放假先黎暴風雨時候，為左善用時間，執埋一袋二袋拎去" 6在朗屏"回收
一落巴士真係橫風橫雨，好不容易磅好曬D回收物，一出去就落個不停
唯有睇下附近有無餐廳順便食埋個"晏仔"
見到呢間黃店都好吸引 呢邊條街多數都興食蛋包飯，即刻心思思叫返份，試一試佢既水準
叫左燒汁豬扒蛋包飯，雖然無諗過佢咁多汁，但係個燒汁係會令人上癮
一啖一啖好快沾滿食完
旋轉型的蛋，擺盤又的確靚既，滑蛋咁款咁順滑
同埋估佢唔到豬扒咁好係炸出黎，脆口又mix 埋個燒汁甜甜地，超好送飯 叫多左個小食係燒汁焗茄子
熱喇喇!!份量都唔少，食多菜平衡返D肉量

炎炎夏日，真心連街都唔想落 The Vigor 可以whatapps落單，外賣自取架 可以起公司嘆到西餐質素，涼住冷氣食添 炸香酥雞 新鮮炸出黎，咬起又juicy 單骨雞翼 拎起手食得好方便 一個大口，一拉出黎，肉肉就是如此簡單落入口中 即炸招牌雞髀 打開手掌✋咁大size 啖啖肉，炸出黎好酥脆 滿滿照燒汁既金菇肥牛卷 同自己起屋企整一樣，落重料架 金菇一大札，由長長既肥牛包裹住 🤤 yummy 想像唔到外賣美食 拎返公司仲係熱喇喇、香噴噴 解茄牛仔柳炒意粉 意粉打開蓋，無淋到仲係起爽身 鮮茄醬仲滿滿地鋪滿每條麵條 牛仔柳都落左成7-8嚿添 足料過好多堂食餐廳 同埋大家可以花多少少錢飲佢既白核烏龍茶 淡淡既白桃香氣

我知一個lunch 食到成百蚊，好似好奢侈
但當你見到呢個足料"真""盛"龍蝦湯泡飯 送到黎，你就會知道物有所值
間唔中都需要獎勵下自己
平時食開頹飯、味精野
但今次係成碗都好足料的龍蝦湯，啖啖鮮甜的海鮮味 Zoom 近一D, 小帶子粒、元貝、青口、蜆肉，仲有重點半邊龍蝦
好幸福!!! 我飲水量都好大架，KO呢個湯完住無難度呀 呢個點既醬汁不得了，辣辣地，好吊到個味，加分位黎
你都知青口有D位會有點苦澀味，依家點完，個鮮甜味昇華左 呢碟係必食之一, 墨魚手指拼魚腐
炸到脆卜卜墨魚手指好爽口
炸魚腐的空心感好特別 睇封相，我知我大食啦，不過為左呢餐我忍左口好耐架
今次要破一破戒。蟹肉位漲卜卜，正 最後嘆埋呢杯回魂的炭燒咖啡，又可以繼續努力起星期六返工啦

以前起九龍中心返工，由高處望落去就係呢個Cafe Terrace的露天平台
覺得佢裝飾得好靚，但今次係平日早上去，太陽好曬就唔揀去坐露天位
起入面坐都好舒服
首先，佢個sofa 位好闊，甚至乎可以坐到每邊3個人添
冷氣又夠 幾鍾意個長廊，好似行catwalk 咁
叫落單個陣，個服務員就係行catwalk 咁啦!!! Set lunch 好實惠下
我就揀左炭燒美國特級西冷扒都係$128, 但又怕自己唔夠飽
叫多左個黑松露厚切甜薯絲 真心自從唱K以來就無起其他地方飲返杯fruit punch
真係懷念之作 首先到達的就係fruit punch+甜番薯條
好正呀個黑松露醬
聽講甜番薯條好似比起薯條會較會健康 不過佢炸到脆卜卜都有點自責架
難得一次就豪盡佢啦!!! 瘋狂食食食 舒舒服服咁嘆我呢餐late lunch 一睇就知佢炭燒味好重，我幾喜歡佢既燒到格仔款的牛扒
一擺入口就炭燒香味由口腔湧上來鼻腔
一流的牛扒好易切，唔多筋位 裡面的小蕃茄再到小薯角都一樣咁出色 離開個陣，仲見到人地食緊3層架囉
羨慕，下次搵埋朋友來陪我食，打下卡

落左班，走左去比較傳統的百老匯睇戲
開戲之前就四圍搵下有無野食可以醫肚先
見到呢4樓上舖有扒食幾鍾意佢既氣氛，好屋邨生意咁，服務員好Nice
同埋睇得出個店家係動漫迷，好多模型我揀左跟餐價$132 , 再+1 , 都係$145埋單服務員好貼心，見到我大汗細汗咁
準備左個室溫同凍水俾我
好sweet
亦都好快手咁上左個沙律菜
等我有D野落肚...新西蘭西冷牛扒 
個扒煎得香又易切，唔會太多筋位
食落又淋身
最欣賞佢落左好燒烤汁，所以食落除左肉汁，更多左個層次的味道份量亦都唔惹少
食完飽飽，準備去睇戲啦!
仲要讚一讚佢杯咖啡
好香濃好滑
雖然夜媽媽就唔好飲咖啡，但始終忍唔住個咖啡癮

唔知幾時開始，燒鵝變左個奢侈品 街市D人多數俾你揀得既就係燒鴨 見到呢間主打就係sale鵝肉，就不妨一試佢底蘊 見到係瀂水鵝肉飯，同埋周圍枱既人都係叫開呢碗飯 睇貌相都唔錯，值得一叫 餐牌仲有D瀂水斬料既拼盤 可惜今日只得一個人來，一定食唔曬 唯有下次同屋企人再來食過 鵝汁同甜酸汁起枱面 自己動手不求人，要幾多拎幾多!! 上菜了!!! 食呢D瀂味就當然配上飯就最好味 瀂水蛋、豆卜、醃菜，豬肉片，主菜：鵝肉片 份量都唔差，擺滿成個碗， 樣樣都有D 鵝肉的肉色非常靚，證明用料甚好，新鮮光澤 大愛佢地醃既酸菜，好開胃，又有點辣辣地，好岩送飯 豆卜又吸左D鵝肉味，好香

話說專登落街想食個豐富原條魚午餐
但始終抵不住肚子餓的響聲
倒不如就點個豐富早餐啦!! 早餐既價錢非常合理，好抵食添
叫多少少唔怕唔飽!! 特式金桔檸只需加多$3
又大杯又凍又健康既飲品 樣樣都想試，那就不如加多少少錢
食埋佢個滑蛋、炸豬扒 炸豬扒 肉雖薄，但好鬆化
咬落仲有肉汁流出
真係好神奇，D豬扒肉既甜味起個口腔打滾 牛奶味濃濃的炒滑蛋，炒得岩岩好，一D都唔老
好滑帶一點點流心感
甜得黎又有蛋香 超值的港式早餐$35
魚腐、牛肉、雞翼
覺得佢出品的炸物真係幾出色，雞翼同豬扒都整得好juicy
同埋呢個米線湯底係魚湯味好重，好好飲 最後都係忍不住點多個甜品
涼粉紅豆$16 輕食一下
滿滿的紅豆，涼粉切出黎既size好特別，細粒但黎好有出面賣開既寒天感覺
好好咬口

真係好耐都無出黎尖沙咀 仍然想念在這裡返工的日子 一到放飯時間總會來到這間泰國餐廳品嚐 今次同朋友share，一於就試埋佢小食拼盤 ($69)  性價比都超值架，份量岩岩好，又試到佢3款小食 香口脆雞翼，咬開仲好juicy架!! D 肉汁流曬出黎，好滋味 炸蝦餅好食到震添，蝦味好濃郁，口感好似D魚蛋咁，好實身好有料 最出神入化既係炸芝士雲吞
非常脆皮包裹著濃厚的芝士芯
咬落好煙煙"up"up" 我地都最喜歡佢既冬蔭公湯底
材料豐富架，有秋葵、蟹柳棒、青口、蝦
我就揀左黑豚肉，朋友就揀左肥牛...
佢都大讚呢間野好食，下次再encore 

土瓜灣呢間有格調的薄餅店  裝修偏向現時流行的工業風  價錢竟然是平民價   Pizza有非常多款式可以選擇  有千島醬底、蕃茄醬底、特色醬底。總有一款你喜歡的。 還有素食pizza  不吃肉的朋友可以來試試。 呢到的餅底口感煙煙韌韌  原來是師傅手製的   焗肉醬意粉應該是即焗的  要小心因為非常熱的   肉醬味鹹鹹地  配上意粉吃不錯不錯 秘製燒豬排骨 需時約30分鐘！賣相非常靚 燒得剛好  好有炭烤的感覺  肉汁都製多  而配料薯條都很好吃 飲品凍奶茶和凍檸茶  解渴 是港式的風味

好耐之前就興左排串串系列 吸納左大陸的飲食文化，串串燒、串串鍋既方式烹調 所以專登約左朋友上來試呢間放題式的串串鍋 醬料種類也不輸蝕，俾你慢慢去調味 好多人都講串串鍋同打邊爐一樣，都係用個鍋去煮熟D野 但我真心想講，風味呢家野真係好重要 件件都串起好，唔洗起個鍋裡面用筷子夾黎夾去，一拎起就食到 食完仲放起竹筒 出去行左轉，D野食種類都好多
麵類、菜類、丸類、甜品類都應有盡有 D食材配搭都唔錯
豬腩肉片捲韭菜、新鮮的魷魚、牛肉捲金針菇、豆卜 我最初以為係雪米磁，點知原來係放入湯底煮的芝麻湯圓
好食到不得了，個皮厚左先耐得高溫，起個碗度慢慢煮 可以憑紙任點的肥牛、腩片 D厚度會闊D，所以一煮熟後，D肉較紮實同埋牛肉會較重 阿波蘿系列，布甸、杯裝雪糕都好吸引