終於等到妹妹考完試sem break一齊出遠門，去左呢間收藏已久，網上見人地打卡打到傻既cafe( ｰ̀֊ｰ́ ) 對我呢個九龍人黎講，對上去錦田差不多十年前，疫情下無得飛，呢日就請左個日假，飛轉錦田，暫時遠離一下煩囂。 ꊛ໋̝⋆ﾟ︎︎交通 到達錦上路站後可轉乘72號小巴於上村公園落車步行4分鐘或巴士64k/251A 張屋村站落車步行1分鐘 ꊛ໋̝⋆ﾟ︎︎環境 分左室內室外區，室內用餐時限為1.5小時，之後就可以到室外繼續或自由無限時打卡，真心打卡位處處。 如果揀室外坐，都唔洗擔心俾蚊咬，餐廳超貼心咁有蚊怕水供應，認真貼心！(๑˙❥˙๑) 另外仲有間奢華大宅傢俬showroom，打卡打爆自己個相機，當左自己係個貴族咁呀！ ꊛ໋̝⋆ﾟ︎︎食物 𓋜 黑松露帶子大蝦法式可麗餅 $𝟷𝟼𝟾 賣相非常有誠意，有幾花花做裝飾望落去色彩豐富。即叫即整既可麗餅沾上太陽蛋蛋汁軟熟可口，內面包著mix 左千島醬既椰菜絲，當中仲夾雜住芝士碎，相當可口又開胃。帶子上既黑松露令整體非常香口，而兩隻大蝦都好新鮮。 𓋜 墨西哥辣椒墨魚鬚蜆意粉 $𝟷𝟺𝟾 好地地一碟意粉，都可以整得咁靚，真係好過份。 頂頭都用左花花做裝飾，相當形合到餐廳呢種在郊外田園既形象。 意粉帶甜既微辣好惹味，入面既墨魚鬚處理得相當好，一D都唔靱，而蜆既份量亦十分慷慨。 𓋜 黑芝麻芝士蛋糕 $𝟼𝟾 落左幾粒完整芝麻在上，唔會太甜，整個芝士蛋糕香十足，而且餅底亦唔會過厚過硬。 ꊛ໋̝⋆ﾟ︎︎飲品方面 𓋜 士多啤梨綠茶冰 $𝟼𝟾 雖在冬天，但由於陽光伯伯太溫暖，我地後尾都係去室內坐(〜￣▽￣)〜飲埋杯綠茶冰又清新終於涼返哂～ 𓋜荔枝蒟蒻梳打 $𝟼𝟹 怕飲甜野既妹妹，表示好喜愛，因為好有大pat蒟蒻，超有咬口又唔甜。 ✰強烈建議黃昏時分去，望住日落晚霞應該靚到爆開 ✰今次去然過左聖誕，但完全感受到餐廳好著重節目打扮，有著濃厚既節日氣氛。 ✰ 餐廳逢星期二休息 ✰ 記緊千萬見要網上預早book位，餐廳會早一至兩日同你聯絡confirm booking

呢日早收工，去左接埋男友過去登龍街搵食。 云云食肆中，去左呢間坐得好舒服既台灣菜。一入餐廳，見到有好多醬埕、同稻草既裝飾，俾人一種台灣「那些年」既風味。 ⚑⚐゛薑母麻油燉雞湯 $95 呢個燉湯加入大量薑，雞肉令湯帶出鮮甜既味道，雞肉雖然煲過湯但唔鞋，冬天飲呢個暖胃又正氣。 ⚑⚐゛滿滿骨膠原豬手 $98 果然係充滿住骨膠原，成個汁都非常杰身，話雖如此，但味道濃而不膩，食完皮膚都好似彈啲っ ̫ -˘ ⚑⚐゛滷肉台稉米飯 $32 食台灣菜必點滷肉飯，糖心蛋想漏唔漏出黎之間，滷肉半肥瘦滷得夠哂味，食完都想叫多一人一碗。 ⚑⚐゛胡椒三星葱肉包 $55 新鮮煎出黎熱辣辣既蔥肉包，外皮煎至微脆，而包住既餡邊吃邊有微微帶辣既胡椒肉餡，食得好滋味🤗 ⚑⚐゛時令水果茶 $42 好得我歡心既係呢個熱既水果茶，落左大量水果，整壺水果茶既果味都相當濃郁⸜(* ॑꒳ ॑* ） ⚑⚐゛蜂蜜白玉苦瓜汁 $42 點了個少甜，微微的甜之下真的有苦瓜既甘苦味，男友表示很喜愛。 ✰ 另收加一服務費

平日起四美街落車經過呢間餐廳已經好想試，呢日拉埋仲考緊試既妹妹一齊去Relax 下。 一入到餐廳，俾我既感覺係好歐陸小屋feel，而且燈光較為柔和，傾計好舒服。 ⚑⚐゛烤慢煮BBQ豬肋排 $128 近年真心喜愛以慢煮方式烹調既肉類, 因為肉質煮得好淋身，而本身的肉味又唔會流失。豬肋排肉味非常，而且仲可以俾飯/ 意粉/ 薯條我地選擇。 ⚑⚐゛煎慢煮西冷配薯條及沙律 $188 呢個係真心要讚，我同妹妹都一致認同呢塊西冷肉味好夠，Order 左五成熟，出黎既顏色煮得粉粉嫩嫩der，同樣煮得淋滑既佢，切佢真係完全無難度。 ⚑⚐゛焦糖香蕉窩夫 $78 偷睇左隔離幾檯都叫waffle，我地都唔輸蝕。 呢個又係有驚喜，一切落去係「切」一聲，脆到佢呢！！！完全估唔到可以食到有牛油窩夫餅果隻感覺。完全有別於平時出面會食到hea hea 雞蛋仔粉團口感既窩夫。 ⚑⚐゛巴斯克芝士蛋糕 $32 貪心的人有福了，食埋是日精選蛋糕。呢日精選係呢款芝士蛋糕。 佢質地係好似日式芝士蛋糕果隻較為濕身既cheese cake，食落陣陣芝士味散發出黎，又ko 埋～！ ⚑⚐゛天然蜂巢咖啡 $48 完全俾個名吸引左！因為係取自天然既糖份。 小木盤上頂著三件頭器皿，1 shot 咖啡 、牛奶一杯 同一小杯連蜂巢既蜂蜜。可以跟據自己既喜好落多少蜂蜜，就算落哂都唔會過甜。 ⚑⚐゛朱古力咖啡 $38 Order 左個少甜，朱古力同咖啡既中和左完全match，岩哂d 想飲拉花咖啡但又怕飲甜野既朋友。 ✰ 跟餐有是日餐湯及蒜蓉包 ✰ 另收加一服務費

呢日收左工去做完facial 好肚餓，想食返碗米飯暖下個肚，就去左出名多野食既厚福街搵食。我地兩個尋尋覓覓，入左呢間好多主打慢煮丼飯同刺身既日式餐廳試試佢。 ⚑⚐゛慢煮黑豚肉盛丼 $98 黑豚肉片堆疊成火山形狀，慢煮既豚肉入口稔滑，頂頭放置著一粒生雞蛋督穿佢同蛋汁一齊食，令豚肉味更突出，而最特別既係旁邊放著☁️般既酸忌廉，試左夾埋豚肉一齊食，少少帶酸既甘甘香香，又另一番風味。 ⚑⚐゛香煎頂級牛肉配鵝肝丼 $128 牛肉煎成寶石一樣晶凝通透既外觀真係好吸引，慢煮方式往往都可以鎖住肉汁，我自己覺得配搭蔥花係加分位，令到塊牛肉更香。 鵝肝煎得外面香脆，入口即溶，估唔到除左配多士，仲有另一個選擇！配埋佢地自家調配醬汁，唔覺唔覺就KO哂一大碗飯。 ⚑⚐゛紫薯鮮奶 $58 好溫柔既飲品，顏色好靚好靚。 底部有紫薯蓉有咬口，怕飲太甜既我呢個味道剛好調得剛好，紫薯控表示十分喜愛- ̗̀ ෆෆ ̖́- ⚑⚐゛朱古力曲奇沙冰 $58 完全俾餐牌上佢既賣相吸引左，隻杯太得意│˶˙ᵕ˙˶)꜆ 面頭唧左pat cream ，再放左兩條黑白配，呢個組合應該無人不愛🤫 ⚑⚐゛鹽燒三文魚頭 $58 超愛吃燒三文魚既我，見到有三文魚點心心眼((≡ຶ⚲͜≡ຶ)) 一碟兩件，分別有魚頭同魚鰭，餐廳即煎即上菜，外層煎得超脆皮，食既時候夠哂辣嘴，魚油味亦超香

有個識搵好西食既朋友真好│˶˙ᵕ˙˶)꜆
餐廳位處於東港城內轉角位置，整個L型窗廚用木系打造，成個風格好小清新，特登約我出黎試試佢！由於踏入十二月份，餐廳入面都加入左聖誕元素小擺設☃︎𖢔𓍄 好可愛 .ᐟ .ᐟ .ᐟ
💡鑊仔士多啤梨雪山熱香餅 $79
好食到要打尖講先既甜品～ ₍ᐢ⑅•ᴗ•⑅ᐢ₎♡
震騰騰既pancake 上面一球大大個既雲喱拿雪糕⚪️
配上係鐵板度滾到起泡𖠚ᐝ 既鮮士多啤梨果醬
仲食到士多啤梨果肉粒粒架！
外冷內熱既感覺都齊晒！層次分明。
.
岩哂我地又想食甜野又怕凍又怕熱既矛盾心情⋯
動L既pancake亦充滿住陣陣蛋香⋯
係一個好令人回味既甜品🥰
.
輪到主菜，我地order 左兩個晚市套餐♪。.:＊

💡大頭蝦海鮮龍蝦汁意粉 $148
餐牌上面寫住每日限量發售，無理由唔試試佢既～
一上菜，我同朋友「嘩」左一聲，隻蝦🦐🦐又長又大隻，
意粉同平時食開既好唔同，個樣似中式生麵同幼身伊麵之間，好掛汁，配料都好豐富，有蘑菇片、車厘茄，同蜆肉。

初頭都以為隻大頭蝦係擺設，應該都無肉食，點知我錯啦，個頭好多肉，外加仲有多到漏出黎既蝦膏，邪惡度即刻爆增十倍
Bonus: │˶˙ᵕ˙˶)꜆ 蝦肉實淨無雪味，處理得不錯👍🏻

💡炭燒10 oz肉眼配薯條 $198
非鐵板上既牛扒都唔敢叫得太生，5成熟就岩岩好，牛味亦幾香濃～配搭粗薯條夠哂脆口，留意到每枱上都設有成支大茄汁任落，薯條怪好滿意✧*｡٩(ˊᗜˋ*)و✧*｡

.
環境舒服、CP值高既餐廳！
下次要再翻Check其他甜品！
.
✰ 跟餐配是日餐湯及$33 以下餐飲
✰ 另收加一服務費

身為大埔街坊發現疑似新餐廳，揀左個early dinner 時段去試。 門面係一間日式居酒屋，走著素色木系風格，木欄後面既係落地大玻璃，餐廳座位闊落，坐得好舒服，一家大細去食又有一個選擇。 ⚑⚐゛牛油果軟殼蟹卷 $74 第一啖食落去重重牛油果味，放左陣先食軟殼蟹都仲咁脆口，仲食到淡淡既蟹肉味～ ⚑⚐゛芝士焗帆立貝 $34 一客就已經有兩件，芝士加左入沙律醬，沙律醬帶出既甘香味香口到不得了！帆立貝焗既火侯又剛好，整體香而不膩。 ⚑⚐゛雞泡魚乾 $26 甜甜的，脆脆口感，配上七味粉蛋黃醬，一路食一路傾計，想order 多杯酒添～ ⚑⚐゛自家玉子燒 $32 一碟八件，煎完立即上碟，冒起陣陣白熱，香甜可口，簡直係我地兩個既飛佛 ♪。.:＊・゜♪ ⚑⚐゛牛肉壽喜燒 $74 天氣凍最鐘意叫個鍋，基本鍋物有牛肉，芋絲，豆腐，金菇，娃娃菜，日本冬菇。 壽喜燒湯底夠哂濃郁，牛肉味夠哂香，而且量真心俾得唔馬虎，食極都仲有。 呢個貼心要讚，唔係人人鐘意食太多澱粉野，如果想食烏冬，就按自己喜好追加，細食既你可以可以就咁叫個鍋。 ⚑⚐゛ 手打烏冬 +$18 肚子餓的我倆加左個烏冬，口感煙韌，而且份量又好大，我承認地兩個真係眼闊肚窄左(っ･-･)⊃ ⌒Ꮚ ✰ 另收加一服務費 ✰ 粉嶺都有分店 ✰ 晚上七點幾見開始有一家大細黎等位啦～

呢間留意左好耐 每次行過都好多人等位 某個星期六過左lunch peak hours見人少左 機會黎喇 ( ｰ̀֊ｰ́ )✧︎ 不過個個黎都好似會點創意卷物 而今次我地就偏偏無點到 💡古今火焰丼 呢個丼主要包括有 ¹油甘魚 ²火焰三文魚腩 ³日式蟹柳 ⁴三文魚籽 想講佢地個三文魚腩超級香魚油味 單講三文魚佢都有俾到五至六塊 但食完總覺意猶未盡係會令人懷念既回甘味+.(´∀｀*). ⁵海膽都鮮味十足 自問本來有點怕陣海膽味既我 今次都有食得到 而且呢碗飯既份量都真心幾大 而沙拉醬既份量我就嫌佢重手得滯 遮住左主角\( ˙ﾛ˙　)/ 💡日式咖喱蛋包飯配吉列牛餅 有趣既係佢地既吉列牛餅‪(*ˊᵕˋ* ) 佢地既牛餅係食到有馬蹄碎口感既山竹牛肉味 熱辣辣超脆口又辣嘴 配合上甜甜地既日式咖喱 炒蛋 有著中和稍為濃味牛餅既作用 仲記得果日我明明好熱氣 講左唔食熱氣野 但佢呢塊fusion 牛餅真係炸得唔錯(っ`ᵕ´c)ｩｰ! 💡百香果益力多 跟餐+$15 唔係hea 版百香果糖水 真係有百香果籽喺入面 配益力多又唔錯喎 百香果愛好者表示高興 ˉ̶̡̭̭ ( * ॑˘ ॑* ) ˉ̶̡̭̭‎ 💡午市不另收加一服務費

前兩星期同男友揀左呢度週年慶祝 位處於灣仔碼頭上層 樓底高 空間感大 對住海景 心情都好啲( ^ω^ )♬♬( ^ω^ )♬♬( ^ω^ )♬♬ 除左環境靚之外🌆 三層架tea set被花花包圍住 好eye catching (ᐥ꒳ᐥ )✨✨👏🏻👏🏻🐻🌻🧡好靚 一坐低就會有兩杯粉紅色香檳做welcome drink🥂 六款鹹點六款甜點當中 仲要有一半款式可以refill的🔋 👅 講返食物先𓈒𓂂⋆͛📢⋆ 鹹點方面⸝⸝⸝⸝🥧 ⚑⚐゛日本青瓜吞拿魚 好清新既fusion配搭 吞拿魚都好鮮味 ⚑⚐゛蜜桃龍蝦沙律奶油多士 配搭新穎 龍蝦味香 不過多士淋左 唔夠脆口 ______________________________ 以下三款為可refill 鹹點🔋 ⚑⚐゛焗酥皮肉批 餡料係廚師腸味道既酥皮批 暖暖地上菜唔錯的 咸點黎講呢款發揮較正常 ⚑⚐゛大蝦山葵沙律醬多士 食唔出山葵味 多士同樣都係淋左 ⚑⚐゛黑松露蘑菇多士 眼見到蘑菇碎都多 不過黑松露味就較弱 ︎︎甜點方面發揮⸝⸝⸝⸝🍰 ⚑⚐゛黃金佛手柑魚子醬配紐約芝士蛋糕 芝士味香濃 不過食唔出魚子醬同佛手柑 ______________________________ 以下三款為可refill 甜點🔋 ⚑⚐゛雜果仁朱古力蛋糕 我覺得好欣賞既係佢落左好多果仁 不過如果朱古力味再苦同再濃就perfect 佢就真係略為甜左 ⚑⚐゛檸檬撻 酸酸甜甜的 不過真係過份左甜 但個酥皮就幾好食喇 ⚑⚐゛英式鬆餅 附上忌廉或果醬 呢個refill我食左三大件 佢鬆餅口感做得不錯 少少煙韌又唔會乾 ⚑⚐゛Caramal & Apple Rooiboos 茶類都有九款可選 重點應該係提供左個貴婦茶壺🫖茶杯享用 不過我點左個從未飲過既果茶 味道就有點兒哪個🤣 呃下like 都很可以😌 ⚑⚐゛Ice Americano 美式咖啡味唔酸仲幾有豆香味 ✰ 整體食物中規中矩 當係環境取勝啦 ✰ 由門面到座低果陣打卡位處處 ✰ 幾款咸點唔夠暖 多士同樣都淋左嚕 唔夠脆口 ✰ 雖然餐廳想做到fusion 菜想整多啲花款mix and match 但唯獨味道做唔到想像中既層次豐富 ✰ 除左環境好 仲有位超好客既經理幫客人影相 ✰ 分12/3/6pm 三個時段 每節兩小時 ✰ 另收加一服務費 ✰ Book 位需要到地既網頁訂座為最update

沒有精緻裝潢 沒有什麼簡約日系風 位處於灣仔銅鑼灣交界收既係親民價 晚餐時段兩人豪食到飽都哂連埋甜品都只係$250 其實一個人叫個餐五十零蚊都會有交易 ⚑⚐゛鰻魚豬軟骨飯 原條鰻魚絕不嗇色 豬軟骨煮得夠哂軟淋 仲要俾足三大舊 又夠哂入味 ⚑⚐゛香港人雜扒飯 香港人日常食材 煎雞扒 午餐肉 廚師腸 加隻荷包蛋 好香港地道會食既野 煎香既午餐肉無得輸 ⚑⚐゛勿忘初心 出街食餐飯想食多啲蔬菜🥬 單點多個菜啦 呢味係蜜糖菜心 甜甜地食既菜心幾過癮 ⚑⚐゛蝦多士 雖然上菜時唔係超熱辣辣 不過多士出奇地乾身脆口 ⚑⚐゛雲耳魚片浸勝瓜 用小燉盅俾左好多材料落去 好真材實料 勝瓜都唔會煮得太淋 ⚑⚐゛跟餐屬於香港人養生系支裝飲品 養生系列飲品都有菊花蜜同杞子蜜材料既量都多 唔邪惡之餘仲養生添 真係飲左都無負擔 ⚑⚐゛開餐輕量版 跟餐 食飽飯食返少少甜野先為之叫完滿 餐廳好貼心咁俾兩款甜品我地揀輕量版既芋圓 我地揀左抹茶奶凍配紅豆+ 寒天+白玉 奶凍是真的有抹茶🍵味 芋圓口感煙韌 整體不過不失

行過鼓油街見到好多新餐廳 平日收工都好少出街食 呢日男友約我 我地偏偏唔聽話 入左去一間唔洗排隊既 咁就出出地事( •᷄ὤ•᷅) ⚑⚐゛香酥綜合拌麵 價錢唔算平 不過帶有四款台式餸 ¹鹽酥雞 ² 魷魚鬚 ³滷肉 ⁴ 香腸 兩款炸物唔算太差 只不過唔係新鮮熱辣炸出黎 亦無平時既鹽酥味粉 同埋無乜味道 滷肉就係肥豬肉一堆 拌麵份量多 不過麵煮得較淋 上面係蔴醬質地既醬 味道就比較濃 除左條腸 其他都食唔出台灣的味道 ⚑⚐゛自製多工水餃🥟 自製水餃係韭菜豬肉餡 上菜時剛剛蒸起熱到出哂煙 不過神奇地煮到無哂韭菜味🤨 淡淡的 咁正好俾個機會試佢地個自家製辣椒豉油 辣味指數直接上升🔝 幸好既係水餃皮唔算太厚 ⚑⚐゛芋泥肉鬆蛋餅 眼見每檯都會叫蛋餅 我又點返份啦 兩款餡料量都偏少 芋泥比較稀 食唔出芋頭味 肉鬆都無咩味道 ⚑⚐゛BB 熊珍珠骯髒乳🧋 完全被賣相吸引而叫 黑糖珍奶 點左少甜 飲落完全無茶味 熊係舊冰🧊而且由另一支飲管督起 但隻熊永遠都滑唔到落黎 佢完全同杯珍奶離線 係舊裝飾品 要讚的話應該係珍珠幾彈牙啦 ✰ 其實我覺得嘢食普通都算 但服務態度真係麻麻 ︎︎我地拎住比較多野 而你點餐前同點餐後 都試過問佢可唔可以調去卡位 佢答你出面有人等緊位 當時無人等緊位之餘 仲要有三張吉枱 ✰ 餐廳堂食但用即棄木筷子 感覺比食大_樂更頹 ✰ 整體感覺不好👎