朋友介絡屯門新墟開左間好好食ge小店，所以特登book 定枱試試。小店位置唔大，枱的數量都唔太多，不過店員會好好安排2人都照坐卡位或4人枱，所以坐方面都係舒服的。店內裝潢簡約，最驚喜係個熱石，成個火爐仔咁，幾可愛的。 因為淺嘗的關係，我地只點了十片，我同老婆SHARE一客朋友推介一定要試GE牛小排。店員細心先替我們用脂肪塗滿熱石上，防止牛肉痴底。牛小排賣相可口，脂肪均勻，燒出來肉質軟嫩，味道更可以不需要點醬調味。當然，如果喜歡更濃味的，可以試試跟餐奉上的醬油。另外想讚的是店員會很細心奉上兩個小夾子，本來以為是一人一個夾子，但原來是讓客人可以分別夾生或熟的肉，確保衛生。 牛小排主要是配飯的，只是因為我對蛋包飯很有興趣，所以加了$15 轉配烏冬。烏冬是稻庭烏冬，口感細滑又不失咬口! 不錯不錯。套餐還有一杯麵豉湯呢。 正餐我點了一客神級蛋包飯，蛋包飯內是有配有和牛和豐富的肉汁，珍珠米吸了和牛肉汁，很香口。蛋包飯還有兩重口味，有熟蛋的咬口，也有滑蛋的香滑，雙得溢彰。 食過好味的蛋包飯，最後追加了一客芝士玉子燒。應該是因為即燒的關係，需要等一會兒。玉子燒熱熱的出煙，很驚喜。玉子吃到一層層的口感，厚厚的! 當然，如果芝士有更多便更好吧! 整體來說，熱食很適合冬天的天氣，下次一定要再支持!

同太太放假諗住去南豐紗廠行下街，決定喺附近食咗個lunch先，所以就响愉景新城揾野食。好彩早去ge 關係，唔洗等就有位坐。 餐廳環境舒適，坐位之間空間充足。而且好細心咁有一個鐵桶，可以放我個大袋呢！太太選了一客意粉而我就選了一客黑毛豬。板燒西班牙黑毛豬豬肩扒配燒汁伴甜薯及花椰菜苗($138)，豬肩扒有筋有肉，燒的時間剛好，口感很好。燒汁沒有蓋過黑毛豬的肉味，配合相當不錯。配菜的甜薯也令我眼前一亮，甜薯不是一般的薯菜，而是經調味的，特別香口。 Brunch包了一杯飲品，看了評價很多人也會點凍接骨木玫瑰花茶，特別是不需要加錢。不幸我個人對花茶不抱好感，所以我點了另一杯也大獲好評的”偽鴛鴦”（跟餐加＄38）。特濃朱古力底配上Tiramisu的冰磚，既凍之餘，又不會因為凍粒融化令飲品變淡，味道香濃。其實餐廳都重有好多唔同的選擇，甚至可以飲埋酒添。 最後我們見Tiramisu好似都幾出名同飲完杯偽鴛鴦都真係唔錯，就食埋個甜品先走（跟餐還可以減＄20！），Tiramisu咖啡味濃而且帶點酒香，質地軟。重要蛋糕大大舊，一客兩個人share 剛剛好！大家不妨試試。

一班朋友GATHERING，最開心莫過圍住個爐一邊食一邊吹水。除左打邊爐之外，韓燒都係一個非常不錯的選擇。因此要等個FD放工，唔可以早食，所以食唔到優惠時段。唔緊要LA~~~~~ 到韓式食店必然可以食到幾款前菜，雖然我唔太鐘意食辣野，不過個芽菜酸酸味味咁，都幾開胃。飲品除左酒要俾錢之外，都係可以自己去雪櫃度拎，種類都充足。職員好好，一坐低就介紹下有咩食，同邊度拎野飲醬料。特別提醒我地唔好燒果塊蘿蔔黎食，係用黎清潔個鐵板。 餐廳燒肉的種類都好豐富，豬牛都有，最正係連扇貝、生蠔都有。雖然扇貝燒完會縮到細細粒，不過勝在係放題，當然就要係咁加單LA。個蒜蓉芝士生蠔好正，芝士蒜蓉融同D蠔味配合得天衣無縫，大家記得要試下。 除左肉之外，都有唔同小食可以選擇。炒粉絲值得一試，因為真係好入味，口味彈。另外要試下原味炸雞、炸魷魚鬚，新鮮炸起脆扑扑。當你燒緊肉，等緊熟果時就可以食住D小食先! 其餘大蝦都可以一試，D蝦大大隻，唔會覺得霉。燒到後段就可以燒D菜食下，中和下無咁燥，生菜都好新鮮。賣單俾錢時重可以俾客揀食枝雪條AR.... 好正! 

今日早做完野，要去朗豪坊買D野，諗住食TEA! 經過敏華冰廳門口，俾佢晌門口賣7蚊個大大個菠蘿包吸引左，走左入去食茶餐。 坐低左D座位都好寬闊，同一般餐廳唔同的是餐牌是放在餐桌玻璃內，唔洗好似平時拎果D餐牌咁又舊又爛。見到佢有個精選超級珍寶菠蘿包，不過又好似豐富過頭，所以我淨係叫左個菠蘿油茶餐ONLY。 大大個菠蘿包真係好誇張，連片牛油都大片過人，真係好邪惡呀! 菠蘿包送上時微溫、皮脆! 滑蛋都幼嫩，好味。茶餐雖然只有兩樣野，不過食落都幾飽(可能因為塊大牛油)。最後都我係夜D先食晚餐LU。 慢慢享受埋杯香滑奶茶先走~ 正!

難得今日放假可以接老婆收工，就預早BOOK定枱拎定位同老婆食放題。因為早去的關係5:30至7:30 係特價時段，只需要$200一位。餐廳座位都多，我見有條隊可以排WALKIN的。餐廳座位舒適，枱位SIZE 就一定唔夠(因為要叫勁多野食, 點會夠放呢XD)。不過勝在服務十分好，侍應上菜又快，連收碟和例骨杯的時間都好快! 服務態度一流。無論食自助餐定放題，我都有一個小習慣，就係先食杯雪糕，所以我就即刻走左去拎支MEGA食。順便就走過旁邊拎埋野飲。選擇都夠多夠齊。
我同老婆分工合作，佢就負責叫野食，我就負責拎飲品同其他小食。 餐廳的小食、甜品都有好多選擇，另外重有糖水同TUM小朋友一流的軟糖。當中最特別係有葡撻食，好味我最愛食三文魚，所以食放題就岩哂! 餐廳三文魚肥美、厚切。其他小食都唔錯，推薦大家一家要食芝麻雞翼、吉列鵪鶉蛋、黃金醬燒帆立貝。芝麻雞翼大大隻，又炸得香脆肉軟。吉列鵪鶉蛋就夠哂特別，上菜時我以為自己叫錯左野。黃金醬燒帆立貝就非常JUICY。200蚊有呢個食物的質素，我覺得係超值LA~

是日放假，同老婆大人出城周圍行下，行下中環睇下D壁畫、PMQ 吸收下藝術的氣息。行完都夜，就搵下附近有咩好野食。 Search 到呢間超多好評(重點係無負皮)的食店係附近，所以就行落少少試一試d豬豬係咪真係咁好味。去到間店都要等幾張枱，好彩雖然舖位唔大，但d客人都好快成完就走，客如輪轉，所以等一陣就入得去了。 食店裝潢雅致，帶點復古的味道。座位空間感亦足夠。本人頗欣賞張餐單(點菜紙)，首先每一道菜色都附有彩色圖，讓客人選菜時可以增強食慾! 而且點菜紙底面更有英文對應， 應該好方便中環的外籍人仕。 我點左最貴的梅菜扣肉飯($68)加左$5叫左罐可樂，但我覺得以呢個價錢晌中環區食一個晚飯，真係有點不可思議! 點菜無耐就上菜，唔怪之得d人好似好快就可以食完，俾下一枱客。梅菜扣肉十分香，扣肉大大塊的，入口即融，肉質細嫩。而白飯都大大碗，重好健康咁有條菜晌上面，米口感煙韌，與梅菜混起來一起食! 一流呢!! 以呢個價錢 晌呢個地段 食呢個質素的食物，無得頂la~~~~

今日早放工早D食個飯先返歸，揀左入呢間細細地的台式餐廳。 餐廳選擇適中，有埋圖俾你睇，吸引到你去揀食咩。今日唔係想食好多肉，所以揀左食豆腐肉燥飯。 叫左無耐，好快就上飯。都真係幾大碗，睇到都知道會飽。 豆腐數量都唔少，有成6-7舊。一食就知係剛剛炸起的，因為真係會熱親個口。 豆腐皮脆，又保得住入面豆腐內裡的滑。 飯和肉燥堅多，我呢個肥仔都係食到好飽。 套餐重會包飲品一杯，唔洗加錢就可以飲到杯珍珠奶茶。 $45 我覺得都算物超所值LA~

難得放假，一朝就奉召陪老婆大人去沙田睇傢俬，所以去HOME SQUARE之前就同老婆晌新城市廣場食個BRUNCH。老婆選左食SIMPLYLIFE! 我每次都係ORDER同一個SET，就係食車打芝士煙肉牛肉漢堡($98)。因為真係好好食!  以前重會有半舊大蕃茄的! 漢堡大大個，肉厚而肉質又不會老。車打芝士融了在牛肉的表面，令漢堡的味道更豐富。 薯條份量也不少，上菜時微溫，皮脆內軟。點一少茄汁就好了。 套餐內已包括了一杯飲品! 我諗食過SIMPLYLIFE的朋友都會二話不說咁點杯冰茶。不過今天的冰茶不是西柚，只是普通的檸檬，不過不失吧! 如果你覺得不足夠，其實加多$10就可以跟埋一碗餐湯。如果是晚餐我一定會點的。只是今天不太餓，主菜加飲品可以了。

放工食埋個飯先返屋企，見黃大仙廣場有PEPPER LUNCH，就食埋個飯先走。 呢間PEPPER LUNCH 有度好，就係有自己張枱食，唔洗好似去FOOD COURT 咁要搵位同同人要SHARE TABLE。 我就叫左個基本野: 黑椒牛肉飯($55)。 因為有D肚餓GE關係，我叫左多飯(唔洗加錢的)!  其實牛肉唔洗特別多，因為可以自己落個肉汁，落多D黎撈飯就一流LA~~ 所以我個鐵板就可以大大份 又香噴噴LA~~~ 另外 堂食加$15 就可以 有一個小食同一杯飲品。 我就叫左一杯凍芒果汁同食埋個甜品雪糕先走! 又熱又凍 雙重享受LA~~~ 正

今日下午跟個師傅出左旺角睇d裝潢野，睇完又有d肚餓，所以自己食埋個dinner先走。check下附近有咩食，見到有個新開ge商場入面有個foodcourt，又近地鐵站的，所以去左搵食。個foodcourt唔係好大，不過可能都唔係好多人知，所以都有位，人流唔算多。行左一個圈，決定食呢間泰式野，叫左客菠蘿炒飯（＄48）。呢個foodcourt有度特別，就係每一間店都有個自助點菜機，可以用電子貨幣支付。所以我好快就俾到錢（重係用支付寶，又有得扣d現金券）。 去得foodcourt 食，就唔會要求太多！ 炒飯的份量都唔少，算係抵食。個飯都熱同入味。不過菠蘿就比較少同細粒，食唔出係咪用新鮮菠蘿。整體黎講不過不失la!!