被長pizza吸引入去食，等咗5分鐘就有位。 不過聞說假日有時會排長龍。 入到到去環境舒適，坐門口不過風扇有啲凍，換咗入面位坐。職員態度不錯。 食物方面叫咗個牛油果他他沙律、signature pizza同ribs。前兩者好好味，個ribs比較乾，但點埋啲汁一齊食可以接受。 適合一班朋友嚟，叫個長pizza傾吓偈 將軍澳比較少入去嗰頭 如果再經開嗰頭下次會想再去試埋其他款式pizza

朋友聚餐有人話想食燒肉，朋友喺Google map見到相呢間啲肉好似好正就揀咗呢間試晚市任食 我哋六個人，坐咗中間長枱 點餐幾特別，唔使叫職員，掃QR code就可以喺網頁自己點餐揀嘢食/加單，可以幾個人同時各自點自己想食嘅嘢 Menu上有一大堆牛雞豬肉揀，也有一些蔬菜、刺身、壽司、熟食等。 數量有點有趣是以件計，刺身一片一片咁點咁緊係先每款一件試吓，另外先點個三文魚湯暖暖胃。 足咗一陣水大概五至十分鐘開始上嘢食 個湯唔係普通落粉嗰種味噌湯，飲得出裏面好多料味道好豐富。當中啲蘿蔔好入味，好飲，係一個有誠意嘅湯。唯獨個人覺得略嫌偏鹹，少點鹹味更好 炸物點咗一堆試，當中明太子雞翼印象最深刻，之後都有再encore。 刺身都算幾新鮮。甜蝦好味，不過翻點最多嘅係帶子。好鮮味，點咗不下五次 上完刺身就係時候就點定一堆肉嚟燒 肉嘅種類繁多，淨係牛肉都十款八款 內臟我自己無點，但聽到同行嘅朋友話鹿兒島薩摩赤雞肝同雞心好食，會食內臟嘅人可以試吓 我自己點咗雞肉，望落啲肉赤紅色幾特別，以前未見過呢款雞。味道平時啲雞較重味彈牙一點，必試。 上咗肉之後就一直掛住燒同埋食，無再逐一影相。淨係影咗張燒肉嘅相。 牛肉一次過上晒，我唔係好分到邊款打邊款 但都好好味，肉味重油份香。但要特別注意燒嘅時間，肉需好但火喉燒老咗，口感同味道會大打折扣。我燒過一次鞋口之後我都係交返俾身邊嘅女人燒我負責食 另外，建議問職員攞點鹽，灑幾粒鹽更好味 最後甜品雪糕時間，居然有日本藍色嘅海鹽味雪糕，記得之前喺沖澠要排隊先食到，依家可以喺度食到，即刻食多幾個。仲有其他口味如抹茶同奶茶味都好有誠意。 總括而然，整體食質素都不錯，有幾款令人印象特別深刻。包括三文魚湯、帶子、芝士年糕、明太子雞翼、各款和牛系嘅食物 包括關東煮、冷蕎麥麵、同最後嘅藍色海鹽味雪糕。

去百老滙電影中心睇戲前食一餐，去到都不用等位直接坐。百零蚊一餐晚餐，食物可以，環境都算乾淨，係坐得逼咗少少。整體性價比算是okay的，是下次也可以再來光顧的餐廳