一遊（尖沙咀） 尖沙咀諾士佛臺1號4樓 一出到去好似去左日本居酒屋咁 成個風格好日系 擺設同裝修都好精緻🤩 上每一碟上黎 店員都係好細心介紹🫶🏻 滿臉笑容☺️ 一遊沙律 沙律菜好新鮮 入面有D蕃茄仔 白玉 三文魚 吞拿魚🐟 成個都係好開胃既前菜🥗 烤沙甸魚魚乾 呢個好薄身 入口脆卜卜🤭好似食緊薯片咁 東洋卷 呢個一上黎已經好吸晴啦 個皮係用pancake包住 入面燒鰻魚、牛油果🥑同三文魚子 一定要用手拎起黎食 成口都係鰻魚既肉汁加埋牛油果 唔會好油膩 食落口好得意呀😍 海膽蟹肉牛油果卷 海膽係上面❤️蟹肉鋪滿中間加埋牛油果🥑係入面 成個入口連埋紫菜 好夾 好鮮甜 壽司十貫 呢個手握壽司有吞拿魚、三文魚、伊佐目、𩶘魚、魷魚、帆立貝、牡丹蝦、金時鯛 另外仲有2件海膽同吞拿魚蓉軍艦😆吞拿魚蓉好新鮮 牡丹蝦🦐爽脆 帆立貝勁大粒勁甜 串燒 特別推介燒雞皮蝦🦐鹽燒活鰻同牛舌芯😋 牛舌芯係厚身牛舌 鹽燒活鰻好厚身 2樣都好腍好入味😬 魷魚🦑入口好有咬口 合鴨蕎麥麵 鴨油香氣十足 鴨肉好嫩 飲個湯好鮮甜🤤 飲品 西柚燒酎梳打 柚子燒酎梳打 新鮮水果茶(包括雪梨🍐、蘋果🍎、士多啤梨🍓、熱情果、紅桑莓) 暖暖地飲落好胃呀😛 黑啤 另外再叫左一枝清酒 一心 純米大吟釀 入口好純好滑 米味較重 配食串燒一流✨

韓燒大叔 旺角西洋菜南街51號友誠商業中心5樓 開左一間韓式燒肉夜晚食都係$298 岩岩好就係旺角E出口一上就係 超近😬 上到去職員好熱心講出面自助吧有啲咩野食 自助櫃前菜 飲品 甜品及雪糕🍦 自助冰塊 自己加汽水 生菜🥬菠蘿🍍片自己取適當份量 出邊有蓮藕片 芽菜 青瓜 🥒泡菜 海帶 鵪鶉蛋 辣蟹仔 一坐低職員就會送上8樣燒肉 四人同行送一條鰻魚 可以試左先 之後再用QR code落order 牛肉有牛柳 封門牛 牛肩肉 一口牛 牛板腱 牛舌 有五花肉 午餐肉 羊肉 豬頸肉 雞柳💕 肉類都唔少 仲可以細細碟 慢慢燒😆 海鮮 大蝦🦐扇貝 魷魚🦑 刺身 三文魚 帶子 虎蝦 北極貝 油甘魚 希靈魚 每件都切得好大份 熱食都好多選擇😛 粉絲春卷 甜酸雞翼 單骨雞翼 蛋卷 泡菜煎餅 炸嘅雞軟骨 魚版串 紫菜壽司

啖啖燕窩 (永顯工業大廈) (新蒲崗) 新蒲崗彩虹道226-228號永顯工業大廈地下C3號舖 成間舖頭充滿少女粉紅🥰 一入去所有嘅地方每一個角落都係打卡嘅地方 新蒲崗仲可以有地方可以食野 仲可以聽住韓歌，慢慢享受😆 特濃3.6牛乳燉蛋 好重好重蛋味 而雞蛋好香滑 一啖食落口 成口都係蛋香😚 芝士奶蓋燉蛋 呢個芝士味好濃 食到中間有一層奶蓋鹹鹹地 燉蛋超級無敵滑 🌟椰香雪燕奶凍 椰汁味好好濃 雪燕好多仲要好大舊 飲落口好滋潤😎覺得皮膚瞬間吸收 蒜辣雞翼尖🌶️ 雞翼尖分量好多 超惹味 辣辣地 啱晒睇波小食 膠原蛋白濃雞湯 呢個係屋企浸返熱佢就飲得啦 超級方便倒出嚟仲好大浸嘅雞湯味 連我屋企隻貓咪聞到忍唔住要同我爭飲😂 ✨係獨立包裝 就咁加熱 超級方便👍🏻 而保存期都有三個月

茴香 (尖沙咀) 尖沙咀山林道38號銀座38 17樓 呢間環境好好呀 好似入左森林🌳 呢度係半自助餐係泰式fusion菜😆仲要店舖細細 居然有任食長腳蟹😚芝士拼盤 沙律🥗 水果🍉🍍火腿 叫左泰式拼盤 總有成7款咁多 咖喱角 香茅雞翼 蝦片 薯絲蝦肉 豬頸肉 魚餅 春卷 每一款都係熱辣辣❤️脆卜卜 椰香紅咖喱軟殼蟹配烤餅 紅咖喱好香既椰香味 軟殼蟹炸得脆卜卜 烤餅焗得鬆軟 一定係必點咖哩☺️ 香煎加拿大豬𩣑配黑莓醋汁 好重豬肉味 煎得岩岩好 入口有咬口 沾少少黑莓醋汁 有炸薯角同蘆筍都煎得好香 美國頂級Cab肉眼扒 肉眼扒呢個好有肉汁 配埋個汁 好有層次 仲煎得半成熟好粉嫩😋 椰子雞湯/冬陰功湯 椰子雞湯同冬陰功湯兩款湯都好入味仲要好足料 職員會用煲滾嘅湯，即場倒入去隻碟度 確保成個湯係熱辣辣😝有幾咁特別

極尚大瀛喜日本料理 觀塘觀塘道414號1亞太中心5樓 今次係專誠食呢個放題榴槤 金枕頭榴槤係火槍燒過 原來係特別甜 入口仲係暖暖地 熱嘅榴槤係特別甜 刺身 三文魚赤、赤蝦、帆立貝、吞拿魚每一件都係肥厚肉肥美🫶🏻 入口仲係啖啖肉 鮮甜💓 尚磯煮凍鮑魚 - 呢個有D驚喜呀 值得一叫 清甜好軟身💥 鵝肝壽司：細細舊 仲有鵝肝甘甜 燒鹽醬和牛肩胛壽司 : 呢個燒得牛既油出哂黎 好香🤤 海膽手卷: 細細件 海膽有鮮味😬 燒物及串燒 烤羊鞍 - 肉嫩有孜然味重 🌟芝麻雞翼 - 肉質鮮嫩 好香 🌟鹽燒牛舌 - 超中意食牛舌 厚肉有口嚼 🌟黑椒蜜汁一口牛 - 呢個入口D蜜汁好重 牛柳好嫩 🌟紫心香芋丸/炸榴槤- 芋蓉好多 好咬口 榴槤好重味入口好cream 燒雞軟骨 - 好脆好香 好好食 蒜蓉蒸蠔生- 蒜泥好多 好重味呢個 自助區 豬耳 雞腎 螺肉 炸餃子 炸鮮奶🥛 沙律🥗 生果🍉 炸物🍟 雪糕🍦雪條🍨甜筒同甜品🍮

一起食堂 灣仔軒尼詩道153號地舖 特濃豆乳雞烏龍麵 呢個好好味 大家黎真係值得一試 好重豆味 入口好濃郁😱 而食落口 感覺好fresh 好健康 手打烏冬係扁 麵質係煙韌 台式雞卷好厚食到有花雕醉酒 啖啖肉 好清新 黑糖豬軟骨飯 豬軟骨好大舊 咬入口係甜甜地 肉質係軟腍腍 仲有溫泉蛋係入面 好夾😚 古早滷水拼盤 有4款牛腱，雞翼，豬耳和滷水蛋🥚好豐富又份量多嘅拼盤 牛腱比較厚身好有咬口 雞翼 豬耳超入味 黃金芋泥球 炸泥球好厚好結實 外層酥脆 入邊有大量芋泥 中間仲環流心奶黃 食完好暖笠笠😬 仙草奶茶/珍珠奶茶 仙草奶茶好多仙草 而且珍珠好彈牙奶茶濃郁 比例啱啱好

FAT ANGELO'S
馬鞍山鞍祿街18號MOSTown新港城中心(4期)3樓3227-28號舖

今日去左新港城食西餐 行到門口好大個打卡位
影相好靚呀 仲要間餐廳勁大間 好有歐陸風情風西式餐廳
仲要有酒吧位去chill下

小食五拼(脆香魷魚圈、水牛城雞翼、洋蔥圈、脆炸水牛芝士條、薯條)
呢個脆炸水牛芝士條 好勁呀!!係可以有拉絲既
而水牛城雞翼辣度係岩岩好 脆香魷魚圈粉好薄好脆口

慢煮紅酒牛肉手製闊條麵
牛比較散 入口好腍 個紅酒煮得好出
闊條麵夠哂掛汁 有車厘茄配襯


炭燒美國M2牛頸脊+薯條+沙律
牛頸脊好重牛味 煎得岩岩好 而牛頸脊油脂少D 加埋個牛汁
好好食 如果汁唔夠可以再問職員拎

Cocktail
Apple Mint
好清新 有薄荷葉味 青檸汁 蘋果汁
重點唔係用冰塊係沙冰上

strawberry
呢杯比較酒重少少 酸少少但入落口好順

Tiramisu
超濃咖啡味 以為同出面Tiramisu差唔多
點知呢個有驚喜WO 好好食!入面D蛋糕係完全好有雲喱拿同咖啡味
入面好綿 好分明既一層層

巴斯克芝士蛋糕 伴雲呢拿雪糕
芝士味好重 +雪糕 而旁邊有開心味碎碎
而且唔算好甜 但飯後甜品一流呀

牛川日本和牛專門店
銅鑼灣謝斐道496號金利文廣場3樓

鐘情食燒肉既我地一定唔會放過好肉既機會 今日book左牛川 睇好多人講呢間好好食
期待左好耐啦 趁星期5放縱下先

叫左尊貴日本和牛放題120分鐘 一坐低就唔好落order住因為會送上一大堆野食先
日本A5和牛拼盤、海鮮拼盤、刺身拼盤、燒和牛沙律、手工月見燒鳥串、大蒜焗牡蠣、前菜
仲有like fb仲會送上日本牡蠣

🌟日本A5和牛拼盤🌟
成盤上黎D和牛好吸引 D色都好均勻 食落好重牛味😬
每塊都係燒5秒左右就要拎上黎啦
成晚都不停叫呢幾塊和牛食🥳而落單仲有幾款唔同味同部位選擇

手工月見燒鳥串
呢個食前記得要燒一燒 本身係熟既但再熱D咬入口有D卜卜既口感😙

大蒜焗牡蠣
呢個燒得岩岩好 要趁熱食 燒蠔+蒜好昋好濃☺️

日本牡蠣
好大隻而且好鮮甜

海鮮拼盤(甲羅燒,帆立貝,蠔同蝦)
甲羅燒係燒前要攪拌一下先唔係好燒燶左D蟹膏
而一路燒一唔飄D蟹膏香味出黎
帆立貝+牛油絕對無得輸 蝦好彈牙爽口👍🏻


刺身拼盤(三文魚,日本飛驒牛,吞拿魚,北寄貝,赤蝦,帶子,玉子,蟹柳,伊勢牡蠣)
全部都好新鮮🫶🏻即使我地再叫左2次刺身拼盤質素都一樣好好
赤蝦同帶子都好甜❤️三文魚同吞拿魚都好新鮮

壽司
叫左幾件居然都好好食😋

燒和牛沙律
沙律我朋友覺得好好食 解油膩 但我覺我草青味有D重..HAHA

熊本黑毛和牛漢堡同溫泉蛋紫菜醬油牛川飯🌟推介必食🌟🥰

最後食一杯雪糕 完美

椰籽 九龍城衙前圍道21號地下A3號鋪 平時黎九龍城都係食泰國菜 今日出黎買野經過見到呢間新開店 成間都係都以椰子同椰青為主好特別WO 唔知同手搖撞埋係咩味道呢 今次買左4杯帶反屋企一齊分享先 椰子Oreo特飲 平時飲Oreo都打得好大粒 但呢杯打到好幼細同入口都柔順 聞到好香椰子水味 而且無蓋過Oreo曲奇味 呢個比出面既Oreo沙冰仲好飲呀 楊枝甘露特飮 楊枝甘露係平時糖水鋪食 今次試下特飲先 粒粒芒果肉同柚子分明 飲落去好多野要咬 好忙呀 而且唔會太甜 椰子香芋特飲 椰子同香芋真係絕配 香芋個顏色勁靚 飲落椰子淡淡咁出 香芋又好濃 每一啖都充滿椰子同香芋香味 中意香芋既朋友一定要試 椰子菠蘿特飲 呢個係大推 椰子同菠蘿好似唔係好夾咁 好驚菠蘿好甜會飲到椰子味 點知飲落好清新 菠蘿仲要唔係假甜 有椰子又好清甜 仲好好飲

ChocoNext 尖沙咀廣東道3-27號海港城港威商場3樓Kiosk15D 之前已經成日食呢個牌子既朱古力架啦 成日朋友問我有D咩係Handmade香港特色😆 就係呢個ChocoNext係本地朱古力品牌 仲要透過不同的食材組合，打造出不一樣的美味體驗😗 而佢最出名係招牌朱古力同雪糕 如果想做手信唔一定係買杏仁餅果D啦 呢度既曲奇、蝴蝶酥一樣都係全Handmade製作🥰 依家仲推出緊 中秋月餅🥮禮盒 $338 流心月餅🥮(朱古力, 奶皇, 咖啡 )、手工曲奇(朱古力, 芝麻, 咖啡 )及茶包(伯爵柑橘博士茶)成個組合好好 每樣都有少少 仲有茶包可以配反月餅🥮同曲奇🍪 今日行過港威見到有呢間做緊曲奇禮盒 一樣都係1盒3款口味(朱古力, 黑白芝麻, 咖啡 )濃郁朱古力🍫及香濃咖啡☕️ 個盒係勁靚 有紅色或綠色 用長方形禮盒包裝 超吸晴 送禮係超大方 同屋企人分享曲奇既味道 個個都讚 入口係香脆 咬入口係好鬆化😋 而且老人家食完全唔驚 曲奇係低糖同無添加 佢地最中意食居然係咖啡味 咖啡係勁出而且唔會苦 黑白芝麻好香口 朱古力味一定係無得輸 咬入口係好好好濃既朱古力味👍🏻