喺旺角行完街去試吓新嘅泰國菜 入面嘅裝修佈置感覺真係好似去咗泰國咁 食物都幾多選擇 我哋就揀咗晚市2人餐 都好豐富好多嘢食☺️☺️☺️ 🤎木瓜沙律 酸酸辣辣嘅木瓜沙律好開胃 啱晒食得辣嘅朋友 🤎泰式手打蝦餅 蝦餅炸到熱辣辣 非常新鮮 🤎傅統汁燒豬頸肉 豬頸肉醃得好入味 切到薄片啱啱好 🤎AnnMama蟹肉炒飯 炒飯大大碟有好多蟹肉 食埋個飯大滿足 🤎龍眼冰 入面真係有幾粒龍眼肉 味道又唔係太甜啱啱好 🤎椰汁冰 好濃郁嘅椰子味，真材實料

呢間舖頭尖沙咀都有分店 一直都好想食 今日放工同朋友就嚟荃灣分店食 入面都幾大，幾多座位👍🏻👍🏻👍🏻 💚泰式生蝦刺身 有八隻生蝦，幾新鮮 點埋中間個醬好夾 💚香茅燒豬鞍 勁大個好厚嘅燒豬鞍 煮得好淋唔會韌 下面有少少薯蓉，配埋一齊食唔錯 💚炸蟹餅配青檸忌廉芝士醬 蟹餅入邊都有好多蟹肉 青檸忌廉芝士醬味道好特別 點埋一齊食幾fresh 💚巴斯克芝士蛋糕 好大件嘅巴斯克芝士蛋糕 入面有滿滿好滑嘅芝士 💚THAI MILK TEA (COLD) 係用樽仔裝住嘅泰式奶茶 味道唔會太甜 仲有埋個杯俾你可以自己倒出嚟飲 💚THAI GREEN MILK TEA (COLD) 同泰式奶茶一樣，用樽仔裝住 都係可以自己倒出嚟飲 甜度我覺得啱啱好仲有啲綠茶香味

鍾意食餃子嘅我 成日經過呢間餃掂手工餃子都好想去食下 今日終於有時間去食啦 果然係好足料架👍🏻👍🏻👍🏻 🩷龍鳳松茸雙煎餃 煎得非常香脆 餃子仲大大隻見到啲餡 呢個雙煎餃係有黑白松露 食落真係各有風味 啲松露一啲都唔少架 🩷元貝豬肉湯餃 湯餃會跟狀元九鼎湯 個湯唔會好鹹，連埋餃子食啱啱好 同煎餃一樣都係大大隻見到啲餡 入面真係見到唔少嘅元貝 🩷四川涼皮 辣辣地嘅四川涼皮非常惹味 好適合做前菜 🩷蜜餞雞翼 雞翼甜甜地亦好開胃 🩷檸檬蜂蜜薏米水 可以去濕嘅薏米水好啱宜家嘅天氣飲 仲有檸檬蜂蜜，飯後飲就啱晒 🩷豆漿 有好香嘅豆味，非常解渴

朋友食過呢間話唔錯約埋我一齊食 地點喺旺角好方便 入面仲幾大有好多卡位坐 雖然店名有麻辣呢個字 但係好多都有得揀唔辣或者小辣 好啱我呢啲唔食得辣嘅人😆😆😆 💜荔枝蝦球 呢個蝦球勁啱打卡呀 將啲蝦球整到好似荔枝再掛喺樹上面 然後黎到嘅時候有好多仙氣 唔止個樣靚，味道都唔錯，啖啖蝦肉 💜黃金粟米 粟米大小切到啱啱好 加埋咸蛋黃嘅黃金係絕配呀 💜干鍋 有好多餸可以揀，最少要五款起 仲有得揀辣度，要唔要莞茜 個鍋好大好多餸，本身已經有啲菜 叫左美國肥牛、魚腐、蓮藕片、唐山菜、雞脾菇 我地兩個女仔食到超飽呀 💜酒釀丸子 朋友好鍾意食，我就第一次食 原來又幾好味架喎，甜甜地又有桂花香味 仲有好多小丸子添 💜菊花蜜 好似古代啲酒樽咁大大壺 不過係菊花蜜，飲極都有 唔算好甜幾好味

好耐無黎過荔枝角搵食啦 以前喺呢頭返工，放工都會約朋友喺度食飯 今日就同朋友去D2 place食燒肉 裝修環境各樣野都好日式 燒肉種類都好多，牛，豬、雞、海鮮都有 而且食物質素仲唔錯添☺️☺️☺️ 🧡炎蔵和牛「極致」6點拼盤 好多款式都好吸引 最後揀左拼盤，咁就可以食多啲啦 有和牛友三角、和牛芯芯、龜之甲、和牛貝身、和牛內腿肉、和牛上等肋肉 就咁睇好似唔知咩部位 Menu好細心介紹得好詳細 有講到唔同部位係咩口感黎自牛邊部分 呢6款真係唔同質感，味道亦好重牛味 和牛燒完亦好juicy 🧡厚切上等牛舌芯 真正的厚切牛舌芯，有三大塊 有界到啲紋，燒完唔會好韌 🧡和牛炒飯 炒飯粒粒分明，好有鑊氣 有和牛粒，雞蛋，雜菜粒 食完唔會覺得好油膩 🧡朝日生啤酒、朝日黑生啤酒 星期一至四5:30-9:30有啤酒買一送一 食燒肉飲啤酒，絕配呀

屋企人一向鍾意食中菜 成日去酒樓食都好悶 有朋友介紹呢間私房菜幾好 咁就一於帶埋屋企人去食 環境幾大幾舒服，同隔籬枱唔會太近 海鮮有好多選擇，最好記住提前預訂 餐廳仲有麻雀檯提供 鍾意打麻雀嘅朋友又多一個選擇 仲可以聯絡餐廳自訂語句展示喺餐廳
大型屏幕 如果要慶祝活動嘅朋友可以試吓用呢個服務 🩵招牌白切雞 隻雞唔會整到太熟好韌 肉質仲好嫩滑，而且啖啖肉 🩵清蒸海東升斑 條魚非常嫩滑，唔會蒸得過火 加埋啲薑絲同蔥都仲食到魚嘅鮮味 🩵鮑魚 好正嘅鮑魚又係一啲都唔韌 個汁食得出淆咗好耐 同個鮑魚非常夾啱 就算係鮑魚隔籬嗰嚿花菇都煮得好入味

Bookmark左呢間餐廳好耐 今日終於有時間同朋友嚟一齊食 Lunch set都有好多選擇 仲包左Aperitivo,Mains,Sides,Drinks 環境好舒服好休閒 食物未到之前有兩條麵包可以食 係香草麵包，味道都好香 🤎Steak Tartare 有三塊麵包可以配牛肉他他 他他份量都好多，配埋旁邊辣醬好惹味 🤎Melted Provolone Cheese 芝士黎到熱辣辣可以拉絲 同樣都有麵包配搭，唔會食到好漏 🤎Grilled Spatchcock Chicken 大大隻雞髀，煮完一啲都唔鞋口 食落塊啖啖肉，仲好juicy 配埋上面嘅香草醬好夾 🤎Rump Steak 黎呢度就梗係要試吓佢嘅阿根廷牛扒 佢用鐵板上，嚟嘅時候吱吱聲 我哋叫咗medium，加埋鐵板嘅熱力啱啱好 食落唔會好韌，仲有六個醬俾你選擇 果然係一間牛扒餐廳 🤎Garlic and Parsley Skinny Fries 有薯條好香，唔似麥當勞嗰啲 食得出係用新鮮薯仔整 🤎Garlic & Truffle Mash Potatoes 薯蓉非常軟滑，仲有黑松露 撈埋一齊食非常入味

真係好鍾意食嘉寶漢堡包 今次叫咗豬堡同牛堡，仲升級做套餐 兩個漢堡依然咁好味🤤🤤🤤 💛黑松露芝士牛堡🐮 充滿黑松露香味同濃郁芝士味 再加上牛肋條切碎而成嘅漢堡扒 非常juicy 💛蜜糖芥末菠蘿豬堡🐷 第一次食佢嘅豬堡，原來同牛堡一樣咁有水準 結合左蜜糖同芥末，呢個配搭係Perfect match 仲有甜甜嘅菠蘿嘅鮮甜，一啖有好多唔同嘅層次 佢嘅豬堡扒同樣非常Juicy一路食一路滴汁 💛炸燒賣🐠 雖然跟套餐但係都有八粒咁多 大大粒熱辣辣，仲有啲椒鹽粉添 💛炸薯條🍟 又熱又脆嘅粗薯條 同麥當勞嗰啲完全唔同😛😛😛 嘉寶一共有三間分店 仲差旺角嗰間未食，下次食吓先😎😎😎 分店嘅地址： 尖沙咀店：尖沙咀寶勒巷9-11號 葵涌店：青山公路499號嘉寶大廈地下A-B鋪 旺角店：登打士街71號

呢間酒吧好大間，超級適合一大班朋友一齊嚟睇波 除咗有大電視之外，仲有飛鏢同埋其他遊戲枱 食吓嘢又可以去玩吓 16:30-19:30仲可以$38飲唔同嘅酒 有啲小食仲半價添🤩🤩🤩 💜風沙鹹蛋黃炸雞 嚟到熱辣辣，仲有好香嘅鹹蛋黃味 炸粉唔會好多，食落啲雞仲好Juicy 份量有好多，正正 💜泰式魚餅 我哋用半價嗌咗個魚餅 有成六件都好多啊 💜黑松露薯條配黑松露醬 開頭都奇怪，點解佢個薯條會有兩個黑松露味嘅呢？ 原來係本身薯條上面已經有啲黑松露醬 再配埋黑松露醬 所以薯條熱辣辣點嚟食好好味 💜牛舌、日本免治雞肉棒、雞軟骨、日本黑豚腩肉 除咗炸嘅嘢食，仲有好多唔同嘅串燒 全部都係新鮮燒出嚟，好啱一邊飲酒一邊食 💜雞泡魚乾 雞泡魚乾嚟到都係熱辣辣 用嚟送酒一流 💜Long Island Iced Tea,The Chronicles of Narnia 黎酒吧就梗係要飲番杯酒啦 兩杯酒精飲品都好有水準

一直都好想試呢間舖頭嘅千層撻 終於有機會可以食到啦 佢樣樣都好吸引，搞到我又買撻又買包😂😂😂 佢仲有期間限定嘅柚子千層撻 睇嚟又要再去買過啦😛😛😛 💚拿破崙焦糖千層撻 果然冇令人失望 雖然感覺好似食緊葡撻，但係個皮完全唔同 每一啖咬落去都係好鬆化好脆 最緊要係個撻都幾大隻，食極都仲可以食 下次要再試吓柚子千層撻先得 💚明太子熱狗 熱狗加咗啲芝士同明太子焗到燶燶哋 明太子又唔會太多，味道啱啱好 💚韓式芝士蒜蓉包 每一啖咬落去都有好香嘅芝士同蒜蓉味 個包仲好軟熟，唔覺唔覺就食晒成個包 💚牛油軟包 面頭有啲焦糖脆脆，食食吓仲有啲砂糖咁樣 鍾意食甜包嘅朋友一定要試 佢地有兩間分店 而拿破崙焦糖千層撻都有唔同嘅出爐時間 售完即止架！大家要睇時間去買 尖沙咀店出爐時間：10:30am 📍加拿芬道49號夏蕙樓地下C號舖 銅鑼灣分店 📍利園山道73號寶榮大廈地下F號舖