同老豆下午茶,去左上海婆婆,二人點了兩個$30的下午茶餐
蕃茄牛肉拉麵
呢碗老豆點的,佢只係話麵彈牙
京蔥羊肉拉麵
京蔥羊肉食味普通,但拉麵真好彈牙
生煎包
一碟兩件,包底煎得香脆,內裡鬆軟而且豬肉餡多汁,這個不錯
京蔥手撕牛肉飽
一碟兩件,煎得好香脆,包的厚度適中但牛肉餡較為乾身,整體一般
凍豆漿
唔甜豆味好濃

環境好舒服乾淨,但服務就唔係咁好,因為由落單到上菜等左差唔多二十分鐘,而食物方面都可以呀,但就冇我預期中咁好啦

三人點了holiday set menu
小籠包
即叫即蒸,皮十分之薄,豬肉餡鮮甜而汁多,師傅手勢很棒!做得比夏麵館出色
四喜烤麩
有冬茄,竹筍,烤麩是手搣的,十分入味香濃
賽螃蟹
這個對辨,中間放了蛋黃,蛋白帶有酒香但沒有預期中的滑
糖醋魚柳
放入口時魚柳仍然是脆身的,糖醋汁做得剛好~不會過酸或過甜
豆辦菠菜
初時以為是豆辦醬炒菠菜,原來是毛豆炒菠菜,味道清清淡淡
雞火炒飯
即是雞肉碎+金華火腿+咸蛋黃炒飯~炒得尚算乾身且帶有咸蛋香
高力豆沙
入口時唔油膩~皮厚薄適中而且鬆軟,豆沙餡甜度適中
整體來說我都幾滿意呢餐飯~食物質素好唔在講,環境十分之乾淨,服務都ok既~
我會再幫襯的!
謝謝C小姐及A小姐的生日dinner!

與相識十載的友人聚餐
本打算試上海婆婆,但人太多了,只好選夏麵館,之前食過還不錯呢
賽螃蟹
一上碟不對辨,同格離台差好遠,人地果碟炒得好靚又大碟,我地果碟好啞色又細碟
一放入口就出事了,好鞋口而且好腥
小籠包
皮薄多汁,肉鮮~好味好味
河蝦兩面黃
不對辨,兩面黃係應該將烚熟的麵兩面煎至金黃,而唔係將麵炸!
而且個茨汁過咸,好難食,根本食唔到!於是同個侍應講話換過一碟,個侍應本來話換過一碟新的兩面黃,但我地問佢可唔可以換另一款,佢話可以,於是我地叫左上海粗炒,但個侍應好好心咁話因為入左單,差額冇得退返,我地話唔緊要啦,由佢啦~等左一陣上海粗炒到了,色夠但味淡,但總好過咸!
凍豆漿
個侍應知差額冇得退,好好咁話送兩杯豆漿比我地!杯豆味很濃而且夠凍!
食物質素比我第一次來的差
但服務態度好好,好細心咁問我地D野岩唔岩食,又不停添水,讚!

一星期前與相識十載的友人食飯後甜品,味道依舊不變
一星期後的尋晚與大食友人食,發覺唔同左
一星期前,友人點了芒果刨冰,我點了宇時金治
宇時金治
冰是較鬆散,好容易"畢"泥食,而且紅豆珍珠份量都幾多,醬汁是夠味的
尋晚友人點了榴槤忘返,我點了鴛鴦雙冰
榴槤忘返
散發著陣陣榴槤香味,久久不散,而且味道十分之香濃,愛吃榴槤的友人喜愛呢~
鴛鴦雙冰
一上台就覺得同一向食開都好唔同,冰是實的好難"畢"同埋有大大塊冰塊,好明顯d冰唔係刨出泥,係用個模倒出泥令到d冰死實實!而且我未食個碟底已經出好多水
另外芒果汁同紅桑子汁少得可憐,同以往差好遠呀!醬汁同冰mix埋食係唔夠味架!
只係一個星期姐,但質素可以差咁遠架....枉我仲成日幫襯.......失望........

讀書的時候偶爾會來歌和老街打波,呢間餐廳我偶爾都會幫襯~
今次帶傻baby試下~!
二人都點了套餐
我點了蘆薈什果沙律,春卷拼咖哩角,跟熱奶茶
傻baby點了午餐肉公仔麵,鹵水雞翼跟豆漿
蘆薈什果沙律
有哈蜜瓜,菠蘿,蘋果,士多啤梨,新鮮蘆薈及罐頭什果,沙律醬下得剛好,不會過漏
春卷拼咖哩角
即叫即炸,十分香口但味道只屬一般
熱奶茶
這裡的奶茶茶味較重,味道尚可接受
午餐肉公仔麵
我沒有試,但傻baby話味精下了不少
鹵水雞翼
甜度剛好而且鹵得夠入味
豆漿
試了一啖,不太甜豆味夠~傻baby好中意

環境光猛寧靜,而且十分之乾淨,你坐係度會覺得好舒服
食物雖平凡,但服務一點都不平凡,侍應禮貌周到,做野時好用心
有一女侍應由我讀書時已經係度做架啦~大大話話都有6,7年啦~突然間有感而發覺得依家既年青人一唔滿意就轉工,唔尊重自己的職業,但佢地比一般人更尊重自己份職業,十分之難能可貴

屋村大排檔依家真係已經少之又少~難得呢度近我同傻baby,我倆決定係勝利搵食
見到豉椒炒蜆 $18做特價,本打算order,點知賣曬...sad!
最後二人點了三送+兩碗靚仔
秘製蜜味骨
蜜味骨上鋪滿脆卜卜的腰果,骨本身醃得不夠味~茨汁味道略淡,只有淡淡的甜味~
秘製?!看來只屬普通!
豉汁蒸白鱔
掂!豉汁惹味,白鱔新鮮,鱔肉爽口彈牙!
冬菜魚腐浸菜苗
份量多~菜苗是白菜仔,冇沙洗得乾淨~魚肉好夠味,湯夠味,但兩者一齊食既話就略咸!
飯後送上紅豆沙
不太甜而且紅豆煲到起沙~
一碗不起眼的紅豆沙反而是全晚最有驚喜的!
埋單$154

與友人踩冰後極肚餓,便去宜家搵野食了~
二人點了
肉丸10粒配意粉
肉丸依然咁好味,意粉依然咁彈牙,不過如果要彈既話就係意份冇落salt去烚~
熱狗腸配薯蓉
熱狗腸重煙味,不錯~薯蓉挺滑的!
薯條
$8一大碟而且是粗身的,我至愛!
任添汽水
買10粒肉丸送的,我refill了兩次呢

韓燒個爐實在太難燒,就算落左油一樣痴底,而且爐位太細,d野食碌落打邊爐度,打邊爐仲把鬼,完全唔會滾!鐵板燒d油滴曬落打邊爐,搞到好似油浸水咁!見到都唔想食...
食物質素認真麻麻,韓燒又係大路貨色,好似豬牛雞等,得個甜字!
熱食有雞翼,豬腳薑,魚蛋,人參雞湯,泡菜等,咁多款雞翼最好,夠脆口!其他就一般!
另外有魚生及壽司供應,但一出就唔使30's就比人掃曬~
甜品有strawberry,朱古力mousses,jelly,格仔餅,豆花,雪條,雪糕,龜苓膏等~以朱古力mousses最好,雪糕味道好假,不吃也罷,只是貪過隱唧下~
總括來講d食物質素麻麻,環境方面燈光比較暗而且地下十分笠痴痴!服務態度唔見得好,特別係wear glasses果個男人!!!

點了套餐($28)
招牌鍋貼一客5隻,皮煎得脆身,內有椰菜,豬肉~椰菜新鮮爽脆但冇肉汁!
蚵仔麵線食味普通!內有少量大腸及蚵仔,大腸鹵過的,帶點甜香~蚵仔就口感奇怪,唔知點解D蚵仔外有D透明jelly狀既物體,淡淡的冇味既...究竟係咩泥架?
豆漿夠凍但豆味不足

收工後屋企冇飯開,唯有自己有自己
一路沿住皇后大道西行下行下行到生記門口,得知生記十分之出名鹵水的,便闖入開飯啦~
餐牌花多眼亂,我十分之三心兩意,樣樣都想試下,最終有選擇困難症既我選左鹵大腸拼鹵水鴨飯
先送上例湯,是夜是合掌瓜煲豬骨,湯不是太燙口,非常清淡沒有下味精
再來鹵大腸拼鹵水鴨飯,份量幾多,除了大腸同鴨外,師傅仲搭多件鹵豆腐呢!豆腐比較實,鹵得不夠但豆味重~大腸同鴨鹵得好夠味,鴨肉夠厚,啖啖肉而且唔會太肥膩,最重要入口唔鞋,好好味!
以$25呢個價食好野~抵!