行完隔離永安 黎尼到食個晚飯。 今次係第二次黎食！ 個二人套餐好抵食$388 有半隻雞連湯底，包一碟牛，煲仔飯同蔬菜。足料又抵食。 真係好滿足。 椰子雞湯底清甜，雞件足料，嫩滑多汁。肉質爽脆，一D都唔「梅」。 套餐包的肥牛，絕不馬虎。 肥牛 脂肪與肉的比例平均，入口即溶。脂肪與牛肉的味道融入口腔。好味道👍👍 再配埋個煲仔飯。好有廟街特色。 今次加左$20食個新推介的白鱔飯。 白鱔肉質彈牙，煲仔飯好正宗。好多飯焦。鍾意食白鱔 必點！

荃灣愉景新城開左間炑八親子餐廳。仲開埋個烘焙工作坊。作為粉絲的我同囡囡都想黎。所以book左個整麵包🥖的烘焙班。尼到仲有好多其他烘焙班，例如整蛋糕、曲奇、馬卡龍等等工作坊。 工作坊的環境好岩小朋友黎玩。有小朋友的圍裙、墊高椅及其他工具供小朋友用。我同囡囡都玩得好開心。 整個過程簡單，導師指導好清晰。囡囡好快上手。有6成都係囡囡自己整。👏👏😆 整個過程連埋焗要1.5-2小時。 等既期間可以係隔離炑八餐廳一路玩一路食。好方便！ 唔使白等。 囡囡仲話下次要整埋個士多啤梨蛋糕甘話🫶🫶

知道炑八係荃灣愉景新城開左間新店仲有間烘焙工作坊，所以同囡囡就黎又整麵包又玩又食！一舉三得。 尼到既波波池真係好吸引（對於小朋友黎講）。因為我個囡一黎到粉紅波波池就嘩嘩聲，連最愛著的韓服都唔著。淨係顧住玩波波池。玩到唔捨得走。 食物方面。我地叫左頂級箱降牛小排 、仁川鰻魚（全份）及芝士無骨炸雞全份。 燒仁川鰻魚真心超級無敵好食！ 燒仁川鰻魚真心超級無敵好食！ 燒仁川鰻魚真心超級無敵好食！ （重要的要說三次！） 燒到皮脆肉嫩，肉質彈牙。 好難得係香港食到甘好肉質的鰻魚。 一定要叫！必食！ 另外，牛小排的牛肉味濃郁，肉嫩！ 而芝士無骨炸雞🍗，炸出黎新鮮滾熱辣，皮脆多汁，好juicy. 唯一美中不足的是唔夠芝士，對於芝士控的我黎講，要好多先夠嫁嘛🫢 我地叫左「韓國公主蛋包飯城堡」及「蝸牛紫菜飯卷」俾小朋友食。 每次黎到炑八食飯都好驚喜。因為佢嘅兒童餐真係又靚又好食。 小朋友同我都食得好開心。因為我都有份食😆。 甜品方面，我地叫左「水果忌廉三文治」 、「蘋果香蕉窩夫」及「水果迷你班戟」 水果忌廉三文活造型好cute!係熊仔🐻。 用三個甜品完結左我地今日一舉三得的行程。好滿足又開心呀！ *餐廳真係好細心。仲有糊仔餐提供。岩晒6個月大的小朋友過黎！

有小朋友後，就留意多左親子餐廳。尼間係周圍朋友都極力推薦的親子餐廳。食物好味又有地方比小朋友玩，環境又舒適。岩晒一家大細黎。 服務又一流。餐廳入面的員工仲幫小朋友著韓服，既溫柔又親切，睇得出佢地都好鍾意小朋友🥰 就黎聖誕，餐廳仲好有心設計左尼個兒童聖誕節套餐：聖誕老人禮物便當&聖誕蝴蝶粉花園。好有心思，靚到唔捨得食。味道仲要唔錯Tim. 我地叫左三味牛小排，牛舌（大蔥）、厚切五花腩&大蜆。 鍾意食牛舌既我，去親燒肉都要點牛舌，尼間牛舌夾埋大蔥，認真惹味。 牛小排又係推薦之選👍 大蜆燒完啖啖肉，又無沙。 服務員見到我地燒晒牛肉同海鮮，仲主動話幫我地換左網先燒厚切五花腩。 厚切五花腩燒完後，一口咬落，脂肪溶在口腔中，好juicy，又惹味。 燒爐旁邊仲有拉絲芝士粟米&泡菜蛋，小朋友同我都好鍾意食。仲可以不停refill.真係好滿足。

今晚黎個韓國之夜。 去喜來稀肉燒下韓燒。 入到場，有自助區。可任拎生菜，泡菜及醬汁等等的配料。 另外，一讚既係服務一流，燒左唔夠一round,已經有員工主要行埋黎幫手換鐵板。我最鍾意既係佢用真牛油放係鐵板上面。令整個韓燒更有牛味👍 講番主菜🌟🌟🎉 喜來烤肉 $158 牛肉黎。上菜時包到成朵花甘，好有儀式感。燒起喜來牛肉，濃濃的牛肉香味迎面而來。一塊塊牛肉配埋牛肉醬一絕。唔使包生菜，先食到牛肉的原汁原味。 五花肉$180 厚厚的五花肉係韓燒一定要點的。 燒一燒，‘炸炸’聲，已經急不可待地等呀等呀。終於食得，一咬落塊豬肉味濃郁，脂肪溶入口中，肉質多汁鮮嫩。再包埋生菜同其他配料，中和五花肉的肥膩。 好滿足。 牛排骨湯$125 好想飲湯，尼個牛排骨湯要點，清清的牛肉湯，熱騰騰的，湯入面有大蔥，韓國粉絲作配料👍👍 今晚尼個韓國之夜好滿足。

心血來潮想食燒肉，去左瓊華中心16樓的「本場」。經店員介紹，我地點左人氣no.1 的極上牛小排海鮮放題。 首先，坐位闊寬，唔會好逼。光線充足。環境舒服。 另外，叫餐方式係掃描QR code。不用自己行出去拎，岩晒我尼d懶人。 重點，食物終於上枱啦！ 極品牛小排必點 真心好味，脂肪與肉的比例平均，燒到中期，牛的香味撲鼻而來，十分肚餓的我已經急不及待想食啦。入口軟身，脂肪同肉汁停留在口腔中，果然係必點之選。對得起個價錢有凸。 牛頸脊必選 牛頸脊比牛小排薄身，入口依然牛肉味濃郁。 牛舌值得點 鍾意牛舌的我必點的。薄身的口舌，容易掌握火喉，燒一陣好快食得。正！ 豬大腸 我老公最愛的豬大腸。好味道！ 小食方面： 我點左海蜇沙律。岩晒鍾意食海蜇的食家。唯一缺點係咸左少少。 蟹子沙律必點 我最鍾意既係，尼間有生菜同泡菜提供。可以包住肉一齊食。岩晒鍾意食生菜包的我。 仲有好多其他肉類小食同熟食飲品甜品，不可盡錄。大家可以黎試下 最後，有movenpick 雪糕做完結。好豐盛好滿足

尼間想食好耐。成日見人排長龍，都唔得閒去排。今次終於比我食到。 佢個名叫「姚姚酸菜魚」必點酸菜魚。我地又加左闊薯粉&中辣。分量好多。 魚味十足之餘，酸菜魚酸度全面升級！！又酸又辣，好過癮！ 另外，我地仲叫左麻辣香鍋：鮮蝦、脆皮肥腸、花菜、蓮藕片&豬頸肉。 分量十足，又麻又辣。 鮮蝦外殼炒得好乾身，蝦又夠嫩身。 肥腸又正又惹味。 花菜同蓮藕片唔使講，係麻辣香鍋的絕配。😍 配埋杯茉莉香橙🍊，好夾又解渴！ 總括來說，分量多，味道正。唔怪得甘多人排隊。 唔食得辣嘅朋友仔，可以食姚姚蕃茄魚。

放工同老公拍拖。我地兩個都好鍾意去泰國旅行及泰國美食。所以今晚就黎個泰國之旅。我地去左尼間平時都食開的「小曼谷（南角道）」。 一睇餐牌，真係樣樣都想食。 尼間小曼谷細細間，環境好乾淨又光猛。待應態度好好。老闆親自推介食物。 第一，黎個前菜先， 「酸辣牛小排沙律🥗」 必點。佢既牛小排係必食之選。牛肉好重牛肉味，再配埋小小牛脂肪融入口腔中，酸酸辣辣刺激住味蕾。再配埋洋蔥，生菜等，真係好惹味又唔肥膩。岩晒我地keep fit中又想食肉的女士。 另外，如果你係超級食肉獸。更可點「極上燒安格斯西冷牛小排」。我見隔離枱點左尼個。簡直啖啖肉。（隔離飯香😂） 第二， 主菜：「咖喱大頭蝦」 咖喱汁配埋泰式薄餅，真係好夾。絕配。咖喱好濃郁，裡面仲有少少洋蔥絲，令整個咖喱有少少甜味，更清新。 重中之重係隻大頭蝦。大頭蝦有我隻手甘大，仲要啖啖肉又有蝦膏。食到舔舔脷 配菜：馬拉盞椰菜苗 好懷念泰國既味道。今日終於食到我最鍾意既馬拉盞椰菜苗。雖然d椰菜苗唔係我想像中既苗寶寶，但勝在夠鑊氣，椰菜苗好有咬口，一點都唔老。 我地再飲埋必點椰青同泰國啤酒。真係好滿足。 今晚的「泰國之旅-小曼谷」篇終於到尾聲啦。要落機啦！

今日經過厚福街，經過尼間立食壽司店-翔壽司。今日好想食壽司🍣，所以即刻入左去啦！ 話明立食，即係企係到品嚐美食啦。對於鍾意食壽司既我，當然要融入店鋪文化。 入到去企位其實唔多，大約10個左右。個個都企係到品嚐壽司，一路傾計一路食一路同壽司師傅傾下計，係一種享受！ 我地叫左兩款食物：翔-迷你蔥吞拿魚腩丼&特上壽司拼盤。 食物終於上台啦，見到d壽司好新鮮😍😍。另外，壽司飯係紅啡色甘，一問之下原來壽司飯係用左赤醋。特上壽司拼盤（10件）件件都好好味。最為突出的是吞拿魚腩壽司，蝦壽司，吞拿魚腩壽司入口即溶，吞拿魚的脂肪溶入口中的味蕾中，齒頰留香！！蝦壽司好鮮甜！！仲有我最愛的海膽軍艦和三文魚子軍艦。海膽軍艦上的海膽入口即溶，在口中與壽司飯形成美味的味道。仲有三文魚子軍艦中，粒粒三文魚子卜卜聲甘在口爆開，三文魚子內的精華溶入口中真係人間美食呀！！！ 仲有，翔-迷你蔥吞拿魚腩丼。雖然話迷你丼，但都幾大碗，絕對有分量。吞拿魚腩丼係將吞拿魚腩肉切碎然後配上蔥甘食。好好味呀！😋😋 高質的立食壽司店👍

想搵個靚景配美食的餐廳同老公撐枱腳。係openrice就搵到尼間位於彌敦道726號的sky726.（餐廳名同街既號碼一樣😆😆）有9折優惠而且有靚景。一早已book定位啦。 終於到左尼一個浪漫的晚上。我地懷著浪漫🌹的心情上去。我地去到已經見到全餐廳已經8-9成滿座。餐廳非常好。已一早安排窗口位比我地。尼到的環境真係好有氣氛。望埋出面個景真係好浪漫。 講番正題，我地叫左田園沙津，炸芝士青椒同焦糖低溫浸鵝肝作前菜。 田園沙津：平凡中暗藏玄機。表面上係普通一碟雜菜沙津，但入面仲有松子，醃製車厘茄，切片磨菇。增添更多口感同味道，仲有營養。食開沙津的朋友應該會好鍾意尼間既田園沙津。第一道前菜已經睇得出廚師的精心製作。 炸芝士青椒：將芝士釀係青椒入面，再炸。令到口感外脆內裡濃濃芝士，青椒夾在兩者中間，可減低油膩的感覺。這碟前菜味道濃郁。 焦糖低溫浸鵝肝：尼碟是我的最愛。之前都一直有講過自己好鍾意食鵝肝，今次黎到尼到，見到有種特別煮法，當然要食下啦。大大塊鵝肝表面有一塊薄薄一層的焦糖，醬汁及配料方面亦採用甜甜酸酸的士多啤梨醬及脆脆作點綴。鵝肝一咬落去，「卜」一聲，表面一層焦糖斷開。繼而係鵝肝的口感。當糖的甜味再配上鵝肝既味道，是可以中和到鵝肝的油膩的感覺。這碟菜式又見到廚師精心設計，知道鵝肝食多幾啖就會有油膩感，所以佢挑選左甜味作為緩和油膩的方式。亦增加了整道菜的層次及口感！推薦👍👍 去到主菜啦，我地叫左茄汁和牛肉碎螺絲粉及慢煮鴨脾。 茄汁和牛肉碎螺絲粉：本人本身對螺絲粉無咩特別想食，但見係店員推薦，就試下啦。一上台，同我想像中好唔同。唔係平時食開的賣相。原來係將和牛肉搞碎再配少少洋蔥粒釀係個大大螺絲粉入面，賣相就好似真的海螺甘。尼碟主菜的賣相已經好睇得啦。再試下佢既味道，味道配得上賣相。簡直係色香味俱全。又係一碟的用心製作。👍👍 慢煮鴨脾：尼碟味道有d似中式燒鴨。但佢既表皮同煮法都好唔同。而鴨脾脂肪同肉質的口感煮得好岩火口。最特別既係鴨脾表面既脂肪係有彈性，而肉質係一點都不鞋口既。脂肪同肉質在口中產生既味道，融合一體。 再以精美的檸檬甜品作最後的結尾。完美的一餐浪漫🌹晚餐終於畫上句號。 總結，好有心思的餐廳。食物絕對是精心設計。❤️❤️