每次去日本都要預留一餐係去食鰻魚大餐，不過香港主打鰻魚既餐廳唔係好多，所以一直都要等去旅行時先有機會大食特食。 鱻88日本料理簡直係我救星，地點就位於廟街附近，裝修以日系木材為主，坐吧枱位仲可以一邊睇住師傅整野食一邊大快朵頤~

Menu除左鰻魚Set其實仲有壽司及其他日式料理，不過壽司周圍都有得食喇，梗係揀返$488活鰻魚set。 前菜係個帶有柚子味的沙律，而魚皮都係用返鰻魚皮去做的。柚子味十分清香，夠晒開胃。 刺身三點就夠晒新鮮而且份量頗多 真係第一次食用年糕包著鰻魚既配搭，感覺好特別。年糕十分煙韌有糯米味，而中間既鰻魚就脆脆地，加埋一齊食口感都幾豐富。 鰻魚天婦羅係包左紫蘇葉一齊炸，紫蘇葉獨有既香味係可以免卻鰻魚既膩口感。 活海鰻籠仔蒸飯滴滴骰骰份量剛好，事關之前已經食左幾個料理，食埋呢個飯就足十成飽了。鰻魚魚油滲晒落下層既飯度，真正完汁完味！ 活海鰻玉子蛋糕本身都諗住會好怪，蛋糕有鰻魚味喎～～ 誰不知其實兩者都幾夾，鹹甜參半。
一個價錢可以試晒咁多款鰻魚料理真係好滿足，最驚喜係連鰻魚蛋糕都有真係估你唔到！

香港仔茶飲店一直都是來來去去兩、三間，而且還要是大型連鎖式經營，真係飲到厭。星期六經過香港仔中心看到水牌見有新茶飲店，作為香港仔人一定要去試一試，反正即使中伏都只是蝕30蚊而已。 上到商場一樓，兜兜轉轉都沒有發現”里的茶”身影，還以為根本未開張，幸好有管理員在場可以查詢。一問之下才知道原來是在泰國菜那邊，走廊走到盡頭的右邊就是”里的茶”的小店了~ 原來新張期內有買1送1優惠，好彩冇走寶！ 設有自助點餐機，而且店面光猛十足，飲品製作區亦唔會過於狹小，跟一般只得兩個身位的茶飲店截然不同。 草莓芝芝冰茶 $33
頂層的芝士奶蓋十分濃厚，芝味爆燈！即使慢慢飲都不會跟下層的草莓冰混和。 芒果芝芝冰茶 $31 (買1送1後免費)
因為芒果果肉本身會比士多啤梨甜，所以即使兩杯點了相同甜度，但呢杯飲落會比草莓芝芝冰茶甜一點。
經打爛後的芒果蓉香氣撲鼻，而且跟芝士奶蓋亦更加夾！


以後香港仔終於有果茶飲！

黑炭黑蒜蓉包 $60


呢款蒜蓉包同平日食到的有啲唔同，正常係會蒜蓉加牛油鹹鹹地，但呢個黑蒜蓉包係加咗層蜜糖甜香味，外層少脆而中間鬆軟，幾掂~





白酒橄欖牛油煮蜆 $108


西餐廳食一個白酒煮蜆九成九都要過百蚊，而呢到只係一百蚊剛剛出頭，價錢合理。最欣賞當中嘅檸檬味，酸味開胃之餘仲令到成件事多咗層次，唔會淨係得牛油同酒味。





酥皮黑松露Pizza $138


第一次食酥皮底嘅pizza，切嘅時候會有啲倫盡，酥皮碎會跌到張檯污糟。但味道嚟講黑松露係超香，芝士味濃但唔覺膩，而且食酥皮底我覺得會無咁易飽，所以兩個人食一個pizza都okay~

香港人除咗鍾意食自助餐之外，仲好鍾意打邊爐，
真係講得上一年365日，無論天氣幾多度都可以打～




三百蚊價錢有花膠湯底，有海鮮，一啲都唔貴，
不過平並唔係重點，最緊要睇吓足唔足料先。


一大碟花膠，再加半隻雞做湯底，
兩個人食都已經好飽。

煲緊花膠嘅時候可以食住小食先

值得讚嘅係呢到啲服務好好，個湯煲起咗就幫我地一人裝一碗飲原味。

海鮮好豐富呀！不過手切牛肉份量就少咗啲
龍蝦有膏，咬落有種非常新鮮嘅甜味


以下呢啲係任食嘅，冇諗到象拔蚌都有得任食




另外有樣得意野就係like呢到個page就可以俾代幣你去夾海鮮
有龍蝦＆花蟹！！

雖然我同男朋友都夾唔到，不過我地嘅隔離枱就夾到兩隻花蟹～ 好羨慕


野飲夠晒大杯，打住邊爐飲冰凍野又係好正～

呢間okay～ 可以再戰！

如果要我這輩子只能吃一款蛋糕到終老，我一定選西瓜蛋糕，我說的是 一 定 ！ LIFETASTIC在西環那邊，現在有了地鐵就方便得多了，就在香港大學站B2出口的對面。西瓜蛋糕經多間媒體報導後已非常有名，不過晚餐我卻是第一次食。 Set Dinner彈性頗大的，我跟男友的食量都不算小要個Set C已經夠飽了，如果是兩個食量大的男生便叫Set D吧~ 香煎蟹餅配牛油果 蟹餅中的蟹肉就夠多了，不過溫度差了一點點。 蘑菇湯 不會攪拌到蘑菇完成溶化，有咬口反而更合我心意。 美國天然豬扒架配蘑菇忌廉汁 對這道本來沒有太多期望，因為在外吃過太多令人失望的豬扒，大多都又乾又鞋，不過這晚反而有點驚喜，肉質尚算嫩。 全晚最好食的就是這道意粉了，帶子只有兩隻雖然覺得少了點，但SIZE真的很大，肉厚而且中間肉鮮嫩！意粉的忌廉香味叫人欲罷不能，一個人食未免太heavy，兩個人share食就剛剛好了~ Dinner Set加兩件蛋糕，而最有名的西瓜蛋糕則要加$20，當然要加！ 跟我記憶中的味道一樣，蛋糕整體不甜，上層的開心果碎+玫瑰花形成了有口感又有趣的香氣，平日一般都不喜歡在食物中加入花味，太似香精，但這件蛋糕的花味不會太濃太假，只有淡淡的一抹花香。 而下層的蛋糕跟Cream則軟滑無比，中間的西瓜一咬便有很多西瓜汁標出XD 除了西瓜蛋糕外我未有想到有任何蛋糕能做到果汁四溢的效果~ 味道太甜，而且不覺有鹹味，早知再加$20要多件西瓜蛋糕~~
飲品非常大杯，十分抵飲！

食物水準還不錯，如果蟹餅是新鮮熱辣的這晚就可算Perfect了~
值得一提的事雖然這裡的員工都忙到氹氹轉，但禮貌方面是100分的！

自從去完台灣品嚐過養生鍋的味美，就一直心思思想再食到台式火鍋。今次朋友帶路我地一行三人去到旺角呢間焱手工涮涮鍋，不過個人感覺油麻地地鐵站會近D~

踏正6點未開始有其他客人，所以我地無BOOK位都可以有卡位坐。

都係打算叫套餐，一個係粥底，另一個就有好多湯底揀。

柚子沙律 + 麻香蟲草花
平日食蟲草花都係蒸餸上面有幾條，但呢碟就有好多蟲草花令你食得好過癮，爽口又重麻香味，清清地已經足夠。

叫套餐有個優點，就係醬料不用再另外收費。

向來都認為醬料一定要加生蒜及指天椒，最簡單的材料已好夠味，其他沙茶醬我就覺得太濃味唔適合自己了。

食完前菜沙律，湯底都上檯了。我地揀了招牌焱羡目光湯底，火焰清酒煮蜆+養生人蔘藥膳鍋+青花麻辣鍋。

鍋中間果個位職員會先將蜆炒香，之後加入清酒，蜆雖然細隻但食落無沙而且充滿酒香。麻辣鍋我本人就覺得不太辣，都係麻味為主，不過朋友平時不愛食太辣的就認為辣味剛剛好了。

海鮮拼盤會視乎當天的來貨而決定，所以天天都不同款而且保證新鮮。海鮮我就推介要放入清酒湯底，因為味道唔會蓋過海鮮本來的鮮甜味。蟶子非常新鮮又甜~!

響鈴每人會有兩件，叫得珍寶響鈴果然十分大件。

呢份拼盤就較多元化了，不是清一色肉丸，連墨魚膠都有，而豚肉餃子是最正的，因為餡料加入了黑松露，入口陣陣香味。

肉料我們加了每位$38，點了手切Prime肥牛，不要睇小這一碟牛肉，食落就覺得份量很多了，簡直是超出了我們幾位女仔可應付的範圍，好彩肉味濃而且無渣。

還有個蔬菜盤，飽到上心口。

最後有個奶凍甜品，味道幾好不過朋友唔鍾意奶製品就覺得唔啱食了~

$350左右一位，湯底有誠意、海鮮及牛肉又夠高質，價錢當然不能與物價低的台灣相比，但在香港來說已經算抵食了^^

很久沒有到過Grill Room，每次在沒有預訂的情況下，一打開Lift門已見全場滿座，我們還是原電梯離開吧，明天請早。

這晚終於有經Openrice網上訂座，還有飛行里數可儲。

 來到Grill Room當然要食牛扒，一於要一份燒美國安格斯眼扒另加兩隻燒蝦。

巴馬火腿溫泉蛋配黑松露筍沙律
非常精緻的一道前菜，雖然小巧，但賣相簡潔高檔，露筍滿載黑松露香氣之餘，嫩滑有致的溫泉蛋跟巴馬火腿配合起上來就是個一鹹一淡的好搭擋。

燒美國安格斯眼扒 $398
5成熟的肉眼扒上檯了，豐富肉汁在扒的表面已清晰可見，雖然帶有少許筋但可以接受。切開中間是令人垂涎的粉紅色，太享受那滿腔肉香的滋味了~

旁邊的薯泥亦不容忽視，牛油香氣突出而且薯蓉非常軟滑，巴不得要多來一份。

加$58可享燒大蝦兩隻，在蝦中間界上一刀，把蝦腸都挑乾淨，入口惹來陣陣炭香味。

最後是酒香跟咖啡香並重的Tiramisu，雖然在吃完牛扒後已經很飽，但還是乖乖的把這份精美甜品吃清光。

單憑一件出色的炭燒牛扒已令我想立馬再來，難怪Grill Room越做越旺，一檯難求。

自己同身邊朋友都踏入適婚年齡，所以近期不停收到炸彈XD 除咗有朋友訂定今年5月喺Clubone時尚康山擺酒之外，我喺1月尾亦去咗沙田萬濤飲舊同事果餐。 我都係第一次喺Clubone飲，原來侍應係會幫忙分餸的，因為我果檯我只認識4-5位前同事，有人分埋餸就食得冇咁尷尬啦~ 鴻運脆皮乳豬 第一味例牌係乳豬，皮夠脆但有少少肥，每人分咗兩件之後仲有幾件剩低，夠食有餘啦。 野菌泡蝦球 野菌就唔係好多，反而似甜豆炒蝦球先係主角，蝦球大隻又爽口，而且味道清淡唔會以濃醬汁為主，有時好怕去飲每個菜都加XO醬。甜豆雖然同荷蘭豆好似樣，但甜豆嘅豆莢會比荷蘭豆肥厚D，味道又甜甜地。 百花海皇卷 外皮炸到鬆脆又夠熱，我一向都鍾意食海皇卷，咬開中間有好多菠蘿酸酸地十分開胃。本來都希望有人唔食炸野，我就可以分多件，可惜個個都食晒XD 珊瑚扒翡翠 原本以為係珊瑚蚌炒西芹之類的物體，原來係蟹肉扒菠菜就真。白色醬汁落咗好多蟹肉去煮，食到啖啖蟹肉嫁！而且菠菜個莖係中空狀態，所以更易吸汁！ 雲腿雞絲燴花膠 去飲我一向都不太熱衷於食翅，用花膠仲好過魚翅啦，環保又養顏。唔好以為金華火腰絲就咁放面會唔入味，雲腿甘香味其實10級濃郁撲鼻~ 清蒸海石斑 平日我都唔係太鍾意食魚，唯獨是去飲可以食到嘅海斑例外~ 好幸運我分到魚背多肉又冇骨嘅部份，夾埋大棵蔥段一齊食真係滋味無窮~ 翡翠蠔皇鮑片 終於食到一個較為濃味嘅菜式，蠔皇鮑片向來是個天仙配，但底下的生菜卻真正令我一試難忘。印象中我只有喺國內先可以食到爽甜嘅生菜，無諗到生菜雖然唔係呢味餸嘅主角，偏偏比主角更突出，一咬爽脆又清甜。 脆皮吊燒雞 呢一味我之前同屋企人喺尖東薈ClubOne食過，同上次一樣咁好食~ 外皮經油泡後極度酥脆，但食落一啲都唔覺得油膩，隻雞本身脂肪唔多所以唔洗怕食到成口油。師傅醃雞嘅味道比例亦調較得宜，因為過多鹽份會令到肉質太結實，而家少少鹹味就唔會掩蓋雞隻自身嘅肉香了~ 砂窩雞絲飯 食到呢刻已經有7成飽，平時飲宴中嘅炒飯 &伊麵我通常都只會二選一，但眼見今餐炒飯及伊麵賣相都非常誘人，所以兩樣都食晒~ 雞絲飯粒粒分明夠乾身，食落覺得幾夠鑊氣。 龍芽花菇炆伊麵 伊麵同樣出色，面頭大花菇肉厚又炆得夠入味，咬落好Juicy~~ 意式泡芙酥 + 蓮子百合紅豆糕 好有心思嘅甜品，終於唔洗食紅豆沙同西米露~ 紅豆糕咬開中間有爽口百合，如果可以俾我食多十舊八舊就更好了。 終於有機會食到Clubone婚宴菜，冇諗到Clubone一向都以裝修靚而聞名，而原來金玉其外，內在嘅食物質素亦相當有水準~ 雖然廚師功力係先決條件，但都要靠侍應們夠眼明手快，先可以keep到每味餸都咁新鮮熱辣嘅~ 在此祝賀一對新人佳偶天成，甜甜蜜蜜！

每次經過APM都見到神山麵屋門前人山人海，這晚跟男友早收工就一於在人潮出現前試一試長期出現人龍的真正原因。


餐牌上的選擇都頗多，除了主打沾麵之外，亦有拉麵及各款小食。不過沾麵的湯底依正宗做法，所以溫度大概會維持在60度，我向來喜歡食物熱辣辣所以便揀選了拉麵~ 雙色牛舌
冷盤小食先上檯，此為牛舌兩食，有清淡版本亦有濃濃醬汁，酸酸甜甜所以覺得很開胃，牛舌鬆軟不會騷。神山湯餃子 餃子先輕煎過然後放入濃湯中，雖然被湯浸住但餃皮都不怕散開。唐揚豆池魚 全晚最推介的小食，小魚炸到鬆脆香口，全條魚都可以放入口食~茄子披薩 以茄子代替了平日Pizza的餅皮，加入芝士及蕃茄醬等使味道香濃，不過不論視覺上或是口感都太油膩。黑神山沾麵 不要被污卒卒的沾麵嚇到，其實湯都只是面頭那一層油份是黑色。底下的湯都是清澈的，而且為免沾麵口感會太膩，所以湯的質感不會過份杰身。 入口充滿了黑蒜油香，每一口湯精華都不能放過。 蕃茄叉燒拉麵 真正落足料的蕃茄湯跟平日食到的色素湯望落截然不同最特別是湯中加入了薯蓉波波，令湯底變得更濃稠。 溏心蛋的生熟度準繩，蛋白質感軟滑，蛋黃更是100%流心狀態。


拉麵及沾麵的價錢都尚算適中，而且服務十分抵讚~

平日總覺得每間餐廳都有其優劣之處，通常意粉飯好食，前菜又會差少少，或者甜品出色，就會忽略了餐湯。今次來到觀塘這間Give Me 5，雖然跟地鐵站有少許距離，但這晚所食的每樣食物都出乎意料地好~

Give Me 5 環境比想像中要大，一列卡座配上大玻璃可以遠望街外景色，如果不要求要到高級餐廳，我覺得這裡也挺適合慶祝紀念日或生日甚麼的。

現有$10隻生蠔優惠，不過每人限叫3隻，我跟男友不會放過機會，一於要半打試試是否圖片只供參考。

Menu選擇都頗多，主菜可以單點或加錢做Set，本想叫一個烤雞Set + 一個意粉及其他小食，但落order時侍應哥哥說會太多，所以就cancel了意粉。

生蠔都算大隻，其他餐廳都有用$10隻作招徠，而且不限隻數，不過試過發現又細又冇肉，反而這裡雖然限隻數，但質素超班才算真正值回票價。

周打魚忌麻湯
餐湯大碗到夠兩個人飲，所以叫一個餐的決定絕對正確，蒜蓉包有兩塊，溫度足夠而且外脆內軟。

蜜瓜西班牙火腿配黑醋汁沙律
跟Set的前菜賣相都幾討好，Parma ham份量不少而且鹹味得宜，配菜方面就以燈籠椒為主，男友天生不愛吃燈籠椒，我就覺得甜甜少少辣都幾得意~

香辣單骨雞翼 $48
睇樣都知炸得恰到好處，質素好食過連鎖炸雞店10倍左右，皮薄肉又juicy，不過辣味比較輕，我相信即使不好辣的朋友都會喜歡。

墨西哥薄餅配蕃茄沙沙及牛油果醬 $60
侍應哥哥推介的，食落似Pizza不過餅皮就又薄又香脆，中層的芝士與青椒及粟米等融合在一起，然後我發現蘸上冰凍的牛油果醬就更有層次~ 又凍又熱~

法式原隻黃油雞伴黑松露燒汁SET $158
一上檯已經聞到超級香噴噴，雞皮少少脆而肉質鮮嫩又有汁，加上個黑松露燒汁真係不得了，好味程度是我鍾意食個汁多過隻雞XD 薯角大舊厚肉，連皮炸食完很香脆，調味適中，食完真的非常飽肚。

芝士餅雪糕
跟Set甜品味道是高質的，不過賣相太平凡，如果可以加錢upgrade其他甜品就更好了。

抹茶朱古力心太軟 $68
另加的甜品，在這一款跟鮮果拿破侖之間掙扎了很長時間，最終選擇了心太軟。上檯時間都算快，一切開中間便流出溫熱的抹茶漿，雖然杰身不過甜度實在適中。這道甜品真是又好睇又好食，下次可以試鮮果拿破侖了~

其他甜品都好靚的，有機會要相機食先。最後埋單五百蚊鬆啲，飽到要去散步先落到格，認真抵食~