻你見到佢玩緊呀? 👩🏻‍🍳(佢即刻補飛)咁就乖仔喇（阿仔仍然唔敢郁） 👩🏻食野系咪唔可以拎碟呀,你睇定啲先好話人啦,唔系個個細佬都會搞搞震拎碟黎玩咖 👩🏻‍🍳阿小姐我咁講姐，佢系拎住啲碟丫嘛，又唔系得罪你 👩🏻你宜家系鬧錯人呀，睇清楚先好出聲啦 真系不知所謂系好不知所謂呀🤬🤬

母親節🌹訓到晏一晏 本身諗住系去食鴨子🦆 點知要等成60幾張檯😨 等得黎都已經晚市 咁就睇下周圍有咩食 系鴨子附近有間要等2張檯 等緊之際去望一望水牌 見到曾經系OpenRice睇過食評話唔錯 既「Mee...Lemongrass🥢」 咁就上左去，要等10張，不過都唔洗好耐 都已經系下午茶時段喇☕️ MEE...喇沙 落左單超快...真系超快就到喇 見到啲料都好多,個喇沙湯唔會好稀 夠杰身,望落好似好濃 但系原來唔夠味,可以濃多啲就喇 最可惜成碗野系唔熱咖😞扣左好多分 馬來蜜汁炭燒厚切豬扒喇沙 麵既份量十足 豬扒味道唔錯,份量都唔少 唯獨又系個湯唔濃同食物唔熱😩 招牌無骨海南雞飯 個油飯超大碗,個味都好好呀 唔會好咸,又唔會好濕 無骨雞啖啖肉超好送飯呀 飲品嗌左凍奶茶🥤 2杯少甜1杯走甜 好飲呀 走甜好突出到奶同茶既香 手機落單夠方便 喇沙麵底可以揀鴦,貼心 海南雞都可以揀半髀半胸 如果全髀就要加錢 整體黎講其實都唔錯又抵食 扣分位真系因為野食唔熱 系完全唔熱呀,不過撞啱會再去