好多年無食，諗住海港集團都唔會太差。同家人黎食晚飯，叫左4個食送 1)小炒王 : 4個餸入面叫比較正常，但有燒腩肉 2)安格斯牛柳粒 ：牛柳粒咬落去係有血水滴出嚟，肉入面仲係紅紅地，咬落去極級韌；有懷疑過佢係咪嗰啲注脂牛，冇理由安格斯係咁樣；仲要唔知點解係會有生菜係底 3)日式雜菜煲 ：無咩味，係底的粉絲一d 都唔淋 4)菠蘿咕嚕肉 : 本身係我最期待的菜式，點知咕嚕肉好韌。。。 真係失望，食完呢餐屋企人異口同聲講真係無下次，亦都唔會再幫襯。呢個價錢，我相信可以有更好嘅選擇。

見到網上說過江龍的日本牛角包，慕名而來。 本身打算買哂4隻咪試，，原味已經賣哂，只剩下番薯味丶朱古力味及明太子味。 因為$62/12件，所以就問左店員可否只要三隻味買$62/12件 set, 店員話唔可以。最後就買左朱古力味及明太子味試😆 大概6點幾過到去，幾位店員沒有主動的介紹。從服務感受不到是日本來的店舖。 講番牛角包 好香脆 : 朱古力味：內裡有朱古力夾心 十分可口 ;而明太子味 食落冇咩特別。路過的話，可以試下 ，唔洗專登過去。

在中上環區返工，附近都是各式各味的連鎖食店。難得地在上環還能尋找到古色古香的食店，外表充滿著懷舊的味道。 Lunch time 都係好多人，幸好有卡位。同事帶我黎，我都未知呢間店食咩。我見旁邊的人食緊鍋仔公司面，忍唔住都叫番碗。鍋仔公司面感覺上好似一個港式部隊鍋，內裡有叉燒、雞蛋、腸仔、五香肉丁、餐肉、鮮牛肉、少量菜，還有一個面質剛剛好的丁面。好多料好大碗，最後都食得哂。我是一個食量較多的女仔。一般食量的，可能未必食得哂。 之後還order 了一個奶油脆豬，同同事share , 食香味俱全，脆脆的，牛油份量正常，打算下次下午茶要係度買。好正 海安是一個坐得舒適，食得舒適的懷舊餐廳。下次lunch 再黎過。

跟朋友相約去太古Aeon 行下順便食個飯，大家突然又好想食拉麵就黎左試試，加上朋友的推介點都要試試佢。未行入去時覺得好似日式茶房，又有蛋糕同埋花茶飲，而且仲擺放了不同的靚茶杯，店名真係無改錯。

諗都唔諗就決定點松葉蟹拉面, 好似幾特別禁。 我和朋友都各點了同一款拉面松葉蟹棒拉面（$95）：有3隻蟹腳，再加了隻半熟蛋（加$10）。面質沒有軟硬度適中，蛋湯底卻是充滿了鮮甜的味道，沒有覺得太鹹。之前一向食開的拉麵湯底都是非常濃味，但呢間別天神卻有令一番別有的味道。小龍蝦沙律（$35）：賣相仿如一個冰凍的雪糕球，擺左幾分鐘之食。配上旁邊的香脆的紫菜，好好食。可能食量大，所以覺得沙律份量有點小。餃子：每次食拉面都必食的其中一樣野，跟朋友都喜歡。煎的餃子好香，不會太油膩。

永遠食甜品都有另一個胃，點了甜薯蛋糕及伯爵茶小蛋糕。伯爵茶蛋糕：雖然細件左小小，但係好好味。伯爵茶味道突出，好開胃。

甜薯蛋糕：今次係第一次試薯類的蛋糕，看似好似好硬身，但食落的口感完全不同。好香甜薯味，好特別，值得一試。

見到花茶杯禁靚，本身都諗住叫杯試下，但係真係太飽了。唯有等下次啦

旺中入面有著大家的回憶，隨著時間的流逝，變得多元化。在2/f 及3/f 都相繼開了小食店，岩哂呢個吃貨的我。睇到網上的介紹一心一意想黎食手卷駅，佢身處於一個角落位，本人覺得不太起眼，在又一x及賣飲料的鋪中間。我行左2次先搵到。雖然店鋪小小的，但是清晰可見半開放式的廚房，師父即叫即整，透明度十分高，食得安心。男友的三文魚腩拼海膽手卷，平時食野要求高的佢都讚。帶子拼海膽手卷：
親眼見住師父整，感覺到佢的用心。我本又鐘意帶子又想食海膽，呢個配搭岩哂貪心的我。海膽鮮甜，沒有臭味；帶子亦很鮮甜。手卷內的飯仍然是暖暖的，好軟熟。吉列蝦卷：本身講話戒蝦，但是見住旁邊的人食覺得蝦卷好正。蝦卷真係無得輸，即叫即炸的。雖然好熱氣，但是好有穫氣，好鬆脆。配上橙黃的醬，令人想食完再食。

芝士加州卷：最尾先食的加州卷，一如以往有玉子、青瓜，但加入芝士令整個味覺升級。就算已經好飽，都覺得好食。讚

今日同同事lunch 大家突然又想食西飲咖啡，但又唔想去茶記。一黎到灣仔就諗起大家之前在天橋上見到呢個餐廳

Lunch 時間cashier 位好多人排隊，但好彩好快就搵到位。諗住禁多人排隊等小人d 再出去，點知等極都係禁多人叫左2個set lunch share食，各自都加了玫瑰咖啡（+$36）及餐湯（+$10）。其實跟同事大家都係個玫瑰愛好者玫瑰咖啡：一向都好鐘意飲佢的coffee，由其是玫瑰咖啡，色香咪俱全，陣陣的玫瑰味令人心矌神怡，之前一試已愛上。唔洗加糖都夠甜了。餐湯：咩係好記得係叫咩名的蝦湯，味道好似龍蝦湯，湯內還配上細細的小蝦粒。我跟同事都讚好飲。茄汁虎蝦扁意粉：先講外觀賣相不錯，而茄汁加上蕃茄碎及香草味道香甜不會太酸，令人覺得好開胃。意粉不會太硬，口感軟滑。份量方面覺得有點小。香草三文魚意大利飯：這塊三文魚好有質感,入口軟熟好好食。意大利飯軟硬度適中。整體味道清得黎好食。

唔知係咪冷氣很冷，d野食落好似唔係好夠熱。忍唔住要食埋有關玫瑰味的玫瑰草莓香軟班戟，pancakes 跟圖片相乎。賣相都屬於吸晴類❤️，因為我同樣地都是士多啤梨的粉絲。先講醬汁，我覺得士多啤利果醬味濃蓋過了玫瑰的味道，但是不會太甜。班戟有3塊，口感方面我就覺得太厚實，跟名字不太貼切，不夠軟熟。整體而言，士多啤利醬係好味的裝潢及環境令人覺得好舒服好放鬆，坐的位置又不會太濟迫，是個傾計的好地方。另外店內員工都好有善好helpful， 因為顧客服務都是好重要的一環。

將軍澳popcorn 內終於有多d 選擇了。泰巷 無論係午餐、下午茶、晚餐都係禁多人，究竟點解呢？！

初試係食晚餐，由於知道一定多人。所以提早係6:40 過黎攞位，真係好快入得。係呢個經濟低迷的境況下，呢個4人餐真係好抵食 一家4人決定試一試佢。Order 後唔洗10分鐘，大部分已黎齊，相當快手。
頭盤：泰式風味拼盤 （四人份量）
蝦餅春卷炸得香脆不會太乾丶魚餅沒有很特出、脆口的單骨感覺有點似kfc的雞、生菜包 的肉碎的調味相當辣。

冬蔭公鮑魚湯： 海鮮十分足料，鮑魚都有4隻，令人驚喜。味道香濃，不會太辣。連阿媽好怕辣都覺得好滋味。主菜
泰式明爐冬蔭烤烏頭: 看起來很有霸氣的魚，配料竟然有雲耳、金菇、粉絲、菜、蔥丶仲有白羅白。反而香料太少，突出唔到魚的鮮味，亦無咩香味。中途侍應才會加冬蔭功湯，加左兩次3次魚的怪味先可以辟走。

馬拉盞炒通菜：上菜時香氣撲鼻，馬拉盞味濃郁。火車頭原個菠蘿海鮮炒飯：有大蝦、蜆丶青口丶肉鬆丶魷魚圈鋪面，買相十足。同時都好有內涵，炒飯不會太乾。青咖哩雞飯：經店員推介下點了最唔辣的青咖哩，配上雞肉白飯極佳配搭，食左好似有上癮的感覺，好想再吃。份量太小了。另外，再散叫左個油酥餅，食咖哩又點可以無酥餅呢。一份有3塊，不會油淋淋的，不會太薄。特飲：
芒果脆脆加$12（中）：感覺就似芒果冰沙

泰式檸檬茶（左），好細杯。是用青檬的

藍蝶檸檬荔枝梳打加$12（右）：先被夢幻的紫色吸引，荔枝及檸檬配搭一流，加上透明爆珠，簡直俘虜左我個心。

一向鐘意食的我，一直都希望屋企附近可以美食遍天下。落街行不知不覺間行到pop walk，順便睇下新開左咩店鋪，在地下轉角位就被我無意中發現有間東南亞的餐廳，而且仲有生牛肉湯河食，真係流哂口水。難得有時間而且將軍澳有新食肆當然要試試佢，平日的下午茶時間，不用等位。店內環境乾淨。每張餐桌都擺了了是拉差椒醬、一支水、撈檬汁（唔知點形容好）、碟子亦充滿了風情及民族色彩。隨生牛肉湯河附上的小蝶有小量辣椒及青檬。薄薄的粉嫩牛肉片、配上熱湯牛肉好快熟透了。河粉口感爽滑、配上香葉 洋蔥 乾蔥 蔥花， 但覺得湯底未見突出。跟餐的咸檸七加$12見到餐牌美食種類繁多，混合了泰國越南美食，一間餐廳可以滿足你多個願望。

天氣炎熱，真係令人無咩胃口。出黎尖沙咀開會，同事就介紹左我黎食越南野。做呢份工前一直在tst 返工，都唔知有間抵食的越南餐廳。

大概1:30 黎到，唔洗等就有位。燈光雖然唔係好光亮，但睇得出環境都幾乾淨。還有卡位

點了有菜的豬頸肉撈檬，還配上給專門的醬汁比豬頸肉。豬頸肉不會太乾，配上醬汁，更具另一番風味。檬粉口感適中配上酸酸的汁令人更係開胃。飲品熱檸蜜不太甜，但需要加$3。

天氣炎熱，真係令人無咩胃口。出黎尖沙咀開會，同事就介紹左我黎食越南野。做呢份工前一直在tst 返工，都唔知有間抵食的越南餐廳。

大概1:30 黎到，唔洗等就有位。燈光雖然唔係好光亮，但睇得出環境都幾乾淨。還有卡位

點了有菜的豬頸肉撈檬，還配上給專門的醬汁比豬頸肉。豬頸肉不會太乾，配上醬汁，更具另一番風味。檬粉口感適中配上酸酸的汁令人開胃，飲品熱檸蜜，需要加$3，幾好飲。整體感覺不錯