位於尖沙咀地鐵站K11 art mall出口一出就見到 店鋪空間好大 採用自助式服務 一日之計在於晨 梗係要食個靚早啦😆 Set+10蚊可以upgrade飲其他咖啡果汁 8oz同12oz同價架 記得加大杯黎飲🤣 麵包唔係白麵包黎 質地似酸種包 有d煙韌 唔係超脆個d 我覺得好好味🤣 餡料都好豐富 唔怕冇菜食好dry 不過拉花就唔好要求好精緻喇 唔知係呢個店員新手定失手 個拉花有d可愛.....好瘦既心心黎 但咖啡本體係好飲既 不過54蚊有呢個咁舒服既環境同食物質量 我就覺得幾值得～一定好食過Starbucks好多好多😌 同埋店鋪有洗手機 好乾淨衛生 大家可以洗乾淨手跟住開動！

今晚要去聯和墟食飯 朋友話呢間茶飲好唔錯就去試下 佢個到menu得冷泡茶係純茶 但冷泡茶都係帶果香既 我叫左桃香烏龍 $18 茶味十足香濃不澀 淡淡既桃香仿佛為茶飲帶黎一點甜味 另外兩個朋友就叫左波霸烏龍奶茶（走珍珠走奶）其實就係純烏龍茶一杯 $24 茶味好濃 仲有一杯係水果茶$35 係1L 超級大杯 料好足 而且好好味！佢叫左走糖 因為有百香果係裡面 所以已經有甜味 同埋裡面有好多唔同種類既生果 仲附上小叉 非常貼心 值得推薦既小店 希望長做長有啊！

成日行過山林道見到呢間Gelato一直都想試下 今日見人唔多就入去trytry 老闆（我諗佢係？）總之個staff超好禮貌 d雪糕好似唔洗錢咁好大杯 最後我朋友仲買左家庭裝走 天氣開始熱 Gelato本身有容易融 我地拿拿聲影左一張就食 左： 開心果：Gelato必食口味 濃郁綿密 top1之選 薄荷朱古力：有驚喜 好食既薄荷朱古力唔多 呢個d朱古力碎超多 薄荷味唔會好似牙膏咁 下次都會再食！ Nutella：邪惡又美味 奶味香濃 有邊個唔中意食？ 右： mocha：似雪葩質地 比較水 咖啡味較苦 岩d唔中意太甜既人 榛子：有d甜 覺得麻麻地 tiramisu：甜 但唔好味 第一杯係must try口味 第二杯係麻麻地之選🤣

不抱期望去食 食完更加失望☺️ 真係冇諗過cafe可以咁難食 見到咁長人龍諗住差極有個限度啦 點知真係沒有最差只有更差 呢間野可以話係我2019-2020年食過最難食既野 唔講立場問題 支持黃店唔代表盲撐到食緊垃圾都可以話好味 睇到其他post 我懷疑自己唔係食緊同一間鋪頭 首先個場好大 一d都唔chill 似學校canteen staff好懶 圍堆傾計 出面冇曬水唔refill 見到要serve直行直過 首先service已經唔合格 可能真係太多客掛 咁諗住d野應該都ok 我都唔洗佢太多服務 然後Dinner同lunch menu完全唔同 signature既burger啊 小食全部都冇 佢一個二人set $580 加一 冇飲品 （自問影食物都算影得ok 將佢地影靚左架喇） d包好普通 個沙律可能係全餐最好食 呢個頭盤 我真係影得靚左架喇 一開始仲有小小期待 特別擺靚d影相 佢一上菜個陣勁有凌亂美 d帶子係各散東西 d魷魚好似我地平時bbq完求其擺個d feel 跟住個南瓜醬實物顯色度冇咁高 有d搞肚feel lo🙂 跟住等左15-20分鐘 d主食黎喇 呢兩個紅白燴飯 簡直垃圾到一個點 首先 白色個個 個藍莓汁好似摩西紅海咁 撈埋又鹹又甜 個cream居然可以做到有色但無味 紅色個個 個汁勁似用罐頭醬開 個陣酸味難食到呢 同埋豬頸肉居然可以un過香口膠 一樣咁高脂肪既野 正常係毫無技巧都會好食既食物可以整得咁難食都算係極品 呢個春雞 都唔春架喇 老雞有佢份啦 茶記一定好食過佢 仲要個主菜咩咩牛仔骨 冇影 因為已經食到好嬲所以影都唔想影 個牛仔骨都好難食 cheap貨都算 仲要有陣雪味 食到好攰 係個心好攰啊 好啦 最後終於上埋個甜品我地可以走人喇 個雪糕係最cheap既藥水雪糕 心太軟個心唔軟 個紅嗓子tarte 你食左就真係lai tarte🤣 有段故事既 我地叫左兩個set 佢好快就上左一個甜品 跟住我地諗住佢嗱嗱聲上埋另外一份就走啦 我地同個staff講仲差一份既時候 個staff用懷疑既態度同我地講 你比張單我睇睇 要Double check wor😃個下真係灰 點解一間cafe可以差到咁 色香味一樣都冇 奉勸大家如果係抱住食好西心態真心唔洗試 但如果你係想多謝佢地捐口罩物資的話 可以當支持下 但真係三百幾一個人頭你自己諗 香港有更加多既好味黃店值得大家支持 *五大訴求！缺一不可！解散警隊！刻不容緩！

細個係附近讀書 個陣田心村得d茶餐廳啊 大排檔同埋d中餐 最印象深刻就係有間小曼谷泰菜係附近 但個陣唔好話咁精緻既cafe 連可以chill下既地方少之又少 下下都要出沙田先有啖好食 但十年一別 再翻到呢個地方居然多左好多文青小店 再唔係得中餐快餐咁悶 室內位置算多 有空間感 坐窗口位有自然光照射 因為已經食左lunch 所以食唔到主食 店員告知Daily cake有mango cheese, chocolate同banana cake 我同朋友就選擇左前兩樣 因為係週末就冇tea set 但係其實分開叫都唔貴 幾錢適中 呢杯Cucumber Latte非常特別 朋友既形容係有青瓜清新既香氣 冇諗到同Latte咁夾 都好fresh下 中間青瓜雪到變花型咁代替冰塊 非常signature！ 另外仲有壺蜜桃茶 係twinings茶包沖 都幾好味～ 週日係到坐左三個鐘 好難得地有個地方好休閒地同可以可以慢慢傾計 btw 廁所真係好濕 唔太緊急可以選擇唔去

係美食節食過西瓜蛋糕之後念念不忘 朋友話呢間西瓜蛋糕好好味一定要試我地就黎左 其實一入去油煙味都幾大 同埋如果想自己坐一台記得book位喇 如果唔係應該要坐大檯搭檯或者bar臺坐得冇咁舒服 其實食唔到d咩鹹蛋味 不過麵既質地既好 整體都ok既 大啡菇我就覺得麻麻地喇 其實唔係好大 裡面有牛油果醬 但味道唔太出 主菜就係呢個西瓜蛋糕 撇除上面d士多啤梨好酸 蛋糕質感同d cream都好好食💞 你問我好好唔好食的話 除左西瓜蛋糕特別之外 其他野食就係特別普通 cafe質素lo

星期日係銅鑼灣唔知去邊到食飯 突然諗起呢間韓國名但偏向日式料理既餐廳 餐廳走原木風 幾清新 而且唔會嘈 可以好好地比我地坐底傾計 見到有set就叫左黑毛豬五花肉個個set 包左呢個主菜再➕主食x2➕飲品x2 仲可以➕58有煎餅同甜品 到左發現原來有好多芝士 炸雞 年糕 五花腩 同埋漢堡扒 其實可能叫芝士雜錦仲貼切😂 不過都幾好味 泡菜芝士年糕實冇死 炸雞都夠脆 反而主菜五花腩一般般 鍋底有加熱 之後d芝士會起焦好正～ 然後就係呢個牛肋條蛋包飯（隔離個個炸豬扒意粉 炸野都幾好味） 蛋包飯係上菜既時候會問你洗唔洗影相 跟住就會幫你切開 做到好日式既feel😂 係幾好味既 d飯係有炒過幾 個蛋都整得幾好可以呃like 牛肋條都好嫩 雖然野食都係微溫唔熱 但味道真係幾好～ 我地再叫多左個咖喱炸雞飯 好好笑佢係有茄子同西蘭花 即刻好有外賣三餸飯feel😂 咖喱係日式咖喱味道 好中規中矩啦 最後食埋個甜品 冇預期中好味 見到之前d post以為個忌廉會幾出色 原來係我諗多左😂😂😂 下次可以再黎試下！不過下次就想試下佢個玉子三文治～

呢間隱世食堂係有次係d foodie ig見到就去trytry 跟住openrice地址行過去搵黎搵去都見唔到有類似既鋪頭 跟住街口有個叔叔問我地問我地搵咩 跟住就指住：咪呢到lo🤣 我同朋友一望 真係係個小巷行入去 十分隱世🤣🤣 我同朋友都中意食鰻魚 9秒9已經揀好食咩 仲叫多左碟雞翼 當時八點幾 店內得翻一台客人 店員比我既感覺同係日本小店既店員一樣 親切有禮貌🥰 適合兩三個朋友一齊黎傾計食飯 環境幾舒服 如果係一大班人就唔太合適喇～

上過去兩次都要等 今次終於係三四點既時間walk in入到去啦 佢有得揀半條同全條鰻魚 都係貴小小更係要全條啦！ 不過講真 蛋就幾好味 飯都係比較硬身既 鰻魚就真係好一般貨色 同埋上碟有d凍 軟殼蟹pizza 呢個係must encore！好好味 批底係薄脆口感 千島醬唔會太多 酸酸甜甜 原隻軟殼蟹更加係深得我心啊❤❤ ❤ tea time食唔到好多野主食就叫左兩樣野食 下次想試埋d甜品！ 其實佢仲有其他menu都好吸引 同埋環境好舒適 臺同臺之間都有空間 店員態度良好 即使係三四點呢d比較少客既時間佢地都會take care客人

見到有學生星期1-5 20%off優惠就即刻入去食啦！
平時都係食薄荷朱古力口味比較多 今日就試試新口味哈哈
即刻同朋友叫左個野莓同草莓香蕉既口味
其實holly brown佢幾得意既 show出黎既photo係未炒之前既原型 炒完之後就活完全mix埋一齊！
第一次食個陣仲會諗 做咩啊一舊野咁 同張圖差咁遠既哈哈
不過今日炒得麻麻地啦 可能係因為塊板唔夠凍....d雪糕有d融😢
但係原來mix左草莓個口感真係好fresh！正！
以後除左薄荷朱古力我仲可以食草莓嫁喇😏😏😏威化杯地好脆丫～～
同埋！20%真係平好多！