在香港有多間分店的佐賀燒肉谷，以日本九州佐賀農場直送既佐賀和牛肉作主打，近期佢有新搞作出左個痛風海鮮餐，除左有多款罕有部位的佐賀和牛，仲送多個海鮮拼盤俾你，仲可以食足120分鐘，真心抵食！ 🌟期間限定！痛風海鮮祭～ 只要揀Lv3既套餐就即刻送極上海鮮拼盤，入面有齊多款新鮮海鮮（日本蠔、牙帶魚、白鱔、虎蝦、蟶子、鮑魚、帆立貝） 白鱔 金黃色的香脆魚皮，包住爽甜細滑的鱔肉，原汁原味，十分香口 廣島蠔 生蠔好新鮮好大隻，有半隻手掌咁大，燒烤後蠔肉鮮甜多汁 虎蝦 虎蝦好大只，蝦肉厚實鮮甜，爆膏既蝦頭好濃味好正！必點 帆立貝 帆立貝好新鮮，大大粒好爽彈好好食，貝肉口感爽甜 澳洲穀飼牛板腱 牛板腱的部位中間橫越一條Q彈細筋，口感層次豐富、紮實不油膩，牛肉香甜多汁 安格斯牛小排 油花偏淡紅色，油花豐富，肉質軟嫩q彈，入口即化 美國和牛肩胛肉眼 咁多款牛肉入面最濃牛味，牛肉鮮嫩多汁，脂肪均勻，最岩燒烤和打邊爐！ 煙燻壺漬封門柳 封門柳封門柳肉色偏向酒紅色，食落口帶點豬潤味，肉質軟嫩，油花較少，爽而不膩 澳洲和牛-特上牛肋肉 特上牛肋肉油花非常漂亮，口感軟嫰，入口即溶，鮮甜既牛肋肉啖啖油脂感 榴蓮炸彈 外皮酥脆薄皮，一啖入口剛剛好，棉滑的榴連肉好絲滑，必點！ 另外～ 自助區都有唔同嘅小食/飲品 都可以隨意拎，有牛肉飯，湯餃，沙律BAR等等

來自北京百年老店既古琴雅苑，最出名就係佢製作正宗嘅北京填鴨，佢近排推出左個《春日尋味》套餐，人均$300左右可以嘆盡多款北京名菜如北京填鴨、鮮魚羹、花雕醉雞、松子魚等等，真心推介 烤北京填鴨 烤鴨皮脆肉嫩，用卷餅包住青瓜、京蔥和哈蜜瓜，再淋上秘製嘅烤鴨醬，鴨皮肥嫩的油脂滲透在口中，好好食，鴨肉肉味香濃口感嫩滑！ 黃金明蝦球 蝦肉炸至金黃香脆，再淋上鹹蛋黃醬，鹹鹹甜甜嘅味道配上新鮮的蝦肉，爽滑彈牙，好惹味好食！

今次和朋友揀左一間特式火鍋店打邊爐滾一滾，一進門已經好似回到舊香港六七十年代一樣，牆身貼滿舊時代的電影宣傳海報，地面鋪上復古花紋瓷磚，加上五光十色的霓虹招牌，牆上手畫的舊香港街景的壁畫，店舖播放著四大天王的懷舊金曲，裝滿幾代香港人的溫馨回憶。好有香港特式 火焰醉雞煲+豆卜 店員會先把火酒倒上雞煲，一邊煮一邊攪拌，陣陣乾花椒麻香，好惹味，熱辣辣的爽滑炒雞配上自家製的調味料，好惹味好好食，食完雞煲再加濃湯一齊打邊爐，正 安格斯牛肉 安格斯牛的大理石花紋油花豐富，牛肉味道香濃，入口細嫩，柔軟又多汁，必點！ 牛胸爽 牛胸爽入口爽口不油膩，最適合打邊爐食 鳳城水餃 鳳城水餃主打用大粒嘅海蝦肉、筍、木耳和豬肉去製作，口感爽脆，皮薄餡靚，讚 脆鯇魚片 脆鯇肉質結實、清爽脆口，必點 啫喱 兩款甜品的造型都係滿分，啫喱用兒時懷舊的七彩啫喱杯盛裝，中間放著紙傘牙簽，係細細個起酒樓會見到既懷舊小物，啫喱配上花奶，好有童年回憶❤️ 懷舊糖不甩 店員把錦鯉糯米糕放入火鍋煮滾，灑上花生粒和白糖，外層脆卜卜，內層軟腍腍，糯米吸收咗雞煲湯底嘅精華，又鹹又甜，口感煙靭，好正好好食！

來自日本九州佐賀的超人氣燒肉店，之前聽聞佢既黑毛和牛全部都來自日本九州直送，今次約埋朋友來一齊嘆世界，牛肉價錢合理，味道好有驚喜好有日本當地食到既家鄉味，性價比高！ 黑毛和牛大判燒 好靚既霜降油花，撈埋生雞蛋，黑毛和牛口感軟嫩，入口即溶 和牛赤身 心點！赤身部位油花細緻豐富，入口鮮甜，好細嫩好好食！ 黑毛和牛腹柳小排 必點！喱個牛腹位相比上面兩款和牛脂肪量較少，牛肉味更香濃，口感柔軟，肉汁飽滿，好正！ 牛腸 牛腸濃郁的口感和豐富膠原蛋白，口感Q彈，油脂味超濃，大大舊肥嫩腸在口中融化，喜歡吃內臟的朋友一定要點！ 若鷄雞胸柳 雞肉入口爽彈，脂肪較少，最適合燒烤食，亦可以有解膩的作用 鹽味牛舌 牛舌肉質軟腍爽口，越嚼越香，相當下飯！ 特上牛胸腹肉 必點！牛胸腹肉油脂分布均勻，肉質柔軟甘甜，佢每款肉都經過燒汁醃製，不用加調味料都好入味好juicy！ 伊勢海老 成隻手掌咁大都幾抵食，蝦肉爽滑彈牙，甘香酥脆，喝一啖冰涼啤酒，爽！ 甜品🍧 甜品有兩款，一款係杏仁布甸好滑溜，唔會太甜幾好，另一款係雲呢拿糯米糍

之前聽朋友講尖沙咀有間日式燒肉店好抵食，百幾蚊就可以食到黑毛和牛，手掌咁大既牛肉界明星大判燒和牛都係$128，真心抵食！今次我地揀左佢期間限定既Omakase套餐，$428已經享盡五款不同部位既牛肉，非常之滿足！ 鹽味牛舌 牛味濃郁，薄切令肉質食落口幼嫩juicy ，好食！ 美國牛肩胛肉 佢每款肉都會用燒汁去醃製，令到肉味更加香濃，肩胛肉肉質結實，油花豐富，好肥美好正！ 牛板腱肉 肉質比起前兩款更Q彈，脂肪量較少，肉味更濃，最岩燒烤食！ 美國牛肋骨條肉 牛肋肉細嫩多汁，上方有層白色嘅筋膜，食起來入口即溶，油脂感滿滿！好好食！ 上級牛肋眼卷肉 係上面幾款最高級的牛肉部位，油花多且少筋，經過燒烤後同牛肉融為一體，好肥嫩 浅漬青瓜 個醃製醬酸酸甜甜好開胃好食！ 韓國炒年糕 個辣汁做得啱啱好，少少辣帶點甜味，年糕口感Q彈，好惹味好岩我口味 辛辣味噌牛腸 鍾意食內臟嘅朋友唔好錯過，牛腸好肥嫩好正，超爆多脂肪，極邪惡！ 醃鱈魚胃袋 喱個小食好特別，係鱈魚嘅魚腸部位，入口爽滑，配埋個辣味醃醬，口感有少少似韓式果種辣醃章魚，配燒燒一絕！

朋友介紹這家旺角人氣韓燒店非常抵食！$3xx韓牛海鮮刺身和任燒鰻魚。唔使坐個幾鐘車上深圳都食到任烤鰻魚！而且餐廳環境相當寬闊乾淨，完全沒有油煙味。 食物款式包羅萬有，最鍾意係入口即溶的霜降一口牛、 肥吱吱的安格斯牛板腱和牛味超濃的牛肩胛肉。五花腩同豬頸肉都好出色，仲有韓燒少不了的烤豬皮，口感有啲似食啫喱，韓迷必點！ 海鮮方面扇貝和大蝦都好新鮮，爆膏的大蝦刺身、爽甜的帶子刺身和希靈魚都係必食！ 好多韓國特色小食都有提供，有辣醬蟹、辣醬魷魚、韓式醃菜、韓式粉絲、大醬湯、仲有睇韓劇必食既黃金炸雞，睇見都流哂口水 飲品方面，除咗可樂、檸檬茶和啤酒都係任飲 甜品選擇較少～ 我幾喜歡佢個爆谷機，新鮮出爐的焦糖味爆谷卜卜脆，仲有軟雪糕任吃，同埋雪花冰，都好有韓國特式

朋友介紹旺角有間新開燒肉店，今日行完行就咁岩見到佢喇。餐廳佈置充滿日本風格，主打一人一爐嘅日式燒肉。用QR code 落單會發現有好多menu上未有嘅新菜式。整體味道唔錯，其實多幾個人一齊黎都得😂 鹿兒島和牛盛：套餐有3款肉牛仔骨、肩胛肉、西冷、前菜沙律、麵豉湯。牛肉份量都多，相對呢個價錢而言，肉嘅質素比想像中嘅優質，油脂油花滿佈每片牛肉。燒完入口都感受到爆油感覺。 最鍾意調味料除咗玫瑰岩鹽同黑椒外，「牛油汁」令每片肉再度大大提升口嫩滑口感 吉列豬扒咖喱丼：店員介紹係即炸豬排。預先切好上格。口感真係外脆內軟，豬扒比平時嫩口，多汁。配上平時都食到嘅日式咖喱汁，多汁。真係幾唔錯 紫菜溫泉蛋丼：滿滿紫菜碎加上流心溫泉蛋。入口咸咸地又滑嫩無比嘅蛋皇醬。充飽胃口同時又夠簡單好味😋

今日和一班舊同學一齊出來拜年，揀左喱間新開既韓式燒烤放題，因為其中一位同學是吃素的，佢喱間放題除左提供泡菜，仲有多款菜類丸類素食選擇、仲有韓菜必吃的海鮮煎餅、韓式粉絲等等，晚上九點後仲有宵夜優惠時段即減$40，$200唔使又有海鮮鮮、燒肉任吃！真心抵 九宮格牛盛盒❤️ 肉眼粒、肥牛、五花腩、青衣柳、豬頸肉、牛仔骨、豬梅肉、雞翼、牛舌腩 頭盤牛盛盒我最喜歡肉嫩嫩的肥牛、入口即溶既肉眼粒，超惹味既LA牛仔骨、爽彈的牛舌腩和油脂滿滿既五花腩！ 海鮮類： 蜆、蝦、青口都好新鮮，蜆肉鮮甜彈牙，蝦肉爽滑彈牙 自助區： 多款菜類、菇菌、南瓜、等選擇，而熟食方面我最喜歡酥脆的韓式煎餅，蔥香肉彈，脆卜卜超好食！韓式粉絲麻油味超香，粉絲Q彈有口感，推介，海鮮大醬湯都好入味，啖啖鮮香！

和男友去左西環一間新開的意式小酒館慶祝聖誕，入到去已經勁多打卡位，裝修設計是歐美式風格，以白色既牆身配上落地格子窗，可以增加光線提升空間感，復古嘅傢俬配上華麗嘅吊燈，營造出典雅嘅浪漫感覺炭烤牛骨髓l紅酒牛尾醬 l京蔥絲 l 意大利手打闊麵
油脂感的牛骨髓，入口即溶，再撈埋煙韌彈牙的手打闊條麵，蛋味香濃，每一條意粉都瘦牛骨碎嘅精華，好滿足！慢煮和牛牛面頰l意式玉米糕l松露呠酒燒醬
牛面頰非常嫩滑細緻，配埋超濃香的特製松露醬，實在太好吃了！配菜都好有驚喜，一開始以為是炸薯餅，原來係意大利的傳統小菜，相傳羅馬時代就已存在，係把粟米粒磨成粉狀再加入芝士去炸，食落去更酥脆更滋味Alice in Wonderland 愛麗絲
讓人聯想起愛麗絲跌入夢境世界嘅情景，係一款帶點酒精的甜酒，混合左芒果、菠蘿和熱情果，酸酸甜甜的味道好清新！必點👍Agave Clove 四葉草
加入左芹菜，芫荽、龍舌蘭和製成，在杯邊灑上辣味的海鹽，入口清新帶辣勁，好刺激😂

上次和朋友去左尖沙咀Aira居酒屋覺得好正，先得知原來隔離果間where酒吧其實係同一個老細，因為疫情嗰陣酒吧經常關門，所以老細將另一半改作為餐廳可以讓客人一邊飲酒一邊嘆美食，仲開發咗好多特色嘅串燒，例如係天婦羅粟米、醬燒豆腐串真係一試難忘！最鍾意係佢個露天沙發區，望住高樓大廈嘅霓虹燈摸下酒杯仔，真係心情都放鬆哂Le choix dedmond 紅酒
係一種充滿果香味既紅酒，味道溫和，最岩配烤肉類的串燒小食，而家做緊推廣優惠買一送一，真係幾抵飲Le choix dedmond 白酒
出產字法國波爾多南部，帶點水果香氣，入口順滑，適合搭配海鮮飲用