*黑王（$98） 弟弟點的黑王加入秘製香味油，很香的墨魚汁味。 *限定王-海老王（$102） 同樣都是同豚骨湯底，加入海老油及櫻花蝦搖身一變成海老王； 中間的是微辣的肉碎，又辣又香。 肉片可以選擇肩肉或腩肉，可以一人點一樣就兩樣都可以試到； 肩肉瘦一點，腩肉雖然肥，但滑一點。 拉麵底不用多講，麵條有彈性，又煮到要求的偏硬的口感。 *豚王餃子王（$48） 餃子煎得外脆內軟，而且皮是薄的，肉汁多到爆出。 *秘製燒叉燒（$38） 秘製叉燒是燒的，燒得焦焦的，所以香口很多。 *富士山柚子汽水（$30） 唔會太甜，又帶點酸酸甜甜和柚子香，口味幾清新。

*冬陰公意大利飯 （$188） 意大利飯就食得多了，如果有fusion口味都會優先選擇特別嘅味； 意大利飯拌上大蝦、魷魚及草菇； 唯然烤大蝦得一隻，但意大利飯拌有多隻蝦，所以份量都夠的； 意大利飯口感適中，不會太淋。 *香煎鵝肝、安格斯牛肉配無花果醬&芝士漢堡（$138） 今日特別想食邪惡食物； 應該係全menu最肥的漢堡； 鵝肝入口即溶； 安格斯牛好多肉汁； 配上甜甜的無花果醬，可以中和一下油膩感； 而且少不了有芝士的咸香； 整個漢堡的味道都很有層次。 *炸雞翼配蜜糖是拉差醬&青瓜酸忌廉醬（$78） 雞翼沒有太多的炸粉； 是赤裸裸的炸雞翼； 而且是新鮮炸起的，所以非常夠熱； 雞翼配上兩種不同的醬汁，感覺不會單調。 *士多啤梨窩夫（$115） 兩層的窩夫外脆內軟； 配上厚厚的吉士醬和士多啤梨； 酸酸甜甜的，吉士醬亦有應有的奶香。 *薄荷朱古力奶昔 （$58） 奶昔多奶少雪糕，質感偏稀； 但味道很足夠，有薄荷的香，亦有粒粒朱古力。

今日上堂前同老公食飯叉叉電先 *MF Potatoes ($98) 這個我心心念念的千層薯條終於食到了！ 果然沒令人失望； 千層薯條很酥脆； 配上沙律醬及秘製的辣醬； 很有heart。 經理說這道千層薯條是一片片切好； 再疊起 然後要再壓住； 先蒸一蒸再拿去炸的； 所以每一口都是師傅的功夫。 *Meat Balls ($88) 肉丸配上兩片多士； 多士烘得脆脆的； 肉丸肉味濃厚； 而且番茄醬很濃郁。 *Avocado 2.1 ($138) 很愛牛油果的的我們； 點了這道牛油果併盤； 有水牛芝士、牛油果、煙三文魚、菠蘿莎莎同洋蔥； 可以自行配上不同的配料； 味道層次很豐富，有酸酸甜甜； 又有煙三文魚的咸香。 *Yogurt with seasonal fruit ($58) 酸酸甜甜的乳酪甜品； 配上最新鮮的生果及燕麥片； 減一減了前菜的油膩，好似restart了我的胃。 *Mango & Pineapple soda ($68) 個人比較愛酸酸甜甜的芒果配菠蘿特飲。 *Doubleshot iced fruit tea ($78) 老公點的果茶； 味道淡淡的，不會太甜。

好耐好耐冇食好西了
終於偷到一個平日的午餐時間和老公好好享受下
之前假期想食呢間 但太多人等所以放棄了
今日閒日walk in都有位



*蘑菇沙律
跟餐的蘑菇沙律；
蘑菇雖然係冷盤，但係烤過所以好香。


*忌廉粟米湯
粟米湯甜，如果可以再creamy點就更好


*煎西冷牛扒配燒薯仔($188)
五成熟的牛西冷，很重肉味；
而且煎得剛好肉又唔靭


*炸雞扒酸椰菜芝士漢堡配薯條($128)
炸雞扒好juicy，平時不吃酸椰菜都覺得好夾；
漢堡又塗上香口的牛油；
著條新鮮炸起夠脆！


*白酒煮青口($79)
香白酒忌廉很creamy，差點連汁都想飲了；
只配兩片法包唔太夠；
下次再來要留一下薯條配白酒忌廉汁食！



*焙茶疏乎厘pancake($125)
幾飽都好，甜品係第二個胃；
等了二十分鐘，五分鐘就KO了；
Pancake水準和疏乎厘pancake專門店差不多；
焙茶味這個選擇比較少見；
如果焙茶味可以再濃一點就好了！



*Apple crumble milkshake (+$40)
午市跟餐轉milkshake 補差額；
淡淡的蘋果味再加上crumble 粒粒；
好似食梗Apple crumble;
是特別的，可以一試。

不知不覺晚市無堂食已經三個月
已經唔記得出街食係咩感覺🥲

實在好唔想煮飯可以叫外賣
或者買自煮包加餸
冇下廚天份又想食得chill d 都有辦法的



*青口自煮包($238/包)
有三種味，點了一份辣一份唔辣
加熱方法好簡單，煲滾水再放青口包和醬汁包加熱（連埋包裝）
全熱就可以拆袋了
留意青口包的水要例掉
再伴上醬汁包就完成了
附上的錫紙兜用來放青口就唔使洗碗
同自己煮一樣

-Lobster Bisque Mussel
龍蝦味偏濃厚，帶有龍蝦鮮味，濃得來又唔會太咸；
醬汁仲有少少龍蝦肉；
兩包青口都好平均，粒粒都好飽滿；
最怕食青口d肉會梅、唔新鮮；
但兩包質素都非常高
果然一分錢 一分貨




-Singapore Chili Crab Mussel
辣蟹味好刺激；
真係好辣，辣到噴火；
但又忍唔住，停唔到口；
辣得來有點酸，好開胃；
醬汁仲有一絲絲的蟹肉。



重要嘅事要講三次
配法包食
配法包食
配法包食
唔好浪費咗d精華醬汁

為左個青口專登係買咗條法包
最好叫佢切埋 哈哈 懶到盡頭

*招牌鼠尾草檸檬烤雞($288/隻)
烤雞皮脆肉嫩，bb都爭住食；
多重混合香料的味道，帶點檸檬香；
配料有炸羽衣甘藍、焗薯仔同烤串串茄；
超有誠意。
我翻熱食都覺得正，如果即食應該仲好食！

超難得入到天水圍，因為帶bb到濕地公園。回程時候，找了家在西鐵站附近的café，吃個早晚餐就回家。 *牛油果大啡菇全日早餐（$118） 全日早餐通常都超豐富，除了有大啡菇和牛油果，還有薯餅、炒蛋、焗豆和煙肉。 大啡菇配上洋蔥芝士，又香又juicy； 炒蛋夠滑；； 薯餅外脆入軟，新鮮炸起夠熱； 煙肉煎得香口又不會太乾。 *經典安格斯芝士漢堡伴蕃薯條（$98） 安格斯漢堡大份肉味濃，又juicy； 麵包塗上牛油很香； 還有最特別的是配蕃薯條，高纖又健康。 *自選蓋飯（$88） 因為就bb食所以點了照燒雞扒配牛油果、日式本菇沙律； 看似普通的雞扒燒得皮脆肉嫩，有驚喜； 而且飯底用上壽司飯，特別開胃好食。 *薑汁咖啡梳打（$46） 老公點的，顏值高； 而且有汽又辣辣地帶點咖啡的甘香，頗特別。 *蜂蜜伯爵牛奶（$38） 蜜糖甜味配上伯爵的香和幼滑的奶，讚呀。

原來觀塘新開了一間cafe，佔地大，仲要有打卡位。 *燒牛肉紫洋蔥沙律（$158） 燒牛肉肉質又淋又juicy； 配上酸酸甜甜的燒菠蘿； 新鮮的沙律菜和泰式辣醬； 作為開胃菜，真是不錯的選擇！ *巴瑪火腿火箭菜薄餅（$103） 薄餅是超薄脆的那種，沒有麵包的口感； 淨食巴瑪火腿會覺得咸，所以配上帶有甘味的火箭菜； 火箭菜的甘味不是人人可以接受，所以還配上甜甜的蜜桃醬汁。 *迷你巨型豬扒包（$178） 巨形的香草包夾著巨形的豬扒； 豬扒又厚又大塊，肉質比起想像中嫩和juicy； 如果可以去埋骨，就食得更方便了！ *多一士不如少一士（$48） 士多啤梨味的沙冰，上面配了一球士多啤梨雪糕； 不過今日有點凍，後悔點凍飲。 *綠帽子（$58） 老公的哈密瓜味梳打，不會太甜； 比想飲中好，很清新的口感。 順帶一提，見到外面有一堆帳幕，原來是新開的位置，店員推薦下次可以一試，設有最低消費$800一枱。

臨返工前匆匆買外賣回公司吃。 *鐵板牛肉吐司（$42） 牛肉拌了韓式辣醬，味道比起想像中辣； 蛋炒得夠滑； 可能外賣的關係，麵包不太脆口，包皮的部分比較un； 如果吐司烘得再脆一點就敢加完美。 *鐵路便當（$55） 秘製豬扒x台南鮮你蝦卷x魯肉飯 因為順道買外賣給老公，所以要翻熱食； 豬扒夠淋夠入味； 蝦卷夠彈牙； 魯肉飯味道亦不錯，拌飯很開胃。 *芋泥珍珠芋圓（+$15） 甜甜的芋泥，配上奶； 再加上有配料可以咬，真的好飽肚； 有珍珠又有芋圓，滿足哂兩個願望。 *芝士肉鬆蛋餅（$38） 薄餅的外皮，卷上肉鬆和芝士； 酥皮薄餅夠脆； 配上肉鬆芝士的咸香； 芝士更加有拉絲效果。

最近開始有秋天的感覺🍂 終於可以打下邊爐 原來打邊爐都可以外賣 唔洗左撲右撲買食材 安坐家中等食就得 除左食材，連個爐都準備好 真係勁方便 如果想一人一鍋唔同湯底都得！ 一人鍋只係$99起 已包基本湯底、配料同一份肉 滿$300就已經免運費 所以只要加多幾份肉就夠了 一人牛肉火鍋餐（$108） 一人餐已基本包左以下配料： 美國肥牛、湯底、日式芝麻醬、芝士竹輪、年糕福袋、蟹柳、菇、南瓜、粟米、同讚岐烏冬 跟餐的美國肥牛是半肥瘦的 痴住肥膏的肉 當然都是淋的 
一人豚肉火鍋套餐（$99） 同一人牛肉餐一樣 只係牛改左做荷蘭豚肉 荷蘭豚肉偏肥 有點似五花腩 雖然肥膏多 但食落膏的位置都爽口 沒有油膩感 一個餐一份肉又點夠食肉獸食 所外另外再加了 美國頂級Prime牛小排 好可惜我試唔到 因係老公一片都冇留比我😑 可能真係太好食了 美國安格斯厚切牛板鍵 全餐最瘦的肉應該就係牛板鍵了 肉質有咬口 牛肉味濃 美國黑豚肉 相對荷蘭豚肉 我會喜歡黑豚多點 因係瘦d 哈哈 而且豬味濃 爆漿三星蔥貢丸 好特別的貢丸 中間是包了三星蔥做餡 貢丸都好夠彈牙 
火鍋凍豆腐 由於已經太飽 最後冇食到😂😂 最重要係鍋及燃料 哈哈 鍋洗了可以重用 本身想揀一個辣同一個唔辣既湯 但手殘點了兩個都係辣的-鬼滅之麻辣湯底 本身唔太食得辣 不過辣辣下又幾過癮 麻同辣我覺得辣的比例多一點 如果再食 想試龍蝦湯底呢～

屯馬開通之後第一次去宋皇臺站，但因為趕回家，就只買了外賣回家。 *燒鵝餐（$68） 一人燒鵝餐有飯有湯有飲品，這個價錢可以吃到燒鵝真的不錯； 例湯味道不錯，又不會太甜； 燒鵝皮外賣到回家都仍然很脆； 不過肉質略嫌太實。 *雙併飯（$35） $35 買到雙併飯，真的很抵食； 選了啖啖肉的燒腩仔和叉燒； 燒腩仔肥瘦均勻，不會太肥，不過外賣到家的時候，外表已經淋了，很可惜； 厚切的半肥瘦叉燒，味道不會太咸，如果可以多一點蜜糖味就更好！