食過大埔分店覺得都係正常質素，但今日係大圍食，真係差天共地，無諗過連普通野食都唔好味。 一黎到覺得都係正常顏色，午餐肉又厚，第一感覺唔錯架。本身仲有招牌牛乳滑蛋既，不過後期先影所以相無。滑蛋一啲都唔滑，又無牛乳味，唔知點做招牌。個茄汁通既湯，係水既感覺，不過加左啲蕃茄溶，但兩者完全係分開既，無溶合埋一齊，所以成碗湯就好似飲緊茄汁水咁。食食下，入面又有麵條又有啲唔知咩包裝紙咁....更差。 到個牛河，一黎到已經色水欠奉。瑞士汁係邊？可能唔記得落。就當普通干炒牛河都唔掂。無色無味。無諗過茶記基本野都可以做到咁。總結係一碟油河。

企係門口勁耐 同其中一個店員講左2位無反應 算！ 有另一個店員幫另外客人傾緊位置問題 但店員就係隔離都唔可以同我地講句等一陣？ 起碼俾我知道你一陣係會理我掛 就係佢隔離望左佢勁耐 完全無視。 其他店員見企住人又唔會過黎問下幾位安排下？ 感覺極差

店內裝修幾得意, 舊式工廈FEEL, 但又有D新風格, 符合餐廳菜式STYLE
MENU得一頁, 後面係DRINK LIST, 選擇好少..而且FUSION菜式其實都好少
第一次黎, 基本都係食多人推介既食物穩陣本來以為係好似中式果種咸蛋黃碎包住魷魚鬚黎炸, 原來係D汁!
但咸蛋味唔算好濃, 淨係感覺似咖哩蛋黃汁..
不過整體味道幾好既, 配埋蒜蓉包, 可以加埋汁食又得=]
蒜蓉包夠晒脆! 見佢得少少蒜蓉以為好DRY, 點知都好入味! 
漢堡包本來睇起黎就好普通, 食落都係..或者普通偏下...
肉超超超咸.... 蕃茄同生菜食落淋晒...一D都唔新鮮既感覺 連薯條同煙肉(包遮左, 有2小塊) 都唔脆...
總括而言, 無任何可讚位 
呢個見到勁多人話好食, 仲講到熱浴原舊芝士一大餅淋落去~~~充滿期望啦!  點知...黎到見到無芝士既?? 即揭開塊饅魚.........原來得2邊有.......2邊仲充滿菇同洋蔥.....芝士完全同D配料融合左...
說好的芝士鰻魚呢? 菇同洋蔥配鰻魚真係非一般配搭.... 只能說完完全全唔MATCH囉...
鰻魚汁又係勁咸, 真係食唔到幾多啖...
不過可以話好既係, 絕對足料鰻魚! 勁大塊! 完全食唔落.... 呢度最好既應該係飲品有3款綜合果汁可以揀, 仲有已經好少見到既黑牛!

首先一開始的感覺就不好了, 明明有職員企係門口, 但行埋去企係度都無人理.. 進入餐廳後, 環境好暗, 好似好氣氛? 但嘈得很...完全成個環境好唔MATCH! 有帶子, 青口, 蝦....海鮮款式算多, 但全部都無鮮味
只有茄汁味..有殼既擋左D茄汁直頭無咩味道..
比茶記西冷更簿..真係估唔到~ 都唔緊要, 但已經薄切, 我諗應該要係堅肉,  但都係有根, 而且熟度不平均, 沒有牛肉味
麵既汁, 滲住淡淡芝士香, 汁既味道係調得唔錯, 可惜好稀, 完全入唔到味
每一啖都要自己點汁, 所以味道會唔均勻
麵包係唯一抵讚& 加分!!! 夠脆口感但絕唔硬身! 麵包香味正~! 
呢度既果汁係比較酸的, 嘗試了的apple & cranberry都係 呢樣就睇個人口味啦~ 

懷舊小店極罕 店內沒有座位 可以站著吃 全部均是外賣餐具 如在店內吃就自行掉垃圾桶 客人亦很自覺 看到店內仍是很乾淨 店內有掛住一隻隻黑膠碟 播的亦是懷舊歌曲 店內裝飾 美美的 唔知仲用唔用到？ 很有趣的啤酒名 而且啤酒樽貼紙設計亦見心思 哈哈 今次無試到 再去就會係試啤酒！ 食左3樣野 呢個算係比較好 不過其實都好普通... 芝士沒有拉絲 外皮好簿 所以脆口感不大 內裡亦無"煙un"既感覺 成粒就係好軟淋淋 呢兩個飯都係好咸 好乾 好似豉油撈飯 肉燥沒有粒感 似醬汁多一點 因太咸實在好膩 而且味道單一 食一半已經好悶 飯亦較乾身 沒有粒粒明分 店鋪另一主打串燒 再去試啤酒時可以試埋

湯既口感比較流質, 好似水咁,  但味道其實唔淡, 好濃郁, 好多顆粒同絲 不過比較油, 而且個人唔太鐘意太水田螺加左好多調味, 蒜蓉 醋 香料...... 感覺上有點過火, 不過仍可以接受, 入口都係好味既 薯蓉非常實身 而且比例上實在太多!! 不過店員話因為通常遇大班人食所以較多~~
咁應該田螺都多D呢個真係不得了!!! 推推推
本身以為長腳蟹係凍食先好味  黎到既時候 仲奇怪緊住熟咁熱食D肉咪"階"晒？ 點知!? 一放落口 嘩好好味～好滑好滑好滑好滑估唔到煮完仲滑過平時刺生,  而且好鮮甜!!   另外,  魚子醬份量超多, 老闆真大方XD 但好咸..太膩了~~ 都係少D 拎黎吊吊味就最好
超特別既味道 顛覆牛既感覺 !! 好有新鮮感! 重點就係塊木板, 聖誕樹@@ 真係好重木味 好似紅酒咁😂 仲有少少芝士味既感覺
切開見到D肉超紅 好似生肉咁!  但食落竟然唔會有生食既感覺!!  仲好好咬感~~講起都掛住呢塊牛牛同塊木板XD
店員話D肉係用風一路吹 吹吹吹到皮乾~~外皮脆卜卜

一入門口就見到灰色大肥貓-寶寶, 好可愛~~!
然後仲有一隻白色棉花 - 多多等人齊既途中可以同貓貓玩=]原以為係芝士係份面一咬流出黎果隻
原來只係芝士粉係面 有點失望
肉釀係雞翼入面其實都唔係好feel到
因為本來雞翼已經係肉肉既感覺 只係多啲肉咁巴馬火腿比預計多！通常跟沙律都係兩三塊點綴下
呢度應該係平時出面買到果啲一pack全部放落去？
呢盤沙律看似好大兜～其實下面份量反而不算太多
醋汁我覺得唔錯 個人唔鍾意食太酸 呢度少少吊下味ok望落去已經覺得好好味 又香 又濃
加埋廚師題字 幾有個人特色～哈哈 幾得意唔錯
嘩 食落口芝士味真係勁濃郁！
洋蔥只有少量 亦很適合我😜
不過煙肉味都無咩～似火腿咁淡黑松露都算落得幾多～帶子亦夠大粒～
不過主要味道是只在醬汁中，配料不夠香口入味切開後見到都幾紅..本來有點怕豬太生～
不過咬落去口感唔錯 岩岩好
我呢啲"un"少少都咬唔到既都ok~
味道方面調味配料略嫌太多 好咸好膩呢個雪糕係食滿$800送的 完全無諗過@@
聽到話送雪糕都已經驚喜 以為一球果啲
竟然咁大盤
哈哈～其實應該係芭菲黎
上面有4款味道雪糕& 超多cream
下面有啲威化餅 香蕉 脆片一個係oreo朱古力 一個係榛子朱古力
但飲落除左凍同熱就唔多覺有咩分別
都係得朱古力味 ～為這店最加分！！當然係貓貓！

被滿滿的好評& 賣相 欺騙了的感覺
每碟食物賣相都很精美～期待的一口吃下去...嗯....芝士奶蓋綠茶：份量不太適合吧 我都喝不到綠茶 似奶昔
榛子鮮奶：有淡淡的榛子味，泡很多，其實也不太喝懂是什麼明太子味也是淡淡的..基本上看不到也嘗不到..
蝦冷冷的..不過估計是急凍的 應該本來也熟了..照食
意粉大致試不算軟也不硬 算是合格 但不平均 但醬汁煮得剛好 是有沾到每一條意粉的不能接受的甜品～～

焦糖燉蛋像是中式燉蛋
厚實的 一點都不滑😩 而且好凍下 焦糖也太厚

叉燒包味既窩夫真係估你唔到..點做到？
我無預計係咸點..窩夫口感亦很普通麵包feel 外唔脆 內唔軟

平時極少到觀塘 估唔到今次黎有驚喜
係成業街附近開倉行到攰 此餐廳不失為shopping後飽腹好地方👏
我去既時候正門無開 😳轉個灣係停車場入口
都易搵～不過如果下面有易拉架指示仲好
一入門口感覺唔錯 寬敞舒適 靜靜地👍
坐底望一望menu~無味精 靚食材 咁好？見到無味精以為會比較清新淡味 但呢個南瓜湯係無預計過既咸😣 落左好多鹽？
南瓜蓉亦不多～除了太重味外 味道還是可以的

麵包是驚喜之作 熱辣辣
可以溶到牛油既餐包真唔多
皮脆 內又唔會硬身 牛油一上就溶友人叫了海鮮意大利飯 仲以為會有青口
仲諗緊通常成碟海鮮飯最難食就係青口 點知無😂所以唔會難食😂😂
蝦唔錯 唔止得個榖 入面都入到味 唔係普通交貨
仲有帶子等海鮮 亦都唔錯既～
不過我覺得意大利飯反而失分了
呢度既意大利飯係硬身既 不過各人對軟硬口感各有不同喜好 就不評論
但意大利飯本人覺得重要的醬汁就唔得拿..
太稀 感覺好似有種濃郁既味但又同d飯分開左咁～呢個千層麵唔錯既都
雖然見唔到有好多芝士 但每一啖都會有淡淡既芝士味
千層都軟硬度亦算適中～～
味道方面酸甜度亦是很適中
唯獨亦是太重味～食到一大半就有點吃不消了～呢個奶凍絕對同出面唔同
奶粉味極濃! 奶凍亦較實身～
每一啖都好似食緊奶粉咁😂😂
仲有見過啲好似啡色粉物體，玉桂粉？
其實可能係塵..哈..但是好味的！

一般既粟米忌廉湯應該係白色？
橙色底的有點似甘荀忌廉湯的感覺有生果既沙律本來就平較清新吸引
個汁唔係出面酸爆果d 覺得好好
似係蔴醬 甜甜的不太酸 好味名符其實 只有菠菜 帶子 同飯無菇呀洋蔥呀果啲配料
對於我呢啲唔食配料既人100分好！
淡淡的忌廉味食晒成碟都唔會好溜
帶子就細粒薄切左啲肉眼都偏薄 岩女仔份量
味道無咩特別 好味
Oreo同奶味夾得岩岩好！
啖啖都帶曲奇碎！環境好唔錯～幾舒服 係旺角咁嘈迫既環境
可以靜一靜 感受下少少自然風味