🥰 三年前, 初試 “鮨吟”, 大開眼界, 不時都諗住帶 “皇太后” 嚟探店.

😱 時光飛逝, 劇情真係玩到 “鮨吟” 宣佈結業了, 今日把握最後機會, 安排 “皇太后” 微服出巡, 點咗 午餐 Omakase, $1,380+10%. Do 師傅一打九.

🐟 刺身 / 熟食
象拔蚌
魚子醬, 白蝦, 吞拿魚蓉
剝皮魚
池魚
珍蠔
拖羅, 配鵝肝冰
毛蟹肉, 螢光魷魚, 鰻魚苗
炸白蝦
赤貝青瓜紫蘇卷

🍣 壽司
花竹蝦
大拖羅
海膽
新鮮北寄貝
拖羅筋
鯖魚

🥣 公魚湯

🍩 甜品
海綿雞蛋
咖啡酒
宮崎芒果
紅豆雪糕

🥢 餐廳裝修和諧舒適, 分兩個用餐區, 一邊設方枱, 望馬場, 另一邊設肥U型壽司吧枱, 望樓景.🐚 九州象拔蚌, 配沖繩岩水雲. 象拔蚌爽甜, 配酸酸嘅水雲, 完美結合!🦐 魚子醬, 白蝦, 吞拿魚蓉. 魚子醬帶領味道, 白蝦同埋 吞拿魚蓉 充實口感, 不俗!🐟 剝皮魚, 撈魚肝. 嘩, 剝皮魚滑捋捋, 魚肝味道豐郁, 驚喜之一.🐟 池魚, 配紫菜. 池魚幼切, 玩芝麻調味, 放上紫菜一齊食, 唔錯.🦪 瀨戶內海珍蠔. 加咗少少椒味, 有趣.🥰 拖羅, 配鵝肝冰. 據師傅介紹, 鵝肝以紅酒浸浴, 再雪硬, 即塲刨出嚟, 少少似刨松露, 哈. 鵝肝冰入口即溶, 好似雪糕咁, 溶哂黐住肥美嘅拖羅, 肝味慢慢滲出, 十個讚!🦀 毛蟹肉, 螢光魷魚, 鰻魚苗. 酸菜魚味湯底, 即塲倒入容器, 食材被淥到岩岩熟, 有趣! 可惜搞完一輪, 湯唔夠熱, 哈.🍟 炸白蝦. “皇太后” 最愛之一. 師傅以 “麥當勞蘋果批” 包裝出塲, 賣相加分.🐚 赤貝青瓜紫蘇卷, 配九州佐賀冰菜. 赤貝新鮮, 冰菜脆口.🍣 九州花竹蝦. 半生熟, 爽彈, 出色!🍣 大拖羅. 肥美呀!🍣 馬糞海膽. 老老實實, 一般般!🍣 新鮮北寄貝, 加咗生花椒. 鮮甜爽口, 帶少少海水味.🍣 拖羅筋. 呢個精彩, 燒拖羅條筋, 迫出魚油.🍣 鯖魚, 配白板昆布, 紫菜. “皇太后” 話鹹咗少少.🥣 公魚湯. 味道偏淡麗, 唔係我杯湯.🍮 海綿雞蛋. 香滑軟綿, 一啖食晒.🥂 咖啡酒. “鮨吟” 嘅指定作結動作.🥭 宮崎芒果. 出動名廠 “大陽之子”, 聽講一棵樹得一粒芒果, 等佢熟咗跌落嚟, 又甜又多汁.🍨 紅豆雪糕. 非常好食, 完美結束.🤗 總結: 人有悲歡離合, 月有陰晴圓缺. 臨別秋波, 枱枱都係熟客, Do 師傅忙到甩轆, 但節奏控制仍然出色. 論食物, 師傅嘅菜式創意同變化依舊十分精彩, 最緊要 “皇太后” 食得高興. 再見 “鮨吟”, 再見 Do 師傅.

📖 偷聽番嚟, 原來 “鮨吟” 係深圳有兩間分店!

🥰 話說早前再訪 Senti, 発現同系新餐廳 Donovan, 主廚 Donovan 乃馬會餐廳 Derby Room 嘅前任主廚, 離港幾年後強勢回歸. 據了解, Senti 主廚嘅師傅就係 Donovan.

🏘️ 餐廳長方型樓面, 設三張半圓型梳化雅座, 及數張方枱, 用餐區望到酒吧, 再透過玻璃望到廚房.

🥢 今日相約老友 “甘仔” 探店, 午餐三道菜, 包頭盤, 主菜, 甜品, $380+10%, 配酒兩杯 $280+10%, 另收茶位 $48+10%.

頭盤: King Crab / Steak Tartare
主菜: Spiced Roast Challandais Duck
甜品: Valrhona Chocolate Coulant / Japanese Cheesecake🥐 麵包. 賣相十分霸氣, 表層焦糖味, 可惜唔夠脆, 內層少似丹麥吐司, 又唔夠鬆軟, 過關吧!🦀 頭盤: King Crab, sea urchin ice cream, yuzu, caviar. 另加 $120. 魚子醬味道帶領, 海膽雪糕相對含蓄, 配帝王蟹肉, 紮實嘅一體感.🐂 頭盤: Steak Tartare, black garlic, horseradish, egg yolk, popped tendon. 牛肉咬落似池魚, 調味出色, 配料加重嚼口, 幾特別喎.🤗 主菜: Spiced Roast Challandais Duck, camarelized endive, coffee sauce. 法國菜食鴨最穩陣, 鴨皮煎香, 肉質粉嫩入味, 配鴨肉餡雲吞仔, 出色. “甘仔” 加咗鵝肝, 盛惠 $100.🍩 甜品. Valrhona Chocolate Coulant, earl grey ice cream, crumble. 熱溶朱古力, 配凍凍雪糕, 冰火交融, 交足功課.🍰 Japanese Cheesecake, hyuganatsu, chamomile ice cream. 蛋糕軟綿, 略歉雪糕唔夠實淨, 哈.🍪 Cookies. 完美結束.🤗 總結: 餐廳走中高檔路線, 午餐性價比有優勢. 餐牌簡單, 唔會加嚟加去, 我鍾意. 座位舒適, 服務到位. 論食物, 頭盤主菜發揮理想, 用餐體驗愉快, 期待下次再訪.

🥰 近日幾位食家老友不約而同講起 “家全七福”, 又話係 “福臨門” 承傳, 又話晚市座無虛席, 我梗係上 OpenRice 做功課, 老實講, 好壞參半, 主要喺 貴, 低性價比 同埋 質素普通. 今日江湖飯局, 小試牛刀, 主攻點心.🤗 蜜汁叉燒腸, $80.🥟 雞粒荔芋角, $80.🐚 百花釀魚肚, $80. 🦐 筍尖鮮蝦餃, $80.🐟 蜜汁燒鱔, $420.🤗 豉椒雞球炒河, $280.🥰 紅豆沙, $70.😱 總結: “家全七福” 屬酒店中菜廳, 定價有點離地. 裝修夠唒架勢, 可惜樓底唔夠高, 服務人員充足, 但唔夠溫度. 論食物, 點心四平八穩, 招牌菜 蜜汁燒鱔 做到皮脆肉彈, 但真係冇驚喜喎, 豉椒炒河 又炒唔出 “大排檔” 嘅鑊氣, 哈哈.

🥰 近日收到 Senti 電話短訊, 五週年大酬賓, 原來幾年前食過兩三次午餐, 體驗唔錯嘅, 可惜遺忘了.

🥢 今日相約 “小秘書” 探店, 點咗 Tasting Menu, $980+10%, 要預訂, 否則只可以散點, 另配酒 $428+10%.

Hokkaido King Crab Tian
Scallop
Maine Lobster
Lobster Cappuccino
French Pigeon
Strawberry Sorbet

🏘️ 餐廳L形樓面, 大約二十個位, 深沉色嘅裝修, 開放式廚房, 單邊落地玻璃, 斜望 “大館”. 🦀 Hokkaido King Crab Tian. Caviar, Cucumber, Lime Sorbet. 雪葩帶領清新嘅感覺, 但食唔到皇帝蟹嘅鮮味, 略欠一體感, 合格吧. 🥂 配清酒, 麻麻地.🐚 Scallop. Pancetta, Cauliflower, Light Curry, Capers. 帶子面皮香脆, 做到啱啱熟. 🥂 配以色列白酒, 聞落飲落都味淡, 只能說: 有趣.🦞 Maine Lobster. Daikon, Grape. 藍龍蝦, 肉質滑捋捋, 口感少似瀨尿蝦, 牛油香草嘅配汁犀利囉, 點蒜蓉包嚟食, 一流! 🥂 配法國勃根第白酒, 提升龍蝦鮮味, 唔錯!🦞 Lobster Cappuccino. Melon, Preserve Lemon. 龍蝦味道濃郁, 唔會 “渴撻撻”, 隻杯又夠熱, 大滿足.🤗 French Pigeon. Thyme Jus. 主菜: 牛, 鴿, 魚, 三揀一, 揀咗法國菜穩陣嘅乳鴿. 沒有脆皮, 肉質粉嫩入味, 建議師傅玩兩個做法, 食落冇咁單調. 🍷 配法國勃根第紅酒, 幽香嘅草莓味, 雖有誠意, 但飲落薄身, 襯唔到乳鴿.🍓Strawberry Sorbet. Yoghurt Charlotte, Mixed Berry Compote. 主席位係士多啤梨雪葩, 配角乳酪口感軟綿, 正常發揮.🍹 配法國甜酒, 夠誠意, 多謝唒, 我覺得甜酒唔襯酸嘅雪葩, 哈哈.🤗 總結: 餐廳環境舒適, 今晚兩枱客, 經理一腳踢, 服務合格. 論食物, 交足功課, “藍龍蝦” 同埋 “龍蝦湯” 十分驚喜, 配酒五杯, 誠意十足. Senti 用心製作, 價錢合理, 值得一試.

📖 開心大発現, 原來 Senti 同近期爆紅嘅 “文苑飯店” 屬同一飲食集團 😱.

🤗 去年聖誕, 係置地廣場, 重遇十年冇見嘅 “基金經理”, 閒話中 佢講起 米芝蓮星級韓國菜 Mosu, 又話係 廚藝嘅 “極至”.

🥰 踏入龍年, 相約老友 “甘仔”, “約兒”, “格魯特” 食開年飯, 心裏已經敲定 Mosu. 一開始, “甘仔” 嫌貴, “約兒” 嫌遠, “格魯特” 嫌棄韓國菜, 最後成功力排眾議, 哈哈.

🏘️ 餐廳位於西九文化區M+ 3樓, 開𨋢, 直望餐廳入口, 右邊望到M+ 嘅花園連維港景. 服務員帶路, 走過長走廊, 途經廚房, 隔著玻璃跟主廚打個招呼, 進入用餐區.

🥢 今日安排坐半圓型梳化位, 嘩, 環境非常闊落, 設酒吧區, 雙邊落地玻璃, 望花園景, 室內採用垂簾式吊燈, 配合梳化底滲光效果, 燈光略暗, 半靠窗外自然光.

📖 午餐一個餐單, 餐牌印喺半透明嘅牛油紙上面, 冇顯示價錢, 埋單$1,180+10%, 配酒餐牌放底, 對番食物, 有意思嘅設計, 又係冇顯示價錢, 埋單 $680+10%.

Small Bites
Perilla Salad
Pine Nut Custard
Mackerel & Naeng-yi
Cast Iron Pot Rice
Small Sweets🍹 Welcome Drink. 材料包括 韓國米酒, 花椒, 薑. 酒味薑味跑出, 少少椒香, 飲落清爽.🐚 Small Bites: 北海道帶子海苔杯. 建議一啖食晒, 帶子新鮮, 紫菜又夠脆, 底層嘅薯仔沙律提升質感, 完美結合, 十個讚!🍄 Small Bites: 蘑菇撻, 杏仁, 蘑菇啫喱. 建議一啖食晒, 杏仁味帶領, 菇香慢慢滲出, 啫喱口感, 掂!🐚 Perilla Salad. Perilla 係韓國嘅紫蘇葉, 但冇咗我平日唔鍾意嘅味道. 主角係底層嘅紫蘇籽, 卜卜脆, 配角係鮑魚, 蛋黃, 撈埋嚟食, 厲害嘅一體感, 其中一啖食到藤椒味喎, 出色!🍥 Pine Nut Custard. 松子蒸蛋. 鮮味滲透蒸蛋, 再與 虎蝦, 銀杏 同埋 牛蒡 各自擦出火花, 絕對係神級之作, 係今期食過最好食嘅蒸蛋.🐟 Mackerel & Naeng-yi. 韓國釜山鯖魚, 肉質結實滑溜, 入口甘香, 放底層嘅 Naeng-yi 屬韓國出產嘅蔬菜, 平衡醬汁嘅肥膩, 過關!🐂 Cast Iron Pot Rice. 韓式鐵鍋, 韓牛, 醬菜, 舞茸菇. 牛肉粉嫩, 重油脂, 有點嚼口, 齋食少少腬, 配合香噴噴嘅焗飯, 一流!🍨 Small Sweets: 韓國蜜柑雪糕. 加咗香草油, 賣相攪笑, 好似俾人食咗一半, 味道酸酸甜甜, 不俗!🍰 Small Sweets: 韓國海苔芝士蛋糕. 外貌正常, 一陣陣 “燒燶味”, 有趣, 蛋糕質感相當軟身.🥨 Petit Fours. 韓式甜點, 用粘米粉整, 建議分成兩三啖食, 入口似實咗嘅 “蛋散” 或者 “馬仔”. 🍷 講講配酒, 再次讚賞餐牌設計, 食物餐牌印喺半透明嘅牛油紙上面, 配酒餐牌放底, 食物對番酒款. 第一杯, 法國香檳, 氣泡豐富, 助攻頭盤嘅帶子, 正路. 第二杯, 意大利白酒, 我就係覺得淡味, 哈哈, 當然, 配蒸蛋, 合理嘅. 第三杯, 紅酒, 傳說中嘅 “單公仔” d’Armailhac, 法國名廠, 又提前醒酒, 抵讚.🤗 總結: 餐廳空間感十足, 服務帶溫度, 服務員認真清楚介紹餐牌, 介紹食物, 有問必答. 論食物, 似法國菜多過韓國菜, 一體感超讚, 幾道頭盤喜出望外, 早幾次喺星級法國餐廳食魚都踩雷, 今日嘅鯖魚完勝, 韓牛未算驚喜, 但焗飯出色, 大滿足!

📖 翻查資料: Mosu, 韓文意思係 “秋英”, 又名 “大波斯菊”, 一種喜歡太陽嘅花, 係韓國行政總廚 Sung Anh 家鄉常見嘅花朵, 因而起名. 香港係 Mosu 首間海外分店, 聽講 Sung 年少移居美國, 由於言語不通, 靠睇港產片, 打發時間, 對香港早有了解.

🤗 早前聽聞 中環 “鏞記” 旁邊開咗間 “廚師發板”, 幾經艱苦, 搵到嘞, 原來係 “預約困難店” Shion, 梗係約埋老友 “意大利長介” 嚟探店.

🏘️ 餐廳屬 “樓上舖”, 行兩層樓梯, 見到鮨店入口, 走過門簾, 中間係服務員工作台, 男女洗手間喺左邊, 直望係十人L型壽司吧枱, 空間非常闊落, 十個讚! 另設一張四人方枱, 怪怪地. 裝修走簡約風格, 冇乜花巧嘢.

🥢 今日點咗12貫壽司套餐 $680+10%, 其他選擇: 10貫壽司套餐 $480, 又或者刺身壽司套餐 $1,180. “長介” 又唔睇價錢, 揀咗貴價清酒, 盛惠 $1,080.

📖 聽講鎮店日本師傅 Adachi san 去年底返咗日本. 現在駐塲嘅日本師傅係 Sugano san, 今日招呼我哋嘅係本地師傅 “魚 san”, 剛由姐妹店 “鮨慎 Kami” 調過嚟.

🍥 茶碗蒸

🍣 壽司
左口魚
深海池魚
甜蝦
九繪魚
赤貝
昆布海膽
中拖羅
赤身醬油漬
大拖羅
鯖魚
池魚
吞拿魚手卷

🥰 酒肴
八爪魚
鮟鱇魚肝

🍥 玉子燒
🥣 麵豉湯
🍮 焙茶奶凍🍥 茶碗蒸. 夠熱, 合格.🍣 左口魚. 味道相對淡麗, 食落口感充實, 煙煙韌韌, 過關! 聽聞 Shion 嘅舍利偏酸, 又唔覺喎.🍣 深海池魚. 魚油豐富, 我鍾意呢個實淨嘅口感, 同啱啱 “軟癩癩” 嘅左口魚形成對比, 有趣!🦑 八爪魚. 腍呀, 又入味, 可惜份量太少, 哈哈.🦐 甜蝦. 三隻蝦, 入口澎湃, 既鮮甜, 又膠口, 唔錯!🍣 九繪魚. 陌生嘅名字, 屬於深海石斑魚. 肉質飽滿, 且具彈性. 玩炙燒, 聞落, 食落, 吞落, 都享受馥郁香味, 但又唔會油淋淋, 不俗!🐚 赤貝. 大隻兼厚肉, 鮮味海水味湧出, 掂!🐚 昆布海膽. 初嚐昆布版本, 味道更濃郁, 口感更渴身, 完美享受海膽鮮味, 十個讚!🥰 鮟鱇魚肝. 入口軟綿, 雪糕口感, 咁香味道慢慢滲出, 又係份量太少, 哈哈.🍣 中拖羅. 魚味濃郁, 柔潤肥美, 鐵銹味絕配醬油味, 我鍾意!🍣 赤身醬油漬. 相比 “中拖羅”, 口感更細𡟹, 醬油味更甘香.🍣 大拖羅. 完全見唔到脂肪紋嘅? 雖然有點失望, 但醬油發揮更精彩. 中拖羅, 赤身, 大拖羅, 就係傳說中嘅 “鮪魚三連發”.🍣 鯖魚. 原始經典版本, 相對厚切, 入口滑溜, 重魚味, 抵讚!🍣 池魚. 賣相出色, 盡顯師傅刀功. 食落魚肉緊緻, 又非常肥美.🍙 吞拿魚手卷. 吞拿魚蓉味道香濃, 引人入勝, 配脆脆紫菜, 充滿驚喜.🍥 玉子燒. 質感軟綿, 甜度啱啱好. 🥣 麵豉湯. 熱辣辣, 好味道, 順便解酒醉.🍮 焙茶奶凍. 茶味搶鏡, 完美結束.🤗 總結: Shion 走中高檔路線, 以日本師傅作招徠, 坐位舒適濶落, 可能空間太大, 講嘢聽嘢好空曠, 傾密計有點困難, 扣分. 服務貼心到位, 師傅有問必答. 論食物, 傳統江戶前風格, 魚料優質, 調味簡單, 十二貫壽司之外, 加料 鮟鱇魚乾 同埋 八爪魚, 多謝唒! 香港地, 日本餐廳五花八門, 人外有人, 天外有天, 今日有緣到此一遊.

📖 翻查資料: “江戶前” 原指 “江戶城前的河灣”, 即現在嘅東京灣, 當時魚類品種豐富. 另一個意思係 “江戶前” 嘅 傳統壽司製作方法 或者 手握壽司哲學. 江戶時代尚未出現如今先進嘅交通工具同埋雪櫃, 人們想出不同嘅方式保存海鮮食材, 包括煮, 醃, 浸泡等, 演變出一套製作壽司嘅哲學. 

三年前, “預約困難店” 遙不可及, 今時今日終於可以逐步解鎖, Decree by T 係目標之一, 尖沙咀原店已結業, 緣份未盡, 今日嚟到中環店.

🤗 餐廳位於中環 FOCO, 沿半山扶手電梯直達, 搭𨋢上22樓, 玄關又掛畫又玻璃, 玩唒藝術. 再進用餐區, 設長形十二人壽司吧枱, 一字排開, 玻璃窗望樓景.

🥢 開年飯, 梗係一步攻頂, 點咗午餐, $880+10%, 包六道料理, 八貫壽司, 玉子燒, 卷物, 湯, 甜品, $680 版本少三道料理. 另點清酒, $350+10%.

吞拿魚腸粉
鮟鱇魚肝雪糕筒
富山白蝦
北海道帶子
櫻魚鯛
茶碗蒸
劍魚腩
深海池魚腩
梭子魚
大拖羅
白子
赤羽太
海膽
右口魚邊
吞拿魚太卷
玉子燒
粟米魚蓉湯
白桃乳酪🐟 料理一… 吞拿魚腸粉. 腸粉皮用豆乳製, 包住吞拿魚醬油漬, 配辣根. 菜式設計具心思, 好食嘅, 但埋沒咗醬油漬嘅甘香.🍦 料理二… 鮟鱇魚肝雪糕筒. 鮟鱇魚肝, 無花果墊底, 山楂皮, 柚子胡椒. 貌似西餐嘅餐前小食, 賣相加分, 食落少似泡芙, 一體感超讚.🦐 第一件壽司… 富山白蝦, 昆布漬, 竹炭鹽. 黐𥹉𥹉口感, 有趣, 但係冇乜味. 🐚 第二件壽司… 北海道帶子, 煎酒醬油, 柚子汁. 帶子爽甜, 醬油味略淡.🍣 第三件壽司… 櫻魚鯛, 柚子胡椒. 煙煙韌韌, 魚味略淡, 味道由柚子胡椒帶領.🍥 料理三… 茶碗蒸. 用蟹殼熬湯蒸蛋, 蟹肉蟹膏放面, 柚子皮. 蟹肉蟹膏味道極度鮮甜, 非常出色!🍚 料理四… 叉燒飯. 劍魚腩 (扮叉燒), 蛋黃醬. 又幾似叉燒喎, 有趣.🍣 第四件壽司… 深海池魚腩. 魚油充足, 肉質緊實.🍣 第五件壽司.. 梭子魚. 調味似三升漬, 帶蒜香芝麻香, 搶了味.🍣 第六件壽司… 大拖羅, 兩星期熟成. 非常肥美, 又唔腬.🐚 料理五… 香煎白子, 意大利青醬. 麻麻地, 我鍾意原味.🐟 料理六… 赤羽太, 立鱗煎, 白麵豉, 蔥油. 魚肉爽彈, 口感少少似白鱔, 魚鱗翹起, 十分脆, 調味汁似西餐嘅忌廉奶油, 神級之作. 🫖 京都焙茶. 解一解肥膩, 舒服晒.🐚 第七件壽司… 北海道小川海膽, 配紫菜. 忌廉口感, 鮮甜, 出色!🍣 第八件壽司… 右口魚邊. 炙燒迫出油香, 絕配脆脆紫菜, 掂!🍙 吞拿魚太卷. 吞拿魚, 吞拿魚蓉, 白身魚, 乾飄. 一啖食晒, 正! 我覺得好食過 “雲隱”. 🍮 玉子燒. 玉子燒嘅材料一般係蝦同埋魚, 今次全用墨魚, 加山芋蓉, 低溫焗. 口感軟綿, 讚!🥣 粟米魚蓉湯. 魚味非常濃郁, 渴身, 驚喜之一.🍨 白桃乳酪. 無加糖無加奶, 扮雪糕. 完美結束.🤗 總結: 食得多傳統 “江戶前” 壽司, 可以試下 Decree by T. 環境裝修走高檔路線, 聽講掛畫杯碟全部名牌, 打卡一流. 今日副將招呼, 大將間中客串搭嗲. 服務人手充足, 但壽司吧枱太深, 苦了師傅同埋服務員. 初嚐日法混血料理, 擺盤搶鏡, 加分, 菜色設計充滿驚喜, 十分過癮. 但係呢, 某幾道食材, 例如赤身, 白子, 我更期待原味, 哈哈. 

📖 翻查資料: “江戶前” 原指 “江戶城前的河灣”, 即現在嘅東京灣, 當時魚類品種豐富. 另一個意思係 “江戶前” 嘅 傳統壽司製作方法 或者 手握壽司哲學. 江戶時代尚未出現如今先進嘅交通工具同埋雪櫃, 人們想出不同嘅方式保存海鮮食材, 包括煮, 醃, 浸泡等, 演變出一套製作壽司嘅哲學 .

🥰 “電視台美女” 推介 “粵軒” 嘅 “黯然銷魂飯”. 電話訂位, 記得要訂埋套餐, 每位 $388, 兩位起.

煙燻鴿
羊肚菌螺頭燉水鴨
黑皮雞樅炒蝦球
黯然銷魂飯
黃橋燒餅, 大紅袍茶皇糕

😱 “粵軒” 位於灣仔 六國酒店 內, 主攻傳統粵菜. Openrice 食評好壞參半, 主要投訴叉燒唔對版, 同埋上菜緩慢, 服務一致劣評.

🥢 餐廳大堂一眼睇唔晒, 應該係兩個眼鏡廳, 另設多間廂房, 酒店格局, 坐位舒適.🥒 前菜: 青瓜🕊️ 煙燻鴿🍄 羊肚菌螺頭燉水鴨🦐 黑皮雞樅炒蝦球🤗 黯然銷魂飯🥧 黃橋燒餅, 大紅袍茶皇糕🤗 總結: 服務小亂, 未去到災難級別, 但作為酒店嘅中菜廳, 有點失禮. “黯然銷魂飯” Ok 嘅, 只係名氣過大, 零驚喜, 叉燒唔夠腍滑, 太大嚿, 食得有點狼狽, 最後食唔晒. 整體食物水準還好, 套餐 “性價比” 係賣點. 

📖 (1) “黯然銷魂” 此詞出自於 “南朝. 江淹 <別賦>”. 形容極度沮喪, 像失了魂一樣.

📖 (2) “黯然銷魂掌” 出自金庸鉅著 “神鵰俠侶”. “楊過” 與 “小龍女” 在絕情谷斷崖失散後, 獨自赴東海苦練武功, 以排解與”小龍女” 失散之痛, 最後創作出 “黯然銷魂掌”.

📖 (3) “黯然銷魂飯” 出自電影 “食神”. “周星馳” 飾演嘅 “史提芬周” 落難時, 曾遭 “莫文蔚” 飾演嘅 “火雞” 贈送一碗叉燒煎蛋飯, 其後 “火雞” 為 “史提芬周” 擋槍而死, “史提芬周” 於少林寺中思念曾經出生入死嘅 “火雞”, 喺 “食神大賽” 嘅最後關頭, 更炮製出感人至深嘅 “黯然銷魂飯”, 與楊過失去小龍女後創出 “黯然銷魂掌” 嘅情節異曲同工.

😱 早前 “洪爺” 江湖飯局不歡而散, 老友 “意大利長介” 決定喺 “頂好海鮮酒家” 擺番餐和頭酒.

🥢 餐廳入口係彌敦道, 直接落地牢一層, 傳統中式酒樓格局, 裝修少少殘舊, 但光猛闊落, 大堂一眼睇唔唒, 至少二十張枱吧. 今晚安排廂房, 除咗用餐嘅圓枱, 另設一張六人長方枱, 用嚟放下袋呀雜物等等, 又設大電視唱卡啦Ok.

🥰 “電視台美女” 多番推介 “頂好”, 今次麻煩佢搵老闆寫菜.

滷水生腸
太白醉鮑魚
砵酒薑蔥瀨尿蝦炒球
荔蓉帶子盒
滋味小炒王
鴻運乳豬, 半隻, 伴海蜇
清湯蘿蔔蝴蝶腩
菠蘿咕嚕第一刀
蟹肉扒豆苗
XO醬火鴨絲新竹米粉
生煎包
美點, 糖水🐚 滷水生腸. 老友 “長介” 點名嘅前菜. 生腸大大碌, 以形補形, 爽口, 略嫌唔夠滷水味. 🐚 太白醉鮑魚. 夠大隻喎, 有嚼口, 唔靭, 用刀叉切, 酒味適中, 過關啦.🦞 砵酒薑蔥瀨尿蝦炒球. 薑蔥非常惹味, 蝦身起肉, 加炸粉炒球, 好食! 可惜, 浪費咗瀨尿蝦滑捋捋嘅口感, 蝦頭蝦尾原汁原味同樣精彩, 哈.🤗 荔蓉帶子盒. 我唔鍾意食芋頭, 但鍾意食芋角. “荔蓉帶子盒” 異曲同工, 表皮酥脆, 以原隻帶子作餡料, 真係啱啱熟, 絕配口感軟糯嘅芋蓉, 一流.

📖 翻查資料: 荔浦市, 係中國廣西壯族自治區桂林市轄下嘅縣級市, 農業發達, 荔浦芋頭 喺國內外享負盛名. 但係呢, 用荔浦芋頭做出嚟嘅 “蜂巢芋角” 又成為廣西柳州嘅特色小食.🦑 滋味小炒王. 魷魚蝦乾嘅鮮味, 由頭帶到尾, 出色!🐖 鴻運乳豬, 半隻, 伴海蜇. 多謝老闆送嘅海蜇, 但乳豬海蜇貌合神離, 賣相搞笑. 講番乳豬, 脆皮, 肉簿, 唔怕肥揗揗, 不俗.🐂 清湯蘿蔔蝴蝶腩. 明火瓦煲上菜, 熱辣辣, 牛腩入味, 軟膠部分 非常滑溜, 我鍾意. 蘿蔔清甜, 索唒汁, 掂!

📖 翻查資料: “蝴蝶腩”, 又叫 “崩沙腩”, 或 “𧌇䖢腩” (“𧌇䖢” 喺南越語中意思係蝴蝶), 係牛嘅橫膈膜連著嘅腩肉, 軟腍味香. 🐖 菠蘿咕嚕第一刀. 咕嚕肉脆口, 肥瘦均勻, 味道平衡.

📖 翻查資料: 第一刀, 指豬隻送到肉檔後, 第一個落刀嘅位置, 亦即係豬頸椎, 豬頭對下嘅小塊肉, 又名梅頭上肉或梅頭咀, 一隻豬只有一塊, 十分珍貴. 第一刀屬於半肥瘦豬肉, 纖維細緻, 沒有肉筋, 肉質腍滑.🥬 蟹肉扒豆苗. 豆苗鮮嫩, 誠意之作.🍜 XO醬火鴨絲新竹米粉. 鑊氣充足, 米粉乾淨俐落, 唔會黐𥹉𥹉. 菜單寫鴨絲, 我食唔到鴨絲, 哈哈. 🥟 生煎包. 驚你唔夠飽, 多謝唒. 皮略厚, 帶肉汁, 合格!🍪 美點, 糖水. 當大家飽到嘔, 以為食完嘅時候, 美點浪接浪, 曲奇餅, 雪葩, 大柑.🐟 蒸鹹魚. 食完晒飯, “長介” 口痕問廚房有乜好送酒, 結果嚟咗碟鹹魚, 真係比 “長介” 吹脹. 講番條鹹魚, 鹹鮮, 甘香, 可惜冇白飯.🤗 總結: 食物水準之上, 烹調技術穩定. 廂房裝修比大堂新淨, 服務非常到位, 加上老闆熱情招待, 用餐體驗愉快. “頂好” 逾五十年歷史, 裝修經過歲月摧殘, 用餐享受嘅唔只係食物, 而係味道.

🥰 當年 “師姐” 帶我見識 西貢 “勝記”, 一戰難忘, 今年計劃喺西貢攪團年飯, 原來經理已經過檔 “六福”, 食嘢講緣份, 決定一試呢間米芝蓮一星餐廳. 今日八人飯局, 搵經理寫菜. 老實講, “六福” 出名又貴又唔抵食, 預咗將貨就價, 睇完菜單冇乜信心.

魚湯浸花甲
黃金脆豆腐
欖角蜜糖骨
椒鹽鮮鮑魚
天婦羅桶蠔生菜包
薑蔥炒蟶子煎米粉
芝士龍蝦炒飯
黑醋蒜蓉炒芥蘭

🥢 “六福” 位於市場街, 舖面唔算起眼, 聽講一樓係包廂, 大廳係二樓三樓, 飯店格局, 光猛闊落, 每層大概8-10張中細型枱, 牆上掛滿米芝蓮戰績.🤗 魚湯浸花甲. 花甲啱啱熟, 忌廉口感, 魚湯非常鮮甜, 粉絲索晒湯汁, 我最後負責清碟, 一滴不留. 第一道菜已經超驚喜.🧀 黃金脆豆腐. 外型堅挺, 賣相加分. 外脆內嫩, 熱辣辣, 掂!🍯 欖角蜜糖骨. 豬肉肥瘦適中, 欖角蜜味平衡, 過關.🥰 椒鹽鮮鮑魚. “椒鹽鮑魚” 真係西貢 “名物”, 差唔多每間飯店都推介, 相反, 流浮山 三聖邨 仍然主打傳統嘅 “果皮清蒸鮑魚”. “六福” 用上南非鮑魚, 用刀叉切, 口感煙韌彈牙, 椒鹽味均勻, 非常出色, 一路食一路讚.🦪 天婦羅桶蠔生菜包. 美國桶蠔非常厚肉, 炸粉鬆脆, 絕配清脆生菜, 加埋屈機沙律醬, 天作之合, 非常精彩.🐚 薑蔥炒蟶子煎米粉. 砂鍋煲上, 熱騰騰, 薑蔥惹味, 蟶子啱啱熟, 肉質鮮嫩, 唔韌喎. 米粉煎脆, 又吸哂薑蔥味, 一流!🦞 芝士龍蝦炒飯. 南澳龍蝦, 賣相吸引, 啖啖肉, 食落鮮甜彈牙. 薄薄嘅芝士汁, 冇搶唒龍蝦味, 炒飯份量非常慷慨.

📖 翻查資料: 波士頓龍蝦唔係龍蝦. 波士頓龍蝦又名 “美州鰲龍蝦”, 係一種鰲蝦, 跟大陸盛行嘅小龍蝦同一個種類, 其實唔算係龍蝦.

📖 翻查資料: 波士頓龍蝦唔係來自波士頓. 波士頓龍蝦生長於北大西洋寒冷海域, 包括加拿大和美國緬因州, 而波士頓係龍蝦集散地, 產品貼咗 “源自波士頓” 嘅標籤!

📖 澳洲龍蝦主要分南澳同埋西澳. 南澳龍蝦 (又名澳洲石龍), 肉質飽滿鮮甜細緻, 非常適合刺身. 而西澳龍蝦 (又名澳洲紅龍), 相對冇咁厚肉, 又較抵食.🍀 黑醋蒜蓉炒芥蘭. 芥蘭嫩滑, 誠意之作.🤗 總結: 雖然預算有限, 餐廳定價又貴, 竟然覺得抵食喎! 相比其他米芝蓮一星中西餐廳, “六福” 嘅格局明顯屬另類層次. 飯店裝修, 冇爛枱爛凳, 環境舒適, 座位闊落. 服務貼心到位, 有溫度, 十個讚! 講番食物, 食材新鮮優質, 烹調功夫一流, 菜式設計具心思, 唔係齋蒸齋烚, 驚喜位包括 椒鹽鮮鮑魚, 天婦羅蠔包生菜, 薑蔥炒蟶子, 事隔數日仍然回味.

📖 江湖傳聞: “勝記” 原持有少少 “六福” 股份, 近年 “勝記” 某股東 買起 “六福”, 兩間餐再無股東股權關係