我係一個極喜愛食拉麵嘅人，但不是專業的，所真係好少有我覺得唔好食嘅拉麵。 但依間真係不予置評。 一心本著佢有米芝連一星嘅心態去試下佢有幾正，入到去見到個餐牌都已經呆左，一碗麵最平$9x，最貴竟然可以去到$14x-$16x 😦 anyway 我鐘意濃味，就叫左個味噌湯，我男朋友就叫左鹽味。 味噌味都無乜事嘅，味道幾濃，啲拉麵唔算淋但就無乜口感。 之後我見我男朋友個鹽味食淨半碗，我問佢乜事，佢答我頂唔順🤭 我一試😖我都頂唔順，成碗野無味得個咸字，加埋啲菜又有青味，難怪佢食唔落。 埋單差唔多三舊水，真係無下次🤮

尋日試左老友記喜點任食邊爐，限時兩個鐘，姐姐話有雞煲、蟹煲、豬骨煲揀，本身自己鐘意食蟹就揀蟹煲。 一嚟整籠點心先，一人一粒蝦餃同應該係西洋菜餃，粒菜餃幾特別！個蟹煲唔算好好好特別，純粹係薑蔥炒蟹，但隻蟹都多肉👍🏾 之後到打邊爐，肥牛係”橡筋牛”，不多說，反而幾粒手打丸喜出望外，仲有啲魚片都好好食！ 本身標價$158/大人，我地兩個人應該$316，但埋單姐姐收$416，我問點解會貴左，啊姐話豬骨煲同蟹煲貴啲嘅🤨 依到略嫌有欺騙之嫌，因為啊姐一開頭比四個選擇我，亦無講豬骨煲同蟹煲係貴啲。不過我無同佢嘈，所以最後一人$208埋單。 整體嚟講，唔算十分特別，但如果食雞煲+任飲任食邊爐嚟講，$158 一個人都算幾抵，啱一大班人打邊爐，飲啤酒吹下水！ 題外話，姐姐服務態度幾好，值得一讚！

話說，我尋晚同男朋友搵緊喺旺角邊到食晚飯，咁喺openrice搵到依間鮨心，又見到網上訂坐有九折，咁就㩒掣訂位。 叫左個厚燒玉子、三文魚壽司、赤貝壽司、蟹子沙律油甘魚刺身 同埋鹽燒牛舌。啲壽司幾好，魚生新鮮但個油甘魚刺身無乜味，玉子就好普通，牛舌有啲太硬。 之後坐多陣就埋單啦，出事喇！ 咁我問係米有九折，佢一頭霧水望住我，咁我比openrice 個screen cap佢睇，搞左一陣佢話佢地無做折咁算啦都廢事嘈，連埋加一兩個人四百幾蚊。 究竟邊個啱邊個錯無從稽考，不過你問我會唔會再去，就未必囉。

上去荷里活道前諗住喺附近搵嘢食，因為太餓，又見依間無乜人排隊就入去試下。
其實係門口見到餐牌已經覺得: 唔係麻，百幾蚊碗麵。咁就即管試下你有幾正。
入到去，店員同我介紹佢地三個主打麵，
1. 至尊手切牛肉麵
2. 特選手切牛肉麵
3. 新鮮手切牛肉麵
當然至尊就係最貴最靚嘅牛。
我又唔係好講究要食最靚，但新鮮手切店員話有啲韌，所以我揀左個特選手切牛肉麵試下。
佢推介的蛋麵亦幾彈牙，但我厭佢硬身得濟，有啲似未煮熟。佢嘅特選手切牛肉幾正，幾林身又有肉味，唔錯。但湯都夠濃，不過稍嫌佢啲麵吸唔到啲湯味，有少少湯還湯，麵還麵。
整體黎講唔錯的，但值唔值就見人見致，我自己覺得只值一試，因為價錢有啲不吸引。

九龍城街市 - 樂園 對好多係九龍城住或者讀書嘅朋友一啲都唔陌生。
有人話民叔無做之後野食質素差左，但我又覺得差不多姐。每次去到都一定食炸豬扒麵加沙嗲汁，記得一定要加沙嗲汁，咁先夠！
今次食早餐所以飲咖啡，不過佢杯奶茶同奶茶紅豆冰都幾好的，有機會可以試下喔！

其實經過依間小菜館好多次，成日見佢係門口即煲煲仔飯都想試。終於尋晚同男朋友去左試佢個煲仔飯！
我地兩個人，叫左一個咸蛋肉餅煲仔飯，一個滑蛋蝦仁，一個炒菜。
個滑蛋男朋友好鐘意，因為啲蛋唔會炒得好老，仲有啲蛋汁痴住啲蛋，
之後個XO醬炒菜都唔錯，不過我覺得似豉椒炒多啲。
煲仔飯都，夠哂熱又多飯焦，啲飯軟硬適中，可以一試

其實EXP已經食過好多次，但真係次次都無失望過！今日同男朋友行完街走去食，兩個人叫左三樣野，一個芒果米紙卷，一個墨汁意粉，一個薄餅。可能我同男朋友都係食肉獸，個米紙卷有啲太齋，但味道可以的。意粉同薄餅就真係正，基本上係必叫嘅野食。
個墨魚汁好creamy，三粒帶子又唔會over cooked，口感好好。薄餅熱辣辣，啲大蝦好爽口，係個牛油果醬咸左少少，個整體都好👌🏾
一定會再去食！