行街shopping一袋二袋，咩都冇諗就行左入去。 裝修好特別！電視海報掛係牆身，好似戲院又有點懷舊。 人流都不錯，好多客人出出入入。最好改成自動門！好多今唔關門，搞到好熱！ - 沙嗲串燒-2串雞2串豬頸肉。個沙嗲好出色！雞肉比豬肉好食☺️ 馬拉盞炒椰菜苗- 好夠味！唔係得個咸字，唔係味精味，係真係辣椒的辣👍🏻 呢一碟椰子海鮮炒飯估唔到係成餐最好食！雖然甜甜地，但好特別，好重椰奶🌴 咸檸七-HIGHLY RECOMMEND! 咸檸一早桔哂汁連冰上，自己加入七喜。夠濃的咸檸，加幾次七喜都好夠味😋😋🤤 - 食食下有內地人入黎食，唔係歧視，但行黎行去又挨埋黎睇你叫咩菜，好冇禮貌好影響其他客人！ 整體係十分推薦！好食價錢又reasonable ！staff又冇咩野，但上菜時好似掉底碟野咁😥

男友生日，揀天穴慶祝🥂 原本打去book情人節當日，但每位最低消費around $888+10%，唔想比人限要叫$888，所以改了日子。 睇過餐牌，樣樣都十分吸引！未到當日都已經揀好要食邊幾樣🤤特別係鮑魚，超想試！ - 安排坐係窗邊，影相一流！ 座位的分佈算闊落，唔會聽到隔離講咩👍🏻當日愈夜愈多人，但都唔嘈。 嗌野食的時候先告知今日冇鮑魚，即刻好失望。 之後有waitress介紹當日新鮮海鮮，有龍蝦😭想試下香港十分少有的龍蝦刺身🦂但價錢有點貴......冇叫到。 - 玉子壽司- 口感同外形十分特別！望落去係蛋糕，但食落好似海綿蛋糕，好味又特別！ 水雲長芋醋物- 想念沖繩，所以點了這個。沒甚麼特別，正常的醋物。 3件飛弹牛壽司- 帶唔出飛弹牛的特別，除了左手第一件，其他麻麻地。中間係燒過的，右邊的是生牛加小蛋黃，不太喜歡😩 壽司- 吞拿魚背：普通 鰻魚： 正常，膠質好重 松葉蟹腳： 出乎意料的好食，好鮮甜👍🏻 鰻魚石鍋飯- 鰻魚骨不會太多，份量剛好，可以多少少燒汁 - 整體算是好食的，不過不失，但某些菜式仍有少許同價錢不太成正比。下次慶祝可以再考慮。

同事介紹話唔錯，之前食過葡撻都幾好，於是今次試試堂食。 入到去被安排坐係牆邊梳化位，張梳化的盡頭唔係痴住道牆，個人好似跌左落去咁🤦🏻‍♀️隔壁位D袋放左係兩枱中間的梳化上，一邊牆一邊袋，勁逼勁辛苦！ 今次點咗葡撻、魷魚圈、海鮮西班牙飯同兩杯飲品 —— 真實經歷，以普通客人身分寫，真金白銀比錢，非打手。沒有誇張失實。已盡量用客觀角度欣賞。 —— 葡撻：熱辣辣，個皮好脆，但中間蛋漿位置太甜！ 魷魚圈🦑：呢個好食，十分推薦！魷魚唔係個種咬緊唔斷的魷魚，一切就斷。不過有少少油膩。 海鮮西班牙飯🥘：期望愈大，失望愈大！雖然適合香港人口味，唔似西班牙的咁濃咁咸，但海鮮真係令人食唔落。面頭的蝦🦐要自己剝殼！青口和蜆臭到好似變壞咗！太誇張啦，完全食唔落！蝦最基本都應該冇殼啦，唔係個蝦味點入個飯到？蜆肉粒粒煮完得張紙咁薄🤷🏻‍♀️又臭！唔推介。沒有失實，當時冇同服務員講，因為太失望，唔覺得講左會有改變。 飲品：Lisbon fizz 橙加芒果🍊的Mocktail, 略嫌太細杯。 Portuguese Sangria 🍷好似冇乜酒精的Cocktail，唔係紅酒做Base, 當冰溶咗先有酒精😅普通。 - 整體，唔會有下次。 唔知係唔夠人定點，其他枱賣左單走哂好一段時間，都唔會有人收拾乾淨😣隔離枱走，到我地走，都冇人執😅😅

呢餐生日飯好似食到大家都唔開心😫個個都對六公館彈多過讚，接近有彈冇讚🤷🏻‍♀️。呢到之前搞過好多Event又有好多KOL黎過，所以對呢到興趣幾大，可能開張請人黎食啦，所以comment咁好🤦🏻‍♀️🤦🏻‍♀️ 服務：正正常常，但覺得佢地好似唔好多想理食客 —— 環境：裝修靚，又有靚景。但去到先知有Event，之後又落哂窗簾咩都冇得望😣出都冇出過戶外 —— 食物：味精極多😣其中一位家人對味精極敏感，食左兩三個餸已經個咀唇勁痕。 1. 沙薑手撕雞- 有沙薑味但勁咸，咸到飛起 2. 八味豆腐磚- 豆腐炸得外脆內滑，可怕又係咸，八味似用七味粉😰 3. 蜜味叉燒- 蜜糖燒得好脆，但唔係好食既叉燒，肉質有啲難咬，同好細份 4. 鴛鴦蝦球- 普通，8個人得3粒細2粒大蝦🍤份量少得可憐 5. 秋葵牛柳粒- 兩樣野唔夾，但係咁又碟中正常的一碟 6. 樟茶鴨- 🦆似唔入味的豉油雞，肉勁鞋，食唔到啲咩特別 7. 帶子賽螃蟹- 🦀正常 8. 龍井老爺雞- 唯一一道有驚喜的菜，好食👍🏻終於有一道好食的菜😂加入左特製龍井，味道特別，雖然有D油，但推介！ 9. 肉絲炒面- 又係正常菜，但好普通，係普通茶樓普通茶記食物 10. 避風塘茄子- 炸得幾好食，食落唔似茄子，連唔食茄子的我都接受都覺得OK，又一道正常菜 11. 帶子蛋白炒飯- 係瑤柱蛋白炒飯😂正常，都好食，但又算係普通中菜質素 12. 燒腩仔- 8個人6粒👏🏻但好食的，皮脆肉質靚，推介 —— 甜品 13. 木瓜杏奶- 原個木瓜上，家人可接受，正常 14. 流沙球配雪糕- 芝麻煎堆配芝麻雪糕，好食！推介！咬開流沙球加入芝麻雪糕，Perfect Match! 芝麻味好濃🤤 15. 三式糕點- 芝麻糕，大菜糕，椰汁糕，左菜糕同椰汁糕味道有點淡 —— 價錢：真係唔價🤦🏻‍♀️好多都係普通茶記普通中菜貨色😰份量時大時細，唔值 —— 整體：唔好太大期望，唔值，味精好重，浪費了靚景。

第一次食芋圓就係食呢間，之後就念念不忘。 可能你會覺得好誇張，但呢到的芋圓真係好有咬口，係我好喜歡的感覺🤤 餐牌上，單是芋圓的甜品已經好多選擇！一定有一款岩自己的喜好。唯獨係鋪太細，好逼。 - 第一次食，芋圓地瓜圓有咬口，料好足。但漏單！催完又催，六個人入面得四碗到，個兩碗催咗三次，其間員工不繼黑面🤷🏻‍♀️ - 第二次，帶男朋友去試，當飯後甜點。今次水多過料好多，芋圓地瓜圓得幾粒，同第一次差好多🤦🏻‍♀️幾乎成碗都係薏米。 - 第三次，買外賣。天寒地凍食熱的仙草芋圓一號。今次好足料😳芋圓地瓜圓好多，珍珠未得轉感椰果都好好食。今次食完一碗好飽🤤 - 整體而言，芋圓同地瓜圓係好食，選擇又多。但真係好甜，份量次次去食都唔同，希望將來可以standardise 個份量。

連續幾日要男友帶我食芋圓，加上收工未食晚飯就揀咗呢間台灣餐廳。一入門口，員工態度OK，無咩特別，問野都肯答。 點咗鹽酥雞、魯肉飯、奶蓋烏龍茶及綜合芋圓。 鹽酥雞- 好熱，好普通，同食開的的差咁D未算好食 魯肉飯- 唔明點解要加大腸？餐牌無寫明有大腸。嚟到兩碗飯只聞到臭味，唔食大腸的我地食唔落，每啖都係有陣怪味。肉躁同飯比例差少少，飯多過肉躁。飯粒質感有點硬。 奶蓋烏龍- 不過不失，烏龍減去奶蓋的飽肚感。 綜合芋圓- 好細碗🤦🏻‍♀️芋圓又細粒又無味。水多過料好多好多😣 整體係失望......魯肉飯係成餐飯的失望開始。一次就夠